დღე: აპრილი 14, 2022

უკრაინის რადამ უკრაინაში რუსეთის მხრიდან ჩადენილი სისასტიკე განიხილა და მას შეფასებაც მისცა. გენოციდი – სწორედ ეს არის ის, რა აღიარებაც რადამ რუსეთის ქმედებებს მისცა. რადას გადაწყვეტილების შესახებ ინფორმაციას მისი თავმჯდომარე  რუსლან სტეფანჩუკი ავრცელებს. გადაწვეტილებას „რუსეთის ფედერაციის მიერ უკრაინაში გენოციდის მოწყობის შესახებ“ ხმა რადას  365-მა წევრმა მისცა.  

თურქეთის საგარეო მინისტრი, რომელიც აქტიურად არის ჩართული უკრაინა-რუსეთის ომის შეჩერებასა და მოლაპარაკების პროცესის გაგრძელებაში, აცხადებს, რომ ბუჩაში მომხდარმა მოვლენებმა დიალოგის პროცესზე უარყოფითად იმოქმედა. „რაც მეტად გრძელდება პრობლემა, უფრო რთული ხდება გამოსავალი. მიუხედავად ყველა სირთულისა, არსებობს ცეცხლის შეწყვეტის შესაძლებლობა. არაადამიანურმა სურათებმა, როგორიცაა ბუჩა და ირპინი, შეცვალა ვითარება. მომხდარმა უკრაინულ მხარეს უარყოფითი ატმოსფერო შეუქმნა. საბოლოოდ, ყველაფერმა უარყოფითად იმოქმედა მოლაპარაკების პროცესზე“,  – აცხადებს თურქეთის საგარეო მინისტრი. შეგახსენებთ, რომ რუსული და უკრაინული მხარეები ერთმანეთს სწორედ თურქეთში შეხვდნენ. თურქეთში იგეგმებოდა პრეზიდენტების შეხვედრაც, რომელიც ამ დროისთვის გაყინულია. როგორც ჩავუშოღლუ აცხადებს, თურქეთი მაინც ცდილობს, ეს შეხვედრა შედგეს.

რუსეთის თავდაცვის მინისტრი სერგეი შოიგუ მძიმე მდგომარეობით რეანიმაციაში გადაიყვანეს. ის ხელოვნური სუნთქვის აპარატზე იმყოფება. პარალელურად, რუსეთის თავდაცვის სამინისტროს 20 მაღალჩინოსანი დაკავებულია. აღნიშნულ ინფორმაციას ნავთობის კომპანია „იუკოსის“ მფლობელი ავრცელებს. რუსული მხრიდან აღნიშნულთან დაკავშირებით ინფორმაცია, ამ ეტაპზე, არ ვრცელდება.  

უკრაინასა და რუსეთს შორის ტყვეების გაცვლის მომდევნო ეტაპი შედგა. როგორც უკრაინის ვიცე-პრემიერმა განაცხადა, უკრაინაში 30 ადამიანი დააბრუნეს. მათ შორის 22 სამხედრო  პირია, რვა კი სამოქალაქო. „დღეს შედგა სამხედრო ტყვეების მორიგი, რიგით მეოთხე გაცვლა. გაცვლილია ხუთი ოფიცერი და რიგითი შემადგენლობის 17 სამხედრო. ასევე, გათავისუფლებულია რვა სამოქალაქო პირი, მათ შორის ერთი ქალი“, – განაცხადა ვერეშუკმა.  

გერმანიაში დაკავებულია  ოთხი ადამიანისგან შემდგარი ჯგუფი, რომელიც ჯანდაცვის მინისტრის გატაცებაზე მუშაობდა. ინფორმაციას გერმანიის პროკურატურა ადასტურებს. პროკურატურის განცხადებით,  დაკავებულები იმ ჯგუფთან არიან კავშირში, რომლებიც კოვიდრეგულაციებს აპროტესტებდნენ. ჯგუფს ქვეყნის მასშტაბით დივერსიული აქტები უნდა მოეწყო და შემდეგ, შესაფერის დროს, მინისტრი გაეტაცებინა. აღმოჩენილია მათი „ჩატ-ჯგუფი“ სადაც გეგმების განხილვა მიმდინარეობდა. ჩატარებული ჩხრეკის შედეგად, სხვადასხვა მისამართზე ამოღებულია იარაღი, საბრძოლო მასალები,  ფული. აღმოჩენილია ყალბი კოვიდპასპორტები.

