დღე: თებერვალი 19, 2021

ამ წუთებში ხმაურია საქართველოს პარლამენტთან, სადაც პოლიციამ რამდენიმე აქტივისტი დააკავა. დაპირისპირება სამართალდამცავებსა და “ნაციონალური მოძრაობის” წევრებს შორის მას შემდეგ დაიწყო, რაც ლევან ხაბეიშვილმა პარლამენტის წინ კარვის გაშლა სცადა. ამ დრომდე ოპოზიციის კარავი პარლამენტის უკანა მხარეს იყო გაშლილი, რომელიც ხაბეიშვილს თანამოაზრეებთან ერთად რუსთაველის გამზირზე გადააქვთ. ხაბეიშვილის თქმით, კარვის მდებარეობის შეცვლა მას შემდეგ გადაწყდა, რაც პოლიციამ მათ ახალი კარვის გაშლის საშუალება არ მისცა.

პარტია “მოქალაქეების” ლიდერი  პრემიერ-მინისტრის პოსტზე ირაკლი ღარიბაშვილის კანდიდატურის მხარდაჭერას არ აპირებს. ალეკო ელისაშვილის თქმით, მას აინტერესებს რა გეგმის დაწერა მოასწრო ახალმა სამთავრობო გუნდმა ერთ დღეში: “ღარიბაშვილი თვითონ არის ისეთი კანდიდატურა, რომელსაც მხარს ნამდვილად ვერ დავუჭერთ. სხვები არ ვიცი, ნიკო ნიკოლაძეს ისინი ვერ გააცოცხლებენ და ექვთიმე თაყაიშვილს, რომ მთავრობაში მიიყვანონ და რაც იყო ალბათ ისევ ის იქნება და ერთი-ორი დეკორატიული ცვლილება იქნება. დღეს ითქვა, რომ მთავრობის შემადგენლობასთან ერთად მთავრობის გეგმა უნდა წარმოადგინონ და მაინტერესებს, ერთ დღეში რა პროგრამა დაწერეს,” – განაცხადა ალეკო ელისაშვილმა. ალეკო ელისაშვილი თეა წულუკიანის პარლამენტიდან მთავრობაში შესაძლო გადანაცვლებასაც შეეხო: “თვითონაც…

,,ქართული ოცნება – დემოკრატიული საქართველოს” ცენტრალური ოფისში პარტიის პოლიტიკური საბჭოს სხდომა გაიმართება. სხდომა 16.00 საათზე დაიწყება. პოლიტსაბჭოს სხდომაზე სავარაუდოდ, ქვეყანაში მიმდინარე პროცესებზე და მინისტრთა კაბინეტთან დაკავშირებულ საკითხებზე იმსჯელებენ.

პრემიერ-მინისტრობის კანდიდატის შერჩევისას გადაწყვეტილების მიღების პროცესში  ბიძინა ივანიშვილი არ ჩარეულა და როგორც თავად თქვა, არც ჩაერევა, თუმცა არ მგონია, მისი დამოკიდებულება შორს იყოს იმ გადაწყვეტილებებიდან, რომელიც მის მიერ ჩამოყალიბებულ გუნდში მწიფდება, განიხილება და მიიღება, – ამის შესახებ ჟურნალისტებს პარლამენტის პირველმა ვიცე-სპიკერმა გია ვოლსკიმ განუცხადა. ამ კონტექსტში ვოლსკიმ აღნიშნა, რომ გუნდის გადასაწყვეტია, თუ როგორ წავა პოლიტიკური ვითარება ქვეყანაში. „პრემიერ-მინისტრობის კანდიდატად აირჩეოდა ირაკლი ღარიბაშვილი მე თუ პარტიის პოლიტსაბჭოს ნებისმიერი წარმომადგენელი, რასაკვირველია, ამასთან დაკავშირებით ბიძინა ივანიშვილს  განსხვავებული მოსაზრება არ ექნებოდა. ივანიშვილი გადაწყვეტილების მიღების პროცესში არ ჩარეულა და როგორც თავად თქვა, არც ჩაერევა, თუმცა არ მგონია,…

