დღე: თებერვალი 27, 2022

ეროვნული თავდაცვის საბჭოს შეხვედრის შემდეგ გავრცელდა ელისეს სასახლის განცხადება, რომლის მიხედვითაც საფრანგეთი უკრაინას თავდაცვით აღჭურვილობასთან ერთად საწვავის მარაგს უგზავნის, რათა მხარი დაუჭიროს ქვეყანას რუსეთის შემოჭრის წინააღმდეგ. წყარომ ჟურნალისტებს განუცხადა, რომ ეს შეიძლება მოიცავდეს ტანკსაწინააღმდეგო იარაღს. საბჭო ასევე დასთანხმდა რუსების ფინანსური აქტივების გაყინვას და გამოაცხადა ზომები რუსული მედიის პროპაგანდის წინააღმდეგ საბრძოლველად.

მეტი...

რუსული მედიის ინფორმაციით,  პრეზიდენტ ვლადიმერ პუტინის პრესსპიკერმა დიმიტრი პესკოვმა ჟურნალისტებს განუცხადა, რომ რუსეთის დელეგაცია უკრაინელებთან მოლაპარაკებისთვის ბელარუსში უკვე ჩავიდა. მისი თქმით, დელეგაციას წარმოადგენენ საგარეო საქმეთა სამინისტროდან, თავდაცვის სამინისტროდან და სხვა დეპარტამენტებიდანაც. “ჩვენ მზად ვიქნებით ამ მოლაპარაკებების დასაწყებად გომელში”, – განაცხადა კრემლის პრესსპიკერმა.

მეტი...

უკრაინაში საომარი ვითარების დაწყების დღიდან იმ ქვეყნების სია, რომლებიც რუსეთს საჰაერო სივრცეს უკეტავენ, ნელნელა იზრდება. დღეს მიიღო გადაწყვეტილება ფინეთის მთავრობამ, რომ რუსეთს საჰაერო სივრცეს ჩაუკეტავს. ფინეთს მხარს უბამს იტალიაც და რუმინეთიც. შესაბამისად დღეის მონაცემებით რუსებს ამ სამ ქვეყანაში ვეღარ შეეძლებათ გადასვლა.

მეტი...

უცხოური მედიის ინფორმაციით, კომპანია “გაზპრომის” ფინანსურმა დირექტორმა, ალექსანდრ ტიულიაკოვმა დავი მოიკლა. გავრცელებული ცნობით, ალექსანდრ ტიულიაკოვის ცხედარს ლენინგრადის ოლქის ელიტურ დასახლებაში – ლენინსკოიეს ერთ-ერთ ავტოფარეხში მიაგნეს. მედიის ინფორმაციით, მან თავი ჩამოიხრჩო.

მეტი...

ბირთვული რეგულირების სახელმწიფო ინსპექციის ინფორმაციას ავრცელებს უკრაინული მედია, რომის მიხედვითაც რუსული რაკეტები კიევში, რადიოაქტიური ნარჩენების განთავსების ობიექტს მოხვდა. “ავტომატური სისტემა, რომელიც რადიაციის მონიტორინგს ახორციელებდა მწყობრიდან არის გამოსული. სათვალთვალო კამერებმა კი დააფიქსირეს ჭურვების ჩამოვარდნის მომენტი”, – აღნიშნულია განცხადებაში. სახელმწიფო ბირთვული მარეგულირებელი სააგენტოს წინასწარი შეფასებით, სანიტარიული დაცვის ზონის გარეთ მოსახლეობას საფრთხე არ ემუქრება.

მეტი...

აშშ-ს ყოფილი პრეზიდენტი, დონალდ ტრამპი საომარ ვითარებას ეხმაურება. ის აღნიშნავს, რომ ვოლოდიმერ ზელენსკიმ შესანიშნავი სიმამაცე და ლიდერის უნარები გამოიჩინა. “ვოლოდიმერ ზელენსკი უმძიმეს გამოცდას გადის და საოცარ სიმამაცეს ამჟღავნებს. ის ნამდვილი ლიდერია. ბობენ, რომ ის მსახიობი, კომიკოსი იყო და ეს ყველაფერი კარგია, მაგრამ ის ჯერჯერობით დიდ სიმამაცეს ავლენს და იმედია, ეს ძალიან დიდხანს არ დაგვჭირდება, რადგან შესაძლოა ყველაფერი დასრულდეს“, – აცხადებს ტრამპი. ტრამპის თქმით, რუსეთის არ უნდა შეჭრილიყო უკრაინაში, რადგან ეს დაუშვებელია.

მეტი...