დღე: თებერვალი 3, 2021

ვაქცინაციის პირველი ეტაპისთვის სულ შეირჩა ათი ცენტრი, მათ შორის შვიდი არის თბილისში და სამი რეგიონებში-ქუთაისი და ბათუმი. ამ კლინიკებს შორის არის ჩვენი კლინიკაც, რაც არ არის გასაკვირი, რადგან ჩვენი კლინიკა კოვიდის პირველივე დღიდან იყო წინა ხაზზე, არის ფლაგმანი, აქვს აბსოლუტურად ყველანაირი ინტელექტუალური და მატერიალური რესურსი, რათა ვაქცინაცია ჩატარდეს საერთაშორისო სტანდარტებით უმაღლეს დონეზე, – ამის შესახებ თბილისის ინფექციური საავადმყოფოს დირექტორმა, თენგიზ ცერცავძემ განაცხადა. „ჩვენ გვაქვს ორი ულტრათანამედროვე მაცივარი, რომელიც იძლევა -80 გრადუსზე შენახვის სააუალება, ასეთი მაცივრები ბევრ განვითარებად ქვეყანას საერთოდ არ აქვს და ჩვენთან საკმარისი რაოდენობაა ამ მაცივრების, ლუგარის ცენტრს აქვს…

ჯანდაცვის სამინისტრო აგრძელებს კომუნიკაციას იმისთვის, რომ ვაქცინის დამატებით მოცულობები შემოვიდეს. დარწმუნებული ვარ, რომ ეს პროცესი იქნება უწყვეტი, – ამის შესახებ საქართველოს ჯანდაცვის მინისტრმა ეკატერინე ტიკარაძემ განაცხადა. მისივე თქმით, „ასტრაზენეკას“ ვაქცინის დოზების განსაზღვრასთან დაკავშირებით დეტალური მოლაპარაკებები მიმდინარეობს. „ასტრაზენეკას“ ვაქცინასთან დაკავშირებით უკვე მიმდინარეობს დეტალური მოლაპარაკებები და ოდენობის განსაზღვრა, რომელიც „კოვაქს“ პლატფორმიდან შემოვა. რა თქმა უნდა, ვეცდებით, რომ შემჭიდროებულ ვადებში მოვახდინოთ მოსახლეობის უზრუნველყოფა. ამ ეტაპზე, „კოვაქს“ პლატფორმა არ გულისხმობს დამატებითი მოცულობის მოწოდებას, თუმცა რა თქმა უნდა, სამინისტრო პირდაპირ მოლაპარაკებებს აწარმოებს ყველა იმ მწარმოებელთან, რომელსაც გააჩნია სანდო ვაქცინა“, – განაცხადა ეკატერინე ტიკარაძემ. ამასთან, ტიკარაძემ რისკის შემცველ…

ვაქცინაციის პროცესის დაწყებისთვის სამზადისი გრძელდება. დღეს ჯანდაცვის მინისტრმა პირადად დაათვალიერა ის ინფექციური საავადმყოფოს ბაზა, სადაც ქვეყანაში შემოტანილი ვაქცინა, შესაბამისი პირობების დაცვით შეინახება. სულ პრეპარატის გადანაწილება იგეგმება სამი დიდი ქალაქის 10-მდე საავადმყოფოში. “დღეს მე მოვინახულე ინფექციურ საავადმყოფოში იმ ცივი ჯაჭვის არსებობა, რომელიც აუცილებელია “ფაიზერის” ვაქცინის მისაღებად და ასევე ის სივრცეები, სადაც, უშუალოდ, პროცესი გაივლის. მნიშვნელოვანია, რომ თითოეული დეტალი იყოს გათვალისწინებული იმისათვის, რომ პროცესი იყოს ჩვენი მედიკოსებისთვის და ასევე, შემდგომში ჩვენი მოსახლეობისთვის. ამ ეტაპისთვის, ასევე, დაწყებული არის რეგულირების სააგენტოს მხრიდან ყველა კლინიკის დეტალური შესწავლა,” – განაცხადა ჯანდაცვის მინისტრმა ეკატერინე ტიკარაძემ. თენგის ცერცვაძის თქმით, ინფექციურ საავადმყოფოს…

