დღე: აპრილი 12, 2022

ბელარუსის პრეზიდენტი  ალექსანდრ ლუკაშენკო მამა-მარჩენალ პუტინის მაამებელ მორიგ განცხადებას აკეთებს და ამბობს, რომ ბუჩაში ადამიანების ჟლეტვა მორიგი ფარსია. განცხადება მან ვლადიმერ პუტინთან ერთად გააკეთა. „ყველა ერთხმად ყვირის – უნდა შემოგვეტანა სანქციების მორიგი პაკეტი. ჩვენ დღეს განვიხილეთ მათი სპეცოპერაცია, ფსიქოლოგიური სპეცოპერაცია, რომელიც ჩაატარეს ინგლისელებმა. რუს მეგობრებთან ერთად ჩვენ „გავხსენით“ დასავლეთის ეს ამაზრზენი პოზიცია. თუ თქვენ გჭირდებათ მისამართები,  გარეგნობა, ავტომობილების ნომრები და მარკა, რომლითაც ჩავიდნენ ბუჩაში, რუსეთის უსაფრთხოების ფედერალურ სამსახურს შეუძლია მოგაწოდოთ“, – განაცხადა ლუკაშენკომ, რომელიც იმეორებს რუსეთის თავდაცვის უწყების გავრცელებულ ინფორმაცის, რომ ბუჩასთან დაკავშირებულია კადრები „მორიგი პროვოკაციაა“. ხელები შეუკრეს, კედელთან დააჩოქეს,…

ამერიკის ყოფილი პრეზიდენტი ბარაკ ობამა პუტინის სისასტიკეზე საუბრობს და აცხადებს, რომ ის ყოველთვის დაუნდობელი იყო. „პუტინი ყოველთვის დაუნდობელი იყო როგორც საკუთარი ხალხის, ასევე სხვების მიმართ. რუსეთის პრეზიდენტი უგუნურია ისე, როგორც არ მოელოდით რვა, ათი წლის წინ, მაგრამ საფრთხე ყოველთვის იყო… უნდა დავდგეთ მათთან ერთად, ვისაც თავისუფლებისა და დამოუკიდებლობის სჯერა, რუსეთმა არ უნდა გაიმარჯვოს“ – აცხადებს ობამა.

მამა ვახტანგი (თოხაძე) გურიაში, „ალტ ინფოს“ ოფისში იმყოფებოდა. მამაომ გურიაში სახლი და „ალტ ინფოს“ ოფისი აკურთხა, რომელმაც ამ სახლში დაიდო ბინა. როგორც მამაო აცხადებს, სმენია, რომ უკრაინაში ადამიანებს ხოცავენ და აუპატიურებენ, თუმცა, მისივე შეფასებით, ასეთი რამეები ომში ყველგან ხდება. შემოქმედის ეპარქიის მღვდელმთავარის, მეუფე იოსებ კიკვაძის  ინფორმაციით,  მამა ვახტანგ თოხაძის საკითხის შესახებ საგანგებო კრებაზე იმსჯელებენ.   მეუფე იოსები აცხადებს, რომ  მამა ვახტანგის  საქციელი მიუტევებელია. „ძალიან ცუდი რამ გაუკეთებია, ამას ჩვენი მხრიდან , რეაგირება მოჰყვება. დავიბარებთ და ვნახოთ რას იტყვის. ფაქტობრივად  პარტიაში ერთიანდება ადამიანი, რაც დაუშვებელია. ჩვენი „პარტია“ არის სარწმუნოება და არ…

