დღე: ოქტომბერი 18, 2021

ბათუმის ყოფილი ვიცე-მერის, ზურაბ ბერიძის საცხოვრებელ სახლთან სამართალდამცველები იმყოფებიან. როგორც ადგილიდან საქართველოს პირველი არხის ჟურნალისტი იუწყება, სავარაუდოდ მიმდინარეობს ბერიძის დაკითხვა. სადარბაზოს, სადაც ბათუმის ყოფილი ვიცე-მერი ცხოვრობს, პოლიცია აკონტროლებს. საგამოძიებო მოქმედებები სავარაუდოდ დღეს დილით თბილისში მომხდარ მკვლელობას უკავშირდება. მოკლულ ანასტასია შატალოვას და ყოფილ ვიცე-მერს საერთო შვილი ჰყავთ. შატალოვა მის დაბრუნებას ითხოვდა, მათ შორის მიმდინარეობდა დავა. თბილისში ახალგაზრდა ქალი მოკლეს. არსებული ინფორმაციით, ქალს ცეცხლსასროლი იარაღიდან ესროლეს.

საქართველოს ჯანდაცვის მინისტრის ეკატერინე ტიკარაძის განცხადებით, რუსთავის მარდალეიშვილის სახელობის სამედიცინო ცენტრთან დაკავშირებით გავრცელებულ ინფორმაციაზე ჯანდაცვის სამინისტრომ რეაგირება მოახდინა და ფაქტს რეგულირების სააგენტო შეისწავლის. კერძოდ, მინისტრი გამოეხმაურა სოციალურ ქსელში გავრცელებულ  იმ ინფორმაციას, რომლის მიხედვითაც, მარდალეიშვილის სახელობის სამედიცინო ცენტრში ერთ-ერთი პაციენტი ჯერ კიდევ გარდაცვალებამდე შეიყვანეს პროზექტურაში. „რაც შეეხება შემთხვევას, ჩვენ უკვე გავრცელებულ ფაქტზე მოვახდინეთ რეაგირება. მას შემდეგ, რაც გავრცელდა ქალბატონი ადამიას ვიდეო, რეგულირების სააგენტო მივიდა ადგილზე, დღეს მათ დასკვნას გავეცნობი და შემდგომ უკვე თქვენ გაგაცნობთ“, – აღნიშნა ეკატერინე ტიკარაძემ. მისივე განმარტებით, ჯანდაცვის სამინისტროს რელურად არ აქვს ბერკეტები იმასთან დაკავშირებით, რომ კლინიკებში მუდმივი…

თბილისში, კამანის ქუჩაზე მოკლული ახალგაზრდა ქალი ანასტასია შატალოვაა, რომელიც ბათუმის ყოფილ ვიცე მერს, ზურაბ ბერიძეს შვილის წართმევაში ადანაშაულებდა. ანასტასია შატალოვა აცხადებდა, რომ ბერიძემ ბავშვი მოტყუებით წაიყვანა და დედას აღარ აჩვენებდა. როგორც შატალოვა სხვადასხვა ტელევიზიებთან და ინტერნეტგამოცემებთან ჰყვებოდა, ბერიძე მას ცოლად მოყვანას შეჰპირდა, თუმცა, ბავშვის გაჩენის შემდეგ ექს-მაღალჩინოსანი პირველ მეუღლეს დაუბრუნდა, მას კი ახალშობილი წაართვა. მედიაში ვრცელდებოდა ინფორმაცია, რომ ამ საქმეზე ბათუმის ყოფილ ვიცე-მერს შემაკავებელი ორდერიც გამოუწერეს. შეგახსენებთ, რომ მკვლელობა გასულ ღამით, კამანის ქუჩაზე მოხდა. შატალოვას ცეცხლსასროლი არაღიდან ესროლეს. 