„ნაციონალური მოძრაობის“ უარს, გაემგზავროს უკრაინაში პარლამენტის თავმჯდომარის ხელმძღვანელობით, ირაკლი კობახიძე გამოეხმაურა და აღნიშნა, რომ ეს ძალიან კარგი გადაწყვეტილებაა. მისი შეფასებით, „ომის პარტიის“  მიზანია საქართველოს სამხედრო კონფლიქტში ჩართვაა. „მე მგონია, რომ იდეალურად დალაგდა დელეგაცია, იდეალურია ის, როდესაც ეს ვიზიტი მრავალპარტიულია და შესაბამისად, მრავალპარტიული ფორმით იქნება გამოხატული სოლიდარობა უკრაინელი ხალხის მიმართ და ამავე დროს, ძალიან კარგია ის, რომ „ნაცმოძრაობის“ წარმომადგენელი არ იქნება ამ ვიზიტში. ეს არის ძალიან ლოგიკური, ნიშანდობლივი და სიმბოლურიც. „ნაციონალური მოძრაობა“, რომელიც არის „ომის პარტია“ არ უნდა იყოს, რა თქმა უნდა, „ქართულ ოცნებასთან“ ერთად, პარლამენტის თავმჯდომარესთან ერთად წარმოდგენილი, ეს არის…

ვინ და როგორ წავა უკრაინაში – ეს საკითხი „ნაციონალური მოძრაობისთვის“ ისევ დავის და დაპირისპირების თემად რჩება. ყველა პოლიტიკური სუბიექტი თანახმაა, უკრაინაში თითო წევრის შემადგენლობით გაემგზავროს, „ნაციონალური მოძრაობა“ კი შალვა პაპუაშვილის თავმჯდომარეობით დაგეგმილ ვიზიტზე უარს აცხადებს. ფრაქცია ,,ნაციონალური მოძრაობის” თავმჯდომარემ, ხატია დეკანოიძის განცხადებით, ,,ენმ” არ აპირებს იმ დელეგაციაში ყოფნას, რომელსაც შალვა პაპუაშვილი ხელმძღვანელობს, თუნდაც მასში ოპოზიციური პარტიები იყვნენ. „შიდა გარჩევები უკრაინაში წასვლასთან დაკავშირებით ნამდვილად უხერხულია. ამ დელეგაციის შემადგენლობაში ჩვენი ფრაქციის წევრები არ იქნებიან.  რაც შეეხება ვიზიტს, მე ჩავალ კიევში, ბევრჯერ ჩავალ, აქამდეც ვიყავი“ – აცხადებს დეკანოიძე. უკრაინაში დელეგაცია სამი სამზე არ გამოდის,…

ავსტრალიის ე.წ. შავ სიაში კიდევ 14  რუსული სახელმწიფო კომპანია მოექცა. სანქცირებულებში მოხვდა ავტომწარმოებელი „კამაზი“; ასევე გემთმშენებელი კომპანია „სევმაში“ და „გაერთიანებული გემთმშენებელი კორპორაცია“. სანქციები შეეხო ელექტრომწარმოებელ კომპანია „როსელექტრონიკს“. უკრაინაში ომის წარმოების შემდეგ, ავსტრალიამ ე.წ. შავ სიაში 600-მდე იურიდიული და ფიზიკური პირი შეიყვანა და პირობას იძლევა, რომ სია გაფართოვდება.  

ლვოვის  რაიონულმა სასამართლომ უკრაინელი პოლიტიკოსის, ოლიგარქისა და პუტინთან დაახლოებული პირის – ვიქტორ მედვედჩუკის ქონება დააყადაღა. ჩამონათვალში შედის უძრავი და მოძრავი ქონების 154 ობიექტი. როგორც უკრაინული მედიის მიერ გავრცელებულ ინფორმაციაში ვკითხულობთ, ჩამონათვალში იახტები და სხვა ძვირადღირებული ქონება შედის. რაიონულმა სასამართლომ გამოძიების სახელმწიფო ბიუროს მოთხოვნით უკრაინის დეპუტატის ვიქტორ მედვედჩუკისა და მისი მეუღლის ოქსანა მარჩენკოს 154 მოძრავი და უძრავი ქონება დააყადაღა. დაყადაღებულია 26 მანქანა, 30 მიწის ნაკვეთი, 55 სახლი, 17 ავტოსადგომი და იახტა. ასევე, 25 კომპანიის აქცია. „პოლიტიკურ ნაგავს ვცვლით გმირებში“ – უკრაინა მედვედჩუკის სანაცვლოდ ტყვეებს ითხოვს

