დღე: მარტი 12, 2022

ბელარუსი უკრაინაში შეჭრის გეგმებს უარყოფს. განცხადება ქვეყნის შეიარაღებული ძალების გენერალური შტაბის უფროსმა გააკეთა და უკრაინის საზღვართან ხუთი ბატალიონის ტაქტიკური ჯგუფის გაგზავნა როტაციით ახსნა. სწორედ ამ ძალების მობილიზება გახდა კითხვის საფუძველი – ჩაერთვება თუ არა პუტინის მოკავშირე ლუკაშენკო საომარ მოქმედებებში. ამის შესახებ განცხადება გაკეთდა კიევშიც, სადაც ითქვა, რომ ბელარუსი მოძმე ერთან არ იომებს. “მინდა ხაზგასმით აღვნიშნო, რომ ჯარების გადაყვანა არანაირად არ არის დაკავშირებული რაიმე მომზადებასთან და განსაკუთრებით უკრაინის ტერიტორიაზე სპეცოპერაციაში ჩართულობასთან,” – განაცხადა გულევიჩმა.

უკრაინის პრეზიდენტის, ვოლოდიმირ ზელენსკის განცხადებით, დარტყმა, რომელიც უკრაინელებმა რუსეთის შეიარაღებულ ძალებს მიაყენეს, ათწლეულების განმავლობაში არ მიუღია. როგორც ზელენსკიმ მორიგ მიმართვაში განაცხადა, რუსი სამხედროები უკვე ჯგუფებად ნებდებიან უკრაინის შეიარაღებულ ძალებს და ჯგუფებად ცდილობენ, უკრაინის ტერიტორიიდან რუსეთში გადასვლას. პრეზიდენტის ინფორმაციით, უკრაინის შეიარაღებულმა ძალებმა 360-ზე მეტი ტანკი, 1 200-ზე მეტი ჯავშანმანქანა, 60 თვითმფრინავი და 80-ზე მეტი შვეულმფრენი დაკარგეს. „ჩვენი შეიარაღებული ძალები ყველაფერს აკეთებენ, რომ მტერს წაართვან უკრაინის წინააღმდეგ ომის გაგრძელების სურვილი. რუსული ჯარების დანაკარგები კოლოსალურია. მე-17 დღეს დამპყრობელთა დანაკარგების დინამიკა უკვე ისეთია, რომ თამამად შეგვიძლია ვთქვათ: ეს არის ყველაზე დიდი დარტყმა რუსული არმიისთვის ბოლო ათწლეულების…

ხარკოვის ოლქში მაშველები დაბომბვის შედეგად გაჩენილ ხანძრებს ებრძვიან და  ნანგრევებში მოყოლილი ადამიანების გამოყვანას ცდილობენ. ხარკოვის ოლქის საგანგებო სიტუაციების სამსახურის ინფორმაციით, სოფელ სლობოჟანსკში, ორსართულიანი საცხოვრებლის შენობის ნანგრევებში მაშველებმა ხუთი ადამიანის ცხედარი იპოვეს. მათგან 2 ქალი იყო 35-45 წლის, ერთი 40 წლამდე მამაკაცი და ორი ბავშვი 2 და 12 წლისები. აღნიშნული შენობა რუსმა ოკუპანტებმა 2 დღის წინ დაბომბეს

რუსმა ოკუპანტებმა  მარიუპოლში სულთან სულეიმან დიდებულისა და მისი მეუღლის როქსოლანას (ჰურემ სულთანის) მეჩეთი დაბომბეს – ინფორმაციას ამის შესახებ უკრაინის საგარეო საქმეთა სამინისტრო ავრცელებს. უწყების ცნობით, მეჩეთში 80-ზე მეტი ადამიანი აფარებდა თავს, მათ შორის ბავშვები. მსხვერპლის შესახებ ინფორმაცია ჯერჯერობით არ ვრცელდება.

რუსებს რეზერვისტები არ ჰყოფნით და ახლა მოხალისეებს კავკასიაში, აფხაზეთსა და მთიან ყარაბაღში ეძებენ. ამგვარად, ისინი ცდილობენ 20-30 ბატალიონი შეკრიბონ. ამ ადამიანების ბრძოლისუნარიანობა რამდენად ეფექტური იქნება, ადვილი მისახვედრია, – ამის შესახებ უკრაინის პრეზიდენტის, ვოლოდიმირ ზელენსკის ოფისის ხელმძღვანელმა, ალექსეი არესტოვიჩმა Priamyi kanal​-თან ინტერვიუში განაცხადა. მისი განცხადებით, რუსეთის საოკუპაციო ძალები შეტევას სამი მიმართულებით განაახლებენ. ესენია ქვეყნის აღმოსავლეთით მდებარე კონტრტერორისტული ოპერაციის ჩატარების ზონა, კიევი, ხარკოვი და მარიუპოლი. „რამდენადაც მათი ბრძოლისუნარიანობა სუსტდება, ვერც ამ რეზერვისტების საშუალებით მოახერხებენ ბრძოლას. ორ-სამ კვირას ვაძლევ, მათი რესურსი ამოიწურება მალე და „კურდღლებს“ დაემსგავსებიან, აღარაფერი დარჩებათ, რითაც ომის გაგრძელებას შეძლებენ“, – აღნიშნა არესტოვიჩმა.  

