დღე: თებერვალი 15, 2021

სანერვიულო არაფერი მაქვს, თავის დახრას არ ვაპირებ. ღმერთმა დამიფაროს, თავი შევადარო იმ ახალგაზრდებს, რომლებმაც 9 აპრილს თავი არ დაუხარეს ნიჩბებს, სიცოცხლე დათმეს და შედეგად ჩვენ ყველანი ვართ დამოუკიდებელ სახელმწიფოში. რა მოსატანია შიში, როდესაც შენი მოწინააღმდეგე ახლა არიან გავრილოვი, კობახიძე, ჩინჩლაძე, მურუსიძე, ივანიშვილი, – ასე ეხმაურება „ნაციონალური მოძრაობის“ თავმჯდომარე ნიკა მელია რუსი დეპუტატის, სერგეი გავრილოვის განცხადებას. გავრილოვის კომენტარი ტელეკომპანია „პირველმა“ გაავრცელა, სადაც აღნიშნულია: „საქართველოში მმართველი პარტია აკეთებს ყველაფერს, რომ ქვეყანაში აღარ იყოს სახელმწიფო გადატრიალებები, ამბოხებები, რეპრესიები და დიქტატურა. ჩვენ მზად ვართ, მხარი დავუჭიროთ ქართველი ხალხის თავისუფალ არჩევანს, მისი დამოუკიდებლობის და სუვერენიტეტის…

პარტია ”თავისუფალი საქართველოს” თავმჯდომარე კახა კუკავამ, “ლეიბორისტების” ოფისის დატოვების შემდეგ განაცხადა, რომ იაგო ხვიჩია და ვახტანგ მეგრელიშვილი შეხვედრაზე დაუპატიჟებლად მივიდნენ და ითხოვდნენ მათთვის ოპოზიციის სხვა წევრებს მოესმინათ.  “ორივე დაბოლილი იყო დღეს მოსული და უნდოდათ, როგორც ამას ყოველთვის აკეთებენ ხოლმე, ყურადღების მიქცევა. ხან მელიას დააბრალეს, რომ ფისტოლეტით დარბოდა, დღეს კი, მეორე სისულელე მოიგონეს. სინამდვილეში, სტენოგრამა იყო ასე: ჯერ დაუპატიჟებლები მოვიდნენ, მათ ზრდილობიანად სთხოვა ბატონმა ნათელაშვილმა რომ დაეტოვებინათ დღევანდელი შეკრება. რის შემდეგაც დაიწყეს პროვოკაცია, რომ არა, ჯერ უნდა მოგვისმინოთო. მე ვუპასუხე ამაზე, რომ გამოდიხართ ტელევიზიით და გვაბრალებთ, რომ ჩვენ მიშას თამაშს ვთამაშობთ და მაშინ, აქ რატომ მოხვედითთქო. ამაზე ჩავარდა ექსტაზში ხვიჩია,…

“ლეიბორისტული პარტიის” ლიდერის შალვა ნათელაშვილის განცხადებით, “გირჩი” სხვა ოპოზიციურ პარტიების თანამებრძოლი იყო, ახლა კი, მათ სტრატეგიებში განსხვავებებია. შალვა ნათელაშვილი არ გამორიცხავს, რომ თანამშრომლობის ეპიზოდები ისევ განმეორდეს “გირჩთან”.  “ვსხედვართ ერთად პოლიტიკური პარტიები, რომლებიც დანა-სისხლად ვიყავით გადაკიდებულები და მე ვერ წარმოვიდგენდი, რომ მომიწევდა მათთან ერთად ქვეყნის მომავალზე ფიქრი, მაგრამ ეს მოხდა. ასევე იჯდა ჩვენთან “გირჩი” ეს პერიოდი, თანამებრძოლები ვიყავით, ახლა მოხდა სტრატეგიაში განსხვავება, მაგრამ შეიძლება სამომავლოდ ისევ განმეორდეს თანამშრომლობის ეპიზოდები. ოპოზიცია არც მიშას, არც ბიძინას არც შალვას და არავის თამაშსა თუ “ტიტკოკებს” არ თამაშობს, ოპოზიცია იბრძვის საქართველოს მომავლისთვის და ამ ბრძოლაში ყველაფერი არის მეორეხარისხოვანი…