„დისტანციურ პირობებში ყოფნის გამო, ბავშვებში ისეთი პრობლემები გაჩნდა, როგორიც არის სიმსუქნე, აგრესიულობა, აღგზნებადობა, უძილობა, საგნის ათვისების პრობლემა,“ – ამის შესახებ „მედიაცენტრ მთავარში“ პედიატრმა თემურ მიქელაძემ განაცხადა. სპეციალისტის განმარტებით,  ეს დაკავშირებულია როგორც ეკრანდამოკიდებულებასთან, ასევე სახლის პირობებში გამოკეტვასთან. თემურ მიქელაძის განმარტებით, ბავშვთა უმრავლესობა კორონავირუსს უპრობლემოდ გადაიტანს, მაგრამ ნეიროფსიქიატრიული პრობლემების მოგვარება საკმაოდ რთულია. „დღევანდელი ეპიდემიოლოგიური სიტუაციას თუ დააკვირდებით, 3-დან 4,5%-მდე მერყეობს დიაგნოსტირების შემთხვევები. ყოველდღიურად დაახლოებით 15 000-დან 20 ათასამდე ტესტი ტარდება. თუ ასე გაგრძელდა, თვის ბოლოს დიდ ქალაქებში ალბათ სასურველია, რომ სკოლები გაიხსნას. საკმაოდ რთულია ონლაინ მიჯაჭვულობა, განსაკუთრებით ისეთი ონლაინ მიჯაჭვულობა, რომელიც სწავლასთან…

„რეგულაციებთან დაკავშირებით განსხვავებული აზრი მაქვს, მე ვფიქრობ, რომ დავჩაგრეთ ბავშვები და ახალგაზრდები,“ – ამის შესახებ „მედიაცენტრ მთავარში“  ინფექციონისტმა, მაია ბუწაშვილმა განაცხადა. ბუწაშვილი თვლის, რომ ტრანსპორტის მუშაობა არ უნდა შეჩერებულიყო, იგი ასევე პარალელს ავლებს კურორტებსა და სასწავლო დაწესებულებებს შორის და მიაჩნია, რომ სასწავლო პროცესი დაუმსახურებლად დაზარალდა: „სკოლები და უმაღლესი სასწავლებლები უნდა იყვნენ საერთო “ლოქდაუნის” ნაწილი და მანამდე არ იყო ამის აუცილებლობა, როცა ყველაფერი ღია იყო და კურორტებზე არანაირი შეზღუდვა არ იყო სკოლები და უმაღლესი სასწავლებლები დაკეტილი იყო და გავედით ასეთ ნიშნულზე.  არ უნდა დაგვავიწყდეს ბავშვები და ისინი პერიოდულად დაბრუნდნენ დაწესებულებებში, ამ სექტორს…

„შესაძლოა ბარიერები წარმოიშვას, ვაქცინის შემოტანასთან დაკავშირებით,“ – ამის შესახებ „მედიაცენტრ მთავარში“ ინექციონისტმა, მაია ბუწაშვილმა განაცხადა. ბუწაშვილი „ფაიზერს“ ლიდერად თვლის და აცხადებს, რომ მკვეთრი გვერდითი მოვლენები არ ახასიათებს: „მყისიერი გვერდითი მოვლენები არის ცოტა და ამ მხრივ საშიშროება არ გვაქვს. „ფაიზერის“ ვაქცინა ლიდერად ითვლება და ეს თუ მოხერხდება კარგი იქნება“, შესაძლოა ბარიერები წარმოიშვას, ვიდრე ვაქცინა ქვეყანაში არ  იქნება, სწრაფად იცვლება ყველაფერი, თუმცა გაჟღერდა ინფორმაცია, რომ თებერვლის ბოლოსთვის ვაქცინა ჯანდაცვის მუშაკებში გაჩნდება, რისკის ჯგუფში მყოფი ადამიანები რაც შეიძლება სწრაფად უნდა აიცრან.“ – განაცხადა მაია ბუწაშვილმა „მედიაცენტრ მთავარში.“ მასალის გამოყენების შემთხვევაში, აუცილებელია ბმულის და…

