დღე: თებერვალი 7, 2022

სახელმწიფო ინსპექტორის სამსახური მიხეილ სააკაშვილის წერილს პასუხობს. როგორც ინსპექტორის სამსახურში განმარტავენ, მოთხოვნა, რომელსაც მიხეილ სააკაშვილი აყენებს, ვერ დაკმაყოფილდება. მიხეილ სააკაშილი ლონდა თოლორაიას მოუწოდებდა გაესაჯაროვებინა სრული ვიდეომასალა, რომელიც მის მიმართ არაადამიანურ მოპყრობას ეხებოდა. „სისხლის სამართლის საპროცესო კანონმდებლობის თანახმად, სისხლის სამართლის საქმის მასალებზე წვდომის უფლებამოსილების მქონე პირთა წრე მკაცრად განსაზღვრულია. მით, უფრო იმ სისხლის სამართლის საქმეზე, რომელზეც არ არის დასრულებული გამოძიება და არ არის მიღებული საბოლოო გადაწყვეტილება. შესაბამისად, გამოძიების დასრულებამდე სისხლის სამართლის საქმის მასალებისა (მათ შორის, ვიდეოჩანაწერების) და გამოძიების მიმდინარეობის შესახებ ინფორმაციის გამოქვეყნება, საჭიროებს განსაკუთრებულ სიფრთხილეს. მით უფრო იმ პირობებში, როდესაც სამსახურს…

აშშ-ის ელჩის, კელი დეგნანის განცხადებით, საკონსტიტუციო სასამართლომ სახელმწიფო ინსპექტორის – ლონდა თოლორაიას სარჩელი მანამ უნდა განიხილოს, სანამ ახალ ხელმძღვანელს დანიშნავენ. აღნიშნულ თემაზე ელჩმა ჟურნალისტებთან პარლამენტში ისაუბრა. „იმედი გვაქვს, რომ საკონსტიტუციო სასამართლოში შეტანილი საქმე ამჟამინდელ სახელმწიფო ინსპექტორის სამსახურიდან დათხოვნასთან დაკავშირებით დასრულდება მანამ, სანამ ახალი დანიშვნები მოხდება. ამჟამინდელ სახელმწიფო ინსპექტორს ჯერ კიდევ სამი წელი დარჩა კანონიერი ექვსწლიანი მანდატის დასრულებამდე და მის მუშაობასთან დაკავშირებით პარლამენტში ან სხვაგან პრეტენზიები და საჩივრები არ ყოფილა. მნიშვნელოვანია, რომ საკონსტიტუციო სასამართლო გადაწყვეტილებას მიიღებს მანამ, სანამ ახალი კანდიდატების დანიშვნა მოხდება,“ – განაცხადა ელჩმა მედიასთან.

სახელმწიფო ინსპექტორის სამსახურის ხელმძღვანელის დანიშვნასთან დაკავშირებით აშშ-ის ელჩი საქართველოში კელი დეგნანი პარლამენტის თავმჯდომარეს შეხვდა. როგორც ელჩმა ჟურნალისტებთან განაცხადა, პარლამენტს მოუწოდა, პროცესი აუჩქარებლად და გამჭვირვალედ წარიმართოს. „განვიხლეთ სახელწიფო ინსპექტორის ახალი სამსახურისა და მონაცემთა დაცვის სააგენტოს ხელმძღვანელების დანიშვნების პროცესი. მოვუწოდეთ პარლამენტის თავმჯდომარეს, რომ ეს იყოს აუჩქარებელი პროცესი, რომელიც გაიმართება კანონით გათვალისწინებული დროში, რომ ამ მართლაც მნიშვნელოვან პოზიციებზე საუკეთესო კანდიდატები შეირჩეს. ყველა ეს თანამდებობა პასუხისმგებელია იმაზე, რომ უზრუნველყონ საქართველოს მოქალაქეების უფლებების დაცვა. ყველამ კარგად ვიცით, რომ მონაცემთა დაცვა ახლა ისეთი მნიშვნელოვანია, ვიდრე ოდესმე და სახელმწიფო ინსპექტორის სამსახური პასუხისმგებელია, უზრუნველყოს ადამიანის უფლებების დაცვა. ამ…

