დღე: თებერვალი 19, 2022

ევროკომისიის პრეზიდენტმა მიუნხენის უსაფრთხოების კონფერენციაზე ევროკომისიის პრეზიდენტმა ურსულა ფონ დერ ლაიენმა ისაუბრა. ის რუსეთს საერთაშორისო სისტემის „წესების გადაწერის უხეშ მცდელობაში“ ადანაშაულებს. “ეს არის ის, რასაც კრემლის პოლიტიკა პრაქტიკაში ნიშნავს: შიშის დანერგვა და მისთვის “უსაფრთხოების მოთხოვნების” დარქმევა. კრემლი არა მხოლოდ ცდილობს ძირი გამოუთხაროს მთელი ევროპის უსაფრთხოების არქიტექტურას, ასევე არღვევს გაეროს წესდებას, რომელიც კრძალავს ძალის გამოყენებას და მუქარას სხვა ქვეყნების მიმართ. ჩვენ ამას ვერ დავუშვებთ. თუ კრემლი დარტყმას განახორციელებს, ჩვენ შეგვიძლია რუსეთის ეკონომიკურ ინტერესებს მაღალი ხარჯები და მძიმე შედეგები დავუწესოთ,”- განაცხადა ევროკომისიის პრეზიდენტმა.

მიუნხენის უსაფრთხოების კონფერენციის ფარგლებში სიტყვით გამოვდა აშშ-ის ვიცე-პრეზიდენტი, კამალა ჰარისიც. მან განაცხადა, რომ რუსულ აგრესიას აქვს თავისი სცენარი, რომელიც აშშ-მა ძალიან კარგად იცის და რუსეთი კვლავ გააგრძელებს იმის თქმას, რომ უკრაინაზე თავდასხმას არ აპირებს, სინამდვილეში კი ხელსაყრელ მომენტს ელოდება. “რუსეთის ქმედებები მათ განცხადებებს არ ემთხვევა.  თუ რუსეთი უკრაინაში შეიჭრება, აშშ მოკავშირეებთან და პარტნიორებთან ერთად მას უპრეცედენტო ეკონომიკურ სანქციებს დაუწესებს. ეს სანქციები გამიზნული იქნება რუსულ ფინანსურ ინსტიტუტებზე”, – განაცხადა კამალა ჰარისმა.

მიუნხენის უსაფრთხოების კონფერენციაზე გამოსვლისას გერმანიის კანცლერმა, ოლაფ შოლცმა განაცხადა, რომ რუსეთმა უკრაინის ნატო-ში შესაძლო გაწევრიანების საკითხი ომის საბაბად აქცია, რაც პარადოქსია, რადგან ამ საკითხზე გადაწყვეტილება დღის წესრიგში არ არის. მისი თქმით, რუსეთის თავდასხმა უკრაინაზე იქნება სერიოზული შეცდომა მაღალი პოლიტიკური, ეკონომიკური და გეოპოლიტიკური ფასით. შოლცის აზრით, უკრაინის საზღვრებთან 100 ათასზე მეტი სამხედროს მობილიზებას გამართლება არ აქვს. “მოაპარაკებებისთვის მზად ვართ, თუმცა აგრეთვე აღვნიშნავთ, რომ ჩვენ მკაფიოდ განვასხვავებთ უსაფუძვლო მოთხოვნებსა და უსაფრთხოების კანონიერ ინტერესებს”, – აღნიშნა ოლაფ შოლცმა.  

ჯო ბაიდენის ადმინისტრაციის ეროვნული უსაფრთხოების მრჩეველის მოადგილის,  ენ ნოიბერგერის განცხადებით, უკრაინის საბანკო სისტემაზე რამდენიმე დღის წინ განხორციელებული კიბერთავდასხმის უკან რუსეთი დგას. “უკრაინის ბანკებზე განხორციელებულ ფართომასშტაბიან კიბერშეტევებზე პასუხისმგებელი რუსეთის მთავრობაა. გვაქვს ტექნიკური ინფორმაცია, რომლის თანახმადაც რუსეთის მთავარი სადაზვერვო სამმართველო, „გრუ”, მასთან დაკავშირებული ინფრასტრუქტურა უკრაინაში არსებულ IP მისამართებსა და დომენებზე დიდი მოცულობის შეტყობინებების გადაცემასთან არის დაკავშირებული”, – განაცხადა ნოიბერგერმა. რუსეთის მთავარი სადაზვერვო სამმართველო გაერთიანებული სამეფოს მთავრობამაც დაადანაშაულა. რუსული მხარე ბრალდებებს კატეგორიულად უარყოფს და ამტკიცებს, რომ რუსეთს უკრაინაში განხორციელებულ კიბერთავდასხმასთან არანაირი კავშირი არ აქვს.

