დღე: აგვისტო 18, 2021

„როდესაც ჩვენი მოსახლეობის დიდ ნაწილს ავცრით ორჯერადად, მაშინ, რა თქმა უნდა, მიზანშეწონილი იქნება მესამე დოზაზე საუბარი“,- ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ფეისბუქ ლაივში, ბუსტერ დოზასთან დაკავშირებით დასმული კითხვის საპასუხოდ აღნიშნა. როგორც გამყრელიძე აღნიშნავს, „ბუსტერ“ დოზასთან დაკავშირებით გადაწყვეტილება გვიან შემოდგომაზე გახდება ცნობილი. „მხოლოდ რამდენიმე ქვეყანამ გააჟღერა „ბუსტერის“ ინიციატივა და დაიწყო. არაბთა გაერთიანებულმა საამიროებმა, ისრაელმა, ამერიკის შეერთებული შტატები იღებს ახლა გადაწყვეტილებას, რომ მეორე აცრიდან 8 თვის შემდეგ „ბუსტერი“ გააკეთონ. ამ ქვეყნებს, რომელიც მე დავასახელე, ორჯერადად აცრილი ჰყავთ მოსახლეობის 60%. ჩვენ, როდესაც ჩვენი მოსახლეობის დიდ ნაწილს ავცრით ორჯერადად, მაშინ, რა თქმა უნდა,…

დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, საქართველოში 12 წელს ზემოთ მოსახლეობის ვაქცინაცია, სავარაუდოდ, შემოდგომაზე დაიწყება. როგორც გამყრელიძემ ფეისბუქლაივის დროს განაცხადა, ამ საკითხთან დაკავშირებით საქართველო ჯანმრთელობის მსოფლიო ასოციაციისა და ევროპის წამლის სააგანტოს რეკომენდაციას ელოდება. „ამაზე მსჯელობა მიმდინარეობს. ამ თვალსაზრისით ველოდებით ჯანმრთელობის მსოფლიო ორგანიზაციის რეკომენდაციას, სადაც ეს საკითხი განიხილება. ბევრმა ქვეყანამ საკუთარი მარეგულირებლების დასკვნების საფუძველზე მიიღო გადაწყვეტილება და ცრიან 12-დან ზემოთ მოზარდებს. ცრიან ძირითადად „ფაიზერით“ და „მოდერნათი“, რადგან ამ ორ ვაქცინაზე, ამ ასაკში კლინიკური კვლევები დიდი ხანია დამთავრებულია და საკმაოდ ეფექტიანია. ველოდებით ჯანმრთელობის მსოფლიო ორგანიზაციის და ევროპის წამლის სააგენტოს გადაწყვეტილებას. როგორც კი რეკომენდაცია…

ბოკერიას სახელობის სამედიცინო ცენტრის სამედიცინო დირექტორის, ალექსი ვაჩაძის განცხადებით, 7 თვის ორსული ქალი, რომელიც კორონავირუსით გარდაიცვალა, აცრილი არ იყო. მისივე ინფორმაციით, მდგომარეობა თავიდან სტაბილური იყო, რეანიმაციულ განყოფილებაში კი 13 აგვისტოს მოათავსეს. ეს საქართველოში ორსული ქალის კორონავირუსით გარდაცვალების მეხუთე შემთხვევაა. არსებული ინფორმაციით, არცერთი მათგანი აცრილი არ ყოფილა.  “ახალგაზრდა გოგონა, რომელიც იყო 18 კვირის ფეხმძიმე, 27 ივლისს შემოიყვანეს ჩვენთან, კლინიკაში, დადასტურებული კოვიდინფექციით. სამწუხაროდ, პაციენტი არ იყო აცრილი. თავიდან მისი მდგომარეობა მეტ-ნაკლებად სტაბილური იყო, დასაწყისისთვის დამახასიათებელი სიმპტომები ჰქონდა – ყელის ტკივილი, ხველება, ასეთი მსუბუქი სიმპტომატიკა. რეანიმაციაში გადავიდა 13 აგვისტოს, სადაც ყველაფერი კეთდებოდა, მაგრამ ვერ მოხერხდა მისი მდგომარეობის შენარჩუნება და 16 აგვისტოს ის გადავიდა სრულ…