ნიკა მელიას საქმე ერთ-ერთი მთავარი იყო შეხვედრაზე, რომელსაც დღესაც “ლეიბორისტებმა” უმასპინძლეს. დახურულ ფორმატში ოპოზიცია განიხილავდა გზებს, როგორ იბრძოლონ უსამართლობის წინააღმდეგ და რა პოლიტიკურ ნაბიჯს გადადგამენ იმ შემთხვევაში, თუ “ნაციონალური მოძრაობის” თავმჯდომარე ციხეში წავა. შეხვედრის დასრულების შემდეგ, ნიკა მელიამ განაცხადა, რომ ოპოზიცია 25 თებერვალს, საქართველოს გასაბჭოებიდან 100 წლის თავზე, მშვიდობიან მსვლელობა-მანიფესტაციას გეგმავს. “მივიღეთ გადაწყვეტილება, რომ 25 თებერვალს, ეს არის დღე, როდესაც 100 წლის წინ მოახერხეს ჩვენი ქვეყნის გასაბჭოება, ამ ყველაფრის გაპროტესტება მშვიდობიანი მსვლელობა მანიფესტაციით მოვაწყოთ. საქართველოში კვლავ იგივე გამოწვევის წინაშე ვდგავართ,”- აღნიშნავს “ნაციონალური მოძრაობის” თავმჯდომარე ნიკა მელია.

დიდი ბრიტანეთის ევროპული სამეზობლოსა და ამერიკის საკითხებში სახელმწიფო მინისტრი საქართველოშია. ვენდი მორტონმა პრემიერ-მინისტრთან გამართა შეხვედრა. ოკუპაციიდან მომდინარე საფრთხეები, რეგიონული ვითარება და საქართველოს როლი შავი ზღვის ფართო რეგიონში იყო მთავარი თემები, რომლებიც საქართველოს პრემიერ-მინისტრმა გიორგი გახარიამ გაერთიანებული სამეფოს მინისტრთან ევროპის სამეზობლოს და ამერიკის საკითხებში, ვენდი მორტონთან დღევანდელ შეხვედრაზე განიხილა. მთავრობის მეთაურმა ისაუბრა საქართველოს ოკუპირებულ ტერიტორიებზე არსებულ მძიმე ჰუმანიტარულ მდგომარეობასა და საოკუპაციო ძალის პროვოკაციულ ქმედებებზე, მათ შორის საოკუპაციო ხაზის სიახლოვეს მცხოვრები მოქალაქეების დაკავების ფაქტებზე. ამ კონტექსტში ხაზი გაესვა საქართველოს მოქალაქის ზაზა გახელაძის რუსეთის საოკუპაციო ძალების მიერ დაკავებას და ცხინვალის დე-ფაქტო სასამართლოს მიერ მისთვის უკანონო პატიმრობის შეფარდების მძიმე ფაქტს. შეხვედრაზე ყურადღება…

„ბოდვა და არასერიოზულია მათთან საუბარი, რასაც დღეს მათგან ვხედავთ, დეგრადაციის ნიშნებს შეიცავს“, – ამის შესახებ „ევროპული საქართველოს” ერთ-ერთმა ლიდერმა გიგი უგულავამ განაცხადა, რითაც გამოეხმაურა „გირჩის” ლიდერების მხრიდან ოპოზიციური პარტიების შეხვედრის დატოვებას. „ოპოზიციის შეხვედრაზე მობრძანდნენ და ისაუბრეს. ვისაც სურვილი ჰქონდა, მოუსმინა. მე არ მომისმენია, რადგან ვფიქრობ, რომ მათი განცხადებების შემდეგ არ ვთვლი, რომ მათთან რაიმე გეგმების შესახებ საუბარი შეიძლება. ღრმად არასერიოზული ხალხია. რასაც დღეს მათგან ვხედავთ, დეგრადაციის ნიშნებს შეიცავს. ბოდვა და არასერიოზულია მათთან საუბარი. წარმატებებს ვუსურვებ“, – განაცხადა უგულავამ. ცნობისთვის, “ლეიბორისტული პარტიის“ ოფისში მიმდინარე ოპოზიციის შეხვედრა “გირჩის” წევრებმა, ვახო მეგრელიშვილმა, იაგო ხვიჩიამ და სანდრო…

