დღე: ივნისი 9, 2021

გახარიას მხრიდან უპრეცედენტო ნაბიჯი ვიხილეთ. ალბათ, მსოფლიო ანალოგი არ მოიპოვება, როცა პრემიერ-მინისტრი გადადგა იმის გამო, რომ კანონი არ აღსრულებულიყო, – ამის შესახებ პრემიერ-მინისტრმა ირაკლი ღარიბაშვილმა ჟურნალისტებთან განაცხადა. როგორც ღარიბაშვილმა აღნიშნა, ბიძინა ივანიშვილმა სრულყოფილი შეფასება გააკეთა და მან დაარქვა ყველაფერს თავისი სახელი, მათ შორის გიორგი გახარიას ქმედებას. ღარიბაშვილის შეფასებით, კრიზისის დროს გიორგი გახარიას პასუხისმგებლობა უნდა აეღო. „პოლიტიკოსია, ეკონომისტია თუ ბიზნესმენია, ყველა ადამიანის ქმედებას ექნება შებამისი შეფასება. გიორგი გახარია იყო ქვეყნის პრემიერ-მინისტრი, ბიძინა ივანიშვილის მმართველობის დროს იგი იყო ბიზნესომბუდსმენი, შემდეგ ის დაინიშნა ეკონომიკის მინისტრად, შინაგან საქმეთა მინისტრად, უსაფრთხოების საბჭოს მდივნად, შემდეგ უკვე იყო პრემიერ – მინისტრი. ჩვენ მისი მხრიდან უპრეცედენტო ნაბიჯი ვიხილეთ, ალბათ მსოფლიო ანალოგი…

საპარლამენტო უმრავლესობის ლიდერი, „ქართული ოცნების“ თავმჯდომარე ირაკლი კობახიძე აცხადებს, რომ პარტია „საქართველოსთვის“ ლიდერს, ყოფილ პრემიერ გიორგი გახარიას არ აქვს არგუმენტები და პასუხები შეკითხვებზე. კობახიძემ კომენტარი გააკეთა გახარიას გუშინდელ ინტერვიუსთან დაკავშირებით. „ვნახეთ, რომ გახარია გუშინ ყველა კითხვას გაექცა, ასეთ დროს გადადის უზრდელობაზე, რაც იყო ძალიან დასანანი. უზრდელობა არ არის ღირსეული საქციელი, მით უმეტეს ყოფილი პრემიერის მხრიდან და მას ეს საქციელი უნდა დავუწუნოთ. მან ისაუბრა კორუფციაზე, ნეპოტიზმზე, შემდეგ მოუწია უკან დახევა, სხვადასხვა მიზეზის გამო, მათ შორის, იმის გამო, რომ არავითარი სისტემური პრობლემა საქართველოში ამ კუთხით არ არსებობს. კორუფცია ყველა ქვეყანაში არის პრობლემა, მაგრამ რაც…

ჩვენი წლევანდელი ეკონომიკის ზრდა 7%-ზე მეტი იქნება, ესაა პესიმისტური სცენარით დათვლილი და ოპტიმისტურით შეიძლება, 10%-ზე მეტი იყოს, – ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან განაცხადა. მისივე თქმით, პოზიტიური ფონია და ქვეყნის ეკონომიკა ძალიან სწრაფად აღდგება. „თქვენ უყურებთ ეკონომიკის ძალიან სწრაფ აღდგენას. ეს ტენდენციები მომდინარეობს. ის პოზიტიური სიგნალები და განწყობები, რაც წამოსულია ბიზნესიდან, ჩვენ გვაძლევს ძალიან ოპტიმისტურ საფუძველს, რომ ეკონომიკის აღდგენა უკვე ძალიან სწრაფად ხდება. ლარი გამყარებულია, ეს ტენდენცია გრძელდება და ჩვენი ექსპერტები კიდევ უფრო გამყარებას ელოდებიან. ეს ყველაფერი ძალიან პოზიტიურ ფონს და განწყობას გვიქმნის, რომ ჩვენი ეკონომიკა აღდგება უკვე ძალიან სწრაფად, დაიწყო…

