დღე: თებერვალი 1, 2021

„სამწუხაროდ მდიდარი არ ვარ, მაგრამ მინდა ბევრი ფული ვიშოვო. მინდა კარგი საქმეები გავაკეთო ადამიანებისთვის, რომ მათ ნებაყოფლობით გადამიხადონ ფული“, – ამბობს  „გირჩის“ ერთ-ერთი ლიდერი იაგო ხვიჩია. „მინდა ბევრი ფული ვიშოვო ლეგალურად, მორალურად გამართული გზებით და პოლიტიკაში, მაგრამ ისე არა, როგორც ქართველი პოლიტიკოსები მდიდრდებიან. მინდა კარგი საქმეები გავაკეთო ადამიანებისთვის, რომ მათ ნებაყოფლობით გადამიხადონ ფული… ბევრი ფული კარგია იმისთვის, რომ უფრო თავისუფლად აკეთო ის, რისი კეთებაც გსიამოვნებს. ფული არ არის ცხოვრებაში მთავარი, მაგრამ მნიშვნელოვანია იმისთვის, რომ ბოლომდე დაიხარჯო იმის საკეთებლად, რაც გამოგდის. როცა ფულს პატიოსანი გზებით შოულობ, ესეიგი ბევრი კარგი საქმე გააკეთე…

პარტია “მოქალაქეების” წევრები, ალეკო ელისაშვილი და ლევან იოსელიანი პარლამენტში მუშაობას ხვალიდან დაიწყებენ. ელისაშვილი და იოსელიანი მე-10 მოწვევის პარლამენტის საგაზაფხულო სესიის პირველ სხდომას დაესწრებიან. შეგახსენებთ, რომ „მოქალაქეებმა“ პარლამენტში შესვლის გადაწყვეტილება 4 დღის წინ მიიღეს. შეთანხმების დღესვე „ქართულ ოცნებასა“ და პარტია „მოქალაქეებს“ შორის მემორანდუმიც გაფორმდა. მემორანდუმის ტესტში ნათქვამია, რომ ხელმომწერი პარტიები თანხმდებიან ფუნდამენტური საარჩევნო რეფორმის განხორციელებაზე. როგორც ელისაშვილმა აღნიშნა, იმ საკითხების საკანონმდებლო ინიცირება, რომლებზეც „ქართულ ოცნებასთან“ შეთანხმება შედგა, პირველ მარტამდე უნდა მოხდეს, წინააღმდეგ შემთხვევაში ის და ლევან იოსელიანი პარლამენტს კვლავ დატოვებენ.

ფრაქცია „ქართული ოცნების“ თავმჯდომარის მამუკა მდინარაძის განცხადებით, მიხეილ სააკაშვილის პირობებში „ნაციონალური მოძრაობა“ რებრენდინგს ვერ დაექვემდებარება. როგორც მდინარაძემ „ნაციონალური მოძრაობის“ მიერ გუნდის ახალი წევრების წარდგენის შეფასებებისას ჟურნალისტებს განუცხადა, ფასადური ცვლილებები „ნაციონალური მოძრაობის“ რებრენდინგს ვერ უზრუნველყოფს. „ზოგადად, „ნაციონალური მოძრაობა“ რებრენდინგს არ ექვემდებარება. ისევე როგორც ნაციონალ-სოციალისტური პარტია ვერ დაექვემდებარებოდა რებრენდინგს ჰიტლერის პირობებში, ასევე ვერ დაექვემდებარება რებრენდინგს „ნაცმოძრაობა“ მიხეილ სააკაშვილის პირობებში. ეს ფასადური ცვლილებები არაფერს შეცვლის. რამდენიმე წუთის წინ მითხრეს, რომ ერთ-ერთი მათგანი ვინც განახლებულ გუნდშია, თანაავტორი იყო იმ საუკუნის ტყუილის, რასაც მალტიდან ვაქცინის მილიონი დოზის ჩამოტანის შესაძლებლობა ერქვა. აქ მიხეილ სააკაშვილის როლზე იყო საუბარი. აბსოლუტურად არასერიოზულია“,- განაცხადა მდინარაძემ. ცნობისთვის, “ერთიანმა ნაციონალურმა მოძრაობამ”…

