დღე: აგვისტო 9, 2021

გაბრაზებული არა, დაღლილი ვარ, – ასე უპასუხა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ ჟურნალისტების კითხვას, ხომ არ არის გაბრაზებული საკოორდინაციო საბჭოს დღევანდელ სხდომაზე მიღებული გადაწყვეტილების შემდეგ. როგორც მან აღნიშნა, ყველა ძირითადი რეკომენდაცია გაითვალისწინეს, რაც დაავადებათა კონტროლის ეროვნულ ცენტრს ჰქონდა. “სერიოზული რეკომენდაციები გაითვალისწინეს, მათ შორის მკაცრი ზომების მიღება ყველაზე დიდ „ბუსტერებთან“ დაკავშირებით, რომელიც გახლავთ ქორწილები, ქელეხები, ამ დარბაზების დალუქვამდე მისვლა და ხალხმრავალი ადგილების აკრძალვა. რა თქმა უნდა, ეს დამოკიდებულია აღსრულებაზე. დარწმუნებული ვარ, აღსრულება მაქსიმალური იქნება, რომელიც სერიოზულ შედეგს მოიტანს. ყველამ უნდა გაითვალისწინოს, რომ ქვეყანა არის სერიოზულ ეპიდსიტუაციაში და მარტო…

ერთჯერადად აცრილებში 13 ლეტალური შემთხვევაა, ორჯერადად აცრილებში კვლევა 2 შემთხვევაზე მიმდინარეობს, – ამის შესახებ საკოორდინაციო საბჭოს შეხვედრის დასრულების შემდეგ, ბრიფინგზე ამირან გამყრელიძემ განაცხადა. „ერთჯერად აცრილებში გვქონდა 12 და თუ არ ვცდები დაემატა ლეტალური გამოსავლით შემთხვევა. ორჯერადადაცრილებში, კვლევაში, ე,წ ვერბალურ აუტოპსიაში გვყავს 2 ადამიანი რომელიც ჯერ არ არის დაზუსტებული,” – განაცხადა ამირან გამყრელიძემ.

ყველამ უნდა გაითვალისწინოს, რომ ქვეყანა არის სერიოზულ ეპიდსიტუაციაში და მარტო ის, რომ გემუქრებით დალუქვით, ჯარიმით და ა.შ, არ უნდა იყოს, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა. მისი თქმით, რეგულაციები თითოეულმა ადამიანმა უნდა დაიცვას. „ჩვენ თვითონ უნდა გავითავისოთ, უარი უნდა ვთქვათ შეკრებებზე. თუ არადა, დალუქავენ ამ დარბაზებს და ეს იქნება. ყველანაირი პროგნოზით, თუ ჩვენ იმ რეკომენდაციებს, რომლებიც დღეს დაწესდა პირნათლად შევასრულებთ, მხედველობაში მაქვს პირბადის უნივერსალური ტარება. აუცილებელია მანდატორულად პირბადის ტარება. ჩვენ ამ კვირაში უნდა ავიდეთ დაახლოებით 25 000 აცრაზე. ახლა აგვისტოს საშუალო მაჩვენებელი გვაქვს ყოველდღიური 18 500, მაგრამ ეს არ…

დაავადებათა კონტროლის ეროვნული ცენტრის ხელმძღვანელ ამირან გამყრელიძის განცხადებით, აგვისტოს ბოლომდე ქვეყანაში დღიურად 30 ათასამდე აცრა უნდა ჩატარდეს. ამის შესახებ ამირან გამყრელიძემ უწყებათაშორისი საკოორდინაციო საბჭოს შემდეგ გამართულ ბრიფინგზე განაცხადა. „​ფაიზერზე“ მეორე დოზით აცრები დაწყებულია. დაიწყება ვაქცინაცია უკვე დიდ ჯგუფზე, ანუ დაახლოებით 170 000 ადამიანზე, ვინც მიიღო პირველი დოზა და აგვისტოს განმავლობაში, სექტემბრის პირველ რიცხვებამდე მათ ეს მეორე დოზა ექნებათ მისაღები. პარალელურად, ჩვენ ვანგარიშობთ, რომ დამატებით, აგვისტოში „ფაიზერის“ პირველ დოზაზე უნდა აიცრას დაახლოებით 110-120 ათასი ადამიანი, რომლის რესურსი, მხედველობაში მაქვს როგორც ვაქცინის, ისე ადგილების რესურსი, ქვეყანაში იქნება. დღევანდელი გამტარუნარიანობით, რაც გვაქვს დათვლილი,…

