დღე: თებერვალი 6, 2022

უკრაინული მედიის ინფორმაციით, გერმანიის, საფრანგეთისა და პოლონეთის ლიდერები ბერლინში უკრაინის გარშემო არსებულ ვითარებაზე შეხვედრას გამართავენ. პოლონეთის პრეზიდენტი ანდჟეი დუდა ბერლინში “ვაიმარის სამკუთხედის” ფორმატში საფრანგეთის პრეზიდენტ ემანუელ მაკრონსა და გერმანიის კანცლერ ოლაფ შოლცს შეხვდება. შეხვედრა სამშაბათს, 8 თებერვალს, დღის მეორე ნახევარში გაიმართება. მხარეები ცენტრალურ და აღმოსავლეთ ევროპაში უსაფრთხოების საკითხების განხილვას გეგმავენ. მანამდე პოლონეთის პრეზიდენტის საერთაშორისო პოლიტიკის ბიუროს ხელმძღვანელმა იაკობ კუმოჩმა განაცხადა, რომ მოლაპარაკებების თემა უკრაინა იქნება.    

დიდმა ბრიტანეთმა უკრაინაში 100-ზე მეტი ჯარისკაცისგან შემდგარი ელიტური სპეციალური დანიშნულების რაზმი გაგზავნა, რომლებიც იმუშვებენ სამხედრო მრჩევლებად და უკრაინულ სპეციალურ ძალებს გაწვრთნიან. გაერთიანებული სამეფოს ელიტარული სპეცრაზმის გაგზავნა ოფიციალურმა ლონდონმა უკრაინაში რუსეთის პოტენციური შეჭრის „გარდაუვალი საშიშროების“ გამო გადაწყვიტა. უკრაინაში კრემლის „შეჭრის გარდაუვალობის“ გამო, გაერთიანებული სამეფოს პრემიერ-მინისტრმა, ბორის ჯონსონმა და საფრანგეთის პრეზიდენტმა, ემანუელ მაკრონმა არსებული სიტუაცია განიხილეს. საუბრისას მხარეებმა გადაწყვიტეს, რომ ალიანსის აღმოსავლეთ ფლანგის ქვეყნების სრულად უნდა იყვნენ დაცულები „რუსული მავნე ქმედებებისგან“. სწორედ ამის გამო, უკრაინაში ელიტარული ბრიტანული სპეცრაზმის 100-ზე მეტი მებრძოლი გაგზავნეს.

გაზეთი la Vanguardia სამეფოს მთავრობის წყაროებზე დაყრდნობით ავრცელებს ინფორმაციას იმის შესახებ, რომ ნატო იკვლევს გაზსადენის აშენების შესაძლებლობას, რომელიც დააკავშირებს ესპანეთის კატალონიას საფრანგეთთან და შეამცირებს ცენტრალური ევროპის დამოკიდებულებას რუსულ გაზზე. წყარო ირწმუნება, რომ საკითხი ნატო-ში ,,საფრანგეთთან ახალი ტრანსსასაზღვრო კავშირის აღდგენის შესახებ, რათა გაზი ევროპის გულში მიიტანოს“ აქტიურად განიხილება. “გერმანია ძალიან დაინტერესებულია პროექტით. გერმანიის მაღალი დამოკიდებულება რუსულ გაზზე ახლა ევროკავშირის ერთ-ერთ მთავარ გეოსტრატეგიულ სისუსტედ გვევლინება”, – აღნიშნავს წყარო.

