დღე: აგვისტო 10, 2021

ქუთაისში ახალი კორონავირუსული ინფექციით ორსული გარდაიცვალა. 28 წლის ორსულის მდგომარეობა მძიმე იყო და ის კლინიკა „ბომონდის“ კოვიდცენტრის რეანიმაციულ განყოფილებაში იმყოფებოდა. ორსულს ორმხრივი პნევმონია და სუნთქვის მწვავე უკმარისობა აღენიშნებოდა.

ქვეყნის მასშტაბით სრულად ვაქცინირებულ 106 084 პირთაგან მხოლოდ 207 (0.19%) დაინფიცირდა კორონავირუსით – კვლევის შედეგებს პორტალი covax.ge აქვეყნებს.  ამასთან, ინფიცირებულთა უმეტესობაში დაავადება უსიმპტომოდ, ან მსუბუქი სიმპტომებით მიმდინარეობდა. 207 ინფიცირებულ პირთაგან მხოლოდ 8-ს (4%) დასჭირდა ჰოსპიტალიზაცია. ამასთან, ქვეყანაში COVID-19-ის დაავადებით გარდაცვლილ 5373 პირთაგან მხოლოდ ერთი დოზით აცრილი 12 (0.22%) ადამიანი იყო და არც ერთი სრულად აცრილი. სრულად აცრილთა შორის ლეტალური გამოსავალი არ დაფიქსირებულა. როგორც პორტალზეა აღნიშნული, საქართველოში ჩატარებული უახლესი კვლევა ადასტურებს, რომ ვაქცინაცია ამცირებს დაინფიცირების, ჰოსპიტალიზაციისა და სიცოცხლისათვის საშიში გართულებების რისკს.

სა­ა­ვი­ა­ციო ასო­ცი­ა­ცია “ავი­ა­კო­მუ­ნი­კა­ტო­რის” პრე­ზი­დენ­ტი, თა­მუ­ნა თან­დაშ­ვი­ლი კო­ვი­დინ­ფი­ცი­რე­ბუ­ლია. ბოლო ერთი წლის მან­ძილ­ზე მას უკვე მე­ო­რედ შეხ­ვდა ვირუ­სი. თანდაშვილი საკუთარი ჯანმრთელობის მდგომარეობისა და კლინიკაში არსებული სიტუაციის შესახებ “ფეისბუქზე” წერს   : “20 დღეა კორონას ვებრძვი. მეორე შტამს, უფრო ვერაგსა და საშიშს, ვიდრე პირველი იყო. ისევ რეანიმაციაში ვარ, დაფრიალებენ შავი პარკები, რეანიმაციებში კივიან აპარატები, ყველას სუნთქვა უნდა, მაგრამ ულიმიტო არ არის ადგილები. სიცოცხლეც რა ცოტა ყოფილა, 37 წლის მე, 65 წლის ვულკანი ქალი ინეზა და სასულიერო პირი – მამაო, ერთად ვცდილობთ გადარჩენას. ვინ რა იცის ვინ ვისზე კეთილი, ლაღი, მკაცრი თუ თავისებური ადამიანები ვართ, რა…

მინდა გთხოვოთ, რომ ავიცრათ, მსოფლიოში საუკეთესო, მსოფლიო ჯანდაცვის მიერ ავტორიზებული ვაქცინები გვაქვს, ბევრმა, ჩვენზე გაცილებით მდიდარმა ქვეყანამ ვერ შეძლო საუკეთესო ვაქცინების შეტანა – ამის შესახებ საქართველოს პრემიერ-მინისტრმა, ირაკლი ღარიბაშვილმა ბოლნისში, „ქართული ოცნების“ ბოლნისის მერობის კანდიდატის დავით შერაზადიშვილის წარდგენაზე სიტყვით გამოსვლისას განაცხადა. მთავრობის მეთაურმა აღნიშნა, რომ მისი ოჯახის ყველა წევრი აცრილია და არავითარი საფრთხე და საშიშროება ამასთან დაკავშირებით არ არსებობს. „პანდემიიდან გამომდინარე კიდევ მინდა გთხოვოთ, რომ ავიცრათ. პირადად მე ჩავიტარე აცრა. ჩემი მშობლები, ჩემი ოჯახის ყველა წევრი არის აცრილი. არავითარი საფრთხე და საშიშროება ამასთან დაკავშირებით არ არსებობს. ბევრი ცრუ ინფორმაცია ვრცელდება.…