პარლამენტის ვიცე-სპიკერის, არჩილ თალაკვაძის ინფორმაციით,  საპარლამენტო დელეგაცია უკრაინაში ვიზიტისთვის ემზადება. ,,საპარლამენტო დელეგაციის მზადება უკრაინაში ვიზიტისთვის უკვე დაწყებულია. დელეგაციაში ოპოზიციის წარმომადგენლებიც იქნებიან. სწორედ ამ მიზნით მიმდინარეობს კონსულტაციები.  საქართველო უკრაინაში, რა თქმა უნდა, დააფიქსირებს ერთიან პოზიციებს. საპარლამენტო უმრავლესობის წევრის, დავით სერგეენკოს ინფორმაციით, სავარაუდოდ, დელეგაციის 3 წევრი მმართველი პარტიიდან იქნება. ,,საქართველოს პარლამენტის დელეგაცია  პარასკევს ან შაბათს გაემგზავრება.  ახლა მიდის კომუნიკაცია უკრაინის მხარესთან დეტალების შესათანხმებლად. მე ვიქნები დელეგაციის ერთ-ერთი წევრი. ვფიქრობ 3 დეპუტატი ვიქნებით, მმართველი პარტიიდან” – განაცხადა დავით სერგეენკომ.  

369 კითხვა და მასზე გაცემული პასუხები საქართველოს მოსახლეობისთვის საჯარო უნდა იყოს. აღნიშნული მოთხოვნით არასამთავრობო ორგანიზაცია გამოდის და ისინი ევროკომისარს ევროპული სამეზობლო პოლიტიკისა და გაფართოების საკითხებში ოლივერ ვარჰეისა და პრემიერ-მინისტრ ირაკლი ღარიბაშვილს მიმართავენ. საუბარია, იმ კითხვარზე, რომელიც ერთ-ერთი წინაპირობაა გაწევრიანების შორს მიმავალ გზაზე. „ევროკავშირში გაწევრიანების პროცესი უნდა იყოს ღია, გამჭვირვალე და ამ პროცესში სამოქალაქო საზოგადოების ჩართულობის უზრუნველყოფა მნიშვნელოვანია.  ჩვენ, ხელმომწერ ორგანიზაციებს მიგვაჩნია, რომ ევროკავშირში გაწევრიანების პროცესი უნდა იყოს ღია, გამჭვირვალე და ინკლუზიური. მნიშვნელოვანია მასში სამოქალაქო საზოგადოების ჩართულობის უზრუნველყოფა. მოგმართავთ თხოვნით, რომ მოხდეს საქართველოსთვის გადაცემული კითხვარის და ხელისუფლების მიერ წარდგენილი პასუხების გასაჯაროება, რაც პროცესს…

,,ასობით გაუპატიურებული მსხვერპლია, მათ შორის არასრულწლოვანი გოგონები ან ძალიან მცირეწლოვანი ბავშვები და ჩვილებიც კი. საშინელებაა ამაზე საუბარი, მაგრამ ეს ასეა“ – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. როგორც ზელენსკიმ ლატვიის პარლამენტისადმი მიმართვისას  განაცხადა რუსული გაზისა და ნავთობის მოხმარების შეზღუდვისთვის კონკრეტული ვადები უნდა დაწესდეს. “ჩვენ უნდა მივიღოთ მართლაც ძლიერი გადაწყვეტილებები მეექვსე სანქციების პაკეტში. ევროკავშირს შეუძლია ამის გაკეთება, მათ შორის ნავთობზე. კონკრეტული ვადები უნდა დაწესდეს ევროკავშირის თითოეული ქვეყნისთვის, რათა რეალურად უარი თქვას ან მნიშვნელოვნად შეზღუდოს რუსული გაზისა და ნავთობის მოხმარება. “- აღნიშნა პრეზიდენტმა ლატვიის პარლამენტში ჩართვისას. იპოვეს 14-დან 24 წლამდე გოგონები,…

„უკრაინელ გოგონებს ჯგუფურად აუპატიურებდნენ. ბუჩაში, მხოლოდ ერთი სახლის სარდაფში გოგონები იპოვეს, რომლებსაც სისტემატურად აუპატიურებდნენ. რუსი სამხედროები კი მათ ეუბნებოდნენ, რომ ისე უმოწყალოდ აუპატიურებდნენ რომ არასდროს კაცთან ურთიერთობა არ ჰქონოდათ რომ უკრაინელები არ გაემრავლებინათ“ – აცხადებს უკრაინის სახალხო დამცველი და იმ მორიგ სისასტიკეზე საუბრობს, რაც ოკუპანტის ჯარებმა უკრაინაში ჩაიდინეს. ლუდმილა დენისოვას ინფორმაციით, გოგონები სარდაფში 25 დღის განმავლობაში იყვნენ გამოკეტეს. სექსუალური ძალადობის შედეგად კი 9 გოგონა დაფეხმძიმდა. „მსგავსი სექსუალური ძალადობის ფაქტების დათვლა ამ ეტაპზე შეუძლებელია. ჩვენამდე ყველა შემთხვევის შესახებ ინფორმაცია არ მოსულა“ – აცხადებს სახალხო დამცველი.