„ქართულ ოცნებას“ არ ესმის ჩვეულებრივი საუბარი. აბსოლუტურ იგნორირებას ახდენს იმ პრობლემებისა, რაც ქვეყანაშია. ის, რომ მუდმივად ჩნდება უსამართლობის განცდით გამოწვეული კერები, ეს „ქართულ ოცნებას“ არაფრად მიაჩნია, – ამის შესახებ „ერთიანი საქართველოს“ ლიდერმა, ნინო ბურჯანაძემ განაცხადა. ბურჯანაძის თქმით, ოპოზიციის მიერ ორგანიზებული აქციები 25 თებერვალსა და 31 მარტს ჩატარდება. „ამიტომ, მივიღეთ გადაწყვეტილება, რომ დავგეგმოთ ფართომასშტაბიანი აქცია-მსვლელობა. პარალელურად, 25 თებერვალსა და 31 მარტს შორის იქნება კვლავ ლოკალური აქციები სხვადასხვა ადგილებზე. მათ შორის, აუცილებლად ჩავალთ ბათუმში, რადგან ჩვენი ბათუმელი და აჭარელი თანამოქალაქეები ძალიან ვაჟკაცურად იბრძვიან და აჩვენებენ სამაგალითო გამძლეობას. ჩვენ მათ სოლიდარობა აუცილებლად უნდა…

ადგილობრივი თვითმმართველობის არჩევნებისთვის საარჩევნო ბარიერი რეგიონებისა და დედაქალაქის შემთხვევაში განსხვავებული იქნება. ცვლილებების პირვანდელი ვერსიით, რეგიონებში 3 პროცენტი იქნება, ხოლო თბილისში – 2.5 პროცენტი. დღეს მოქმედი კანონმდებლობით, ადგილობრივი თვითმმართველობის არჩევნებისთვის საარჩევნო ბარიერი ქვეყნის მასშტაბით 4 პროცენტია. ახალ საარჩევნო რეფორმაზე ამ წუთებში, პარლამენტში, სამუშაო ჯგუფის ფორმატში მსჯელობენ.

„ლეიბორისტული პარტიის“ ოფისში მიმდინარე ოპოზიციის შეხვედრის დატოვების მიზეზი იყო ის, რომ კითხვებზე პასუხი ვერ მივიღეთ, გავიდნენ გარეთ და სიგარეტის მოწევა დაიწყეს, – ამის შესახებ „გირჩის“ ერთ-ერთმა წევრმა, ვახტანგ მეგრელიშვილმა განაცხადა. მისი თქმით, „გირჩის“ წევრებმა შეხვედრა დაწყებიდან ძალიან მალე დატოვეს. „ძალიან მალე დავტოვეთ შეხვედრა. მიზეზი იყო ის, რომ დავსვით კითხვები და პასუხები ვერ მივიღეთ. გავიდნენ გარეთ და სიგარეტის მოწევა დაიწყეს, ნაცვლად იმისა, რომ კითხვებზე ეპასუხათ. სინამდვილეში, რასაც გავაკეთებთ, გავაკეთებთ იმას, რომ შევეცდებით, დავაკვირდეთ, როგორ განვითარდება მელიასთან დაკავშირებული სიტუაცია. თუკი ის განვითარდა ისეთი სცენარით, როგორსაც ვვარაუდობთ, რომ განვითარდება, მოგვიწევს, ორივე მხარეს მაქსიმალურად…

