დღე: აგვისტო 20, 2021

47 წლის კოვიდდადებითი ქალი ტყუპების დედა გახდა. ამის შესახებ კლინიკა “ბომონდი” წერს. მათივე ინფორმაციით, ქალი შვილს 10 წლის განმავლობაში ელოდა.  “ტყუპი ქალ-ვაჟი ქვეყანას “კლინიკა ბომონდში“, ფერიცვალების დღესასწაულზე, საკეისრო კვეთის გზით მოევლინა. აღსანიშნავია, რომ გასული 24 საათის განმავლობაში კლინიკაში 10 ახალშობილი დაიბადა. აქედან 7 ფიზიოლოგიურ, ხოლო 3 კოვიდსამეანო განყოფილებაში გაჩნდა. დედებისა და ახალშობილების ჯანმრთელობის მდგომარეობა სტაბილურია.„კლინიკა ბომონდი“ იზიარებს ოჯახების ბედნიერებას. მშვიდობას და ჯანმრთელობას უსურვებს ახალშობილთა ოჯახებს, ხოლო სამედიცინო პერსონალს მადლობას უხდის დაუღალავი შრომისათვის,” – წერია კლინიკის Facebook გვერდზე.

დაავადებათა კონტროლის ცენტრის ხელმძღვანელის ამირან გამყრელიძის განცხადებით, საქართველოში კორონავირუსის ახალი შტამის – „დელტა პლუსის“ ორი შემთხვევა დაფიქსირდა. „დიახ, სეკვენირების დროს დადასტურდა ორი შემთხვევა. არ ვიცი მოემატა კიდევ თუ არა, ბოლო ორი კვირაა არ მომიკითხავს. ორი შემთხვევა გვქონდა „დელტა პლუსის“, თავისი ამ გენეტიკური შენებით. განსაკუთრებული არაფერი. მოგეხსენებათ ეს ვირუსი, ძალიან ბევრ მუტაციას განიცდის. რაც გაჩნდა ეს ვირუსი, მას შემდეგ რამდენიმე ასეული თუ მეტი არა მუტაცია აღირიცხა, მაგრამ საზოგადოებრივი ჯანდაცვითი მნიშვნელობა ჰქონდა რამოდენიმე მუტირებულ შტამს. როგორიც იყო ბრიტანული შტამი, სამხრეთ აფრიკული შტამი, ინდური შტამი, ბრაზიულიური და ა.შ. სპეციალური, გლობალური პლატფორმაა, სადაც სხვადასხვა აღმოჩენილი შტამები იტვირთება, მათ შორის ჩვენც…

ასეთი შემთხვევები ერთეულია, ამის განმაპირობებელი თანმხლები დაავადებები იყო, – ასე უპასუხა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ, მედია ვებინარზე დასმულ შეკითხვას, თუ რატომ გახდა კორონავირუსის ვაქცინით ორჯერადად აცრილი ადამიანების რეანიმაციაში განთავსება აუცილებელი. გამყრელიძის თქმით, როცა გარშემო ამდენი ინფიცირებულია, ორჯერადად აცრილებიც ძალიან ფრთხილად უნდა იყვნენ, რადგან გადადების შანსი არსებობს. „ჩემი ინფორმაციით, ასეთი შემთხვევები ერთეულია, რა თქმა უნდა, ამის განმაპირობებელი თანმხლები დაავადებები იყო. ის, რომ ორჯერ აცრილი იყო, ბევრს ეგონა და ჰგონია, რომ არ დაემართება კოვიდი და უფრო თავისუფლად არიან, არადა როცა გარშემო ამდენი ინფიცირებულია ორჯერადად აცრილებიც ძალიან ფრთხილად უნდა იყვნენ, იმიტომ, რომ…

