დღე: აპრილი 18, 2021

ე.წ. პოლიტიკური პატიმრების ერთ კვირაში გათავისუფლების საკითხის გარდა, ევროპის საბჭოს პრეზიდენტის, შარლ მიშელის ე.წ. მორიგების დოკუმენტი საპარლამენტო თანამდებობების გადანაწილების საკითხსაც ეხება. კერძოდ, ფასილიტატორი მხარე, მმართველ გუნდს სთავაზობს, 5 კომიტეტის თავმჯდომარის სავარძელი ოპოზიციას დაუთმოს.    დოკუმენტის მიხედვით, ოპოზიციის დეპუტატებმა პარლამენტში 5 კომიტეტის თავმჯდომარეობა უნდა შეითავსონ. აქედან 2 კომიტეტი უნდა აირჩიონ შემდეგიდან: საპროცედურო საკითხთა და წესების კომიტეტი; იურიდიულ საკითხთა კომიტეტი; ადამიანის უფლებათა კომიტეტი; საფინანსო-საბიუჯეტო კომიტეტი; საგარეო ურთიერთობების კომიტეტი. ასევე, დოკუმენტში წერია, რომ ოპოზიციის დეპუტატებმა პოზიცია საპარლამენტო დელეგაციებშიც უნდა დაიკავონ. კერძოდ,  ევრონესტის საპარლამენტო ასამბლეა, საქართველო-ევროკავშირის საპარლამენტო ასოცირების კომიტეტი და ეუთოსა და ევროსაბჭოს საპარლამენტო…

ევროპული საბჭოს პრეზიდენტის, შარლ მიშელის ჩართულობით მომზადებული ე.წ. მორიგების დოკუმენტი მმართველ გუნდსა და ოპოზიციას ხელმოსაწერად ევროკავშირის ოფისში გადასცეს. დოკუმენტში გაჩნდა ე.წ. პოლიტპატიმრებისა და მათი გათავისუფლების საკითხიც.   „საქართველოს პოლიტიკური სტაბილურობისთვისა და ამ შეთანხმების შესრულებისთვის, ხელისმომწერები მზადყოფნას გამოხატავენ, რომ ხელშეკრულების გაფორმებიდან ერთი კვირის ვადაში მიმართავენ პოლიტიკურ მართლმსაჯულებად აღქმულ საქმეებს, ამნისტიის ან/და იმგვარი ნაბიჯების გადადგმით, რომელიც იმავე შედეგს გამოიღებს“, – ვკითხულობთ ახალ პაკეტში, რომელიც უკვე მხარეების ხელში. შეგახსენებთ, რომ  მმართველ გუნდსა და ოპოზიციას შორის დიალოგი დღეს განახლდა და მათ ხელმოსაწერად ახალი დოკუმენტი გადასცეს. მხარეებმა მის გასაცნობად დრო ითხოვეს. ოპოზიცია მზადაა, დოკუმენტს ხელი…

„გირჩისთვის“ მედიატორების მიერ წარმოდგენილი დოკუმენტი მისაღებია რადგან იქ სწორედ ის პუნქტები გაჩნდა, რომლის მოგვარებასაც ოპოზიცია ითხოვდა. როგორც ვახტანგ მეგრელიშვილი განმარტავს, ეს სწორედ ის დოკუმენტია, რასაც ოპოზიცია 2 თვის განმავლობაში ითხოვდა. „არაფერი პრინციპული სიახლე არ არის იმასთან შედარებით, რასაც ამდენი ხნის განმავლობაში განვიხილავდით. ძირითადმა მოდერატორმა თითოეული პუნქტი გაიარა. გაჩნდა ის პუნქტი, რომელზეც ამდენი თვეა ვსაუბრობთ. იმედი მაქვს, მხარეები ამდენი ძალისხმევის დახარჯვის შემდეგ მაინც იქნებიან უფრო მეტად პასუხისმგებლიანები და ამ შეთანხმებას არ გავაფუჭებთ. მე და ჩემი პარტია დაველოდებით პარლამენტში ჩვენი კოლეგების შემოერთებას და იმედია, მერე ერთად შევალთ დარბაზში. სითბოს ვგრძნობ და ეს…

„გირჩი-მეტი თავისუფლებისთვის“ ლიდერმა, ზურაბ ჯაფარიძემ ოპოზიციისა და მმართველი გუნდის შეხვედრის დაწყებამდე განცხადება  გააკეთა. მისი თქმით, ტექსტს შესთავაზებენ არ იცის და არ ვარაუდობს, რომ რომელიმე პუნქტში ცვლილება იქნება. „ორი საკითხი იყო, ეს არის პოლიტპატიმრების, პოლიტიკური დევნის შეწყვეტის საკითხი და ხელახალ არჩევნებამდე მისასვლელი გზა. თუ რამე ცვლილებები იქნება, ამ ორ პუნქტში უნდა იყოს ისეთი ცვლილება, რაზეც შეიძლება ოპოზიცია დათანხმდეს. თუ ეს ორი პუნქტი არ იქნება გაწერილი, ხელს არ მოვაწერ“, – განაცხადა ჯაფარიძემ. ცნობისთვის, მმართველი გუნდისა და ოპოზიციური პარტიების წარმომადგენლების შეხვედრა ფასილიტატორი ელჩების მონაწილეობით იმართება. ევროკავშირის წარმომადგენლობის ოფისში რამდენიმე საათის წინ მივიდა საქართველოში…

„ნაციონალური მოძრაობა“ მოლაპარაკების და დოკუმენტზე ხელმოწერის წინაპირობად ისევ ე.წ. პოლიტიკური პატიმრების გათავისუფლებას აყენებს. სხვა შემთხვევაში, დოკუმენტს, რომელსაც მათ ევროკავშირის წარმომადგენლობის ოფისში გააცნობენ, ხელს არ მოაწერენ.    “იმ დოკუმენტიდან, რომელიც უკანასკნელი მოლაპარაკებების დროს შემოგვთავაზა, ორი პუნქტი არ იყო მისაღები. ეს არის პოლიტიკური პატიმრების გათავისუფლებასთან და ვადამდელ არჩევნებთან დაკავშირებული თემა. ველოდებით, რა იქნება განახლებული მოლაპარაკებების დოკუმენტი“, – განაცხადა სამადაშვილმა ჟურნალისტებთან. შეგახსენებთ, რომ ევროკავშირის წარმომადგენლობის ოფისში, ხელისუფლებისა და ოპოზიციის წარმომადგენლებს შორის მოლაპარაკებები იწყება. მოლაპარაკების პროცესში, არსებული ინფორმაციით, ევროპელი მედიატორებიც მიიღებენ მონაწილეობას, რომლებიც შეხვედრას სოციალური ქსელით ჩაერთვებიან.