საქართველოს ჯანდაცვის მინისტრის მოადგილის, თამარ გაბუნიას განმარტებით, საქართველოში სრულად ვაქცინირებულად ჩაითვლება მხოლოდ ის პირი, რომელსაც აცრის ორი დოზა აქვს გაკეთებული. მისი თქმით, პროტოკოლის თანახმად, კოვიდის გადატანის მიუხედავად, პროგრამა ითვალისწინებს ორჯერად ვაქცინაციას. „ზოგიერთი ქვეყანა გარკვეული პერიოდის ფარგლებში უშვებს, რომ ერთი ვაქცინა საკმარისია, თუ პირმა გადაიტანა კოვიდინფექცია და ითვლება, რომ ეს ადამიანი სრულად ვაქცინირებულია. ამ შემთხვევაში საუბარია იმაზე, რომ ქვეყნები, რომლებიც აღიარებენ მსგავსი ტიპის პროტოკოლს, აღიარებულ იქნან ჩვენთანაც. ანუ თუ პირმა თავის ქვეყანაში მიიღო უკვე სრულად ვაქცინირებულის სტატუსი, ეს ჩვენც უნდა ვაღიაროთ, რადგან მათი პროტოკოლით ერთხელ ვაქცინირებული, თუ დაავადება აქვს გადატანილი ადამიანს, ითვლება, რომ არის…

კოვიდგადატანილი პირები, ვაქცინის ერთი დოზის გაკეთების შემთხვევაში, სრულად ვაქცინირებულად ჩაითვლებიან, – ამის შესახებ გადაწყვეტილება უწყებათაშორისმა საკოორდინაციო საბჭომ დღევანდელ სხდომაზე მიიღო. როგორც უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ განაცხადა, ბოლო პერიოდში სახეზეა ეპიდემიოლოგიური მდგომარეობის გაუარესების ტენდენცია. „ვითარების ანალიზის საფუძველზე, უწყებათაშორისმა საკოორდინაციო საბჭომ დღეს იმსჯელა ცალკეული შემზღუდავი ღონისძიებების დაწესებაზე და მიიღო შემდეგი გადაწყვეტილებები: მოგეხსენებათ, პირბადეების ტარება სავალდებულოა დახურულ სივრცეებში და ღია სივრცეში, ხალხმრავალი შეკრების ადგილებზე, გაჩერებებზე, ბაზრობებზე, საზოგადოებრივ ტრანსპორტში. საბჭოს გადაწყვეტილებით, ხვალიდან, პირბადის ტარება სავალდებულო ხდება ღია სივრცეში ყველგან, სადაც ხუთი და მეტი ადამიანი იკრიბება; შეგახსენებთ, აკრძალულია ღამის კლუბების…

გარემოს დაცვისა და სოფლის მეურნეობის სამინისტროს ეროვნული სატყეო სააგენტოს თანამშრომლების COVID-19-ის საწინააღმდეგო ვაქცინაციის პროცესი მიმდინარეობს.სამეგრელო-ზემო სვანეთის რეგიონული სამსახურის თანამშრომლები – 18 მეტყევე სოფელ რუხის აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკაში აიცრა. “მნიშვნელოვანია თითოეული მოქალაქის სოციალური პასუხისმგებლობა ვაქცინაციის პროცესთან დაკავშირებით. ეს არის ერთადერთი გზა ქვეყანა დაუბრუნდეს ჩვეულ რიტმს და სრულად დავამარცხოთ პანდემია,” – განაცხადა ეროვნული სატყეო სააგენტოს უფროსის მოადგილემ დავით ალადაშვილმა.