შარშან საქართველოში „კოვიდ-19“-ით ერთი ორსული გარდაიცვალა, წელს რვა ასეთი შემთხვევა დაფიქსირდა, გარდაცვალების მე-9 ფაქტი კი შესწავლის ეტაპზეა, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მედიის წარმომადგენლებისთვის გამართულ ვებინარზე განაცხადა. ამირან გამყრელიძემ კითხვის საპასუხოდ საკმაოდ ვრცლად ისაუბრა იმ მიზეზებზე, რის გამოც ქვეყანაში ორსულთა ვაქცინაცია შედარებით გვიან დაიწყო. გამყრელიძის განცხადებით, ორსულებისთვის დაშვებულია „ფაიზერის,“ „მოდერნასა“ და „ასტრაზენეკას“ ვაქცინების გამოყენება და ამ ვაქცინების შემთხვევაშიც არის გაფრთხილება, რომ აცრის შესახებ შეთანხმება უნდა იყოს ორსულს, ექიმსა და ოჯახს შორის. რაც შეეხება ინაქტივირებულ ვაქცინებს, როგორც გამყრელიძე ამბობს, მიუხედავად იმისა, რომ ზოგადად ასეთი ტიპის ვაქცინები ორსულებში…

საქართველოს ჯანდაცვის მინისტრის მოადგილის თამარ გაბუნიას განცხადებით, ამ ეტაპზე ახალი შეზღუდვების ამოქმედება არ იგეგმება. მისივე თქმით, დღეს აუცილებელია, რომ ქვეყანაში მოქმედი რეგულაციები მაქსიმალურად იყოს აღსრულებული. თამარ გაბუნიამ ასევე განაცხადა, რომ გარკვეულწილად, ქვეყანაში ეპდვითარების მცირედი სტაბილიზაციის სურათი იკვეთება. „ჯერჯერობით, მთავარია დაწესებული შეზღუდვების აღსრულება. ამ ეტაპზე დამატებით შეზღუდვებზე საუბარი არ არის. ერთი, რაც შემიძლია ვთქვა, ციფრები დღეს შედარებით ნაკლებია, ვიდრე იყო გუშინ და თუნდაც კვირის დასაწყისში. კარგია, რომ ახალი შემთხვევების ნახტომისებურ მატებას არ ვხედავთ. რა თქმა უნდა, ჯერ ნაადრევია რაიმე ოპტიმისტური პროგნოზის გაკეთება, მაგრამ ამ ციფრების საფუძველზე გარკვეულწილად იკვეთება მცირედი სტაბილიზაციის სურათი. ამდენად,…

ჯანდაცვის მინისტრის მოადგილის, თამარ გაბუნიას განცხადებით ორსულებისთვის სპეციალური ონლაინ კლინიკა შეიქმნება, რომელიც მეან-გინეკოლოგებით იქნება დაკომპლექტებული. „ვმუშაობთ ცალკე იმაზე, რომ ცალკე ონლაინ კლინიკა გაკეთდეს სპეციალურად დაკომპლექტებული მენა-გინეკოლოგებით, რომელიც გაუწევენ კოვიდით ინფიცირებულ ორსულებს ბინაზე. დღევანდელი ონლაინ კლინიკები ძირითადად ოჯახის ექიმებით არიან დაკომპლექტებული. ბუნებრივია ოჯახის ექიმებსაც შეუძლიათ ორსულების კონსულტირება თუმცა მაინც მნიშვნელოვნად ჩაითვალა, რომ კიდევ უფრო სპეციალიზირებული გავხადოთ ეს საკითხი“, – თქვა თამარ გაბუნიამ.