ალბათ რა თქმა უნდა, ძირითადი ხაზი, რომელიც ხელისუფლებისა და აღმასრულებელი ხელისუფლების, მთავრობის პროგრამაში იყო, სვლა იქითკენ, რომ ჩვენ 2024 წლისთვის ვიყოთ ევროკავშირისათვის განაცხადის შემტანი ქვეყანა, ევროკავშირისკენ მიმავალ გზაზე, რა თქმა უნდა, შენარჩუნებული იქნება, –  ამის შესახებ საპროცედურო საკითხთა კომიტეტის თავმჯდომარე, ირაკლი ქადაგიშვილმა განაცხადა. მისივე თქმით, შესაძლებელია, ვინმემ საპარლამენტო შემადგენლობიდან სამთავრობო შემადგენლობაში გადაინაცვლოს. „იქნება გარკვეული სიახლეები, ბუნებრივია, ახალი ადამიანია, ახალი ხედვები ექნება, მისი მხრიდან განსხვავებული თემების შემოტანასაც შეიძლება ჰქონდეს ადგილი და ამ ყველაფერს, მათ შორის მთავრობის პერსონალურ შემადგენლობაზე, პრემიერ-მინისტრი თვითონ მოგახსენებთ. გარკვეული სიახლეები იქნება, მათ შორის პერსონალების მიმართაც, მაგრამ ჩემგან ამაზე მარჩიელობა აბსოლუტურად არარელევანტურია.…

“პატრიოტთა ალიანსის” ერთ-ერთმა დამფუძნებელმა ადა მარშანიამ პარტია დატოვა. მე-9 მოწვევის პარლამენტის დეპუტატმა გადაწყვეტილება პარტიას ფეიბუკით ამცნო. “ძვირფასო მეგობრებო, გაცნობებთ, რომ მივიღე გადაწყვეტილება დავტოვო პარტია “საქართველოს პატრიოტთა ალიანსი”, რომლის ერთ-ერთი დამფუძნებელი ვარ,” – წერს სოციალურ ქსელში ადა მარშანია.

“ერთიანი ნაციონალური მოძრაობა” მიმდინარე მოვლენებთან დაკავშირებით განცხადებას ავრცელებს, სადაც მმართველ პარტიას მოუწოდებს არ იფიქროს იმ შენობის შტურმზე, სადაც ადამიანები, ნორმალურ ქვეყანაში ცხოვრების შანსს ფიზიკურად იცავენ. ამასთან როგორც ენმ-ს განცხადებაშია ნათქვამი ქვეყნის ეროვნული ინტერესია, რომ კრიზისი განიმუხტოს, ამისთვის კი აუცილებელია შეწყდეს პოლიტიკური დევნა. ენმ-ში აცხადებენ რომ მზად არიან კრიზისის განმუხტვის ერთადერთი სწორი გზის, ვადამდელი არჩევნების შესახებ გამართონ მოლაპარაკებები, ფასილიტატორების ჩართულობით: “საქართველოში არსებული მთელი ოპოზიციური სპექტრი, რომელსაც თამარ ჟვანიას დათვლებითაც კი, სულ მცირე 1.2 მილიონი ადამიანი უჭერს მხარს და ეს ამომრჩევლის ნახევარზე ბევრად მეტია – დღეს ერთიანი ნაციონალური მოძრაობის ოფისში დგას და ნიკა მელიას ფიზიკურად იცავს, ანუ სამოქალაქო მშვიდობასა და თავისუფლებას.…

ირაკლი ღარიბაშვილის კანდიდატურის წარდგენას პრემიერ – მინისტრის პოსტზე ოპოზიციის ნაწილი პოლიტიკური სარკაზმით ეხმაურება: „ცუდი წინათგრძნობა მაქვს. ელისაშვილმა არ ჩააგდოს ღარიბაშვილის კანდიდატურა პარლამენტში,“ – წერს პარტია „გამარჯვებული საქართველოს ლიდერი ირაკლი ოქრუაშვილი სოციალურ ქსელში.

“ქართული ოცნების” წევრი შალვა პაპუაშვილი “ევროპის სახალხო პარტიის” განცხადებას გამოეხმაურა და აღნიშნა, რომ EPP-სა და “ნაციონალურ მოძრაობას” შორის განსაკუთრებული ბმაა. მან ხაზი გაუსვა, რომ ქვეყნის მთავარი პარტნიორების განცხადებები ნიშნავს მოწოდებას იმისკენ, რომ ოპოზიცია პრალამენტში შევიდეს.  “რაც შეეხება, EPP-ს გამოხმაურებას, ის არის ალბათ ერთადერთი ასეთი სახის გამოხმაურება. აღსანიშნავია, რომ EPP-სა და “ნაციონალურ მოძრაობას” შორის განსაკუთრებული ბმაა, იცით, რომ “ნაცმოძრაობა” არის მათი წევრი. მთავარი პარტნიორების დამოკიდებულება ჩვენი ქვეყნის მიმართ არის მეგობრული, მათ უნდათ, რომ არ იყოს დესტაბილიზაცია და ყველას მოუწოდებენ სიდინჯისკენ. ეს მოწოდებები ნიშნავს ერთ რამეს – ყველა მოუწოდებს ჩვენს ოპონენტებს მიიღონ მანდატი, შევიდნენ პარლამენტში, მონაწილეობა მიიღონ დემოკრატიულ პროცესში და თუკი…