საქართველოს პრემიერ-მინისტრის გიორგი გახარიას განცხადებით, დავით გარეჯის საკითხის პოლიტიზება ქვეყნისთვის უაღრესად მაღალი რისკის შემცველია. მისივე თქმით, ყველამ უნდა გამოიჩინოს პასუხისმგებლობა და აღნიშნულ საქმეზე საგამოძიებო პროცესებს დაელოდოს. „არაერთხელ მითქვამს და კიდევ ერთხელ გავიმეორებ, დავით გარეჯის საკითხის ნებისმიერი სახით, ნებისმიერი მხარის მიერ პოლიტიზება, არის უაღრესად მაღალი რისკის შემცველი ჩვენი ქვყენისთვის, რადგან ეს იმდენად სენსიტიური საკითხია, რომ ყველას უნდა გვეყოს პასუხისმგებლობა და დაველოდოთ იმ საგამოძიებო პროცესებს, რომლებიც მიმდინარეობს. ყველას, აბსოლუტურად ყველას, აქ ვერ გამოვყოფ ვერავის. საერთო ეროვნული მიდგომა უნდა იყოს ეს, საერთო სახელმწიფოებრივი მიდგომა. ჩვენ ყველამ თავი უნდა შევიკავოთ ნებისმიერი ნაბიჯის, სიტყვისგან, რამაც…

ლიბერტარიანული პურიტანიზმის მედროშე პარტია თხოვნით მიმართავს ბიძინას მარიონეტებს, ჩემი ნების საწინააღმდეგოდ უარი მითხრან მანდატის გაუქმების მოთხოვნაზე, – ასე ეხმაურება პარტიის „გირჩი მეტი თავისუფლება“ ლიდერი სოციალურ ქსელში პარტია „გირჩის“ დღევანდელ განცხადებას. „ვააუ, ლიბერტარიანული პურიტანიზმის მედროშე პარტია თხოვნით (არა წინადადებით, არა ინიციატივით, თხოვნით!) მიმართავს ბიძინას მარიონეტებს, &₾ეზე დაიკიდონ ჩემი თავისუფლება (!) და ჩემი ნების საწინააღმდეგოდ უარი მითხრან მანდატის გაუქმების მოთხოვნაზე რა დროს ჩემი თავისუფლებაა, „ქართული პარლამენტარიზმია“ გადასარჩენი, სადმე სსიპ-შიც დაასაქმებინეთ ჩემი თავი. მართლა რა დედა&₾@)(:₾ი რამეა ეს თვითგადარჩენის ინსტინქტის მოქმედების მექანიზმი, მისი სტრუქტურა“, – წერს ზურაბ გირჩი ჯაფარიძე. „გირჩმმა“ სოციალურ ქსელში დღეს გაავრცელა…

პარლამენტის განათლების, მეცნიერებისა და კულტურის კომიტეტის თავმჯდომარის პირველი მოადგილე შალვა პაპუაშვილი არასამთავრობო ორგანიზაცია “სამართლიანი არჩევნების” მიერ 29 იანვარს ჩატარებულ პრესკონფერენციას გამოეხმაურა, რომელიც უბნების 8%-ზე დისბალანსის შესახებ მათ თავდაპირველ განცხადებას ეხებოდა. “როგორც იცით, “სამართლიანმა არჩევნებმა” ჩაატარა 31 ოქტომბრის საპარლამენტო არჩევნების პარალელური დათვლა და 1 ნოემბერს წარმოდგენილ ანგარიშში ხაზი გაუსვა ორ ძირითად მიგნებას – კერძოდ, მათ მაშინ განაცხადეს, პირველი, რომ ცესკოს მონაცემები არ ემთხვეოდა პარალელური დათვლის შედეგებს და მეორე, უბნების 8%-ში იყო მეტობით დისბალანსი, რასაც შესაძლებელია ჰქონოდა 4,1%-იანი გავლენა არჩევნების შედეგებზე. საზოგადოებას ახსოვს, რომ სწორედ ეს ორი მიგნება გამოიყენეს ჩვენმა ოპონენტებმა არჩევნების…