„საველე ჰოსპიტალი პაციენტების მისაღებად დღეიდან მზად არის“ – ამის შესახებ ჯანდაცვის მინისტრმა ეკატერინე ტიკარაძემ დიღმის ოლიმპიურ ქალაქში, სპორტულ დარბაზში მოწყობილი საველე ჰოსპიტლის მონახულებისას ჟურნალისტებს განუცხადა. მისივე თქმით, საველე ჰოსპიტალში ყველა ის პირობაა უზრუნველყოფილი, რომელიც კოვიდ-ინფიცირებულების მკურნალობას სჭირდება, თუმცა საველე ჰოსპიტალში პაციენტების გადაყვანა უკიდურეს შემთხვევაში მოხდება. „მაქსიმალურად ვეცდებით დავრჩეთ ჰოსპიტალურ სექტორში და არ გადმოვინაცვლოთ საველე პირობებში და ყველა პაციენტმა მიიღოს ოპტიმალური მომსახურება ჰოსპიტალურ სექტორში. ზუსტად ვიაზრებთ რამხელა ემოციურ სტრესს წარმოადგენს ეს პაციენტისთვის, ვინაიდან საქართველოში მსგავსი ფორმატის ჰოსპიტალი არასდროს გაშლილა, იმ საომარ პირობებშიც კი რომელიც საქართველოს არაერთხელ ჰქონია“, – განაცხადა მინისტრმა. მინისტრის ინფორმაციით, საველე ჰოსპიტალის ტერიტორიაზე მოთავსებულია…

ინფექციური პათოლოგიისა და შიდსის ცენტრის ინფორმაციით, 2021 წლის 16 აგვისტოს მონაცემებით, საქართველოში აივ ინფიცირების 348 ახალი შემთხვევა დაფიქსირდა. მათივე ცნობით, შარშან შესაბამის პერიოდში 347 ახალი შემთხვევა გამოვლინდა. „2021 წლის 16 აგვისტოს მონაცემებით, შიდსის ცენტრში რეგისტრირებულია 8 980 აივ ინფიცირებული პირი. 6 709 – მამაკაცია, 2 271 – ქალი. პაციენტთა უმრავლესობა 29-დან 39 წლამდეა. შიდსი 4 441 პაციენტს განუვითარდა, 1 862 გარდაიცვალა. 16 აგვისტოს მონაცემებით არვ მკურნალობას იტარებს 5629 (4 998 + 631 აფხაზეთი) პაციენტი, მათ შორის 45 (35 + 10 (აფხაზი ბავშვი)) – ბავშვია. რეგისტრირებულ შემთხვევათა განაწილება გადაცემის გზების მიხედვით…

ჯანდაცვის სფეროს ექსპერტი გიორგი ფხაკაძე სოციალურ ქსელში ფოტოს აქვეყნებს, სადაც ჩანს, რომ ერთი კონკრეტული მოქალაქე მისმა რჩევებმა ვირუსისგან დაიცვა. როგორც ფხაკაძე ამბობს, ექიმისთვის მსგავსი ფაქტები ყველაზე დიდი ჯილდოა. „როცა შენმა რჩევამკონკრეტული ადამიანი გადაარჩინა, ექიმისათვის და საზოგადოებრივი სპეციალისტისათვის ეს არის ყველაზე დიდი ჯილდო… არავის არაფერს არ გაძალებთ, დამიჯერებთ – კარგია არ დამიჯერებ გზა დიდია.. ეს არის ჩემი პირადი ფეისბუკ გვერდი, ჩემი ვირტუალური პირადი სივრცე, ჩემი “ბიბლიოთეკის” ოთახი სადაც ჩემს აზრებს, ანალიზს და უბრალოდ ჩემთვის საინტერესო სტატიებს ვაზიარებ და ყველასთვის კარები ღიაა, მაგრამ ზოგიერთებს ნამეტანი მოსდით. ზოგიერთებს ავიწყდებათ, რომ სხვის პირად სივრცეში არიან, სხვის სახლში სტუმრად არიან.…