ამერიკის შეერთებული შტატების ელჩის კელი დეგნანის განცხადებით, მთავარი ინტერესი რაც მათ მიხეილ სააკაშვილთან დაკავშირებით გააჩნიათ, არის მათი უფლებრივი მდგომარეობა და ჯანდაცვა. „როგორც ვიცი ბატონმა სააკაშვილმა სარჩელი გააგზავნა ადამიანის უფლებათა ევროპულ სასამართლოში. არსებობს სპეციალური პროცედურები, რის მიხედვითაც, ეს საკითხები განიხილება. რაც შეეხება კანონის უზენაესობას და მის დაცვას, ჩვენი ინტერესია, რომ ბატონი სააკაშვილის უფლებები დაცული იყოს, მას ღირსეულად მოექცნენ, მიიღოს საჭირო სამედიცინო დახმარება, სარგებლობდეს სამართლიანი სასამართლოთი“, – აღნიშნა ელჩმა ჟურნალისტებთან. კელი დეგნანმა საგამოძიებო კომისიის შექმნაზეც გააკეთა კომენტარი და აღნიშნა, რომ ეს მისი გადასაწყვეტ არ არის. „ჩემი გადასაწყვეტი არაა, უნდა შეიქმნას თუ არა საგამოძიებო…

პარტია „გირჩის“  წევრმა, იაგო ხვიჩიამ,  პარლამენტში კომიტეტის დასრულების შემდეგ ჟურნალისტებთან საუბრისას განმარტა, რომ ხალხის გარდა არავის აქვს იმის უფლება, ელენე ხოშტარია, ბადრი ჯაფარიძე და შალვა ნათელაშვილი პარლამენტიდან გარიცხოს. „დღეს კომიტეტის თავმჯდომარემ  სხდომა დაიწყო იმით, რომ ეს არ არის პოლიტიკური განხილვის ფორმა. ეს უნდა გაირჩეს პლენალურ სხდომაზე,  მაგრამ საკითხავია გასატანია თუ არა ეს საკითხი პლენალურ სხდომაზე. ჩვენი პოზიცია არის ძალიან ნათელი. ჩვენი კოლეგები არ აურჩევია არავის ჩვენგან, პარლამენტის წევრებისგან. შალვა ნათელაშვილი იქნება, ელენე ხოშტარია თუ ბადრი ჯაფარიძე ჩემი და ჩემი კოლეგების გადასაწყვეტი არ არის,  უნდა გადაწყვიტოს ხალხმა. მიუხედავად იმისა, რომ  ეს…

მიხეილ სააკაშვილის მიმართ  ჰქონდა თუ არაადამიანურ მოპყრობას ადგილი, ეს საკითხი პარლამენტის სპეციალურმა საგამოძიებო კომისიამ უნდა შეისწავლოს, თუ პარლამენტი მის შექმნას მხარს დაუჭერს. პარლამენტის ბიუროს სხდომაზე, ინიციატივა „ერთიანი ნაციონალური მოძრაობა – გაერთიანებული ოპოზიცია „ძალა ერთობაშია-ს“ მხრიდან უკვე დარეგისტრირდა. საუბარია „საქართველოს მესამე პრეზიდენტის მიხეილ სააკაშვილის მიმართ შესაძლო ძალადობრივი, შეურაცხმყოფელი, არაადამიანური და დამამცირებელი მოპყრობის ფაქტის შემსწავლელი დროებითი საგამოძიებო კომისიის შექმნის თაობაზე“ პარლამენტის დადგენილების პროექტზე. როგორც ბიუროს სხდომაზე აღინიშნა, დადგენილების პროექტი პარლამენტის პლენარულ სხდომას, საკომიტეტო განხილვების გარეშე წარედგინება.  