„ჩვენ უკვე გადავდივართ ცივ სეზონზე, რომელიც ნოემბრიდან პიკში შევა, ამიტომ მნიშვნელოვანია მომხმარებელს შევახსენოთ რეკომენდაციები,“ – ამის შესახებ „მედიაცენტრ მთავარში“ ენერგოომბუდსმენმა, სალომე ვარდიაშვილმა განაცხადა. ვარდიაშვილი თვლის, რომ სახელმწიფო მომზადებული ხვდება უსაფრთხოების თვალსაზრისით ზამთრის სეზონს, მისივე განმარტებით დედაქალაქის მასშტაბით ნებისმიერ სატელეფონო და საკომუნიკაციო ზარს ყურადღება ექცევა: „ოდნავი სუნის შემთხვევა და ოდნავი ეჭვი, უკვე გამოძახებულია შესაბამისი სამსახური, აქედან გამომდინარე გაზრდილია მომხმარებლის თვითშეგნებაც, ჩვენ არ უნდა გვქონდეს ილუზია, რომ ყველაფერი აღმოიფხვრა, ძველი ქსელები ისევ რჩება პრობლემად, რადგან შიდა ქსელები არავინ იცის, როგორაა მოწყობილი, ამ მხრივ შემიძლია პირველ რიგში „ნაძალადევი“ ვახსენო,  აქ კუსტარულად დანაწევრებულია თითქმის ყველა ოთახში…

თუშეთის გზაზე ავარიას ახალგაზრდა მამაკაცი ემსხვერპლა. მაღალი გამავლობის მანქანა რამდენიმე მეტრის სიმაღლიდან გადავარდა. რა დროსაც ავტომობილში სამი ადამიანი იმყოფებოდა. მათგან ერთი ადგილზე გარდაიცვალა, ორი კი სამაშველო სამსახურის თანამშრომლებმა ამოიყვანეს. დაშავებულები სასწრაფო დახმარების ბრიგადამ თელავის საავადმყოფოში გადაიყვანეს.  შემთხვევა ფშაველი-აბანო-ომალოს დამაკავშირებელი გზის 30-ე კილომეტრზე მოხდა. ადგილზე სამაშველო ჯგუფები, პოლიცია და სასწრაფო იყო მობილიზებული.

თბილისში, საბურთალოზე ქალი მოკლეს. შემთხვევა გუშინ, გვიან ღამით მოხდა. არსებული ინფორმაციით, ქალს ცეცხლსასროლი იარაღიდან რამდენჯერმე ესროლეს. მომხდართან დაკავშირებით გამოძიება სისხლის სამართლის კოდექის 108-ე მუხლით მიმდინარეობს, რაც განზრახ მკვლელობას გულისხმობს.

საფრანგეთში “რუსულენოვან მაფიასთან” დაკავშირებული ქართველები დააკავეს. საფრანგეთის ჟანდარმერიის ინფორმაციით, ქალაქ ამიენის პოლიციამ 61 ჩხრეკა ჩაატარა და სიგარეტით უკანონოდ ვაჭრობისა და მოპარული ავტომობილების გაყიდვის გამო სომხებისა და ქართველების ჯგუფები დააკავა. სამართალდამცველებმა სულ 37 ადამიანი აიყვანეს.

სოციალურ ქსელში ვიდეო ვრცელდება, სადაც რუსთავის პროზექტურაში მომხდარი ინციდენტია ასახული. ერთ-ერთი თვითმხილველი ამბობს, რომ მეგობარს გარდაეცვალა ნათესავი და პროზექტურაში შეყოლა სთხოვა, ადამიანი კი, რომელიც ექიმებმა გარდაცვლიდად გამოუცხადეს ოჯახს, ცოცხალი აღმოჩნდა: „სრული შოკის მომსწრე გავხდი, რუსთავში „მარდალეიშვილის” კლინიკაში, გამოვიძახე პოლიცია, ერთ – ერთი პაციენტის ახლობლებს, რომელიც უკვე მე- 5 დღეა იმყოფება კლინიკაში დაურეკეს, რომ გარდაიცვალა მისი ოჯახის წევრი. შევყევი მორგში და დავინახე, დილის 11 საათზე გარდაცვლილი ადამიანი არის თბილი და პულსის ცემაც ისმის, ადამიანს სდის სისხლი თავიდან, გამოვიძახე საპატრულო პოლიცია, ახლა აქ არაინ კრიმინალური პოლიციის წარმომადგენლებიც, ეს რა ხდება, სად ვცხოვრობთ?…