საქართველოში ინფიცირების შემთხვევებისა და გარდაცვლილთა რაოდენობის სწრაფი ზრდა კორონავირუსის დელტა ვარიანტის შედეგია. იაშვილის სახელობის ბავშვთა ცენტრალური საავადმყოფოს სამედიცინო დირექტორი ივანე ჩხაიძე აცხადებს, რომ ლეტალობის რისკი აღნიშნული მუტაციის შედეგად ბევრად მაღალია.  “დელტა ვარიანტი 85%-ით უფრო მეტად იწვევს საავადმყოფოში დაწოლის აუცილებლობას, ვიდრე კორონავირუსის ალფა, იგივე ე.წ. ბრიტანული მუტაცია. ლეტალობის მიხედვით, კორონავირუსის დელტა მუტაცია 137%-ით უფრო მეტად განაპირობებს, ვიდრე ბრიტანული ვარიანტი.  ეს ორი მახასიათებელი უფრო მეტად მძიმე მიმდინარეობა და მეტი ლეტალობა არის ის, რაც აისახა საქართველოს რეალობაშიც.  სწორედ ამიტომ ვამბობთ, რომ ვაქცინაცია რის ერთადერთი გზა, რომელმაც შეიძლება ქვეყანაში შეაჩეროს ვირუსის ასეთი სწრაფი გავრცელება,” – აცხადებს ივანე ჩხაიძე. 

ექიმის პროფესია, განსაკუთრებით დღეს, არის იმდენად წმინდა პროფესია, რომ არ შეიძლება, ვინმემ ჩვენს ექიმებს მსგავსი შეურაცხყოფა მიაყენოს, – ასე შეაფასა საქართველოს ჯანდაცვის მინისტრმა ეკატერინე ტიკარაძემ ბრიფინგზე საქართველოს ყოფილი პრეზიდენტის, უკრაინის აღმასრულებელი კომიტეტის თავმჯდომარის მიხეილ სააკაშვილის გუშინდელი განცხადება, რომელმაც განაცხადა, რომ „სამთავრობო ექიმები ტყუილს ტყუილზე ლაპარაკობენ“. ეკატერინე ტიკარაძის თქმით, საზოგადოების ვალია, დაიცვან იმ ადამიანების ღირსება და სახელი, რომლებიც უკვე მეორე წელია, სიცოცხლეს სწირავენ და ემსახურებიან მოქალაქეებს მათი სიცოცხლის გადასარჩენად. „მგონი, ეს უბრალოდ ძალიან უხერხულია და ნამდვილად სცდება ყველა ზღვარს. არ აქვს მნიშვნელობა, რომელი პარტიის წარმომადგენელი ხარ, რა მრწამსი გაქვს, რა რელიგიური შეხედულება…

სავალდებულო ვაქცინაციაზე ამ ეტაპზე ჩვენ არ ვმსჯელობთ, – ამის შესახებ საქართველოს ჯანდაცვის მინისტრმა ეკატერინე ტიკარაძემ ბრიფინგზე განაცხადა. მისი თქმით, შესაძლოა, დადგეს ისეთი ვითარება, როდესაც გარკვეული სეგმენტის წარმომადგენლებისთვის ვაქცინაცია სავალდებულო გახდეს ისევე, როგორც მსოფლიოს სხვადასხვა ქვეყანაში. „ამ ეტაპზე სავალდებულო ვაქცინაციაზე ჩვენ არ ვმსჯელობთ, თუმცა შეიძლება, დადგეს მომენტი, როდესაც ვაქცინაცია გარკვეული სეგმენტის წარმომადგენლებისთვის, როგორც სხვა ქვეყნებში, ასევე ჩვენთანაც დადგეს პრაქტიკად. მაგრამ მე დარწმუნებული ვარ, რომ შეიძლება, ავირიდოთ მსგავსი მოთხოვნები და დავალებები სახელმწიფოს მიმართ“, – განაცხადა ეკატერინე ტიკარაძემ.