საქართველოში ამერიკის შეერთებული შტატების ელჩის მოვალეობის შემსრულებელმა რაიან ჰარისმა უკრაინაში მიმდინარე მოვლენებთან დაკავშირებით საელჩოს მიერ გავრცელებულ ვიდეო-მიმართვაში განაცხადა, რომ თუ რუსეთი არაფრად ჩააგდებს ჩვენს დიპლომატიურ მცდელობას და ისევ შეიჭრება უკრაინაში, ეს იქნება ომის არჩევანი. თუ რუსეთი ამ არჩევანს გააკეთებს, ამერიკის შეერთებული შტატებისა და ჩვენი პარტნიორების პასუხი იქნება მკვეთრი და გადამწყვეტი. “ქართველები რუსეთს კარგად იცნობთ. იცით, რომ რუსეთის აგრესია ახალი არ არის. როგორც უკრაინასა და მოლდოვაში, რუსეთს საქართველოში აქვს ტერიტორიები ოკუპირებული. თქვენ იცით რუსეთის აგრესიის შემზარავი ადამიანური ფასი. ამ კვირის დასაწყისში რუსეთის ოფიციალურმა პირებმა თქვეს, რომ ისინი სიტუაციის დეესკალაციასა და სამხედრო…

​ნატო-ს გენერალური მდივნის იენს სტოლტენბერგის განცხადებით, მან რუსეთის საგარეო საქმეთა მინისტრ სერგეი ლავროვს გაუგზავნა წერილი, სადაც მას ნატო-რუსეთის საბჭოს ფარგლებში დიალოგში ჩართვისკენ მოუწოდებს, უკრაინაში კონფლიქტის არიდების მიზნით. მისი თქმით, მოსკოვი ჩრდილოატლანტიკურ ალიანსს იმ მოთხოვნებით უპირისპირდება, რომელთაც, თავად იცის, რომ ნატო ვერ დააკმაყოფილებს. “საფრთხე ახლა არის ამ მასიური სამხედრო თავმოყრა მუქარის ძლიერ რიტორიკასთან ერთად, სადაც წამოყენებულია მოთხოვნები, რომლებიც, თავად იციან, რომ ჩვენ არ შეგვიძლია, შევასრულოთ და ამბობენ, რომ თუ ჩვენ მათ არ შევასრულებთ, ამას სამხედრო შედეგები მოჰყვება. ჩვენ გვყავს რუსეთი, რომელიც ევროპის უსაფრთხოების ძირითად ფასეულობებს ღიად ეწინააღმდეგება”, – განაცხადა სტოლტენბერგმა. აქვე…

დიდი ბრიტანეთის საგარეო საქმეთა სამინისტრის განცხადებაში აღნიშნულია, რომ სამეფოს საელჩო უკრაინაში კიევიდან ლვოვში გადააქვს და საკუთარ მოქალაქეებს მოუწოდებს, დატოვონ უკრაინა. “რუსეთის ნებისმიერი სამხედრო ქმედება უკრაინაში სერიოზულად დააზარალებს ბრიტანეთის მთავრობის შესაძლებლობას, უზრუნველყოს საკონსულო დახმარება უკრაინაში. ასეთ გარემოებებში ბრიტანეთის მოქალაქეები არ უნდა ელოდონ გაძლიერებულ საკონსულო მხარდაჭერას ან ევაკუაციაში დახმარებას”, – აღნიშნულია განცხადებაში. უწყების ცნობით, კიევში მდებარე საელჩოს თანამშრომლები დროებით ლვოვში გადავლენ და მუშაობას იქიდან გააგრძელებენ.

უკრაინული მედიის ინფორმაციით, გაერთიანებული ძალების ოპერაციის შტაბში განაცხადეს, რომ რუსეთის საოკუპაციო ძალებმა დონბასში ცეცხლის შეწყვეტის რეჟიმი 19-ჯერ დაარღვია, მათგან 16 მინსკის შეთანხმებით აკრძალული იარაღის გამოყენებით. გავრცეებუი ინფორმაციით, დაბომბვის შედეგად ერთმა უკრაინელმა ჯარისკაცმა სიცოცხლესთან შეუთავსებელი ჭრილობა მიიღო. უკრაინის გაერთიანებული ძალების ოპერაციის შტაბში აცხადებენ, რომ მოწინააღმდეგე მხარემ 122 მმ კალიბრის საარტილერიო სისტემები, 120 მმ და 82 მმ კალიბრის ნაღმტყორცნები და სხვადასხვა სისტემის ყუმბარმტყორცნები გამოიყენა.

რუსული მედიის ინფორმაციით, ვიაჩესლავ ვოლოდინმა განაცხადა, რომ რუსეთი მზადაა თვითგამოცხადებულ დონეცკსა და ლუგანსკში საკუთარი მოქალაქეები დაიცვას, თუკი მათ სიცოცხლეს საფრთხე დაემუქრება. “რუსეთს არ სურს ომი. ჩვენმა პრეზიდენტმა ვლადიმერ პუტინმა ეს არაერთხელ განაცხადა. თუ დონეცკისა და ლუგანსკის სახალხო რესპუბლიკებში მცხოვრები რუსებისა და თანამემამულეების სიცოცხლეს საფრთხე შეექმნება, ჩვენი ქვეყანა მათ დაიცავს,” – განაცხადა ვოლოდინმა. გუშინ რუსეთის მიერ მხარდაჭერილმა სეპარატისტების ლიდერებმა, ლეონიდ პასეჩნიკმა და დენის პუშილინმა თვითგამოცხადებული ე.წ. დონეცკისა და ლუგანსკის სახალხო რესპუბლიკებში მოსახლეობის ევაკუაცია გამოაცხადეს.