“ქართული ოცნების” თავმჯდომარე ირაკლი კობახიძე ყოფილ პრემიერ-მინისტრს კვლავ “ნაციონალურ მოძრაობასთან” ერთად დესტაბილიზაციის მცდელობაში სდებს ბრალს: “მან ასეთი რამ თქვა, რომ რომც აიღოს 43%-ზე მეტი შეიძლება მაინც ჰქონდეს “ქართულ ოცნებას” ლეგიტიმაციის პრობლემა, ეს არის საბოტაჟის წინასწარ გამოცხადებული ქრონიკა. აქ პირდაპირ ემთხვევა გახარიასა და რადიკალური ოპოზიციის რიტორიკა ერთმანეთს, ჩვენ გვაქვს ეჭვი, რომ მელიასთვის წასული გახარია, მელიასთვისვე დაბრუნდა. გახარიამ მოინდომა სხვის ბუდეში კვერცხის დადება. ამის მცდელობა ჰქონდა გიორგი გახარიას და ეს მცდელობა ჩვენ დავასრულეთ ძალიან მარტივად და პარტიის დამფუძნებელმაც დაასრულა,” – განაცხადა ირაკლი კობახიძემ. შეგახსენებთ, გიორგი გახარიასთან დაკავშირებით ხმაურიანი განცხადება “ქართული ოცნების” თავმჯდომარემ თავდაპირველად “ღამის კურიერის” ეთერში გააკეთა. ირაკლი კობახიძემ ქვეყნის…

ექსპრემიერი გიორგი გახარიას მხრიდან “ქართული ოცნების” თავმჯდომარის კრიტიკას, მამუკა მდინარაძემ უპასუხა. “ქართული ოცნების” ერთ-ერთი ლიდერი ამბობს, რომ ირაკლი კობახიძისთვის დარტყმის მიყენება, მმართველი პარტიის დაზიანებასაც ნიშნავს და სწორედ  ამ მეთოდით მოქმედებს გიორგი გახარია. “რაც შეეხება ირაკლი კობახიძის მიმართ ასეთ აგრესიას და ირაკლი კობახიძის მიმართ თავდასხმას, ამას ჩემი აზრით აქვს რამდენიმე მიზეზი, მაგრამ ერთ-ერთი მთავარი მიზეზი არის ის, რომ თუკი ოდნავ მაინც იცნობ “ქართული ოცნების“, ამ პარტიის შიდა სამზარეულოს და გინდა მას ზიანი მიაყენო, პირველ რიგში უნდა დაარტყა ირაკლი კობახიძეს. არამხოლოდ როგორც პოლიტიკურ ლიდერს ამ პარტიისას, არამედ როგორც მენეჯერს, რომელზეც ძალიან ბევრი რამ არის…

ამ ადამიანის ყოველი გამოსვლა ტყუილებით და სიცრუით აღსავსეა. მინდა, მოგიწოდოთ, რომ მისი თითოეული გამოსვლის შემდეგ დააფიქსიროთ, რამდენ ტყუილს ამბობს, – ამის შესახებ პარტია „ლელო საქართველოსთვის“ წევრმა ბადრი ჯაფარიძემ გიორგი გახარიას გუშინდელ განცხადებებთან დაკავშირებით აღნიშნა. მისივე თქმით, გუშინ გახარიამ სამარცხვინო განცხადებები გააკეთა. „გუშინ მან იცრუა მთელი რიგი მიმართულებებით. სინანული მაინც ჰქონდეს ადამიანს. როდესაც რაღაც შეცდომას დაუშვებ, პირველი ნაბიჯი სინანულია. ჩვენ ვერანაირი მსგავსი რამ ვერ შევატყვეთ გუშინ გახარიას, პირიქით, ურცხვად ამართლებს თავის მოქმედებას 20 ივნისთან დაკავშირებით. ამბობს, რომ დარბევასთან დაკავშირებით გადაწყვეტილება თვითონ მიიღო, თითქოს, მას არ უბრძანეს. მიიჩნევს, რომ სწორი იყო ნიკა მელიას მიმართ…