სკოლებში მასწავლებლებისა და პედაგოგიურ სფეროში დასაქმებული სხვა პერსონალის აქტივობა ბოლო პერიოდში საკმაოდ გაიზარდა, – ამის შესახებ ჯანდაცვის მინისტრის მოადგილე თამარ გაბუნიამ ჟურნალისტებთან განაცხადა. გაბუნიამ ხაზი გაუსვა, რომ აღნიშნულ სამიზნე ჯგუფში 30-დან 40%-მდე უკვე ვაქცინირებულია. „რაც შეეხება სკოლებს, სკოლებში მასწავლებლებისა და პედაგოგიურ სფეროში დასაქმებული სხვა პერსონალის აქტივობა ბოლო პერიოდში საკმაოდ გაიზარდა. პროპორციულად ეს რაოდენობა იზრდება, დაახლოებით 30-დან 40%-მდე სამიზნე ჯგუფის უკვე ვაქცინირებულია. რაც რა თქმა უნდა, სასურველი მაჩვენებელი არ არის და ჩვენ მაქსიმალურად გავააქტიურებთ ამ მიმართულებით მუშაობას“, – განაცხადა გაბუნიამ. თამარ გაბუნიას განცხადებით, ასევე, სამედიცინო პერსონალის ვაქცინაცია ჯამურად 67%-ია. ეს უფრო მეტად…

საველე ჰოსპიტალში პირველი პაცინეტები განათავსეს. ჯანდაცვის მინისტრის მოადგილის თამარ გაბუნიას განმარტებით, რა ტიპის სიმძიმის პაციენტები არიან ამ დროისთვის მოთავსებულები საველე ჰოსპიტალში. “საველე ჰოსპიტალში პაციენტების მდგომარეობა არის საშუალო სიმძიმის. აქ არიან მოთავსებულები პაციენტები, რომლებსაც სჭირდებათ დამატებით ჟანგბადი, მაგრამ მათი მდგომარეობა კვლავაც სტაბილურია და საველე ჰოსპიტლის პირობებში მკურნალობა შესაძლებელია. ეს ასეც იყო დაგეგმილი. მძიმე პაციენტების გადაყვანა ჰოსპიტლებში არც იგეგმებოდა“,- განაცხადა თამარ გაბუნიამ. ამ დროისთვის დიღმის საველე ჰოსპიტალში 9 პაციენტია მოთავსებული.

საქართველოს ჯანდაცვის მინისტრის მოადგილის თამარ გაბუნიას განცხადებით, თავშესაფრებში მცხოვრები პირების ვაქცინაცია რამდენიმე კვირაა, მიმდინარეობს. მისივე თქმით, უკვე დაახლოებით 100 პირია აცრილი. „თავშესაფრებში მცხოვრები პირების ვაქცინაცია რამდენიმე კვირაა, მიმდინარეობს. დაახლოებთ 250 არის სამიზნე ჯგუფი ბენეფიციარებისა და მომვლელი პერსონალის ჩათვლით, ვინც, რა თქმა უნდა, განაცხადა თანხმობა, რომ აიცრას. მობილური ბრიგადა გადის თავშესაფრებში რეანომობილის თანმხლებით, რათა აცრა ჩატარდეს უსაფრთხოდ. მოგეხსენებათ, ამას გარკვეული დრო სჭირდება, იმის გათვალისწინებითაც, თუ რამდენად დატვირთულია დღეს რეანომობილის სერვისი. ამ ჯგუფიდან დაახლოებით 50 პროცენტი, ასამდე პირია უკვე აცრილი. ხურვალეთში აცრები დაგეგმილია ხვალისთვის. პროგრამაში ჩართულ სხვა დანარჩენ თავშესაფარსა და ხანდაზმულთა სახლებში…

