დღე: სექტემბერი 6, 2021

“ქართული ოცნების” მერობის კანდიდატი დღეს ნარკოტესტს ჩააბარებს. კახა კალაძემ ჯანსაღი ცხოვრების წესის პოპულარიზაციის გათვალისწინებით იგივე მოუწოდა კონკურენტებსაც. კამპანიის ფარგლებში – “არა ნარკოტიკი – ნარკოტიკი კლავს” ნარკოლოგიური შემოწმების გავლა მერობის სხვა კანდიდატებს ნებაყოფლობით შეუძლიათ, თუმცა ლევან სამხარაულის სახელობის ექსპერტიზის ბიუროში ვიზიტი ჯერ მხოლოდ კახა კალაძემ დაგეგმა.

20-21 ივნისის მოვლენებთან დაკავშირებით ამნისტიის შესახებ კანონპროექტის განხილვა საქართველოს პარლამენტში გრძელდება. აღნიშნულ ინიციატივაზე დღეს იურიდიულ საკითხთა კომიტეტის სხდომაზე მესამე მოსმენით იმსჯელებენ. „ნაციონალურ მოძრაობაში“ აცხადებენ, რომ აღნიშნული კანონპროექტი მათთვის კვლავ მიუღებელია. ნონა მამულაშვილის თქმით, ამნისტიის შესახებ კანონპროექტზე მსჯელობის განახლებით „ქართული ოცნება“ ცდილობს, ნიკა მელიას პოლიტიკური ზიანი მიაყენოს. „ეს კანონი იყო და რჩება ჩვენთვის მიუღებელი, რადგან ის იყო გამიზნული მხოლოდ ერთადერთი ადამიანის წინააღმდეგ. ეს იყო ნიკა მელიას წინააღმდეგ შექმნილი კანონპროექტი, რომლის მიხედვითაც „ქართული ოცნება“ ფაქტობრივად ცდილობს, ნიკა მელიას პოლიტიკური ზიანი მიაყენოს. მიუხედავად ყველაფრისა, ჩვენ ვხედავთ, რომ „ქართული ოცნება“ არის სრულ აგონიაში, რადგან წინასაარჩევნოდ…