ჯანდაცვის მინისტრის ეკატერინე ტიკარაძის განცხადებით, უწყებათაშორისმა საკოორდინაციო საბჭომ გადაწყვიტა, რომ სასწრაფოდახმარების ექიმები 500 – ლარიან დანამატს მიიღებენ. „მინდა მადლობა გადავუხადო მთელს სამედიცინო საზოგადოებას, ყველა ჰოსპიტალს, ექიმებს, რომელიც ამ პროცესში პირველივე დღიდან არიან ჩართულნი. მინდა აღვნიშნო, რომ არაერთი პოლიტიკური პარტიის მხრიდან არის მცდელობა, სამთავრობო გუნდი და ექიმები ერთმანეთს დაუპირისპირონ. ეს შეეხება ექიმების ანაზღაურებას თუ მათ მიმართ მადლობის გადახდას. ინდა ვთხოვო ყველას, რომ დღესდღეობით არ არის იმის დრო, მოხდეს მსგავსი დაპირისპირებები. სახელმწიფოს მხრიდან დაცულია ექიმების ყველა ინტერესი. ჩვენ რამდენიმე თვეა, თითქმის წელიწადია, რაც ექიმებს ვაძლევთ დანამატებს, რაც გაწერილია და საკმაოდ მაღალია მთელი სამედიცინო პერსონალის…

აცრაში მოქალაქეებს სამხედრო ექიმები ეხმარებიან. სამხედრო მოსამსახურეებით დაკომპლექტებული ჯგუფები შიდა ქართლის სოფლებში უზრუნველყოფდნენ ადგილობრივი მოსახლეობის ვაქცინაციას. აცრამდე ისინი მოქალაქეებს პირადად გაესაუბრნენ და ვაქცინაციის პროცესის შესახებ სრული ინფორმაცია მიაწოდეს. თავდაცვის უწყების მიერ შექმნილი მობილური სამხედრო-სამედიცინო ჯგუფები, ადგილობრივ მუნიციპალიტეტებთან კოორდინაციით, მოქალაქეებს, რომლებიც ამცრელ ცენტრში მისვლას ვერ ახერხებს, ადგილზე აცრიან.

საქართველოში კორონავირუსით 7 თვის ორსული ქალი გარდაიცვალა. ჯანდაცვის მინისტრის, ეკატერინე ტიკარაძის განცხადებით, კორონავირუსით ორსული გოგოს გარდაცვალების გამო ექიმებისა თუ კლინიკის კვალიფიკაციის საკითხი არ დგას. მისი განმარტებით, COVID-19 მაღალ რისკს წარმოადგენს სრულიად ჯანმრთელი პაციენტებისთვისაც და, სამწუხაროდ, ყველა მათგანის გადარჩენა ვერ ხერხდება.  “COVID-19 გახლავთ საკმაოდ რთული ინფექცია, რომელიც არამარტო ორსულებისთვის წარმოადგენს მაღალ რისკს, არამედ სხვა საკმაოდ ჯანმრთელი პაციენტებისთვისაც ძალიან მაღალ რისკს. ეს კითხვები შეგიძლიათ დაუსვათ ექიმებს, რადგან ისინი მართავენ პაციენტებს და გართულების მიზეზი შეიძლება იყოს სხვადასხვა. არ არის ექიმების ან კლინიკის კვალიფიკაციაზე საუბარი, როგორც წესი, დაავადება მიმდინარეობს არაერთგვაროვნად, იწვევს სხვადასხვა გართულებებს და, ჩვენდა სამწუხაროდ, ყველა პაციენტის გადარჩენა ვერ ხერხდება,…

ჯანდაცვის მინისტრის მოადგილის, თამარ გაბუნიას განცხადებით, იმისთვის, რომ დაწესებული შეზღუდვების შედეგი გამოჩნდეს, მინიმუმ, ორი კვირა უნდა გავიდეს. მისივე თქმით, სავარაუდოდ, მომავალი კვირიდან გამოჩნდება ეს შედეგი, თუმცა, როგორც თავად აღნიშნა, ეს შედეგი “ნელი იქნება”, რადგან შეზღუდვები მასობრივი არ არის.  “შეზღუდვებს დრო სჭირდება – დაახლოებით, ორი კვირაა ის პერიოდი, როდესაც ჩვენ, გარკვეულწილად, შეგვეძლება ვისაუბროთ შეზღუდვების დაწესების თუ შემსუბუქების შედეგებზე. ამდენად, ჯერ ცოტა ადრეა ამაზე საუბარი. ვფიქრობ, კვირის ბოლომდე პერიოდი და მომდევნო კვირა მოგვცემს იმის თქმის საშუალებას, თუ რა შედეგი გამოიღო შეზღუდვამ. ნელი იქნება ეს შედეგი, რადგან ჩვენ არ ვსაუბრობთ მასობრივ შეზღუდვებზე და საუბარია…

