დღე: სექტემბერი 6, 2021

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე აცხადებს, რომ ჯანდაცვის უწყება საზოგადოებრივი ტრანსპორტის აღდგენას მხარს უჭერს. “ჩვენ სავარაუდოდ მხარს დავუჭერთ სატრანსპორტო გახსნებს, რათა ეფექტურად შეძლონ მოქალაქეებმა გადაადგილება სწავლის დაწყების პროცესში. ხვალ ჩვენ მოვისმენთ შრომითი ინსპექციის მხრიდან ეფექტურ ღინისძიებებს, რაც შეიძლება გატარდეს ტრანსპორტში, რათა არ მოხდეს იქ გაზრდილი მობილობის შედეგად ინფექციის გავრცელება და არ დავუბრუნდეთ იმ ნიშნულს, რომელზეც ვიყავით,”- აღნიშნა ეკატერინე ტიკარაძემ.

“საკოორდინაციო საბჭოზე ექიმები, ჩვენ, ვართ უმცირესობაში… გეთანხმებით, ქვეყანაში პოლიტიკა უფრო მაღლა დადგა ეპიდსიტუაციასთან შედარებით, იმიტომ, რომ შარშან გაზაფხულზე იყო მეტი სოლიდარობა”, – ასეთი განცხადება გააკეთა დაავადებათა კონტროლის ეროვნული ცენტრის დირექტორმა ამირან გამყრელიძემ, “პალიტანიუსის” ეთერში. “დღეს სამწუხაროდ, კოვიდის თემა არის მთავარი საჯილდაო თემა პოლიტიკურ პარტიებს შორის. მე მოვუწოდე ყველა პოლიტიკურ პარტიას, რომ მათი შეხვედრები დაიწყოს აცრების თემით, იმიტომ, რომ აცრებზე გადის დღეს ქვეყანაში ეპიდსიტუაციის დასრულება, ქვეყნის შემდგომი ეკონომიკური განვითარება და ის, რომ ჩვენ დავუბრუნდეთ ნორმალურ ცხოვრებას. შარშან გაზაფხულზე ეს არ ყოფილა, იყო მეტი სოლიდარობა”, – ამბობს გამყრელიძე.

111 წლის ლეონილა გვაჯავა კორონავირუსისგან გამოჯანმრთელდა. ის თბილისის რესპუბლიკური საავადმყოფოდან დღეს გაწერეს. ექიმ ბაჩო ბჟალავას განცხადებით, პაციენტი თერაპიულ განყოფილებაში ორი კვირის განმავლობაში მკურნალობდა, იყო საშუალო სიმძიმის, ჟანგბადდამოკიდებული. „ქალბატონმა დაამარცხა „კოვიდ-19“. შემოსვლისას მდგომარეობა იყო საყურადღებო, თუმცა პირნათლად შეასრულა ჩვენი ყველა მითითებული რეკომენდაცია. ჰქონდა რამდენიმე რთული დღე, რომელიც მშვიდობიანად გადალახა. ამ პერიოდში ქალბატონთან მუშაობა ძალიან საინტერესო იყო. ყველა მითითება და რეკომენდაცია პირნათლად შეასრულა და ადეკვატური შედეგიც დაიდო. დარწმუნებული ვარ, იგივენაირად გააგრძელებს და ამბულატორიულ რეჟიმში ჩვენს მიერ გაცემულ რეკომენდაციას სწორად შეასრულებს. ამ ეტაპზე მდგომარეობა დამაკმაყოფილებელია. მის ჯანმრთელობის მდგომარეობას საფრთხე არ ემუქრება“,- განაცხადა ლეონილა გვაჯავას მკურნალმა ექიმმა.

კორონავირუსის ახალი ტალღის მოლოდინი არამხოლოდ ჩვენ, არამედ გლობალურად ყველა ქვეყანას აქვს, ეს შესაძლოა, უკავშირდებოდეს განსხვავებული შტამების გამოჩენას, ასევე არასაკმარისად იმუნური ფენის ჩამოყალიბებას და რეგულაციების უგულებელყოფას, – ამის შესახებ ჯანდაცვის მინისტრის მოადგილე თამარ გაბუნიამ კორონავირუსის მეხუთე ტალღაზე საუბრისას განაცხადა. როგორც გაბუნიამ აღნიშნა, მაქსიმალურად უნდა ავირიდოთ ახალი ტალღის ისეთი სისწრაფით გავრცელება როგორიც გასული მეოთხე ტალღის პერიოდში გვქონდა. “ის რეგულაციები, რომელიც დაწესებულია, კიდევ დიდხანს დაგვჭირდება და ამის ალტერნატივა არ არის. მნიშვნელოვანია სწრაფი ვაქცინაცია, რადგან ამ პირობებში არავაქცინირებული ადამიანი გახდება ძლიერი დარტყმის პირველი სამიზნე. ამიტომ, მნიშვნელოვანია საზოგადოებაში მცირე დარჩეს არავაქცინირებული ჯგუფი. ამასთანავე, მზაობა მიმდინარეობს…

