დღე: მაისი 27, 2021

ასე გამოდის, რომ ადამიანს არ უნდა ამნისტია და ძალით უნდათ შევახოთ, ეს გაუგებარია, ვინმეს თუ არ უნდა ამნისტიის კანონი, ბუნებრივია, მასზე არ უნდა გავრცელდეს,- ამის შესახებ ჟურნალისტებთან პარტია “ქართული ოცნების” თავმჯდომარე ირაკლი კობახიძემ განაცხადა, რითაც ნიკა მელიასთან მიმართებით, ამნისტიის შესახებ პროექტთან დაკავშირებით ოპოზიციის განცხადებებს გამოეხმაურა. კობახიძის თქმით, ოპოზიციასთან კონსულტაციები გაგრძელდება და შესაძლოა, მეორე მოსმენამდე გარკვეულ საკითხებზე პოზიციები შეჯერდეს. “ეს კანონპროექტი პირველი მოსმენით არსებითად იმ სახით დამტკიცდება, როგორც იყო ინიცირებული, დანარჩენი ვნახოთ, მომდევნო ორი კვირის განმავლობაში. დღეს იყო გარკვეული კონსულტაციები, ეს გაგრძელდება. ორ კვირაში გაიმართება მეორე მოსმენა და მეორე მოსმენამდე შეიძლება გარკვეულ საკითხებზე პოზიციების შეჯერება. ჩვენ…

საქართველოს დემოკრატიული განვითარების, ევროკავშირთან პოლიტიკური და ეკონომიკური ინტეგრაციის პროცესებში სამოქალაქო საზოგადოების როლი გადამწყვეტია; ჩვენში არსებობს სრული კონსენსუსი ჩვენი ქვეყნის ევროპულ მომავალთან დაკავშირებით და სწორედ ეს განაპირობებს ხელისუფლებასა და სამოქალაქო საზოგადოებას შორის მჭიდრო თანამშრომლობას, – ამის შესახებ საქართველოს პრემიერ-მინისტრმა, ირაკლი ღარიბაშვილმა სამოქალაქო საზოგადოების ფორუმის საქართველოს ეროვნული პლატფორმისა და საქართველოს მთავრობის ერთობლივ კონფერენციაზე – „ქართველი ხალხის ევროპული არჩევანი“ მიმართვისას განაცხადა, რომელიც 27-28 მაისს ვიდეოკონფერენციის ფორმატში იმართება. მთავრობის მეთაურმა „აღმოსავლეთ პარტნიორობის“ სამოქალაქო საზოგადოების პლატფორმას ფორუმის მაღალ დონეზე ორგანიზებისთვის მადლობა გადაუხადა და აღნიშნა, რომ სამოქალაქო საზოგადოების მხარდაჭერა არსებითია იმ რეფორმების განსახორციელებლად, რომელთა მეშვეობით საქართველო „აღმოსავლეთ პარტნიორობის“…

რამდენიმე დღეში ყოფილი პრემიერის, გიორგი გახარიას პარტიის პრეზენტაცია გაიმართება. ახალი პოლიტიკური ძალის სახელი და სტრატეგია უკვე გაწერილია, გუნდის სრულ შემადგენლობას საზოგადოება, დიდი ალბათობით, შაბათს იხილავს. რაც შეეხება პარტიის დაფინანსებას, ამ თემაზე სხვადასხვა ინფორმაცია ვრცელდება, დღეს ახსენეს თავდაცვის ყოფილი მინისტრის, დავით კეზერაშვილის სახელიც. საკითხს მმართველი გუნდის წევრები ეხმაურებიან. “ქართული ოცნების” წევრის, ანრი ოხანაშვილის შეფასებით, გარკვეული მედიასაშუალებები კონკრეტული პირების წარმოჩენას ცდილობენ, რაც იძლევა იმის ეჭვის საფუძველს, რომ შესაძლოა, იკვეთებოდეს მხარდაჭერის მიღება დავით კეზერაშვილის მხრიდან.  “კონკრეტული მედიასაშუალებები ცდილობენ ხელი შეუწყონ კონკრეტული პირების წარმოჩენას, რაც გვაძლევს საფუძვლიან ეჭვებს, რომ შესაძლებელია გარკვეული სახის შეთანხმება, მხარდაჭერის მიღება კონკრეტული პირის,…