პარლამენტის ვიცე-სპიკერის დავით სერგეენკოს განცხადებით, არჩევნების შემდეგ პერიოდში საქართველოს მეგობარი ქვეყნები ოპოზიციას პარლამენტში შესვლისკენ მოუწოდებდნენ. ამასთან, როგორც სერგეენკო აღნიშნავს, ამავეს მოუწოდებდა ოპოზიციას ისეთი მნიშვნელოვანი ინსტიტუციებიც, როგორებიცაა – ევროპარლამენტი და ევროსაბჭო.  სერგეენკო იმედოვნებს, რომ ოპოზიციის გარკვეული ნაწილი ამ მოწოდებებს გაითვალისწინებს. „არჩევნების შემდგომ პერიოდში, საქართველოს მეგობარი არც ერთი ქვეყანა არ დარჩენილა, რომელსაც იმის მნიშვნელობა არ დაეფიქსირებინა, რომ ოპოზიცია სწორედ პარლამენტში უნდა შემოვიდეს. არ დარჩენილა ასევე არც ერთი ინსტიტუცია, ისეთი მნიშვნელოვანი ინსტიტუციები, როგორიცაა ევროპარლამენტი და ევროსაბჭო, რომელთაც ცალსახა მოწოდება არ გაეკეთებინათ. ალბათ, ნაწილი ამ მოწოდებებს ყურად იღებს და პარლამენტში შემოვა, ნაწილი ქუჩის ტრიბუნისამარა…

მე – 6 დღეა, ქუთაისში, „თავისუფლების სკვერში“ გრძელდება – აქცია ლოზუნგით „ვადამდელი არჩევნები.“ როგორც აქციის ორგანიზატორი „მედიაცენტრ მთავართან“ ამბობს, ადამიანი, რომელიც აქციის მონაწილეს, რამდენიმე დღის წინ, მანქანით ეჯახებოდა ჯერ არ დაუკავებიათ, თუმცა, როგორც აღმოჩნდა, პირი მოგვიანებით ტაქსს შეეჯახა, რა დროსაც აღმოჩნდა, რომ დაკავებული არ იყო: „პროტესტი უწყვეტად გრძელდება ,გუშინ მოხდა ისეთი ფაქტი, ადამიანი რომელიც ჩვენი პროტესტის მონაწილეს კარავთან მანქანით ეჯახებოდა გარეთ თავისუფლად დასეირნობდა და რომ არა ინციდენტი რომელიც მას შეემთხვა ტაქსს დაეჯახა, ვერც გავიგებდით თუ თავისუფალი იყო,“ – განაცხადა ქუთაისის „ენმ“ – ს პოლიტიკურმა მდივანმა, ირაკლი გვალიამ „მედიაცენტრ მთავართან.“ პირის…

პოლიტიკური გაერთიანება “გირჩი” “ქართულ ოცნებას” მოუწოდებს, მხარი არ დაუჭირონ ოპოზიციონერი დეპუტატებისთვის მანდატების შეწყვეტის საკითხს და დისკუსიისთვის დრო დატოვონ. როგორც “გირჩის” მიერ გავრცელებულ განცხადებაშია ნათქვამი, კოლეგებისთვის უფლებამოსილების შეწყვეტა მოლაპარაკების პროცესს აზრს დაუკარგავს, კრიზისს გააღრმავებს და შესაძლოა შეუქცევადი გახადოს. მათივე თქმით, თუ “ქართული ოცნება” ოპოზიციონერ დეპუტატებს მანდატებს შეუწყვეტს, “გირჩის” მოქმედი პარლამენტის წევრებიც უფლებამოსილების შეწყვეტის შესახებ განცხადებებს დაუყოვნებლივ ჩააბარებენ. “ხვალ “ქართული ოცნება” ოპოზიციური პარტიებიდან არჩეული 51 პარლამენტარის წევრის უფლებამოსილების შეწყვეტის საკითხს განიხილავს. პარალელურად, მეგობარი ელჩების შუამავლობით, მოლაპარაკების პროცესი მიმდინარეობს. არცერთი მხარე მოლაპარაკების შეწყვეტის სურვილს საჯაროდ არ გამოთქვამს, შესაბამისად, არც მის ჩაშლაზე იღებს პასუხისმგებლობას. “ქართული…