ოპოზიციონერმა დეპუტატმა გრიგოლ ვაშაძემ რუსთავის მე-12 პენიტენციურ დაწესებულებაში საქართველოს მესამე პრეზიდენტი მიხეილ სააკაშვილი მოინახულა. ვაშაძის განცხადებით, სააკაშვილის მკურნალობის მეთოდი უნდა შეიცვალოს, რათა მდგომარეობა კიდევ უფრო არ გართულდეს. „სააკაშვილთან ექიმები უნდა შევიდნენ. მკურნალობა უნდა შეიცვალოს, სპეციალური აპარატურაა საჭირო და ესეც უნდა იქნეს გამოყოფილი. კიდევ ერთხელ ვიმეორებ, რადიკალური განსხვავებაა იმ მიხეილ სააკაშვილს, რომელიც მე ციხეში პირველად ვნახე და დღევანდელს შორის. მე კიდევ შევალ მასთან თებერვლის შუა რიცხვებისკენ და იმედი მაქვს, რომ მანამდე ხელისუფლება მიიღებს ზომებს, რომ ეს მდგომარეობა არ გართულდეს“, – განაცხადა გრიგოლ ვაშაძემ. შეგახსენებთ, რომ საქართველოს მესამე პრეზიდენტი გასულ წლის პირველ…

„რუსეთი არ შემოიფარგლება მხოლოდ ცხინვალის ანექსიით და ანაკლიის მიერთებით. მათ იციან, რომ ეს ნაბიჯები გამოიწვევს თბილისში არეულობას და ამისთვისაც აქვთ მომზადებული ინფრასტრუქტურა შეიარაღებულ ძალებში ჩანერგილი აგენტურის, სუს-ის, ალტ.ინფოსა და სხვადასხვა სფეროებში, მათ შორის ეკლესიაში ჩანერგილი მე-5 კოლონის მეშვეობით. ასევე, “ოცნების” ერთ-ერთ წამყვანი პოლიტიკოსის მეშვეობით, რომელიც ცნობილია фсб-ს ორგანიზებულ დანაშაულთან მჭიდრო ურთიერთობით. ამ ლიდერისგან მზადდება ღიად გაცხადებული, “რუსული საქართველოს” პოლიტიკური ლიდერი“ –   განაცხადა მიხეილ სააკაშვილმა „ფეისბუქ“ პოსტის საშუალებით. სააკაშვილის განმარტებით ანაკლიაში პორტის მშენებლობა  უკვე გადაწყვეტილი იყო, როდესაც რუსეთმა მისი მიტაცება გადაწყვიტა. „2009 წელს, ანაკლიის ტერიტორიის წაღება რუსეთს უკვე გადაწყვეტილი ჰქონდა. მე…

პატიმრობაში მყოფი მიხეილ სააკაშვილი ამჯერად სახელმწიფო ინსპექტორს მიმართავს და მოუწოდებს გამოაქვეყნოს ვიდეოკადრები. „მინდა მოვუწოდო ქალბატონ ლონდა თოლორაიას გამოაქვეყნოს მათ ხელთ არსებული ყველა ვიდეო კადრი და შუალედური დასკვნა გამოძიებასთან დაკავშირებით. მგონი გესმით, რომ ამის შემდეგ, არცერთი სახელმწიფო ორგანო აღარ ითანამშრომლებს – ვერ შედგება ვერც ექსპერტიზა და ვერც დამატებით კადრებს ვეღარ მიიღებთ, რაზეც უკვე ხმამაღლა განაცხადა სუს-ის მივლენილმა პირმა. თქვენი ვალდებულებაა, სიმართლისა და ისტორიის წინაშე გააცნოთ საზოგადოებას და საერთაშორისო თანამეგობრობას ის, რაც გაქვთ ხელთ, მაგრამ ყოველი დღის გასვლის შემდეგ, ეს შესაძლებლობა გიმცირდებათ. დარწმუნებული ვარ, შესაბამისი ორგანოები უკვე კარგად აწარმოებენ მოლაპარაკებებს თქვენს თანამშრომლებთან. ქალბატონო ლონდა,…