ინფიცირების შემთხვევების გავრცელების ტემპი კვლავაც მაღალია, სტაბილიზაციის ნიშნები არც ერთ რეგიონში არ არის, – ამის შესახებ ჯანდაცვის მინისტრის მოადგილემ თამარ გაბუნიამ ჟურნალისტებთან, ეპიდვითარებაზე საუბრისას განაცხადა. მისივე თქმით, პრევენციული ზომები ზედმიწევნით, მკაცრად უნდა იყოს დაცული. “გასული 24 საათის განმავლობაში ისევ 6000-მდე შემთხვევა დაფიქსირდა, სამწუხაროდ, 49 გარდაცვალება. შემთხვევების გავრცელების ტემპი, კვლავაც მაღალია. როგორც იკვეთება, სტაბილიზაციის ნიშნები არ არის არც ერთ რეგიონში, რაც კიდევ ერთხელ მიუთითებს პრევენციული ზომების ზედმიწევნით, მკაცრად დაცვის აუცილებლობაზე. გუშინ, საკოორდინაციო საბჭოს გადაწყვეტილებით, კვლავაც სავალდებულოა პირბადის გამოყენება ყველა სივრცეში, ძალაში რჩება ის რეგულაციები, რაც მოქმედებდა. განსაკუთრებით სოციალური ღონისძიებების შეზღუდვა”, -აღნიშნავს გაბუნია…

პენიტენციურ სისტემაში კორონავირუსის გავრცელების პრევენციის მიზნით, ვაქცინაციის პროცესში არასრულწლოვანი მსჯავრდებულებიც არიან ჩართული. სპეციალური პენიტენციური სამსახურის პრესსამსახურის ინფორმაციით, დღეს სამოქალაქო სექტორის კლინიკაში N 11 სარეაბილიტაციო დაწესებულების ორ არასრულწლოვან მსჯავრდებულს ჩაუტარდა ვაქცინაცია. ამ დროისთვის ვაქცინირებულია ოთხი არასრულწლოვანი მსჯავრდებული. „სპეციალურმა პენიტენციურმა სამსახურმა დაავადებათა კონტროლისა და საზოგადოებრივი ჯანმრთელობის ეროვნული ცენტრისა (NCDC) და ჯანდაცვის სამინისტროს ხელშეწყობით მსჯავრდებულთა ნებაყოფლობითი იმუნიზაციის პროცესი 18 მაისიდან დაიწყო. აღსანიშნავია, რომ ️მსჯავრდებულების ვაქცინაცია ნებაყოფლობითია. მიმდინარე წლის 17 აგვისტოს მდგომარეობით, სპეციალური პენიტენციური სამსახურის პენიტენციურ დაწესებულებებში იმყოფება 9 300-მდე პატიმარი. ამ დროისათვის ვაქცინირებულია 6 002 მსჯავრდებული/ბრალდებული, ანუ კონტინგენტის – 64 პროცენტი, მათ შორის…

კორონავირუსის გამოვლენის დადებითობის მაჩვენებელი ბოლო შვიდი დღის განმავლობაში 11,09 პროცენტს შეადგენს. ამის შესახებ მონაცემები მთავრობის სპეციალურ ვებგვერდ stopcov.ge-ზე გამოქვეყნდა. დადებითობის დღევანდელი მაჩვენებელი არის 10,4 პროცენტი, ხოლო ბოლო 14 დღის – 10,71 პროცენტი. დღეს „კოვიდ-19“ 5 914 პირს დაუდასტურდა, 3 316 პაციენტი გამოჯანმრთელდა, 49 კი გარდაიცვალა.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი აცხადებს, რომ სწავლის დაწყების საკითხზე უწყებათაშორისი საკოორდინაციო საბჭო მას შემდეგ იმსჯელებს, რაც ორი კვირის შემდეგ ჯანდაცვის სამინისტრო მას არსებული ვითარებისა და რისკების შესახებ წარუდგენს ინფორმაციას. როგორც მინისტრმა ჟურნალისტებს განუცხადა, გადაწყვეტილება იმის მიხედვით იქნება მიღებული, თუ რა ვითარება და შედეგები იქნება ქვეყანაში ორი კვირის შემდეგ​ კორონავირუსის გავრცელების წინააღმდეგ ბრძოლის მიმართულებით. „რაც შეეხება სწავლის განახლების პროცესს, არაერთხელ აღვნიშნეთ, რომ მნიშვნელოვანია, დავაკვირდეთ ეპიდემიის გავრცელებას. ჩვენ დაახლოებით ორ კვირაში ველოდებით გარკვეულ შედეგებს. ამ შედეგებიდან გამომდინარე უკვე დაავადებათა კონტროლის ცენტრი და ჯანდაცვის სამინისტრო საბჭოს წარუდგენს…