“დაძაბულობას ხელს არ შევუწყობთ, ამიტომაც უკრაინას იარაღს ვერ მივაწვდით”, – განაცხადა გერმანიის თავდაცვის მინისტრმა, კრისტინე ლამბრეხტმა. მისი თქმით, ბერლინი კონფლიქტის მშვიდობიანად გადაწყვეტის მომხრეა. “ფედერალურ მთავრობას დიდი ხანია გააჩნია მკაფიო პოზიცია – ჩვენ არ მიგვიწოდებია იარაღი კრიზისული ზონებისთის, რათა არ დაგვეშვა იქ შემდგომი ესკალაცია. უკრაინის კონფლიქტში ჩვენ გვყავს პარტნიორები მოლაპარაკებების საკითხში, რომლებიც დაუბრუნდნენ მოლაპარაკებათა მაგიდას, მაგალითად, რუსეთი-ნატოს საბჭოში და „ნორმანდიულ ფორმატში. კონფლიქტი მშვიდობიანად მოგვარებადია”, – განაცხადა მინისტრმა.

რუსეთის ელჩმა ვაშინგტონში, ანატოლი ანტონოვმა განაცხადა, რომ ვაშინგტონი ცდილობს ყველა საერთაშორისო უსაფრთხოების საკითხი უკრაინით შემოფარგლოს, რაც აბსოლუტურად არასწორია. “აშშ ცდილობს ყველა დღევანდელი პრობლემა უკრაინამდე დაიყვანოს. მე მჯერა, რომ ეს აბსოლუტურად არასწორია, ეს არის ჭეშმარიტი მდგომარეობის დაბინდვის მცდელობა”, – აღნიშნა ელჩმა. მისი თქმით, არ სჯერა, რომ შეერთებული შტატები რუსეთთან ურთიერთობის გაფუჭებას ცდილობს. “ფაქტობრივად, იმ დოკუმენტებში, რომლებიც გადავეცით ამერიკელებს და ნატოს, ჩვენ წამოვაყენეთ მკაფიო შეკითხვები საერთაშორისო უსაფრთხოების პერსპექტივების შესახებ. როგორ მსოფლიოში უნდა ვიცხოვროთ? უნდა მივყვეთ თუ არა ომისშემდგომი საერთაშორისო ურთიერთობების სისტემის დამფუძნებლების სწავლებებსა და გადაწყვეტილებებს, რომლებიც ეფუძნება გაეროს და მის უშიშროების საბჭოს?…

აშშ-ს ელჩის, კელი დეგნანის განცხადებით დიპლომატიურ კორპუსს ბიძინა ივანიშვილთან ჩართულობა აღარ აქვს. დიპლომატი ამის მიზეზად ოლიგაქრის პოლიტიკდან წავლის გადაწყვეტილებით ხსნის. “ბატონი ბიძინა ივანიშვილი ძალიან გავლენიანი ქართველია. მან დიდი წვლილი შეიტანა ქართულ ბიზნეში, განათლებაში, დაარსა პარტია, რომელიც დღეს საქართველოს მმართველობს.  მან გადაწყვტია, რომ პოლიტიკიდან გასულიყო და შედეგად ჩვენ მასთან ჩართულობა აღარ გვაქვს მისი პერსონალური გადაწყვეტილების გამო, რომ გასულიყო პოლიტიკდან”, – განაცხადა დეგნანმა.

აშშ-ს აელჩი საქართელოშ კელი დეგნანი საქართველოს მთავრობას მოუწოდებს საქართელოს მესამე პრეზიდენტის მიმართ სამართლიანი სასამართლო პროცესი და ადექვატური სამედიცინო დახმარება უზრუნველყოს. მისი თქმით, მნიშვნელოვანია საზოგადოებამ იცოდეს, რამდენად ლეგიტიმურია მიხეილ სააკაშვილის მიმართ წარმოდგენილი ბრალდებები. “მიხეილ სააკაშვილი ქვეყანაში ზუსტად არჩევნების დაწყების წინ დაბრუნდა, როცა პოლარიზაცია უკვე ძალიან იყო გაღრმავებული. ჩვენ როგორც საჯაროდ, ასევე კერძო საუბრებში მთავრობას საკმაოდ აქტიურად მოვუწოდებთ, რომ დაიცვან მისი ადამიანური უფლებები და მას ღირსების დაცვით მოექცნენ, რათა მან სათანადო სამედიცინო მომსახურება და რა თქმა უნდა, სამართლიანი სასამართლო პროეცსი მიიღოს. მის წინააღმდეგ წარდგენილი ბრალდებები უნდა იყოს სრულად წარმოდგენილი იმისთის, რომ საზოგადოებამ…

