დღე: თებერვალი 18, 2021

საქართველოს პრეზიდენტის განცხადებით, დაუყოვნებლივ საჭიროა სიტუაციის დეესკალაცია. აღნიშნულთან დაკავშირებით, მან დიპლომატიურ კორპუსთან შეხვედრა გამართა. „დღეს შეხვედრა გავმართე დიპლომატიური კორპუსის წარმომადგენლებთან და დეტალურად განვიხილეთ შექმნილი ვითარება. მიმაჩნია, რომ საჭიროა სიტუაციის დაუყოვნებლივ დეესკალაცია და დაძაბულობის განმუხტვა, რომელსაც პირველ რიგში სჭირდება ნამდვილი კონსტრუქციული დიალოგი, რათა ამ პროცესებმა არ დააზიანოს ქვეყნის სტაბილურობა და საერთაშორისო იმიჯი“ – აცხადებს სალომე ზურაბიშვილი.   როგორც პრეზიდენტი აცხადებს, ყველა ფორმის დიალოგისთვის მზადაა. “ჩემი გამოცდილებიდან გამომდინარე, მზად ვარ ყველა ფორმის დიალოგს მხარი დავუჭირო, თუმცა დარწმუნებული ვარ, რომ დათმობის პოლიტიკა მხოლოდ მაშინ ამართლებს, თუ ორივე მხარე კონსტრუქციული დიალოგისთვის მზადაა და არა, როცა…

მეტი...

ქვეყანაში შექმნილ პოლიტიკურ კრიზისთან დაკავშირებით, საქართველოს პრეზიდენტი განცხადებას აკეთებს. როგორც სალომე ზურაბიშვილი აცხადებს, ქვეყანაში დღითიდღე იზრდება პოლარიზაცია, დაძაბულობა და დაპირისპირება. „ცხრა თვის წინ მივიღე ჩემთვის უმძიმესი და საზოგადოებისთვის მტკივნეული გადაწყვეტილება, რომელიც განპირობებული იყო მხოლოდ და მხოლოდ სახელმწიფო სტაბილურობის შენარჩუნებით და ემსახურებოდა პოლიტიკური კრიზისის დაძლევასა და დეპოლარიზაციას. სამწუხაროდ, ქვეყანაში დღითიდღე იზრდება პოლარიზაცია, დაძაბულობა და დაპირისპირება. ლეგიტიმურად ცნობილი არჩევნების შედეგების კითხვის ნიშნის ქვეშ დაყენება, დაუმორჩილებლობის ყველა ფორმის გამოყენება, საზოგადოებრივ-სოციალური პროტესტის წაქეზება მიზნად ისახავს ქვეყნის დასუსტებასა და დესტაბილიზაციას. ამას შეიძლება მოჰყვეს უმძიმესი შედეგები, დემოკრატიული ინსტიტუტების მიმართ საზოგადოებაში ნდობის დაკარგვა, არა თუ ჩვენთვის, არამედ…

მეტი...

„საქართველოს პარლამენტი მთავრობის შემადგენლობას უახლოეს დღეებში დაამტკიცებს“, – ამის შესახებ საქართველოს პარლამენტის თავმჯდომარე „ტვიტერის“ ოფიციალურ გვერდზე წერს. არჩილ თალაკვაძის თქმით, მმართველი გუნდი უზრუნველყოფს სამთავრობო პოლიტიკის უწყვეტ განხორციელებას მოქალაქეთა საკეთილდღეოდ. „ჩვენ უზრუნველვყოფთ სამთავრობო პოლიტიკის და ფუნქციების უწყვეტად განხორციელებას ჩვენი მოქალაქეების საკეთილდღეოდ. „ქართული ოცნება“-ს ასევე განსაზღვრული აქვს სამომავლო ნაბიჯები წარმატების მისაღწევად“, – წერს პარლამენტის თავმჯდომარე სოციალურ ქსელში.

მეტი...

პრემიერ-მინისტრობიდან გადადგომის შემდეგ, გიორგი გახარია კიდევ ერთ მოკლე განმარტებას აკეთებს. ამჯერად, ის, საზოგადოებას სოციალური ქსელით მიმართავს.     „მჯერა, რომ ქვეყნის შიგნით დაპირისპირება საფრთხეს უქმნის საქართველოს დემოკრატიული და ეკონომიკური განვითარების მომავალს. ამიტომ, მე განვაცხადე გადადგომის შესახებ, იმ იმედით, რომ შევამცირებ პოლარიზაციას და მოვახდენ სიტუაციის დეესკალაციას“, – წერს ყოფილი პრემიერ-მინისტრი სოციალურ ქსელში.

მეტი...

პრემიერ-მინისტრობის კანდიდატად ირაკლი ღარიბაშვილის დასახელების შემდეგ, „ნაციონალური მოძრაობის“ თავმჯდომარე ნიკანორ მელიამ პირველი შეფასება გააკეთა და მას „დაქოქილი თოჯინა“ უწოდა.    “დაქოქილი თოჯინაა. ეს ნიშნავს რომ “ქართულ ოცნებასაც” მობეზრდა რომ იყოს ხელისუფლების მიმტაცებელი. ღარიბაშვილი რომ იყო პრემიერ-მინისტრი, რა გააკეთა? ხუმრობთ? ეს ნიშნავს, რომ ძალიან მალე ახალი არჩევნები ჩატარდება ქვეყანაში. ღარიბაშვილი ერთხელ, როგორც პატარა ბავშვი ისე გაუშვეს, დამთავრებულია “ქართული ოცნება”, – განაცხადა ნიკანორ მელიამ პრემიერ-მინისტრობის კანდიდატთან დაკავშირებით და აღნიშნა, რომ რიგგარეშე არჩევნები გარდუვალია.