„ფაიზერის“ ვაქცინით მეორე დოზაზე აცრაზე რეგისტრაცია დაიწყო. აცრაზე დარეგისტრირება https://booking.moh.gov.ge/-ზეა შესაძლებელი. „ფაიზერის“ მეორე დოზაზე აცრა 15 აგვისტოდან დაიწყება. როგორც ჯანდაცვის მინისტრის პირველმა მოადგილემ თამარ გაბუნიამ განაცხადა, ქვეყნის მასშტაბით დაემატება, როგორც ამცრელი ბრიგადების რაოდენობა, ასევე ღია სივრცეები, სადაც დარეგისტრირებულ პირებს ვაქცინის გაკეთება შეეძლებათ.

საქართველოში ბოლო 24 საათში კორონავირუსით 54 პაციენტი გარდაიცვალა. ამის შესახებ ინფორმაცია დაავადებათა კონტროლის ეროვნული ცენტრის ვებგვერდზე გამოქვეყნდა. ქვეყანაში ვირუსით გარდაცვლილთა საერთო რაოდენობა 6 182-ს შეადგენს. ბოლო 24 საათში „კოვიდ-19“ 5 697  პირს დაუდასტურდა, 2 713 პაციენტი გამოჯანმრთელდა. ამასთან, გუშინ 9 აგვისტოს საქართველოში 2 236  ახალი შემთხვევა გამოვლინდა, გამოჯანმრთელდა 3 146 პაციენტი, გარდაიცვალა 44 ადამიანი.

საქართველოში კორონავირუსის ​5 697 ახალი შემთხვევა გამოვლინდა. ამის შესახებ ინფორმაციას დაავადებათა კონტროლისა და საზოგადოებრივი ჯანდაცვის ეროვნული ცენტრი ავრცელებს. ქვეყანაში ბოლო 24 საათში 2 713 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 54 პაციენტი. ამასთან, გასული 24 საათის განმავლობაში ქვეყანაში ჩატარდა 44 536 ტესტი. 9 აგვისტოს მდგომარეობით, საქართველოში კორონავირუსის 2 236 ახალი შემთხვევა  გამოვლინდა, გამოჯანმრთელდა 3 146 პაციენტი, გარდაიცვალა 44 ადამიანი.

შინაგან საქმეთა სამინისტროს თანამშრომლების „კოვიდ-19“-ის საწინააღმდეგო მასობრივი ვაქცინაციის პროცესი მთელი ქვეყნის მასშტაბით მიმდინარეობს. „თბილისის ზღვის პლაზაში“ გახსნილ იმუნიზაციის ცენტრში ამჯერად შინაგან საქმეთა სამინისტროს საგანგებო სიტუაციების მართვის სამსახურის და ობიექტების დაცვის დეპარტამენტის თანამშრომლებს მეორე დოზით ვაქცინაცია ჩაუტარდათ. „სიტუაციების მართვის სამსახურის და ობიექტების დაცვის დეპარტამენტის თანამშრომლების 90% ვაქცინირებულია. სამინისტროს თანამშრომლების “კოვიდ-19“-ის საწინააღმდეგო სხვადასხვა ვაქცინით აცრის პროცესს შინაგან საქმეთა სამინისტროს ჯანდაცვის სამსახურის და უწყებაში დასაქმებული ექიმები ახორციელებენ. იმუნიზაციის ცენტრებში მოწყობილია ვაქცინაციის კაბინეტები, რომლებიც შესაბამისი სამედიცინო საშუალებებით არის აღჭურვილი, რაც სრულად უზრუნველყოფს ვაქცინაციის პროცესის და მისი შემდგომი პერიოდის მეთვალყურეობის უსაფრთხო გარემოში ჩატარებას. შინაგან საქმეთა სამინისტროს…