დღე: თებერვალი 2, 2021

პარტია „გამარჯვებული საქართველოს“ ლიდერი ირაკლი ოქრუაშვილი,სოციალურ ქსელში ბიძინა ივანიშვილის მისამართით პოსტს აქვეყნებს, პოლიტიკოსი მმართველი პარტიის ყოფილ თავმჯდომარეს დანაპირებს ახსენებს: „წყალტუბოს აღორძინებას რომ დაგვპირდა არჩევნების წინ, იმაშიც გადაგვაგდო ისე წავიდა,“ – წერს ირაკლი ოქრუაშვილი სოციალურ ქსელში.

“მოქალაქეები” პარლამენტში მივიდნენ. ალეკო ელისაშვილი და ლევან იოსელიანი საკანონმდებლო ორგანოში პირველი სამუშაო დღის ფარგლებში სესიის პირველ სხდომას დაესწრებიან. პარლამენტში შესვლის გადაწყვეტილება “მოქალაქეებმა” რამდენიმე დღის წინ მიიღეს. “ქართულ ოცნებასთან” გაფორმდა მემორანდუმიც, სადაც პარტიები ფუნდამენტური საარჩევნო რეფორმის განხორციელებაზე თანხმდებიან.

საპარლამენტო უმრავლესობის წევრის, შალვა პაპუაშვილის განცხადებით, ოპოზიცია პარლამენტისთვის ბოიკოტის გამოცხადებით და საპარლამენტო მუშაობაზე უარის თქმით, ძირს უთხრის დემოკრატიას. მისივე თქმით, უმრავლესობის სხდომაზე უფლებამოსილების შეწყვეტის საკითხთან დაკავშირებით იმგვარი პოზიცია უნდა ჩამოყალიბდეს, რომ სათანადო პასუხი გაეცეს დემოკრატიისთვის ძირის გამოთხრის მცდელობას. ამის შესახებ პაპუაშვილმა „ქართული ოცნების“ ცენტრალურ ოფისში მისვლისას ჟურნალისტებთან განაცხადა. „დღეს შედგება უმრავლესობის სხდომა, სადაც განვიხილავთ დღევანდელ სხდომაზე მისაღებ გადაწყვეტილებას უფლებამოსილების შეწყვეტასთან დაკავშირებით. ასე რომ, დღეს ამ მსჯელობის შედეგად, ჩვენ ჩვენი პოზიციით წარვსდგებით პარლამენტში. რაც შეეხება პირად პოზიციებს, ამ შემთხვევაში, ვფიქრობ, რომ პირად პოზიციას აქ მნიშვნელობა არ აქვს. მნიშვნელოვანია, როგორც უკვე არაერთხელ განვაცხადეთ,…

“თუ დავინახავ რეალურ კომპრომისულ, ხალხისთვის მისაღებ წინადადებებს „ქართული ოცნების“ მხრიდან, მზად ვარ, განვიხილო ბოიკოტის შეწყვეტის საკითხი, თუმცა ეს არ ნიშნავს, რომ ამაზე გადაწყვეტილება მიღებული მაქვს”, – ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა. „ჩვენ ვამბობთ, რომ თუ ოთხივე პუნქტი შესრულდა, ამ შემთხვევაში შეგვიძლია განვიხილოთ ბოიკოტის საკითხი. ამაზე შეიძლება ვიმსჯელოთ, თუმცა საბოლოო პოზიცია ნამდვილად არ ჩამოგვიყალიბებია, რომ ამ შემთხვევაში ბოიკოტი მოიხსნება. მთავარი არის იმ 4 საკითხზე მსჯელობა და შემდეგ მსჯელობა ბოიკოტის თემასთან დაკავშირებით. როგორ გაგრძელდება ეს პროცესი, ახლა ამაზე საუბარი, შესაძლოა, აზრსმოკლებული იყოს, რადგან ხვალინდელ დღეზე ძალიან ბევრი რამ არის დამოკიდებული. აქედან გამომდინარე,…

საქართველოს მეათე მოწვევის პარლამენტი პირველ საგაზაფხულო სესიას დღეს გახსნის. პარლამენტის რეგლამენტის თანახმად, საგაზაფხულო სესია თებერვლის პირველ სამშაბათს იხსნება. სწორედ დღეიდან განაახლებს საკანონმდებლო ორგანო ოფიციალურად საქმიანობას. საგაზაფხულო სესიის განმავლობაში პარლამენტს რამდენიმე უწყების წლიური ანგარიში წარედგინება. მათ შორის, პრემიერ-მინისტრის, სახელმწიფო უსაფრთხოების სამსახურის, სახელმწიფო აუდიტის სამსახურის, გენერალური პროკურატურის, სახალხო დამცველისა და სახელმწიფო ინსპექტორის. საგაზაფხულო სესიის ფარგლებში, ასევე, მოუსმენენ პრეზიდენტს და შესაძლებელი იქნება, ინტერპელაციის ფორმატიც გაიმართოს. პარლამენტმა საშემოდგომო სესია გასული წლის დეკემბრის ბოლოს დახურა, საკანონმდებლო ორგანო საქმიანობას რიგგარეშე სხდომების ფორმატში წარმართავდა. რეგლამენტის გათვალისწინებით, საგაზაფხულო სესია ივნისის ბოლო პარასკევს დაიხურება.

დღეს, “ქართული ოცნება – დემოკრატიული საქართველოს” ცენტრალურ ოფისში უმრავლესობის სხდომა გაიმართება. სხდომა 10:00 საათზე არის ჩანიშნული. საპარლამენტო უმრავლესობის წევრები ოპოზიციონერებისთვის საპარლამენტო უფლებამოსილების ვადამდე ადრე შეწყვეტის საკითხს განიხილავენ, რომელზეც საკუთარი პოზიცია უკვე დააფიქსირა “ქართული ოცნების” პოლიტსაბჭომ.