19-20 ივნისის მოვლენებზე მომზადებულ ამნისტიის პროექტთან დაკავშირებით მმართველ გუნდსა და ოპოზიციას შორის შეთანხმება ვერ შედგა. როგორც ფრაქცია „ლელო – პარტნიორობა საქართველოსთვის“ თავმჯდომარემ, ბადრი ჯაფარიძემ პარლამენტის თავმჯდომარე კახა კუჭავას კაბინეტში გამართული შეხვედრის შემდეგ ჟურნალისტებს განუცხადა, “ქართული ოცნება” პლენარულ სხდომაზე, პირველი მოსმენით, საკუთარ ვერსიას გაიტანს, რომელიც დიდი ალბათობით ოპოზიციის მხარდაჭერას ვერ მოიპოვებს. მისივე თქმით, შარლ მიშელის დოკუმენტთან სრულ შესაბამისობაშია ოპოზიციის კანონპროექტი. „ვერ შევთანხმდით. ვერ შევთანხმდით ჩვენს პროექტზე, რომელიც სრულ შესატყვისობაშია შარლ მიშელის მედიაციით მიღწეულ შეთანხმებასთან. ჩვენი პროექტით, ამნისტია ორ მუხლზე უნდა გავრცელდეს. „ქართული ოცნების” ვერსიით ამნისტია იმ მუხლებზეც უნდა გავრცელდეს, რომლითაც დღეს სისხლის სამართლებრივი…

შეხვედრა, რა თქმა უნდა შედგა. იცით, რომ უამრავი ადამიანი, მათ შორის პოლიტიკოსებიც მოდიან აქციაზე. ყველას აქვს თავისი იდეა და აზრი, რაც არაერთხელ დაუფიქსირებიათ სხვადასხვა პერსონებს. სიმართლე გითხრათ, ამაში კონსპირაციულს ვერაფერს ვხედავთ, – ამის შესახებ ვარლამ გოლეთიანმა მედიაში გავრცელებული ინფორმაციის შესახებ განაცხადა, რომლის მიხედვითაც, მასსა და „ნაციონალური მოძრაობის“ წევრ გიორგი ხვედელიანს შორის შეხვედრა შედგა. „დიალოგის დროს ზოგადად მხარდაჭერაზე იყო საუბარი. ზოგადად, უჭერენ მხარს მიმდინარე მოვლენებს და გამომელაპარაკა მე, როგორც რიონის ხეობის ერთ-ერთ მცველს. შეხვედრა აქვე, კარავთან იყო და ეს დამალული არც ყოფილა. რამდენიმე ადამიანი მოვიდა. მხარდაჭერა კი არ გამოგვიცხადა, ალბათ რომ მოვიდა, აქ მოსვლის ჟესტი…

რა თქმა უნდა, გიორგი გახარიას ამნისტია არ სჭირდება, წერტილი! – ამის შესახებ უმრავლესობიდან გასულმა დეპუტატმა, გიორგი გახარიას გუნდის წევრმა ანა ბუჩუკურმა განაცხადა. მისი თქმით, თუ ამნისტიის პროექტთან დაკავშირებით შეთანხმება არ მოხდება, ისინი კენჭისყრაში მონაწილეობას არ მიიღებენ. „ზოგადად, ამნისტია რომ პოლიტიკური შეთანხმების საგანი გახდა, ეს ძალიან სამწუხაროა. ეს თავიდანვე დავაფიქსირეთ, როცა შარლ მიშელის დოკუმენტს ხელი მოვაწერეთ, მაგრამ ჩავთვალეთ, რომ ეს იყო ერთ – ერთი საშუალება, რომ ქვეყანა გამოსულიყო პოლიტიკური კრიზისიდან. მთავარი, რის გამოც, ამნისტიის საკითხი ჩაიდო დოკუმენტში, იყო შეთანხმება. შეთანხმება ნიშნავს მხარეთა შორის კონსენსუსს, ახლა რაც ხდება ეს არ არის შეთანხმება, ყველას თავისი ვარიანტი აქვს.…