რუსული მედიის ინფორმაციით, რუსეთის პრეზიდენტმა ვლადიმერ პუტინმა ხელი მოაწერა ყოველწლიურ განკარგულებას, რომელიც რეზერვში მყოფი რუსეთის მოქალაქეების სამხედრო წვრთნებში გაწვევას ითვალისწინებს. “რეზერვში მყოფი რუსეთის ფედერაციის მოქალაქეები გამოძახებული არიან სამხედრო წვრთნების გასავლელად რუსეთის ფედერაციის შეიარაღებულ ძალებში, ეროვნული გვარდიის ჯარებში, სახელმწიფო უსაფრთხოების უწყებებსა და უსაფრთხოების ფედერალურ სამსახურში”, – აღნიშნულია დოკუმენტში. რუსეთის მთავრობასა და აღმასრულებელი ხელისუფლების შესაბამის ორგანოებს დაევალათ უზრუნველყონ სამხედრო წვრთნაზე მოქალაქეების გაწვევასთან და წვრთნების ჩატარებასთან დაკავშირებული ღონისძიებების განხორციელება.

უკრაინის ეროვნული უსაფრთხოებისა და თავდაცვის საბჭოს მდივანმა, ალექსი დანილოვმა ბრიფინგზე განაცხადა, რომ ყველა იმ პროვოკაციას, რომელსაც რუსეთის ფედერაცია განახორციელებს და აგრეთვე, მოხდება იმ ადამიანების მხრიდან, რომლებიც ოკუპირებულ ტერიტორიებზე არიან, უკრაინასთან საერთო არაფერი აქვს. “რუსეთის ფედერაციის მხრიდან მიზანმიმართული პროვოკაციებია მოსალოდნელი. ამისთვის გვაქვს შესაბამისი რეაგირება ჩვენი შეიარაღებული ძალების, უსაფრთხოებისა და თავდაცვის ძალებისგან. ჩვენი მონაცემებით, დღეს არის დიდი საფრთხე, რომ იქ მყოფი რუსეთის ფედერაციის წარმომადგენლები გარკვეულ პროვოცირებას მოახდენენ. მათ შეუძლიათ, გააკეთონ ის, რასაც საერთო არ აქვს ჩვენს სამხედროებთან და სამსახურებთან”, – განაცხადა დანილოვმა.

ეუთოში აშშ-ს ელჩი, მაიკლ კარპენტერი აცხადებს, რომ უკრაინის სიახლოვეს რუსეთს 190 000-ათასამდე ჯარისკაცი ჰყავს განლაგებული. “ჩვენი შეფასებით, რუსეთმა უკრაინაში და მის მახლობლად 169 000-190 000 პერსონალს მოუყარა თავი, ეს არის ყველაზე საყურადღებო სამხედრო მობილიზაცია ევროპაში მეორე მსოფლიო ომის შემდეგ”, – განაცხადა ელჩმა. კარპენტერმა აღნიშნა, რომ იანვარში რუსეთის ჯარისკაცების რაოდენობა 100 000-ს შეადგენდა.

აშშ-ის პრეზიდენტის ჯო ბაიდენის განცხადებით, ის დარწმუნებულია, რომ პუტინმა უკრაინაში შეჭრის გადაწყვეტილება უკვე მიიღო. მისი თქმით, რუსეთი ამის განხორციელებას მოდევნო დღეებში აპირებს. ბაიდენს ჯერ კიდევ აქვს საკითხის დიპომატიურად მოგვარების იმედი. მისი თქმით, რუსეთმა დეზინფორმაციების გავრცელება შეიძლება უკრაინაში შეჭრის საბაბად გამოიყენოს და მთავარ სამიზნედ კიევი ექნება. “მაგალითად, გუშინ უკრაინაში საბავშვო ბაღი დაიბომბა, რომელზეც რუსეთი ამტკიცებდა, რომ უკრაინამ განახორციელა. ჩვენ ასევე ვხედავთ უფრო და უფრო მეტ დეზინფორმაციას რუსეთისგან. რუსეთს დაახოებით 150 000 ათასი ჯარისკაცი ჰყავს განლაგებული საზღვარზე, შესაბამისად უკრაინის შეტევითი პოტენციალი ძაიან მცირეა”, – განაცხადა ბაიდენმა. ბაიდენმა ასევე აღნიშნა, რომ რუსეთი დათანხმდა,…