საქართველოს ცენტრალურ საარჩევნო კომისიაში არ ადასტურებენ გავრცელებულ ინფორმაციას, რომ ცესკოს თავმჯდომარე თამარ ჟვანია გადადგა. როგორც ცესკოში აცხადებენ, თამარ ჟვანია თანამდებობაზე რჩება. „თამარ ჟვანია არ გადამდგარა. გავრცელებული ინფორმაცია არ შეესაბამება სინამდვილეს“, – განაცხადეს ცესკოში. ცნობისთვის, თამარ ჟვანია საქართველოს ცენტრალურ საარჩევნო კომისიას 2013 წლიდან ხელმძღვანელობს. ის ცესკოს თავმჯდომარის თანამდებობაზე 2018 წლის 24 დეკემბერს მეორე ვადით აირჩიეს. შეგახსენებთ იმასაც, რომ 31 ოქტომბრის არჩევნების შემდეგ, ერთ-ერთი მთავარი მოთხოვნა, რასაც ოპოზიცია აყენებს, საარჩევნო ადმინისტრაციის ცვლილება და თამარ ჟვანიას გადადგომაა, რადგან მას 2020 წლის საპარლამენტო არჩევნების გაყალბებაში ადანაშაულებდნენ.

„ნაციონალური მოძრაობის” ერთ – ერთი ლიდერის, გიორგი ბარამიძის განცხადებით, პარტიის თავმჯდომარეს,  ნიკა მელიას თანაპარტიელები „დაჟინებულ რეკომენდაციას აძლევენ იმაზე, რომ ოფისიდან ჯერჯერობით ფეხი არ მოიცვალოს”. „თვითონ ნიკა მელიამ თქვა, რომ არ გადავიხდი და ვერ დამიჭერთ. ჩვენც ვთვლით, რომ ვერ დაიჭერენ და ასეც მოხდა ადამიანების ერთობლივი მშვიდობიანი და არაძალოდობრივი ძალისხმევით. რაც შეეხება ნიკას ქალაქში სიარულს, სანამ მეტნაკლებად არ გაირკვევა ვითარება, მე პირადად, ჩვენი გუნდის წევრები, ძალიან დაჟინებულ რეკომენდაციას ვაძლევთ ნიკას, რომ ეს არ გააკეთოს, რადგან ჩვენ გვაქვს საქმე „გავრილოვების რეჟიმთან“, რომელსაც ახლა ჰგონია, რომ ნიკა მელიას დაჭერით ცოტა მოსულიერდებიან მას შემდეგ რაც, ფაქტობრივად, გარდაიცვალნენ. გამოჩნდა, როგორ…

თუ არ ვცდები 4 თებერვალს განვაცხადე, გირაოს გადახდაზე, რომელიც უკანონოდ და უსამართლოდ დამეკისრა, არ მეკუთვნის და არ გადავიხდი-მეთქი და დღეს 18 თებერვალია და მგონია, უნდა გაიგოს ხელისუფლებამ, რომ უსამართლობის შეგუებას არ ვაპირებ,– ამის შესახებ „ნაციონალური მოძრაობის“ თავმჯდომარემ, ნიკა მელიამ „რუსთავი 2“-ის ეთერში განაცხადა. მისი თქმით, არც გირაოს გადახდას და მითუმეტეს, არც ციხეში წასვლას არ აპირებს. „ვმუშაობ, ვცხოვრობ, მანამდეც არაერთი ღამე გამითენებია ამ ოფისში, რომელიც იძლევა შესაძლებლობას, რომ ნორმალურად იმუშაო. ვითარება არაა ორდინალური, რაღა დაგიმალოთ, ტყუილს რატო გაკადრებთ, თუმცა ეს არ ნიშნავს იმას, რომ არ მივიღებ მონაწილეობას იმ აქტივობებში, რომელიც გაიმართება ოფისის…