საქართველოს ჯანდაცვის მინისტრის მოადგილის, თამარ გაბუნიას განცხადებით, დიღმის ოლიმპიურ სოფელში მოწყობილ საველე ჰოსპიტალში უკვე განთავსდა ცხრა პაციენტი. მისივე თქმით, საველე ჰოსპიტალში პაციენტის დაყოვნება ორ-სამ დღეზე დიდხანს არ უნდა გაგრძელდეს. „გუშინ საღამოს დადგა იმის აუცილებლობა, რომ საველე ჰოსპიტალის ოპერირება დაგვეწყო. პაციენტების მდგომარეობა არის საშუალო სიმძიმის და ჰოსპიტალი დღეიდან უკვე სრული დატვირთვით შეუდგება მუშაობას. საუბარია დიღომის ჰოსპიტალზე. საველე ჰოსპიტალი ძირითადად დროებითი დაყოვნებისთვის არის, ამ შემთხვევაში ჩვენთვის მთავარია, რომ მოხდეს პაციენტის დროული სტაბილიზაცია და შემდეგ, სიმძიმიდან გამომდინარე, მისი გადამისამართება. ვფიქრობთ, ორ-სამ დღეზე მეტი არ უნდა მოგვიხდეს საველე ჰოსპიტალში პაციენტის დაყოვნება შემდეგ მოხდება მისი…

ალერგოლოგ-იმუნოლოგი, ბიძინა კულუმბეგოვი ქვეყანაში ვაქცინაციის პროცესს ეხმაურება. კულუმბეგოვიექიმების დანაშაულს ხედავს იმაში, რომ ამ დრომდე მოსახლეობის გარკვეულ ნაწილს აცრა არ უნდა და უარს ამბობს. „ხალხის დიდი ნაწილი თუ აცრილი არაა ექიმების (წამყვანი ექიმების) ბრალია! ძალიან სამწუხაროა ჩემთვის ამას რომ ვიძახი, მაგრამ მწარე რეალობაა“,- წერს ბიძინა კულუმბეგოვი.

0 აგვისტოს მონაცემებით, საქართველოში ჯამურად 907 665 აცრა ჩატარდა. სრულად ვაქცინირებულია 266 962 ადამიანი. დაავადებათა კონტროლის ეროვნული ცენტრის ინფორმაციით, 19 აგვისტოს 23 986 პირი აიცრა. შეგახსენებთ, რომ საქართველოში კორონავირუსის 4743 ახალი შემთხვევა დაფიქსირდა. 24 საათში კორონავირუსით კიდევ 59 ადამიანი გარდაიცვალა.

კორონავირუსის გავრცელების გამო დამძიმებული ეპიდვითარების ფონზე, ქვეყანაში საწოლფონდი იწურება. ქუთაისი ერთ-ერთი ქალაქია, სადაც ამ კუთხით ძალიან მძიმე ვითარებაა – კლინიკებში პაციენტების მისაღებად საწოლები საკმარისი აღარ არის. გავრცელებული ინფორმაციით, არსებული სიტუაციის გათვალისწინებით, შესაძლოა, საველე ჰოსპიტალი ქუთაისშიც გაიხსნას.  ქუთაისის კლინიკა “ბომონდის” კლინიკური მენეჯერი მამია ყიფიანი აცხადებს, რომ კლინიკის დღის წესრიგში საწოლების დამატება დგას.  “მომართვიანობა გაზრდილია, საწოლფონდი გვეწურება. პაციენტები ხვდებიან სტაციონარში როგორც თვითდინებით, ასევე, სასწრაფო დახმარების ბრიგადების მიერ. იქიდან გამომდინარე, რომ საწოლფონდი, პრაქტიკულად, გვეწურება, ჩვენთან დღის წესრიგში დგას, რომ დავამატოთ ჩვენი რესურსების გათვალისწინებით ახალი საწოლები, დაახლოებით 1 კვირაში დაგვემატება ახალშობილთა რეანიმაციული საწოლები,”- აცხადებს მამია ყიფიანი.  ექიმების ინფორმაციით,…

კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 10,98 პროცენტს შეადგენს. ამის შესახებ მონაცემები მთავრობის სპეციალურ ვებგვერდ stopcov.ge-ზე გამოქვეყნდა. დადებითობის დღევანდელი მაჩვენებელი არის 10,22 პროცენტი, ხოლო ბოლო 14 დღის – 10,86 პროცენტი. დღეს საქართველოში კორონავირუსის 4 743 ახალი შემთხვევა გამოვლინდა, გამოჯანმრთელდა 3 393 პაციენტი.