მეტი...

გიორგი გახარიას შემცვლელი, საქართველოს პრემიერ-მინისტრობის კანდიდატი ირაკლი ღარიბაშვილი გუნდს მადლობას უხდის არჩევანის მასზე შეჩერებისთვის და პირობას იძლევა რომ წესრიგი და წონასწორობა მალე აღდგება.     „ჩვენთვის ყველასთვის ემოციური დღეა. ამის მიუხედავად, ჩვენმა გუნდმა სწრაფად მიიღო გადაწყვეტილება და მინდა კიდევ ერთხელ მადლობა გადავუხადო ჩვენი პარტიის თავმჯდომარეს და მთლიან გუნდს ჩემი დასახელებისთვის პრემიერ-მინისტრის თანამდებობაზე. ბუნებრივია, ეს არის უდიდესი პასუხისმგებლობა და არის უდიდესი პატივი, რომ დამტკიცების შემთხვევაში მეორედ ვიყო ამ ქვეყნის პრემიერ-მინისტრი. ჩვენი ქვეყნის წინაშე არსებობს უამრავი გამოწვევა, პირველ რიგში ეს არის კოვიდპანდემია, უმუშევრობა, ეკონომიკური სიდუხჭირე და მოსახლეობის მძიმე მდგომარეობა, რაც ბუნებრივია, საჭიროებს სწრაფ…

მეტი...

„ქართული ოცნების“ თავმჯდომარე ირაკლი კობახიძემ გიორგი გახარიას გადაგდომასთან დაკავშირებით სპეციალური განცხადება გააკეთა. მან „ნაციონალური მოძრაობის” ლიდერს, ნიკანორ მელიას მიმართა და მოუწოდა კანონმდებლობას დაემორჩილოს.   „მოვუწოდებ ნიკანორ მელიას, დაემორჩილოს კანონს, წინააღმდეგ შემთხვევაში ხელისუფლება უზრუნველყოფს კანონის აღსრულებას და მის დაპატიმრებას. მთავრობის ფორმირება დაიწყება და სრულდება კანონით გათვალისწინებულ, უმოკლეს ვადებში“,- განაცხადა ირაკლი კობახიძემ სპეციალურ ბრიფინგზე.

მეტი...

„ნაციონალური მოძრაობის“ თავმჯდომარის, ნიკანორ მელიას განცხადებით, ოპოზიციის მოთხოვნა უცვლელია – ქვეყანაში ვადამდელი არჩევნები უნდა ჩატარდეს და ეს ის ნაბიჯია, რომელიც არსებულ კრიზისს განმუხტავს. „ჩვენთვის უმთავრესია ქვეყანაში კანონის უზენაესობა, ჩვენთვის უმთავრესია ქვეყანაში მოვიპოვოთ სამართლიანი არჩევნების უფლება, სადაც ერთხელ და სამუდამოდ ტარდებოდა პირუთვნელი არჩევნები და გამარჯვებულს დამარცხებული მიულოცავდა, სადაც ვსაუბრობდით ქვეყნის წარმატებაზე, განვითარებაზე, რაც შეუძლებელი იქნებოდა ოლიგარქიული რეჟიმის პირობებში, ეს იყო ჩვენი მთავარი წუხილი და სწორედ აქედან გამომდინარე ოპოზიციურმა პარტიებმა ამ მძიმე კრიზისული ვითარებიდან გამოსასვლელად დავსახეთ კონკრეტული მიზნები და ამოცანები. დღესაც ჩვენ ერთგულები ვართ იმ მართლაც გარდაუვალი გასატარებელი ცვლილებების. ქვეყანას კრიზისიდან გამოიყვანს…

მეტი...

„ნაციონალური მოძრაობის“ ლიდერის ნიკანორ მელიას განცხადებით, პრემიერ-მინისტრმა გიორგი გახარიამ გადადგომის გადაწყვეტილების მიღებით დიდი არეულობა და და სისხლისღვრა თავიდან აიცილა.    „ბატონმა გახარიამ მეორეჯერ არ გადადგა ნაბიჯი, მეორეჯერ სისხლის ღვრისკენ, რომლისკენაც, ალბათ, საკუთარი გუნდის წევრები მოუწოდებდნენ. გახარიას 20 ივნისთან დაკავშირებით, საკმაოდ პოლიტიკური და არაპოლიტიკური ცოდვაც აქვს. ბუნებრივია, ამ ლაქას ის ვერასოდეს ჩამოირეცხავს, მაგრამ ის, რომ ბატონი გახარია დაკავებული თანამდებობიდან გადადგა, ისაა, რომ პრაქტიკულად მან აღიარა, აქ სისხლისღვრა იქნებოდა და ძალადობა. რა თქმა უნდა, ეს ნაბიჯი დასაფასებელია, მაგრამ ეს საქმეს არ უშველის“ – განაცხადა ნიკანორ მელიამ მედიასთან. მისივე თქმით, ახლა, რასაც ოპოზიცია ითხოვს,…

მეტი...