ისრაელის  მედიის ინფორმაციით, ჩინეთის საელჩოს მიერ ისრაელის მინისტრებისთვის გაგზავნილ საჩუქრებში მოსასმენი აპარატები აღმოაჩინეს. როგორც მედია წერს, ჩინეთის საელჩომ ისრაელის სამთავრობო უწყებებს საჩუქრად თერმოსები გაუგზავნა, რომლებშიც გეგმური შემოწმების შედეგად, საეჭვო დეტალები აღმოაჩინეს. დამატებითი შემოწმების შედეგად, ეს იყო ჯაშუშური მოწყობილობა. მედიის  ინფორმაციით, ჩინეთის საელჩომ საჩუქრები მეცნიერებისა და ტექნოლოგიების სამინისტროში გააგზავნა. სასაჩუქრედ განკუთვნილი თერმოსი მანამ შეისწავლეს, ვიდრე მინისტრის ოფისში მოხვდებოდა. ისრაელის უსაფრთხოების სამსახურმა ყველა სამთავრობო დაწესებულების თანამშრომლები გააფრთხილა, გამოიჩინონ სიფრთხილე საჩუქრების მიღებისას.

„ქართული ოცნება ისევ ჯიბრში უდგება ომში მყოფ უკრაინას და პარლამენტის თავმჯდომარე უარს ამბობს ან უარს ათქმევინებენ პირდაპირ მხარდაჭერაზე. ნაცვლად იმისა, რომ ყველა ნაბიჯი იყოს ურთიერთობების ნორმალიზაციისკენ გადადგმული, თქვენ ისევ კონფრონტაციის რეჟიმში რჩებით. ულტიმატუმის ენით არ ელაპარაკებიან მეგობრებს, კოლეგებს და მით უფრო ომში მყოფ მოძმე ერს“,- ამის შესახებ პარლამენტის წევრმა გიორგი ხოჯევანიშვილმა პლენარულ სხდომაზე განაცხადა. მისი თქმით, საქართველო ჰუმანიტარული პროცესების და ადამიანური ფაქტორების გათვალისწინებით უნდა იყოს ლიდერ სახელმწიფოთა შორის მოძმე ერის გვერდით გამორჩეულად მდგომი ქვეყანა. მისივე თქმით, საქართველოს ხელისუფლებამ უნდა გააცნობიეროს, რომ უკრაინის ომი ჩვენი ქვეყნის თავისუფლებასაც ეხება. „უკრაინის ომი ის…

ოკუპანტი ქვეყნის პრეზიდენტი უკრაინაში საომარ მოქმედებებს ამართლებს, თუმცა, მას ანტირუსულ ძალებთან შეტაკებას უწოდებს და არა ომს. როგორც ვლადიმერ პუტინი აცხადებს, უკრაინაში ანტირუსულ ძალებთან შეტაკება გარდაუვალი იყო და მიზანი აუცილებლად შესრულდება. „რუსეთის შეიარაღებული ძალები ეფექტურად და შედეგიანად იყენებენ ყველაზე თანამედროვე ტიპის იარაღს. უკრაინელებმა დაიწყეს უკრაინის ანტირუსულ დასაყრდენად გადაქცევა; მათ დაიწყეს ნაციონალიზმისა და ნეონაციზმის ყლორტების გაშენება, რაც იქ დიდი ხნის განმავლობაში იყო. ეჭვგარეშეა, რომ რუსეთის ფედერაციის შეიარაღებული ძალები მიაღწევენ თავიანთ მიზნებს. მიზნები აბსოლუტურად ნათელია, ისინი კეთილშობილურია. მთავარი მიზანია დონბასში მცხოვრები ხალხის დახმარება“ – განაცხადა პრეზიდენტმა პუტინმა.  