პარტია “გირჩის” ლიდერმა იაგო ხვიჩიამ დატოვა “ლეიბორისტული პარტიის” ოფისი, სადაც ოპოზიციური პარტიები არიან შეკრებილი.  “გვითხრეს მიშას თამაში უნდა ითამაშოთო, რაც არ გვინდა. ნიკა მელია პოლიტპატიმრად ყველაზე მეტად აწყობს მიშა სააკაშვილს. მას არ აწყობს პროპორციული ბარიერი და იმაზე სერიოზული საუბარი, მართლაც გაყალბდა თუ არა არჩევნები. მას ურჩევნია რომ ნიკა მელია გაწიროს და ის იყოს ციხეში. არ ვიცი ეს შესაძლოა ნიკა მელიას გეგმის კურსიც იყოს. შეხვედრაზე ვახო მეგრელიშვილმა დასვა სამი შეკითხვა და რადგან არცერთზე პასუხი არ გაგვცეს, ჩვეულებრივად, დავტოვე შეხვედრა. პირველი შეკითხვა იყო: თუ გაქვთ მტკიცებულებები გაყალბებაზე, რომელზეც ფასილიტატორები ამბობენ, რომ ოპოზიცია ვერ ამტკიცებს, გთხოვთ მოგვაწოდოთ და ჩვენ…

თქვენ ფიქრობთ, რომ მურუსიძე, ჩინჩალაძე, კობახიძე, კალაძე და გავრილოვი არიან იმ მდგომარეობაში, რომ მე დამიჭირონ საქმეზე, რომელზე დაპატიმრების საფუძველიც არ აქვთ? – ამის შესახებ “ნაციონალური მოძრაობის” თავმჯდომარემ, ნიკა მელიამ განაცხადა. მელიას თქმით, „ქართულ ოცნებას“ მისი დაჭერის თავი არ აქვს. „სრული პასუხისმგებლობით გეუბნებით, ამის თავი მათ არ აქვთ. არც ივანიშვილს, არც გავრილოვს და არც ამ ადამიანებს არ აქვთ ამის თავი, ამისი პოლიტიკური პასუხისმგებლობის აღების თავი არ აქვთ, რომ შავზე თეთრი თქვან და ამაში დაარწმუნონ საზოგადოება. მე ძალიან მიკვირს, რატომ ბაქიბუქობენ, რისი თავიც არ აქვთ? არ არსებობს, გამორიცხულია, რომ „ქართულმა ოცნებამ“ მოახერხოს ჩემი დაჭერა. არა…

ჩვენ გვაქვს ჩვენი გეგმები, ჩვენი საპროტესტო გეგმები, რაც საზოგადოებას უნდა შევთავაზოთ და „ქართულ ოცნებას” დარჩა მხოლოდ – დაგიჭერ-გამოგიშვებ, არ ვთამაშობთ ჩვენ ამ თამაშს, – ამის შესახებ ელენე ხოშტარიამ ჟურნალისტებთან საუბრისას განაცხადა. მისივე თქმით, ოპოზიცია უარს ამბობს იმ შანტაჟზე, დაშინებაზე და პოლიტიკურ რეპრესიაზე, რაც „ქართულ ოცნებას” ერთ-ერთ იარაღად დარჩა. “საუკეთესოდ ნიკამ გამოხატა ოპოზიციის პოზიცია. ახლა შიში დანაშაულია და ასევე, ნიკაც და ოპოზიციაც აბსოლუტურად ცხადად ვამბობთ უარს იმ შანტაჟზე, დაშინებაზე და პოლიტიკურ რეპრესიაზე, რაც დარჩა ერთ-ერთ იარაღად „ქართულ ოცნებას”. ჩვენ გვაქვს ჩვენი გეგმები, ჩვენი საპროტესტო გეგმები, რაც საზოგადოებას უნდა შევთავაზოთ და “ქართულ ოცნებას” დარჩა მხოლოდ…