„პირველ პრიორიტეტად გამოიყო ჯანდაცვის მუშაკები, მე მქონდა განსხვავებული აზრი, რომ კოვიდგადატანილები არ უნდა აიცრან პირველ რიგში,“ – ამის შესახებ „მედიაცენტრ მთავარში“ ინფექციონისტმა, მაია ბუწაშვილმა განაცხადა. მედიკოსი თვლის, რომ კოვიდგადატანილ პაციენტებს გარკვეული იმუნიტეტი გააჩნიათ და მათ პრიორიტეტებში უნდა გადაინაცვლონ ბოლო ადგილზე: „მათ გარკვეულ წილად დაცვა აქვთ და პრიორიტეტებში უნდა გადაინაცვლონ ბოლო ადგილზე, გასაგებია, რომ გადატანის შემდეგ მყარი იმუნიტეტი არ ყალიბდება, მაგრამ ეს ადამიანები მეტად დაცულები არიან სხვებთან შედარებით. უხეში გათვლებით პირველი ეტაპის ვაქცინა ჯანდაცვის მუშაკების მხოლოდ ნაწილს ჰყოფნის, უნდა შედგეს ბაზა, ვისაც გადატანილი აქვთ და ეს ადამიანები ნაკლებ პრიორიტეტულთა სიაში უდნა…

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველომ უკვე მიიღო დასტური „კოვაქსიდან“, რომ ქვეყანაში თებერვლის მეორე ნახევარში შემოვა 29 250 დოზა, რომლითაც დაახლოებით მედიცინის 14 000-მდე მუშაკი აიცრება. „სპეციალური პორტალია გახსნილი, უკვე მიმდინარეობს ყველა სამედიცინო დაწესებულებიდან სამედიცინო მუშაკების მონაცემების ატვირთვა და თვითონ ის დაწესებულებები აფასებენ რისკ ფაქტორს – მაღალი რისკის, საშუალო და დაბალი რისკის ადამიანები. ხშირად ეშლებათ ხოლმე, ეს არ ეხება მხოლოდ ექიმებს. ექიმი, ექთანი, უმცროსი სამედიცინო პერსონალი, დამხმარე პერსონალი, ყველა იტვირთება. ასეთი არის ქვეყანაში 75 000 ადამიანი. აქედან ჩვენი სამიზნე არის, წელს ავცრათ სადღაც 49 000. მოგეხსენებათ, ჩემი…

ვფიქრობ, როდესაც აიცრება მოსახლოების 60-70 პროცენტი და ჩამოყალიბდება ე.წ. საზოგადოებრივი იმუნიტეტი, შეიძლება იყოს საუბარი, რომ ჩვენ ვუბრუნდებით ცხოვრების ჩვეულებრივ რიტმს, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა. მისივე თქმით, დაახლოებით ერთი წელი, წელიწად-ნახევარი დასჭირდება მთლიანად მსოფლიოს, რომ დაამარცხოს პანდემია. „რას ეძახით ჩვეულებრივ რიტმს, რომ პირბადეს მოვიხსნით? ჩემი პირადი მოსაზრებაა, რომ როდესაც აიცრება მოსახლეობის 60-70 პროცენტი და ჩამოყალიბდება ე.წ. საზოგადოებრივი იმუნიტეტი, შეიძლება იყოს საუბარი, რომ ჩვენ ვუბრუნდებით ცხოვრების ჩვეულებრივ რიტმს. მაგრამ პირბადის ტარება და სხვა შეზღუდვების მოხსნა, რასაც თქვენ ცხოვრების ჩვეულებრივ რიტმს ეძახით, მე ვფიქრობ, სადღაც მომავალი…

საქართველოს ჯანდაცვის მინისტრის მოადგილის, თამარ გაბუნიას განცხადებით, ჯერჯერობით ბოლომდე შესწავლილი არ არის, რა რისკები ახლავს კორონავირუსის ახალ შტამს. მისივე თქმით, ამ ეტაპისთვის არსებობს ვარაუდი, რომ ეგრეთ წოდებულ ბრიტანულ შტამს უფრო სწრაფი გავრცელება ახასიათებს. თუმცა, როგორც გაბუნიამ განმარტა, ვირუსის ახალ შტამთან დაკავშირებით კვლევები გრძელდება, რის გამოც ჯერჯერობით ყველაფერი ჰიპოთეზისა და ვარაუდის დონეზეა. „ახალ შტამებთან დაკავშირებული რისკი, რა თქმა არსებობს. ვიცით, ვირუსი განიცდის მუტაციას და ჯერჯერობით ბოლომდე შესწავლილი არ არის, რა ზეგავლენა შეიძლება ჰქონდეს ახალ შტამებს, გარდა იმისა, რომ ვარაუდი იყო გამოთქმული მათი უფრო სწრაფად გავრცელების შესახებ. საუბარია ბრიტანულ შტამზე. ამ შემთხვევაში,…