თბილისის „დინამოს“ ლეგენდარულმა თავდამსხმელმა, ვლადიმერ გუცაევმა უკრაინაში მიმდინარე მოვლენებზე ისაუბრა და უკრაინელ ხალხს თანადგომა გამოუცხადა. „დღეს მთავარი თემა არის ის, რაც არა მარტო უკრაინის, არამედ, ვფიქრობ, მთელ მსოფლიოს თავს ხდება. ომი კარგი არასოდეს ყოფილა და პირველ რიგში ეს ჩვენ ვიცით ყველაზე კარგად, რადგან საქართველოში ორი ომი გადავიტანეთ – გვახსოვს შეწუხებულ ხალხი, დევნილები … – უკრაინასთან მთელ საქართველოს კარგი კავშირები გვაქვს. მით უფრო მე, როგორც ფეხბურთელს. ბევრჯერ ვარ ნამყოფი, ბევრი მეგობარი მყავს – ველაპარაკე (კიევის „დინამოს“ ყოფილ მოთამაშეებს) ბურიაკს, ბესონოვს, გამოვკითხე ამბები. ყველა ერთხმად ამბობს, რომ ძალიან რთული ვითარებაა. ტელევიზორში ყოველდღე ვუყურებთ, რაც…

კიევთან ახლოს მდებარე ქალაქ ვასილკოვოში ნავთობის ბაზა იწვის. „ვასილკოვოში ავიადარტყმის შედეგად იწვის ნავთობის ბაზა. ოკუპანტების თვითმფრინავებმა ღამით ცეცხლი გაუხსნეს ნავთობის ბაზას“, – წერს კიევის საოლქო სახელმწიფო ადმინისტრაციის ხელმძღვანელიალექსეი  კულება. კიევის ოლქის პოლიციის ცნობით, ქალაქ ვასილკოვოს აეროდრომის მიმართულებით მიტანილი ავიაიერიშის დროს სულ მცირე ექვსი რაკეტა ჩამოაგდეს.

საქართველოს საგარეო საქმეთა სამინისტრო ეხმიანება 2022 წლის 12 მარტს ოკუპირებულ აფხაზეთის რეგიონში ე.წ. საპარლამენტო არჩევნების ჩატარებას, როგორც საქართველოს სუვერენიტეტისა და ტერიტორიული მთლიანობის წინააღმდეგ მიმართულ უკანონო ქმედებას, – ამის შესახებ ნათქვამია ოკუპირებული აფხაზეთის რეგიონში მიმდინარე ე.წ. საპარლამენტო არჩევნებთან დაკავშირებით საქართველოს საგარეო საქმეთა სამინისტროს განცხადებაში. საგარეო უწყებაში აცხადებენ, რომ ხსენებული ე.წ. არჩევნების ჩატარება სრულად ეწინააღმდეგება საერთაშორისო სამართლის ნორმებსა და პრინციპებს და წარმოადგენს საქართველოს ორი განუყოფელი რეგიონის უკანონო ოკუპაციის ლეგიტიმაციის მორიგ უშედეგო მცდელობას. „იმ პირობებში, როდესაც აფხაზეთის რეგიონიდან ეთნიკური წმენდის შედეგად გამოდევნილია ასობით ათასი იძულებით გადაადგილებული პირი და ლტოლვილი, ხოლო ადგილზე ეფექტურ კონტროლს…

საქართველოს მართლმადიდებელი ეკლესიის სახელით, უკრაინელ ხალხს ჰუმანიტარული ტვირთი გაეგზავნება. როგორც პატრიარქის „ტვიტერის“ მიკრობლოგზე გამოქვეყნებულ ინფორმაციაშია ნათქვამი, 15 ტონაზე მეტი ტვირთი სამრევლოში ბოლო ერთი კვირის განმავლობაში შეგროვდა. „ბოლო კვირის განმავლობაში 15 ტონაზე მეტი ჰუმანიტარული დახმარება შეგროვდა ჩვენს სამრევლოში და გაეგზავნა ტანჯულ უკრაინელ ხალხს საქართველოს მართლმადიდებელი ეკლესიის სახელით. პროცესი გრძელდება და დახმარება უახლოეს ხანში კვლავ გაიგზავნება“, – აღნიშნულია პატრიარქის „ტვიტერის“ მიკრობლოგზე.