პარლამენტის საპროცედურო საკითხთა კომისიამ პარლამენტის ორი ოპოზიციონერ დეპუტატის უფლებამოსილების შეწყვეტასთან დაკავშირებით გადაწყვეტილება მიიღო. კომიტეტის გადაწვეტილებით, შალვა ნათელაშვილსა და ელენე თევდორაძეს საპარლამენტო მუშაობის გაცდენის გამო პარლამენტიდან უშვებენ. მათთვის მანდატის შეწყვეტის საკითხი დღის წესრიგში იმიტომ დადგა, რომ საშემოდგომო სესიის არც ერთ სხდომას დასწრებიან. რაც შეეხება ბადრი ჯაფარიძეს, მის საკითხს კომიტეტი ამ წუთებში იხილავს. მიზეზი კი სასამართლოს გადაწყვეტილებაა, რომლითაც ის დამნაშავედ ცნეს. საბოლოო გადაწყვეტილება სამი დეპუტატის დასჯისა და პარლამენტიდან გაშვების შესახებ პარლამენტის სესიაზე უნდა გადაწყდეს.  

„ცდილობენ რაღაც მოიფიქრონ, რომ პარლამენტში შესვლა გაამართლონ“ –  ასე ეხმიანება პარლამენტის ვიცე-სპიკერი არჩილ თალაკვაძე „ნაციონალური მოძრაობის“ ინიციატივას მიხეილ სააკაშვილთან დაკავშირებით საგამოძიებო კომისიის შექმნაზე. თალაკვაძე ფიქრობს, რომ საგამოძიებო კომისიის შექმნა „ნაციონალურმა მოძრაობამ“ პარლამენტში შესვლის გასასამართლებლად მოიგონა. „როგორც ჩანს, ეს არის საბაბი, რომ თავის მხარდამჭერებს არა პირდაპირ უთხრან სიმართლე, რომ აუცილებელია პარლამენტში შესვლა და ამას ითხოვს საზოგადოება, ამას ითხოვენ და ურჩევენ ჩვენი საერთაშორისო პარტნიორები, არამედ კიდევ რაღაც საკითხი მოიფიქრონ, თუ რით შეიძლება გაამართლონ პარლამენტში შესვლა და მუშაობა. ოპოზიციას თვითონ შეუძლია რომ შექმნას კომისია. ის, რისთვისაც მიხეილ სააკაშვილი პატიმრობაშია, გამოძიება ამაზე ჩატარებულია, მათ შორის, საერთაშორისო სასამართლოს გირგვლიანის…

ამ წუთებში, ჯანდაცვის სამინისტროსთან იძულებით გადაადგილებულ  პირთა საპროტესტო აქცია მიმდინარეობს. დევნილების სახელმწიფოს ულტიმატუმს უყენებენ და შემდეგი მოთხოვნების დაკმაყოფილებას ითხოვენ: ·  სიცოცხლისთვის საშიშ ობიექტებში მაცხოვრებელ დევნილთა სასწრაფოდ გაყვანა და ადეკვატური საცხოვრებელი პირობების შეთავაზება; ·  ქირით მაცხოვრებელ დევნილთა, რომლებიც 28 წელია ქირას იხდიან და სახელმწიფო არაფრით დახმარებია, განსახლება  – ბინით უზრუნველყოფა. თუ აქციის მონაწილეები სახელმწიფოსგან კონკრეტულ პასუხებს და რეალურ დაპირებებს არ მიიღებენ, მასობრივ საპროტესტო აქციებს გეგმავენ.  

„ნაციონალური მოძრაობა“ პარლამენტის ბიუროზე დღეს დააყენებს საკითხს, რომელიც მიხეილ სააკაშვილის არაადამიანურ მოპყრობას ეხება. საუბარია რუსთავიდან გლდანის დაწესებულებაში გადაყვანისას მომხდარ ფაქტზე. “საქართველოს მესამე პრეზიდენტის მიხეილ სააკაშვილის  მიმართ შესაძლო ძალადობრივი შეურაცხმყოფელი, არაადამიანური და დამამცირებელი მოპყრობის ფაქტის შემსწავლელი დროებითი საგამოძიებო კომისიის შექმნის თაობაზე” – ეს არის დადგენილების პროექტი, რომელიც „ნაციონალურმა მოძრაობამ” მოამზადა. დეპუტატები ითხოვენ, შეიქმნას კომისია, რომელიც 3 თვე იმუშავებს და სათანადო დასკვნას წარადგენს. საკითხის დადებითად გადაწყვეტისთვის კი საჭიროა 50 დეპუტატის თანხმობა.