დღე: აგვისტო 25, 2021

ჩოხატაურში “რომპეტროლის” ბენზინგასამართი სადგური დააყაჩაღეს. შემთხვევა დღის 3 საათზე მოხდა. გამოძიებისთვის უცნობმა ორმა პირმა, ბენზინგასამართი სადგურის თანამშრომელს, თანხის ჯიბიდან ამოღება აიძულა და მიიმალა. თავდამსხმელები ცივი იარაღით იყვნენ შეიარაღებულნი. თანხის ოდენობა ამ დროისთვის უცნობია. შინაგან საქმეთა სამინისტროს ინფორმაციით, საქმე სისხლის სამართლის კოდექსის 179-ე მუხლით აღიძრა.

პანკისის ხეობაში გუშინ დაკავებულ ხუთ პირს ბრალი ოფიციალურად წარუდგინეს. დაკავებულთაგან ერთს ბრალი ედება სისხლის სამართლის კოდექსის ორი მუხლით – ტერორისტული ორგანიზაციის წევრობა და ტერორისტულ ორგანიზაციაში გაწევრიანების დახმარება, ხოლო დანარჩენ პირებს ბრალად ედებათ მხოლოდ ტერორისტული ორგანიზაციის წევრობა. როგორც ადვოკატმა ანა ლილუაშვილმა ჟურნალისტებს განუცხადა, დაცვის მხარეს საქმის მასალების რამდენიმე ტომი გადაეცა. „სუს-ში ჩემი დაცვის ქვეშ მყოფების მიმართ ბრალის წარდგენა დასრულდა. გადმოგვეცა რამდენიმე ტომი, დღის განმავლობაში გავეცნობით მასალებს და გვეცოდინება მტკიცებულებებზე. ბრალდება გახლავთ 328-ე მუხლი და 327-ეს პირველი ნაწილი, ტერორისტულ ორგანიზაციაში გაერთიანება, წევრობა და დახმარება. ბრალდებულები წარდგენილ ბრალდებაში თავს არ ცნობენ დამნაშავედ. ჯერ ფიზიკურად…

ოჩამჩირეში, ანტიკურ ნაქალაქევ გიენოსში უკვე სამი წელია არქეოლოგიური გათხრები მიმდინარეობს.  გუშინ ამ ადგილას ტყვიის სარკოფაგი აღმოაჩინეს, რომელიც V-VI საუკუნით თარიღდება. სპეციალისტების განცხადებით, სარკოფაგი სავარაუდოდ მაღალი რანგის სასულიერო პირს, ან დიდგვაროვანი ოჯახის წარმომადგენელს მიეკუთვნება. იმ პერიოდში მსგავსი სარკოფაგები მხოლოდ ამ კატეგორიის პირებისთვის კეთდებოდა.  სარკოფაგში აღმოჩნდა სხვადასხვა ნივთები და სავარაუდოდ, მამრობითი სქესის ადამიანის ცხედარი.  არქეოლოგიური გათხრები სალოცავის ტერიტორიაზე მიმდინარეობდა.   მანამდე იგივე ადგილას აღმოჩენილ იქნა ქვის სარკოფაგი და მცირე ზომის ოქროს სამკაული.

სხალთის ეპარქიის მღვდელმსახური დეკანოზი ევდემოზი, ვაქცინაციაზე საუბრისას, ანტივაქსერულ და ანტისამეცნიურო განცხადებებს აკეთებს.  „გუშინ ბავშვი მყავდა ჩაყვანილი პოლიკლინიკაში ექიმთან, რიგი იყო და სანამ ჩვენი რიგი მოვიდოდა, ჩავრთე ტელეფონი და ჩავრთე ბლუთუზი და ვნახე, რომ ამომიგდო რაღაც უცხო კოდები, გამიკვირდა, რა კოდები უნდა იყოს-მეთქი და მერე გამახსენდა, ინტერნეტში იდო, რომ ეს კოდი არის ის, რომ აიცრება ადამიანი და იჩიპებაო. შევხედე, მე თვითონ არ ვიცოდი ჯერ, მერე მივედი სახლში, არ ვიცი ვინ იყო პოლიკლინიკაში აცრილი, ვინ არ იყო, სახლში ერთი ოჯახის წევრია აცრილი და ჩავრთე ბლუთუზი და ამოაგდო ორი კოდი – ჩემი ოჯახის…

გოდერძის უღელტეხილზე, გზის სავალი ნაწილიდან ავტომობილი ხევში გადავარდა. “TV25″– ის ინფორმაციით, მანქანაში უცხო ქვეყნის სამი მოქალაქე იმყოფებოდა, მათ შორის ერთი არასრულწლოვანი. გარდაცვლილია ერთი პირი. შინაგან საქმეთა სამინისტრომ გამოძიება, სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

პანკისის ხეობაში ტერორისტული დაჯგუფება “ისლამური სახელმწიფოს” წევრობის ბრალდებით დაკავებულებს ბრალს დღეს წარუდგენენ. დაკავებულები სახელმწიფო უსაფრთხოების სამსახურის წინასწარი დაკავების იზოლატორში იმყოფებიან. ბრალის დადგენილების წარდგენას დაესწრებიან ასევე მათი ინტერესების დამცველებიც. ადვოკატები აცხადებენ, რომ მასალების გაცნობის შემდეგ ექნებათ კონკრეტული ინფორმაცია ბრალის შესახებ. დაკავებულების ოჯახის წევრები კი ბრალდებებს არ ეთანხმებიან და იმედი აქვთ, რომ დაკავებულებს გამოუშვებენ.  გამოძიება ტერორისტული ორგანიზაციის წევრობის ბრალდებით არის დაწყებული. ცნობილია, რომ საქმეში დევს სატელეფონო ჩანაწერები, ფოტო და აუდიო-ვიდეო მასალები.