პირბადის ტარება ხვალიდან სავალდებულო იქნება ღია სივრცეშიც, სადაც ხუთზე მეტი ადამიანი იკრიბება. შესაბამისი გადაწყვეტილება უწყებათაშორისმა საკოორდინაციო საბჭომ დღევანდელ სხდომაზე მიიღო. მისივე თქმით, გადაწყვეტილების მიზეზი ბოლო პერიოდში ეპივითარების გაუარესება გახდა. საქართველოში ღია სივრცეში პირბადის ტარების ვალდებულება 22 ივნისიდან მოიხსნა, თუმცა დახურულ სივრცეში შეზღუდვა ძალაში რჩებოდა.

ორი არასრულწლოვანი ლეღვის ნახარშით მიღებული დამწვრობებით საავადმყოფოშია მოთავსებული. 12 და 15 წლის დები – თბილისში, ხეჩინაშვილის კლინიკაში ზუგდიდიდან გადმოიყვანეს. დამწვრობის ცენტრის დირექტორის, გუგა ქაშიბაძის განმარტებით, მოზარდებს საკმაოდ მძიმე, 20 და 40%-იანი დამწვრობები აქვთ მიღებული. ქაშიბაძე კიდევ ერთხელ აფრთხილებს მოსახლეობას, რომ რუჯის მისაღებად სხეულზე ლეღვის ნახარშის წასმა დაუშვებელია. “გუშინ გამთენიისას ქალაქ ზუგდიდიდან გადმოყვანილი იქნა 2 გოგონა 15 და 12 წლის, დედმამიშვილები. ორივე მათგანს აღენიშნება ლეღვის ფოთლების ნახარშით მიღებული ქიმიური დამწვრობა. ერთთან არის 20%, მეორესთან არის 40%. ამ წუთისათვის მათი მდგომარეობა სტაბილურია, თუმცა საკმაოდ სერიოზული ტრავმა აქვს ორივეს. ლეღვის ფოთლების ნახარშის გამოყენება და…

კორონავირუსის ახალი შემთხვევებიდან თბილისში გამოვლინდა 946, აჭარაში – 499, იმერეთში – 177, – ამის შესახებ მთავრობის პრესსამსახურის მიერ გავრცელებულ ინფორმაციაშია ნათქვამი. „Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 23 439 კვლევა ტესტით, მათ შორის 12 524 კვლევა ანტიგენის ტესტით და 10 915 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 2 236 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 450 149-ს. რაც შეეხება დადებითობის მაჩვენებელს, 8 აგვისტოს მდგომარეობით, დადებითობის დღიური მაჩვენებელი არის 9.54%, ბოლო 14…

საქართველოში ბოლო 24 საათში კორონავირუსით 44 პაციენტი გარდაიცვალა. ამის შესახებ ინფორმაცია დაავადებათა კონტროლის ეროვნული ცენტრის ვებგვერდზე გამოქვეყნდა. ქვეყანაში ვირუსით გარდაცვლილთა საერთო რაოდენობა 6 128-ს შეადგენს. ბოლო 24 საათში „კოვიდ-19“ 2 236 პირს დაუდასტურდა, 3 146 პაციენტი გამოჯანმრთელდა. ამასთან, გუშინ 8 აგვისტოს საქართველოში 3 344 ახალი შემთხვევა გამოვლინდა, გამოჯანმრთელდა 3 376 პაციენტი, გარდაიცვალა 30 ადამიანი.

საქართველოში კორონავირუსის ​2236 ახალი შემთხვევა გამოვლინდა. ამის შესახებ ინფორმაციას დაავადებათა კონტროლისა და საზოგადოებრივი ჯანდაცვის ეროვნული ცენტრი ავრცელებს. ქვეყანაში ბოლო 24 საათში 3146 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 44 პაციენტი. ბოლო 24 საათში ქვეყანაში ჩატარდა 23 439 ტესტი. სულ აცრილია – 641 242 ადამიანი, სრულად აცრილია  – 197 118. ამასთან, 8 აგვისტოს მდგომარეობით, საქართველოში კორონავირუსის 3 344 ახალი შემთხვევა გამოვლინდა, გამოჯანმრთელდა 3 376 პაციენტი.