“იქით, გაცხადებულად პრორუსი ლევან ვასაძე ოკუპანტი კრემლის იდეოლოგ დუგინს ხვდება და მისგან იღებს დირექტივებს, ანტისაოკუპაციო კანონის თანახმად კი, მისი პარტია სახელმწიფომ საერთოდ არ უნდა დაარეგისტრიროს (მაგრამ ვინაა პატრონი), აქეთ კი, “ქართულმა ოცნებამ” ხელმომწერებს ხელმოწერილი დოკუმენტი თითქმის თავზე გადაახია, სასამართლოს კლანის მოსამართლეების დანიშვნით“ – წერს სოციალურ ქსელში პარტია „გამარჯვებული საქართველოს“ წევრი, ზურაბ ნადირაძე. ნადირაძე ვრცლად საუბრობს ამნისტიის კანონზე და აღნიშნავს, რომ დოკუმენტს სასამართლოს რეფორმასთან არანაირი საერთო არ აქვს: „ დოკუმენტში შეტანილ რომელ სასამართლოს რეფორმაზეა ლაპარაკი საერთოდ?! არც ამნისტიის კანონზე აპირებს ხელისუფლება დათმობას და 99 % თავისსავე ინიცირებულ კანონს გაიტანს, რის შემდეგაც…

პარლამენტი დღევანდელ პლენარულ სხდომაზე „ამნისტიის შესახებ“ კანონპროექტს პირველი მოსმენით განიხილავს. ამის შესახებ მმართველმა გუნდმა დღეს გამართული კონსულტაციების შემდეგ განაცხადა. არსებული ინფორმაციით, შეხვედრაზე პარლამენტის თავმჯდომარემ კახა კუჭავამ მხარეებს შესთავაზა „ქართული ოცნების“ კანონპროექტიდან ამოვიდეს ჩანაწერი პირის მხრიდან ამნისტიის თანხმობაზე, ხოლო ოპოზიციის ვერსიიდან დაზარალებულის თანხმობა აღარ იყოს საჭირო პირის ამნისტირებისას.

„ყოფილი პრემიერ მინისტრის, გიორგი გახარიას პარტიას, რომლის პრეზენტაცია 29 მაისს არის დაგეგმილი, თავდაცვის ყოფილი მინისტრი, დავით კეზერაშვილი აფინანსებს“ – ამის შესახებ სტატიას გამოცემა – Ongo.ge ავრცელებს. სტატიაში აღნიშნულია, რომ „ორი ექსმინისტრი ერთმანეთთან ალეკო ხოჯევანიშვილის მეშვეობით კონტაქტობს“, რომელიც ავტორის თქმით, კეზერაშვილის ნდობით აღჭურვილი პირია. ხოჯევანიშვილი თავდაცვის უწყებაში კეზერაშვილის მინისტრობის დროს გენერალური ინსპექციის უფროსი გახლდათ.

პარლამენტში „ამნისტიის შესახებ“ კანონპროექტზე კონსულტაციები მიმდინარეობს. შეხვედრა ამ წუთებში პარლამენტის თავმჯდომარე კახა კუჭავასთან იმართება. შეხვედრას ესწრებიან „ლელოს“, „მოქალაქეების“, „სტრატეგია აღმაშენებლისა“ და „გირჩის“ წარმომადგენლები. შეხვედრაზე დისკუსიის საგანია, ვის უნდა შეეხოს ამნისტია და უნდა მოხდეს თუ არა მისი კორექტირება. პარლამენტში დღევანდელ პლენარულ სხდომაზე იგეგმება „ამნისტიის შესახებ“ ორი კანონპროექტების განხილვა, რაც ორი დღის წინ კონსულტაციების გამო გადაიდო.