კერძო კლინიკების აქტივობა არის საკმაოდ გართულებული, რადგან ისინი აცხადებენ, რომ პაციენტების მისაღებად არ აქვთ ადამიანური რესურსი, – ამის შესახებ საქართველოს ჯანდაცვის მინისტრმა, ეკატერინე ტიკარაძემ განაცხადა. როგორც ტიკარაძემ აღნიშნა, აჭარასა და იმერეთში ყოფნის დროს რამდენჯერმე შეხვდა კერძო კლინიკების წარმომადგენლებს და დაავალა, რომ დროულად მოახდინონ არსებული რესურსის უზრუნველყოფა, რათა პაციენტები მაქსიმალურად განთავსდნენ ჰოსპიტალურ სექტორში. „ამ ეტაპისთვის გვაქვს მოცემული პირობა მათი მხრიდან, რომ კვირის ბოლომდე აჭარაში მოხდება 120 საწოლამდე დამატება და ასევე 150 საწოლამდე დამატება უნდა მოხდეს იმერეთის რეგიონში. ხვალიდან უნდა დაიწყონ კლინიკებმა საწოლების მოწოდება და ეს არის საკმაოდ დამაიმედებელი პროგნოზი, რათა პაციენტების მიყვანა გაგრძელდეს…

ბოლო 24 საათში საქართველოში კორონავირუსის 5914 შემთხვევა დაფიქსირდა. დაავადებათა კონტროლის ეროვნული ცენტრის ინფორმაციით, ვირუსმა კიდევ 49 ადამიანი იმსხვერპლა. გამოჯანმრთელდა 3316 პაციენტი. ამჟამად საქართველოში კორონავირუსის 57 312 აქტიური შემთხვევაა.

პირებს, რომლებსაც ჯანმრთელობის მდგომარეობის გამო გადაადგილება არ შეუძლიათ, კორონავირუსის საწინააღმდეგო ვაქცინაცია ბინაზე ჩაუტარდებათ. აღნიშნულ ინფორმაციას ჯანდაცვის სამინისტრო სოციალურ ქსელში ავრცელებს. „ვაქცინაციის სერვისის ბინაზე მიღებისთვის უნდა დარეკოთ ცხელ ხაზზე – 15 22. ვაქცინის დანაკარგის თავიდან აცილების მიზნით, მობილური ჯგუფები გამოძახებაზე პერიოდულად, მოთხოვნილი ვაქცინის მიხედვით გადიან“, – აცხადებენ ჯანდაცვის სამინისტროში

კიდევ ერთი მასობრივი ვაქცინაციის ცენტრი თბილისში – დღეიდან კოვიდ 19-ის საწინააღმდეგო აცრის გაკეთება წინასწარი რეგისტრაციის გარეშე, საქართველოს ეროვნული უნივერსიტეტის ტერიტორიაზე შესაძლებელი იქნება. ცენტრი წინანდლის 9 ნომერში მდებარეობს. “ფაიზერით“, “სინოვაკითა“ და “სინოფარმით“ აცრა აქ ყოველ დღე, დილის ათიდან საღამოს 6 საათამდეა შესაძლებელი. მასობრივი ვაქცინაციის ცენტრები უკვე ფუნქციონირებს ტექნიკური უნივერსიტეტის მეექვსე კორპუსსა და მცხეთის სპორტულ გამაჯანსაღებელ კომპლექსში. მუნიციპალური ტრანსპორტის შეზღუდვის მიუხედავად, 4 სექტემბრამდე, ვაქცინაციის ძირითად ცენტრებამდე მისასვლელად მოქალაქეებს სპეციალური ავტობუსები ქალაქის რამდენიმე წერტილიდან მოემსახურება.