სასიცოცხლო რისკების შემცირების შემდეგ, რისი მოლოდინიც გვაქვს მომდევნო დღეებში, მაშინვე აღდგება საზოგადოებრივი ტრანსპორტის მოძრაობა, – ამის შესახებ საქართველოს ჯანდაცვის მინისტრის მოადგილე თამარ გაბუნიამ ჟურნალისტებს განუცხადა. მისივე თქმით, მოიხსნება ის შეზღუდვები, რომელიც უწყებათაშორისმა საკოორდინაციო საბჭომ სასიცოცხლო რისკებთან დაკავშირებით შემოიღო. „ვსაუბრობდით სასიცოცხლო რისკებზე, რომელიც უკავშირდებოდა ეპიდემიის ძალიან სწრაფად გავრცელებას. როცა ასეთი სასიცოცხლო რისკების წინაშე ვდგავართ, ეს არის უპირატესი სხვა სოციალურ და ბიზნესსაჭიროებებთან შედარებით. როგორც კი რისკები შემცირდება და ამის მოლოდინი გვაქვს მომდევნო დღეებში, მაშინვე აღდგება ტრანსპორტის ნორმალური ფუნქციონირება, მოიხსნება ის შეზღუდვები, რომელიც სასიცოცხლო რისკებთან დაკავშირებით იქნა შემოღებული. გვესმის, რომ სამსახურში წასვლისთვის სჭირდებათ სატრანსპორტო…

სპეციალური პენიტენციური სამსახურის ინფორმაციით, მიმდინარე წლის 28 აგვისტოდან დღემდე გეგუთის პენიტენციურ დაწესებულებაში კორონავირუსი 14 მსჯავრდებულს დაუდასტურდა. მათივე ინფორმაციით, ამ ეტაპზე არც ერთს მათგანს სამედიცინო დახმარება არ ესაჭიროება. „მიმდინარე წლის 28 აგვისტოდან დღემდე N14 (გეგუთის) პენიტენციურ დაწესებულებაში კოვიდ-19 14 მსჯავრდებულს დაუდასტურდა. ყველა მათგანის ჯანმრთელობის მდგომარეობა დამაკმაყოფილებელია. ამ ეტაპზე არც ერთს მათგანს სამედიცინო დახმარება არ ესაჭიროება, თუმცა შემდგომი დაკვირვების მიზნით ხონის ფსიქიატრიულ საავადმყოფოსთან არსებულ საკარანტინე სივრცეში არიან მოთავსებული და მედპერსონალის დაკვირვების ქვეშ იმყოფებიან. თოთხმეტივე მსჯავრდებულს უახლოეს დღეებში დადგენილი პროტოკოლის შესაბამისად ჩაუტარდება ტესტირება და უარყოფითი პასუხის შემთხვევაში სასჯელის მოხდის ადგილზე დაბრუნდებიან“, – აცხადებენ უწყებაში.

„კორონავირუსის საწინააღმდეგო ვაქცინის პირველ დოზებზე სამწუხაროდ, ტენდენცია გაჩნდა დაჯავშნის მოკლების – თუ ჩვენ სექტემბერ-ოქტომბერში გავაკეთებთ მილიონ-მილიონ აცრას, სერიოზულად გავტეხავთ წელში ამ პანდემიას, – ამის შესახებ ამირან გამყრელიძემ „პალიტრანიუსის“ გადაცემაში „პოლიტ-ქალაქი“ განაცხადა. „ქვეყანაში „ფაიზერის“ 700 ათასი თავისუფალი დოზაა, ყოველდღე მოსახლეობას ვეუბნები – დაჯავშნეთ. პირველ დოზებზე სამწუხაროდ, ტენდენცია გაჩნდა დაჯავშნის მოკლების. დღეში 24 ათასი აცრა გვაქვს საშუალოდ და ეს კარგია, მაგრამ მინდა, რომ სექტემბერში იყოს 30 ათასი აცრა დღეში იმიტომ, რომ სექტემბერ-ოქტომბერი ჩვენთვის არის კრიტიკული. თუ ჩვენ სექტემბერ-ოქტომბერში გავაკეთებთ მილიონ-მილიონ აცრას, სერიოზულად გავტეხავთ წელში ამ პანდემიას“, – განაცხადა გამყრელიძემ.