საქართველოში ბოლო 24 საათში კორონავირუსით 59 პაციენტი გარდაიცვალა. ამის შესახებ ინფორმაცია დაავადებათა კონტროლის ეროვნული ცენტრის გვერდზე გამოქვეყნდა. დღეს ქვეყანაში კორონავირუსის 4 743 ახალი შემთხვევა გამოვლინდა, 3 393 პაციენტი კი გამოჯანმრთელდა. გუშინ, 19 აგვისტოს საქართველოში კორონავირუსის 4 921 შემთხვევა გამოვლინდა, 4 471 პაციენტი გამოჯანმრთელდა, 58 კი გარდაიცვალა.

საქართველოში კორონავირუსის 4 743 ახალი შემთხვევა გამოვლინდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. ქვეყანაში ბოლო 24 საათში 3 393 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 59 პაციენტი. ამასთან, 19 აგვისტოს მდგომარეობით, საქართველოში კორონავირუსის 4 921 ახალი შემთხვევა გამოვლინდა, გამოჯანმრთელდა 4 471 პაციენტი, გარდაიცვალა 58 ადამიანი.

იმუნიზაციის ტექნიკურ მრჩეველთა ეროვნული ჯგუფის ხელმძღვანელი ივანე ჩხაიძე იმედოვნებს, რომ ახალი სასწავლო წელი საკლასო ოთახებში განახლდება. ჩხაიძე მოსახლეობას იმუნიზაციის პროცესში ჩართვისკენ მოუწოდებს, რათა ქვეყანა ჩვეულ ცხოვრებას უმოკლეს ვადაში დაუბრუნდეს. „ციფრები, რომელიც დღეს გვაქვს ძალიან მაღალია და რისკის ქვეშ აყენებს სკოლების გახსნის საკითხს. თუ გავითვალისწინებთ ძალიან მაღალ მიმართვიანობას ვაქცინაციის ცენტრებში, შესაძლებელია, რომ მომდევნო 2-3 კვირის განმავლობაში ინფიცირებულთა რაოდენობა მკვეთრად შემცირდეს. ეს სავსებით დასაშვები სცენარია. ამ შემთხვევაში შეიძლება განვიხილოთ სკოლების გახსნის საკითხი, ვინაიდან სკოლა არ წარმოადგენს ინფექციის გავრცელების წყაროს“, – განაცხადა ივანე ჩხაიძემ.

“კოვიდ-19”-ის საწინააღმდეგო ვაქცინაციაზე რეგისტრაციას მოქალაქეები დღეიდან იუსტიციის სახლებსა და საზოგადოებრივ ცენტრებშიც შეძლებენ. ახალი სერვისის დანერგვის პროცესს თბილისის იუსტიციის სახლში იუსტიციის მინისტრის მოადგილე თამარ ტყეშელაშვილი და ჯანდაცვის მინისტრის მოადგილე თამარ გაბუნია დილიდან აკვირდებიან. ვაქცინაციაზე დარეგისტრირების მსურველები იუსტიციის სახლებსა და საზოგადოებრივ ცენტრებს უნდა ეწვიონ ან დარეკონ სატელეფონო ცენტრში – 2 405 405. სერვისით სარგებლობა იუსტიციის სახლებში ვიზიტის წინასწარი დაჯავშნის გარეშეა შესაძლებელი. მომხმარებლები ვაქცინაციაზე ახლობლებისა და ოჯახის წევრების დარეგისტრირებასაც შეძლებენ. სერვისი ორშაბათიდან პარასკევის ჩათვლით 9:00-დან 18:00 საათამდე იუსტიციის სახლისა და საზოგადოებრივი ცენტრის ყველა ფილიალშია ხელმისაწვდომი; შაბათს და კვირას კი, ვაქცინაციაზე რეგისტრაციის მსურველებს 10:00-დან 17:00-საათამდე…