“ქართული ოცნების“ წარმომადგენლების განცხადებით, მათი პროექტი ამნისტიის შესახებ შარლ მიშელის დოკუმენტის პრინციპებს პასუხობს და სრულად შეესაბამება. იურიდიულ საკითხთა კომიტეტის თავმჯდომარის ანრი ოხანაშვილის თქმით, ამნისტიის კანონპროექტი პოლიტიკური დოკუმენტით ნაკისრი ვალდებულებაა.  “ამნისტიის კანონპროექტი  არის პოლიტიკური დოკუმენტით ნაკისრი ვალდებულება, რისი ერთგულიც ჩვენ ვრჩებით. ის ამნისტიის კანონპროექტი, რომელიც დაინიცირებულია, სრულად შეესაბამება შარლ მიშელის დოკუმენტს და თუ ოპოზიცია მას მხარს არ დაუჭერს, ეს იქნება ამ დოკუმენტის პირდაპირი და უხეში დარღვევა,“ – განაცხადა ანრი ოხანაშვილმა. უმრავლესობაში “ნაციონალური მოძრაობის” ბრალდებებსაც უპასუხეს, რომელიც გადადებულ სხდომას უკავშირდება. პარლამენტის ფრაქცია ”ქართული ოცნების” წევრმა გურამ მაჭარაშვილმა მათ რეგლამენტის ცოდნა დაუწუნა. “ჩვენ ვართ მზად ღია ნებისმიერ…

პარლამენტი, პლენარული სხდომის ფორმატში, 20 ივნისის მოვლენებთან დაკავშირებით მომზადებულ “ამნისტიის შესახებ” პროექტს იხილავს. ფრაქცია “ქართული ოცნების” ავტორობით წარდგენილი პროექტის განხილვა მეორე მოსმენით, მუხლობრივად მიმდინარეობს. განხილვაში მონაწილეობს ოპოზიცია, მათ შორის „ერთიანი ნაციონალური მოძრაობა“. „ქართული ოცნების“ კანონპროექტით, სისხლისსამართლებრივი პასუხისმგებლობისა და სასჯელისაგან, ასევე პირობითი მსჯავრისგან თავისუფლდება ყველა პირი, რომელმაც 2019 წლის 19-21 ივნისის მოვლენებთან დაკავშირებით ჩაიდინა დანაშაული და უარს არ აცხადებს მის მიმართ ამნისტიის გავრცელებაზე.

რჩევა მაქვს გახარიას მიმართ, პრემიერი აღარ არის, ოპოზიციაშია და გულწრფელად ილაპარაკოს, მიკიბულ-მოკიბულ ლაპარაკს თავი დაანებოს, – ასე შეაფასა ოპოზიციონერმა დეპუტატმა, ალეკო ელისაშვილმა ყოფილი პრემიერ-მინისტრის, გიორგი გახარიას გუშინდელი ინტერვიუ. ელისაშვილი ამბობს, რომ გახარია სულ მინიშნებებით ლაპარაკობს. „მისი ინტერვიუს ერთ ფრაგმენტს ვუყურე და დიდ შეფასებას ვერ გავაკეთებ. რჩევა მაქვს გახარიას მიმართ, უფრო გულწრფელად ილაპარაკოს. როგორც ჩანს, პრემიერ-მინისტრის პოსტიდან ვერ გამოდის და სულ მინიშნებებით და სამაზროვანი წინადადებებით ლაპარაკობს. პრემიერი და შს მინისტრი აღარ არის, ოპოზიციაშია და გულწრფელად ილაპარაკოს, მიკიბულ-მოკიბულ ლაპარაკს თავი დაანებოს“, – განაცხადა ალეკო ელისაშვილმა.