ქავთარაძის საველე ჰოსპიტლის დეპარტამენტის ხელმძღვანელის, მერაბ ჩიქოვანის ინფორმაციით, სტაციონარში ამ ეტაპზე მკურნალობას 84 პაციენტი აგრძელებს. ჩიქოვანმა ასევე მათი ჯანმრთელობის მდგომარეობის შესახებაც ისაუბრა. “დღეს დილით სტაციონარში მკურნალობას აგრძელებს 84 პაციენტი. მორიგეობის განმავლობაში გაეწერა 8 პაციენტი, დარეფერალდა ერთი. მეტწილად პაციენტების მდგომარეობა საშუალო სიმძიმისაა, თუმცა გვყავს მსუბუქი მიმდინარეობის მქონე პაციენტებიც. მოიხმარენ მეტწილად ჟანგბადს და უჟანგბადო პაციენტებიც გვყავს,” – განაცხადა ჩიქოვანმა.

კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 8,19 პროცენტს შეადგენს. ამის შესახებ მონაცემები მთავრობის სპეციალურ ვებგვერდ stopcov.ge-ზეგამოქვეყნდა. დადებითობის დღევანდელი მაჩვენებელი არის 6,94 პროცენტი, ხოლო ბოლო 14 დღის – 9,15 პროცენტი. ბოლო 24 საათში „კოვიდ-19“ 1 120 პირს დაუდასტურდა, 4 905 პაციენტი გამოჯანმრთელდა, 61 კი, გარდაიცვალა. გუშინ, 5 სექტემბერს საქართველოში კორონავირუსის 2 210 შემთხვევა გამოვლინდა, 5 587 პაციენტი გამოჯანმრთელდა, 74 კი გარდაიცვალა.

კორონავირუსს 15 წლის მოზარდის სიცოცხლე ემსხვერპლა. მოზარდი მკურნალობას ციციშვილის კლინიკაში გადიოდა. მისი ჯანმრთელობის მდგომარეობა მძიმე იყო.

კორონავირუსის ახალი შემთხვევებიდან თბილისში გამოვლინდა 415, იმერეთში – 175, აჭარაში – 147, – ამის შესახებ მთავრობის პრესსამსახურის მიერ გავრცელებულ ინფორმაციაშია ნათქვამი. „Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 16 149 კვლევა ტესტით, მათ შორის 8 840 კვლევა ანტიგენის ტესტით და 7 309 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 1 120 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 565 957-ს. რაც შეეხება დადებითობის მაჩვენებელს, 5 სექტემბრის მდგომარეობით, დადებითობის დღიური მაჩვენებელი არის 6.94%, ბოლო 14…

საქართველოში ბოლო 24 საათში კორონავირუსით 61 პაციენტი გარდაიცვალა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ქვეყანაში ვირუსით გარდაცვლილთა საერთო რაოდენობა 7 867-ს შეადგენს. ბოლო 24 საათში „კოვიდ-19“ დაუდასტურდა 1 120 პირს, 4 905 პაციენტი გამოჯანმრთელდა.

საქართველოში კორონავირუსის 1 120 ახალი შემთხვევა გამოვლინდა. ამის შესახებ ინფორმაცია დაავადებათა კონტროლის ეროვნული ცენტრის გვერდზე გამოქვეყნდა. ქვეყანაში ბოლო 24 საათში 4 905 ადამიანი გამოჯანმრთელდა, გარდაიცვალა 61 პაციენტი. ბოლო 24 საათში ქვეყანაში ჩატარდა 16 149 ტესტი. ქვეყანაში კორონავირუსის გამოვლენის დადებითობის მაჩვენებლებია: ბოლო 14 დღის – 9,15%, ბოლო 7 დღის – 8,19%. საქართველოში კორონავირუსით ინფიცირების სულ 565 957 შემთხვევაა გამოვლენილი, მათგან 519 673 გამოჯანმრთელდა, 7 867 კი, გარდაიცვალა. სულ აცრილია 1 326 033 ადამიანი, დღიურად აცრილია 16 298. გუშინ, 5 სექტემბერს საქართველოში კორონავირუსის 2 210 შემთხვევა გამოვლინდა, 5 587 პაციენტი გამოჯანმრთელდა, 74 კი გარდაიცვალა.