უკრაინის თავდაცვის სამინისტროს სადაზვერვო სამმართველოს ინფორმაციით, რუსული სპეცსამსახურები უკრაინის ტერიტორიაზე ტერაქტებს გეგმავენ. დაზვერვის ინფორმაციით, ტერაქტები მოსალოდნელია სამოქალაქო ობიექტებსა და პირებზე. „გეგმავენ ტერაქტების სერიას საცხოვრებელი სახლების, საავადმყოფოებისა და სკოლების დანაღმვითა და აფეთქებით. ასევე, სარაკეტო დარტყმების განხორციელებას ბელგოროდსა ან ყირიმის რომელიმე სხვა ქალაქზე. შესაძლებელია, რომ ეს ტერაქტები საზოგადოებისთვის ისე იყოს მიწოდებული, როგორც უკრაინული ბატალიონების გაკეთებულია – შურისძიება ბუჩასა და კრამატორსკისთვის“,-  აცხადებს თავდაცვის სამინისტროს მთავარი სადაზვერვო სამმართველოს ხელმძღვანელი კირილ ბუდანოვი.

უკრაინის თავდაცვის სამინისტროს ინფორმაციით,  მარიუპოლში ქიმიური იარაღის გამოყენების შესახებ ინფორმაცია მოწმდება. უკრაინის თავდაცვის მინისტრის მოადგილის , ანნა მალიარის განცხადებით, შესაძლოა, ფოსფორის საბრძოლო მასალა იქნა გამოყენებული. „ჩვენ ამჟამად ინფორმაციას ვამოწმებთ. ვცდილობთ, გავიგოთ, რა იყო გამოყენებული. წინასწარი ვარაუდებით, შეიძლება, ეს დიდი ალბათობით ყოფილიყო ფოსფორის საბრძოლო მასალა. საბოლოო ოფიციალური ინფორმაცია მოგვიანებით გავრცელდება“, – განაცხადა მალიარმა. უკრაინული მედიის ცნობით, რუსმა ოკუპანტებმა ქიმიური იარაღი მარიუპოლში, ქარხანა „აზოვსტალში“ გამოიყენეს.

საოკუპაციო ძალების მიერ უკანონოდ  დაკავებული საქართველოს მოქალაქეები  და „ბორდერიზაცია“,  ეს ის ძირითადი საკითხებია, რაზეც ამ წუთებში ერგნეთში ინციდენტების პრევენციისა და მასზე რეაგირების ჯგუფის შეხვედრა იმართება. შეხვედრაზე მხარეები ბოლო ორი თვის განმავლობაში საოკუპაციო ხაზთან არსებულ ვითარებას განიხილავენ. როგორც სახელმწიფო უსაფრთხოების სამსახურის ანალიტიკური სამსახურის ხელმძღვანელის მოადგილემ, ირაკლი ანთაძემ ერგნეთში შეხვედრის დაწყების წინ განაცხადა, ერთ-ერთი დაკავებულის, მამუკა ჩხიკვაძის სასამართლო პროცესი მიმდინარე კვირას არის ჩანიშნული. „მამუკა ჩხიკვაძის ე.წ სასამართლო ჩანიშნულია მიმდინარე კვირაში . დაფიქსირდა „ბორდერიზაციის“ 1 შემთხვევა გორის მუნიციპალიტეტში. მოგეხსენებათ, როგორც ყოველთვის, აქტიური კერა აქ გახლავთ. რაც შეეხება წვრთნებს , რომელიც მიმდინარეობს პერმანენტულად ოკუპირებულ ტერიტორიაზე,…

უკრაინაში რუსეთის საომარ მოქმედებებს დასასრული ჯერჯერობით არ უჩანს. როგორც ბრიტანული სამხედრო დაზვერვა ავრცელებს ინფორმაციას,  უკრაინის აღმოსავლეთში საომარი მოქმედებები მინიმუმ   2-3 კვირა არ დასრულდება. როგორც ბრიტანული მხარე აცხადებს, რუსეთი იერიშს ძირითადად დონეცკსში, ლუგანსკში, ნიკოლაევისა და ხერსონის ოლქებში ახორცეიელებს.