ოპოზიციის ნაწილისთვის მისაღებია პარლამენტის თავმჯდომარის ახალი შეთავაზება, რომელიც უკრაინაში პოზიცია-ოპოზიციის ერთად გამგზავრებას ეხება. კერძოდ, დელეგაციის შემადგენლობაში უმრავლესობის 3 წარმომადგენელი იქნება და ოპოზიციიდან თითო-თითო. როგორც პარლამენტის წევრი ოპოზიციიდან „მოქალაქე“ ლევან იოსელიანი აცხადებს, დელეგაცია უკრაინაში სამძიმარზე მიდის და არა პოლიტიკურ ღონისძიებაზე. „კარგია, რომ „ქართულმა ოცნება“ ეს კომპრომისი გამოიჩინა ოპოზიციის მიმართ და თქვა, ყველანი ერთად წავიდეთო. ახლა უკვე პასუხისმგებლობა ტავად პოლიტიკურ პარტიებზეა – ვინ წავა და ვინ არ წავა, ჩვენ რა თქმა უნდა მივდივართ და ყველა. მოდის ერთადერთი საკითხია „ნაციონალური მოძრაობ რას იზამს, ამ შემთხვევაში, მათი არწამოსვლა იქნება უპასუხისმგებლობა საკუთარი ხალხისა და უკრაინის…

უკრაინაში საპარლამენტო დელეგაციის ვიზიტის შემადგენლობა ისევ შეიცვალა. თუ ადრინდელი შეთავაზება პარიტეტს – სამი სამზე (უმრავლესობა და ოპოზიცია) ითვალისწინებდა. ამჯერად, საუბარია რომ უმრავლესობიდან ისევ 3 წარმომადგენელი იქნება, ოპოზიციიდან კი თითო დეპუტატი. ინფორმაციას პარლამენტის თავმჯდომარე ადასტურებს. როგორს შალვა პაპუაშვილი განმარტავს, ოპოზიციის წარმომადგენლებს თითო პოლიტიკური ჯგუფიდან  თითო წარმომადგენელი შესთავაზა. „ჩემი სურვილი იყო, რომ პარლამენტის თავმჯდომარის დელეგაცია ყოფილიყო მრავალპარტიული – გვქონდა საუბარი ოპოზიციის წარმომადგენლებთან და შევთავაზეთ, ყოფილიყო  თანაბარი წარმომადგენლობა, თუმცა, არ იყო თანხმობა და შემდეგ, კვლავ შევთავაზეთ, რომ თითო პოლიტიკური ჯგუფიდან იყოს თითო წარმომადგენელი“,- ამის შესახებ საქართველოს პარლამენტის თავმჯდომარემ ბიუროს სხდომაზე, უკრაინაში უახლოეს დღეებში დაგეგმილ…

კრემლი კიევს აფრთხილებს, რომ თუ უკრაინა რუსეთს დივერსიებს მოუწყობს, კიევის თავზე რუსული ბომბი დაეცემა. რუსეთის თავდაცვის სამინისტრო რაკეტების სამთავრობო კვარტალში ჩამოგდებას აანონსებს. გაფრთხილება კი შემდეგია: „თუ უკრაინის შეიარაღებული ძალების მხრიდან დივერსიები და თავდასხმის მცდელობები გაგრძელდება,  რუსეთი თავდასხმას პირდაპირ კიევზე მიიტანს. რუსეთის თავდაცვის სამინისტრო ამჩნევს რუსეთის ფედერაციის ტერიტორიაზე მდებარე ობიექტებზე უკრაინის შეიარაღებული ძალების მიერ დივერსიისა და თავდასხმის  მცდელობებს. თუ ეს  გაგრძელდება, რუსეთის ფედერაციის შეიარაღებული ძალები დაარტყამენ გადაწყვეტილების მიმღებ ცენტრებს, მათ შორის კიევშიც“ – აცხადებენ თავდაცვის უწყებაში. რუსი გენერალი იგორ კონაშენკოვი ვიდეომიმართვას ავრცელებს, სადაც ღიად იმუქრება, რომ   კიევს დაარტყამენ.  

გაეროს გენერალური მდივანი აცხადებს, რომ ამ ეტაპზე, რუსეთის მხრიდან უკრაინაში ცეცხლის შეწყვეტა შეუძლებელია. მისივე  თქმით,  რუსეთისგან გარკვეულ საკითხებზე პასუხს ელოდებიან. „უკრაინაში გლობალური ცეცხლის შეწყვეტა შეუძლებელია. არ მგონია, ჰუმანიტარული ცეცხლის შეწყვეტის შანსი გვქონდეს.  არის რამდენიმე შეთავაზება, რომელზე პასუხსაც ველოდებით რუსეთის ფედერაციისგან. წინადადებებია სხვადასხვა მიმართულებით, იგივე, ადგილობრივი ცეცხლის შეწყვეტისთვის, დერეფნებისთვის, ჰუმანიტარული დახმარებისთვის, ევაკუაციისთვის და სხვა ასპექტებისთვის, რამაც შეიძლება შეამციროს მშვიდობიან მოსახლეობაზე დრამატული ეფექტი, რომელსაც ვხედავთ.  უზრუნველყოფილი უნდა იყოს მშვიდობიანი მოსახლეობის ევაკუაცია. უნდა გავაჩუმოთ იარაღი და დავაჩქაროთ მოლაპარაკებები მშვიდობისთვის,”- აღნიშნავს ანტონიო გუტიერეში.