მელიტოპოლის სამხარეო სახელმწიფო ადმინისტრაციის მიტაცებულ შენობასთან​, ქალაქის მერის, ივან ფედოროვის გათავისუფლების მოთხოვნით, ​2 000-ზე მეტი ადამიანი მივიდა. ისინი რუს ჯარისკაცებს მიმართავენ დატყვევებული მერი გაათავისუფლონ და დატოვონ უკრაინა.

ამერიკის სახელმწიფო დეპარტამენტი კრემლის პრესსპიკერის დიმიტრი პესკოვის ოჯახს სანქციებს უწესებს. ამის შესახებ სახელმწიფო დეპარტამენტის სპიკერმა ნედ პრაისმა ბრიფინგზე განაცხადა. ვუწესებთ სანქციებს რუსეთის სახელმწიფო დუმას 12 წევრს, ვინც ჩართული იყო ე.წ დონეცკისა და ლუგანსკის სახალხო რესპუბლიკების აღიარებაში, ასევე კრემლის პრესსპიკერის დიმიტრი პესკოვის ცოლსა და ზრდასრულ შვილებს“ – განაცხადა ნედ პრაისმა. სანქციები დაუწესდა ასევე 12 პირს.  სახელმწიფო დეპარტამენტის პრესსპიკერის თქმით, ამერიკა აგრძელებს მდიდარი რუსებისა და ელიტებისთვის სანქციების დაწესებას. დიმიტრი პესკოვის ცოლი მოციგურავე ტატიანა ნავკაა. პესკოვს 5 შვილი ჰყავს.  

უკრაინის პრეზიდენტი რუს ხალხს მიმართავს და მათ პუტინის რეჟიმის მხრიდან მოსალოდნელი რეპრესიების შესახებ აფრთხილებს. ვოლოდიმირ ზელენსკი მოუწოდებს რუსეთის მოქალაქეებს დამალონ სმარტფონები და კომპიუტერები, რადგან შეამოწმებენ თუ რას ინახავენ მასში: “ქალაქ მელიტოპოლში ოკუპანტებმა მერი, ივან ფედოროვი დაატყვევეს, რომელიც მამაცურად იცავს უკრაინას და მის ხალხს. ცხადია, ეს დამპყრობლების სისუსტის ნიშანია. მათ ჩვენს მიწაზე მხარდაჭერა არ დახვდათ. თუმცა ამის დიდი იმედი ჰქონდათ, რადგან წლების განმავლობაში თავს იტყუებდნენ, თითქოს უკრაინაში რუსეთს ელოდნენ. მათ ვერ იპოვნეს თანამშრომლები, რომლებიც დათმობდნენ ქალაქებს და ძალაუფლებას. სწორედ ამიტომ, ოკუპანტები ტერორის ახალ ეტაპზე გადავიდნენ, როდესაც ისინი ცდილობენ ფიზიკურად გაანადგურონ უკრაინის ლეგიტიმური ხელისუფლების წარმომადგენლები. მსოფლიოს ნებისმიერ დემოკრატიულ სახელმწიფოში, სადაც ლეგიტიმურად არჩეული…

პენტაგონში აცხადებენ, რომ ჯერჯერობით ვერ ხედავენ უკრაინაში ბელარუსის შეიარაღებული ძალების გადასვლის ნიშნებს. „ბიბისის“ ცნობით აღნიშნულის შესახებ პენტაგონის სპიკერმა, ჯონ კირბიმ განაცხადა. „ვერ ვხედავთ რაიმე მინიშნებას იმისა, რომ ბელარუსის ჯარები უკრაინის შიგნით გადავიდნენ. ჩვენ ვერ ვხედავთ ბელარუსის ძალების რაიმე ჩართულობას. ეს არ ნიშნავს იმას, რომ ეს არ შეიძლება, მოხდეს ან არ მოხდება“, – განაცხადა ჯონ კირბიმ.

ევროკავშირმა რუსეთის წინააღმდეგ სანქციების მეოთხე პაკეტი წარადგინა. ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა. „ხვალ მივიღებთ ზომების მეოთხე პაკეტს, რუსეთის იზოლაციის გაზრდისა და იმ რესურსების ამოწურვის მიზნით, რომლითაც ის აფინანსებს ამ ბარბაროსულ ომს. ამჟამინდელი კრიზისი უპრეცედენტოა; ისევე, როგორც მასზე მეგობრული და სწრაფი რეაგირება დემოკრატიული ქვეყნების მხრიდან. მე უკვე ვთქვი და გავიმეორებ: უკრაინა გაიმარჯვებს“, – განაცხადა ურსულა ფონ დერ ლაიენმა. ამერიკის შეერთებული შტატების შემდეგ, ევროკავშირი რუსეთს ვაჭრობაში უპირატესობებს ჩამოართმევს. ახალი სანქციების მეორე ნაწილი პუტინის ახლო წრეების წინააღმდეგ არის მიმართული; მესამე ხაზი არის კრიპტოვალუტები; მეოთხე – ევროკავშირი აკრძალავს ფუფუნების საგნების…