უკრაინის ვიცე-პრემიერის ინფორმაციით, რუსეთის მიერ კონტროლირებადი უკრაინის რეგიონებსა და რუსეთის ციხეებში  700-ზე მეტი უკრაინელი სამხედრო და 1000-ზე მეტი სამოქალაქო პირი იმყოფება.  აღნიშნულის შესახებ ირინა ვერეშუკმა ,,როიტერთან” ინტერვიუს დროს  ისაუბრა. ვიცე-პრემიერმა ასევე განაცხადა,  რომ ამჟამად ალყაშემორტყმულ მარიუპოლში დაახლოებით 100 000 ადამიანი რჩება. “მანამდე იყო საევაკუაციო მატარებლები და ხალხი მათ იყენებდა. თუმცა,  მარიუპოლში იმყოფებოდა ნახევარ მილიონზე მეტი ადამიანი, რა თქმა უნდა ყველას არ შეეძლო მატარებლის გამოყენება. დონეცკის ოლქის სამხედრო ადმინისტრაციის ხელმძღვანელმა კირილენკომ გაუწია საევაკუაციო მატარებლებს ორგანიზება და მოსახლეობის ნაწილმა ქალაქის დატოვება შეძლო. ამ დრომდე, როგორც ვიცი, გამოსვლას ვერ ახერხებს 100 000 ადამიანი. ამაზე პასუხისმგებლობა…

იაპონიამ რუსეთს დამატებითი სანქციები დაუწესა. გაიყინა რუსეთის 398 მოქალაქის ქონება, რომელთა შორისაც არიან ვლადიმერ პუტინის ქალიშვილები – კატერინა და მარია. სანქცირებულთა სიაში ასევე საგარეო საქმეთა მინისტრ სერგეი ლავროვის ოჯახის წევრები, მეუღლე მარია ლავროვა და ქალიშვილი ეკატერინა ვინოკუროვაც მოხვდნენ. აღნიშნულ ინფორმაციას CNN ავრცელებს. შეგახსენებთ, იაპონიამ რუსი პოლიტიკოსების, ოლიგარქებისა და კომპანიების წინააღმდეგ სანქციები 25 მარტსაც დააწესა. სანქციები 25 ფიზიკურ და 81 იურიდიულ პირს დაუწესდა.

უკრაინის ქალაქ მარიუპოლის მერის განცხადებით, ომის დაწყებიდან, ქალაქში, სულ მცირე, 10 000 მშვიდობიანი მცხოვრები დაიღუპა. აღნიშნულის შესახებ მარიუპოლის მერმა, ვადიმ ბოიჩენკომ საინფორმაციო სააგენტო „ესოშიეიტიდ პრესს“ განუცხადა. ბოიჩენკო არ გამორიცხავს, რომ მოსახლეობაში მსხვერპლი 20 000-საც აღემატებოდეს. როგორც ვადიმ ბოიჩენკომ აღნიშნა, რუსეთის ძალებმა მარიუპოლში მობილური კრემატორიუმები ჩაიტანეს. მისი თქმით, რუსი სამხედროები თავიანთი დანაშაულის დაფარვის მიზნით, მარიუპოლში ჰუმანიტარულ კოლონებს არ უშვებენ.

გერმანია, ნიდერლანდები და შვედეთი სწორედ ის ქვეყნებია, რომლებიც თანხებს არ იშურებენ უკრაინაში რუსეთის მხრიდან ჩადენილი სამხედრო დანაშაულის დასადასტურებლად. ეს სამი ქვეყანა  სისხლის სამართლის საერთაშორისო სასამართლოს 2,5 მილიონ ევროს გამოუყოფს უკრაინაში სამხედრო დანაშაულების გამოსაძიებლად. ნიდერლანდების საგარეო საქმეთა სამინისტროს განცხადებით, ჰააგის სასამართლო არის საუკეთესო ადგილი დანაშაულის ჩადენაში ეჭვმიტანილი პირების გასასამართლებლად.