შავ ზღვაში რუსული კრეისერი „მოსკოვი“ იწვის, რომელიც საბრძოლო მასალებით იყო დატვირთული. როგორც რუსეთის თავდაცვის სამინისტროში აცხადებენ, საბრძოლო მასალის მარაგი აფეთქდა. აფეთქების მიზეზი კი ხანძარი გახდა. „კრეისერ „მოსკვას“ საბრძოლო მასალა გემზე ხანძრის შედეგად აფეთქდა. გემი სერიოზულადაა დაზიანებული. მთელი ეკიპაჟის ევაკუაცია განხორციელდა. ხანძრის გამომწვევი მიზეზი გამოძიება მიმდინარეობს,“- აცხადებენ რუსეთის თავდაცვის უწყებაში. კრეისერი „მოსკვა“ სწორედ ის ხომალდია, რომელიც უკრაინის ზმეინის კუნძულს მიადგა და მესაზღვრეებს დანებება მოსთხოვა. მესაზღვრეებმა კი ხომალდი „ერთი მიმართულებით“ გაგზავნეს, რომელიც მსოფლიო მასშტაბით ცნობილი ფრაზა გახდა: „რუსკი კარაბლ იდი…“

რუსეთი დაკავებული უკრაინელი პოლიტიკოსისა და ოლიგარქის ვიქტორ მედვედჩუკის მდგომარეობით ძალიან შეწუხებულია. თუ ის ადრე აცხადებდა, რომ მედვედჩუკს რუსეთთან კავშირი არ აქვს და უკრაინელი ტყვეებში მის გაცვლის არ განიხილავენ ამჯერად კრემლისგან გაფრთხილებისა და თითის დაქნევის გზავნილები ისმის. კერძოდ, რუსეთის დუმის ხელმძღვანელი, ვიაჩესლავ ვოლოდინი აცხადებს, რომ თუ ვიქტორ მედვედჩუკს რამე დაემართება, პასუხისმგებელი უკრაინის პრეზიდენტი, ვოლოდიმირ ზელენსკი იქნება. “ზელენსკიმ ოპონენტს ხელბორკილები დაადო. აი ასეთია პოლიტიკური თავისუფლება უკრაინაში, მაგრამ აშშ და ევროკავშირი დუმს, თუ მედვედჩუკს რამე დაემართება, ამაზე პასუხი ზელენსკიმ უნდა აგოს,” – აცხადებს ვოლოდინი. ის თავად აღიარებს, რომ მედვედჩუკი მხარს უჭერს დამოუკიდებელი უკრაინისა და…

კრემლი აშშ-ს  სამაგიეროს უხდის. მას შემდეგ რაც ამერიკამ რუს ჩინოვნიკებსა და ოლიგარქებს სანქციები დაუწესა, რუსეთმაც არ დააყოვნა და კონგრესმენები ანალოგიურ სანქციებში მოაქცია. კრემლის სანქციებში 398 კონგრესმენი მოექცა და პერსონა ნონ-გრატად გამოაცხადა. საგარეო საქმეთა სამინისტროს განმარტებით, ეს ნაბიჯი სარკისებური ზომაა, გასულ თვეს აშშ-ის მიერ რუსეთის საკანონმდებლო ორგანოს წევრებისთვის დაწესებული სანქციების გამო. რუსეთმა სანქციებში კანადელი სენატორებიც მოაქცია.  

შეიარაღებისა და აღჭურვილობისთვის ევროკავშირმა უკრაინისთვის დამატებით 500 მილიონი ევრო დაამტკიცა. ევროპის საბჭოს ინფორმაციით, თანხა მთლიანად მიმართულია სამხედრო დახმარებისთვის. „მომდევნო რამდენიმე კვირა გადამწყვეტი იქნება. რუსეთი ემზადება უკრაინის აღმოსავლეთში შეტევის განხორციელებისთვის. ამიტომ, უმნიშვნელოვანესია, გავაგრძელოთ და გავაძლიეროთ უკრაინის სამხედრო მხარდაჭერა“ – ასეთია ევროკავშირის უმაღლესი წარმომადგენლის ჟოზეფ ბორელის გზავნილი.