ევროკომისარმა ენერგეტიკის საკითხებში ქადრი სიმსონმა ბაქოში, აზერბაიჯანის პრეზიდენტ ილჰამ ალიევთან და ენერგეტიკის მინისტრ შაჰბაზოვთან ,,სამხრეთის გაზის დერეფნის“ მერვე მინისტერიალის შემდეგ გამართულ შეხვედრაზე განაცხადა, რომ ევროკავშირი აზერბაიჯანიდან ევროპაში ექსპორტირებული ბუნებრივი აირის მოცულობის წელიწადში 10 მილიარდ კუბურ მეტრამდე ზრდას მიესალმება. შეხვედრისას საუბარი შეეხო ,,სამხრეთის გაზის დერეფნის“ ინფრასტრუქტურის მუშაობას, რომლის სრულმასშტაბიანი ამუშავებიდან ერთი წელი გავიდა. ევროკომისარმა აღნიშნა, რომ პროექტი სამხრეთ-აღმოსავლეთ ევროპაში გაზის საიმედო, კონკურენტუნარიან და ხელმისაწვდომ მიწოდებას უზრუნველყოფს. “ჩვენ გვინდა, რომ აზერბაიჯანიდან ევროპაში ექსპორტირებული ბუნებრივი აირის მოცულობამ 10 მილიარდ კუბურ მეტრს მიაღწიოს. ასეთი ზრდა მნიშვნელოვანია „ენერგეტიკულ ბაზარზე დეფიციტისა და ფასების ზრდის ფონზე”, – განაცხადა…

უცხოური მედიის ინფორმაციით, პერუს პრემიერ-მინისტრი ჰექტორ ვალერი ქალიშვილსა და მეუღლეზე ძალადობის ბრალდების გამო თანამდებობიდან გადადგა. ვალერმა პოლიტიკური ძალები ოჯახური ძალადობის ცრუ ბრალდებებსა და თანამდებობიდან გადადგომის იძულებაში დაადანაშაულა. მისი პრემიერ-მინისტრის პოსტზე დანიშვნის შემდეგ 2016 წლის პოლიციის ანგარიშები გავრცელდა, სადაც ქალიშვილი და მეუღლე ძალადობის შესახებ საუბრობენ. პრემიერ-მინისტრმა ბრალდებები უარყო. აღნიშნულ პოსტზე ჰექტორი ოთხი დღის წინ დაინიშნა. პარასკევს პრეზიდენტმა პედრო კასტილომ განაცხადა, რომ ის კვლავ განაახლებს მინისტრთა კაბინეტს.

აშშ-ს ოფიციალური პირების განცხადებით, რუსეთს უკრაინაში სრული შეჭრისთვის საჭირო სამხედრო ძალის სულ მცირე 70% ადგილზე ჰყავს მობილიზებული და საზღვარზე ბატალიონის ტაქტიკურ ჯგუფებს აგზავნის. აშშ-ს ოფიციალური წარმომადგენლების ცნობით, პარასკევის მდგომარეობით, რუსეთის არმიამ უკრაინის მახლობლად დააყენა სულ 83 ბატალიონის ტაქტიკური ჯგუფი. თითოში დაახლოებით 1000 ჯარისკაცამდე შედის. ოფიციალური პირების განცხადებით, კიდევ 14 ბატალიონის ტაქტიკური ჯგუფი რუსეთის სხვადასხვა ნაწილებიდან სასაზღვრო ზონისკენ მიემართება. ვარაუდობენ, რომ რუსეთს მიზნად ადგილზე 150 000 ჯარისკაცის ყოლა აქვს განზრახული და უახლოესი კვირების განმავლობაში შესაძლოა მიაღწიოს კიდეც ამ ნიშნულს.