უკრაინაში, კერძოდ კი ქალაქ მარიუპოლში ქიმიური იარაღის შესაძლო გამოყენების ფაქტს, პენტაგონის პარალელურად,  დიდი ბრიტანეთიც სწავლობს. როგორც დიდი ბრიტანეთის საგარეო საქმეთა მინისტრი ლიზ ტრასი აცხადებს, ფაქტის დადასტურების შემთხვევაში, პუტინს პასუხისმგებლობა ემუქრება. ,,ვრცელდება ინფორმაცია იმის შესახებ, რომ რუსულმა ძალებმა, მარიუპოლის მოსახლეობაზე თავდასხმისას, შესაძლოა ქიმიური საშუალებები გამოიყენეს. ქიმიური იარაღის ნებისმიერი გამოყენება, ამ კონფლიქტის ესკალაცია იქნება და ეს მოიტანს პუტინისა და მისი რეჟიმის პასუხისგებას“ – აცხადებს ლიზ ტრასი. გავრცელებული ინფორმაციით, შესაძლოა, მარიუპოლშ შესაძლოა, ქიმიური იარაღი “ზარინი” იყოს გამოყენებული. უკრაინაში ქიმიური იარაღის შესაძლო გამოყენებას აშშ იკვლევს

მარიუპოლში ქიმიური იარაღის შესაძლო გამოყენების ფაქტთან დაკავშირებით შეერთებულ შტატებში განცხადებას ავრცელებენ. როგორც  პენტაგონის სპიკერ, ჯონ კირბი აცხადებს, ამ ეტაპზე არ დასტურდება ქიმიური იარაღის გამოყენება. „ამ ეტაპისთვის, ვერაფერს დავადასტურებთ. სიტუაციის ყურადღებით მონიტორინგს გავაგრძელებთ. სოციალური მედია ავრცელებს ინფორმაციას, რომ რუსულმა ძალებმა, მარიუპოლში, პოტენციური ქიმიური საბრძოლო მასალა განალაგეს. თუ აღნიშნული ინფორმაცია  სიმართლეა, შემაშფოთებელია და ასევე ასახავს იმ ვითარებას, რომელიც გვქონდა უკრაინაში, რუსეთის მიერ, პოტენციურად, არეულობის მაკონტროლებელი საშუალებების გამოყენების შესახებ. მათ შორისაა, ცრემლსადენი გაზი, შერეული ქიმიური საშუალებები”, – აცხადებენ პენტაგონში. “რუსებმა მარიუპოლს ქიმიური იარაღით შეუტიეს“ – ანდრეი ბელეცკი

ვრცელდება ინფორმაცია, რომ რუსებმა მარიუპოლზე იერიში ქიმიური იარაღის გამოყენებით განახორციელეს. როგორც “აზოვის“ ხელმძღვანელი ანდრეი ბელეცკი აცხადებს, შეტევა განხორციელდა აზოვსტალის ქარხანაზე. „რუსებმა ქიმიური იარაღით შეუტიეს მარიუპოლს, აზოვსტალის ქარხანას. სამ ადამიანს აქვს საბრძოლო ქიმიკატებით მოწამვლის აშკარა ნიშნები, მაგრამ კატასტროფული შედეგების გარეშე. მარიუპოლზე ქიმიური თავდასხმა მხოლოდ ერთს ნიშნავს – რუსები ვერ იღებენ მარიუპოლს და უკრაინელ დამცველებს. მათ სხვა გზა არ აქვთ გარდა აკრძალული იარაღის განურჩევლად გამოყენებისა“, – აცხადებს  ბელეცკი ვიდეომიმართვაში. ასევე ვრცელდება ინფორმაცია, მშვიდობიანი მოსახლეობის წინააღმდეგ უცნობი მომწამვლელი ნივთიერების გამოყენებასთან დაკავშირებით. შესაძლოა, ეს იყო ქიმიური იარაღი “ზარინი.”