ჟურნალისტი ვახო სანაია თბილისის საქალაქო სასამართლოს განაჩენს სამარცხვინოს უწოდებს. დაზარალებულის თქმით, ბრალდებულების სასამართლო დარბაზიდან გათავისუფლება დანაშაულს ახალისებს. “სასამართლომ, ჩემი აზრით, მიიღო სამარცხვინო გადაწყვეტილება როგორც ხშირად ხდება ხოლმე ამ შენობაში და ნებისმიერ ისტანციაში. ხელოვნურად გადადო სასამართლო პროცესი რამდენჯერმე და შემდეგ მიუსაჯა 6 თვე, რომელიც უკვე გასულია და გაათავისუფლა ბრალდებულები. ეს არის ვითარება, როდესაც უსამართლო სასამართლო კიდევ ერთხელ ახალისებს დანაშაულს – ეს ხომ გადამდებია, გადამდებია სხვებისთვის, რამაც საბოლოო ჯამში მოგვიტანა ჩვენ 5 ივლისი ქვეყანაში,”-აცხადებს ვახო სანაია. შეგახსენებთ, მოსამართლე გიორგი კერატიშშვილმა ვახო სანაიას საქმეზე ბრალდებულებს 6 თვიანი პატიმრობა მიუსაჯა, აღნიშნული ვადა დღეს ამოიწურა და…

სოფელ წინანდალთან განზრახ მკვლელობის ფაქტზე დაკავებულ ზურაბ ზვიადაურსა და მის ადვოკატებს სააპელაციო სასამართლომ საჩივრის განხილვაზე უარი უთხრა. ზვიადაურის ადვოკატების ინფორმაციით, ისინი ასაჩივრებდნენ 18 აგვისტოს სასამართლოს პირველი ინსტანციის მიერ აღკვეთის ღონისძიებად პატიმრობის შეფარდებას და ასევე საჩივართან ერთად, ადვოკატების ცნობით, მათ წარადგინეს თავდებობის სია. ადვოკატი სასჯელაღსრულების მეცხრე დაწესებულებაში განზრახ მკვლელობაში ბრალდებულ ზურაბ ზვიადაურთან შეხვედრას აპირებს. ისინი ისაუბრებენ, გაასაჩივრებს თუ არა მხარე გადაწყვეტილებას ადამიანის უფლებათა ევროპულ სასამართლოში. „სააპელაციო სასამართლომ უარი გვითხრა საჩივრის განხილვაზე. განიხილა სხვა საკითხები, რომლებიც შემხებლობაში არ იყო ჩვენს დავასთან, აქედან გამომდინარე, სააპელაციო სასამართლოს გადაწყვეტილება არის უკანონო და ის მოქმედი კანონმდებლობით აღარ საჩივრდება.…

თბილისის საქალაქო სასამართლოში ჟურნალისტ ვახო სანაიაზე თავდასხმაში ბრალდებულების – ვაჟა გიგაურის, სულიკო საყევარაშვილისა და გიორგი სახელაშვილის პროცესი დასრულდა. მოსამართლემ სამივე ბრალდებული დამნაშავედ ცნო და ექვსი თვის ვადით პატიმრობა მიუსაჯა, რომლებიც ბრალდებულებმა უკვე მოიხადეს. სწორედ დღეს გავიდა მათი დაკავებიდან ექვსი თვე. ბრალდებულების ოჯახის წევრები, რომლებიც სასამართლოს ეზოში იყვნენ შეკრებილები, გადაწყვეტილებას ოვაციებით შეხვდნენ.

შინაგან საქმეთა სამინისტროს ინფორმაციით, სამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო და სამძებრო ღონისძიებების შედეგად, 1992 წელს დაბადებული რ.კ. განზრახ მკვლელობის ბრალდებით დააკავეს. გამოძიების ცნობით, ბრალდებულმა რ.კ.-მ მიმდინარე წლის 23 აგვისტოს, ჩხოროწყუს მუნიციპალიტეტის ერთ-ერთ სოფელში, ურთიერთშელაპარაკების ნიადაგზე, 1993 წელს დაბადებულ მ. მ.-ს და მის ძმას – 1996 წელს დაბადებულ ა.მ.-ს ცივი იარაღით სხეულზე დაზიანებები მიაყენა. დაჭრილი პირები საავადმყოფოში გადაიყვანეს, სადაც ა.მ. მიყენებული ჭრილობის შედეგად გარდაიცვალა. გამოძიება განზრახ მკვლელობის ფაქტზე სსკ-ის 108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.

რუსთავში, საცხოვრებელი კორპუსის ერთ-ერთ ბინაში 80 წლმდე მამაკაცი მოკლეს. დანაშაულის ჩადენის მოტივი ჯერჯერობით უცნობია. მომხდარზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.