დღე: იანვარი 19, 2021

მართლმადიდებელი ეკლესია ნათლისღების დღესასწაულს აღნიშნავს – უწმინდესი სამების საკათედრო ტაძარში საგანგებო ღვთისმსახურებას ჩასატარებლად უკვე მივიდა. წირვის შემდეგ ილია მეორე მრევლს ქადაგებით მიმართავს იქადაგებს. დღეს სამების ტაძარში პანდემიის გამო საყოველთაო ნათლობა არ ჩატარდება, თუმცა უახლოეს მომავალში დასახელდება თარიღი, როდის იქნება შესაძლებელი ტრადიციული რიტუალის ჩატარება. ნათლისღების დღესასწაული ყველა მოქმედ მართლმადიდებელ ტაძარში აღინიშნება, თუმცა საზეიმო რიტუალი პანდემიის გამო წელს განსხვავებულად მიმდინარეობს. 

მეტი...

მორიგი გატაცება საქართველოს ცენტრალური ხელისუფლების კონტროლირებად ტერიტორიიდან. ოკუპირებული აფხაზეთიდან გადმოსული სამი პირი – მათ შორის ორი ქალი ოკუპანტებმა ზუგდიდის მუნიციპალიტეტის სოფელ ხურჩასთან დააკავეს და უკან, ოკუპირებულ ტერიტორიაზე გადაიყვანეს. მომხდარს თვითმხილველებიც ჰყავს, ისინი ამბობენ, რომ დაკავება საოკუპაციო ხაზიდან დაახლოებით ნახევარ კილომეტრში მოხდა. “ყვიროდნენ, გვიშველეთ სადმე დარეკეთო. თავიდან არ მეგონა რუსები, თუ იყვენენ და 112-ში ვრეკავდი. მერე დავინახე, რომ ბიჭი გამორბოდა და ყველა ერთად მისდევდა. სამნი იყვნენ, არ ვიცით სად მიდიოდნენ ვიცი, რომ გამოქცეულები იყვნენ და შველას ითხოვდნენ. ბიჭს ეტყობოდა რომ ნაცემი იყო,” – აცხადებს ხურჩის მცხოვრები ელისო შამუგია. მომხდარის შესახებ ინფორმაცია თავდაპირველად სუს-მა…

მეტი...

ორბელიანების სასახლის ეზოში, ქუჩის მუსიკოსების კონცერტი გაიმართება. პრეზიდენტის რეზიდენციაში დაგეგმილი ღონისძიების მიზანი პანდემიის პერიოდში ახალგაზრდა ხელოვანების მხარდაჭერა და მათი პოპულარიზაციაა. კონცერტში ქუჩის მუსიკოსებთან ერთად, დავით ევგენიძის ბენდიც ქნება ჩართული. მისი ლაივ რეჟიმში ტრანსლირება პრეზიდენტის ფეისბუკგვერდის საშუალებით მოხდება. პრეზიდენტის ადმინისტრაციაში აცხადებენ, რომ ორბელიანების სასახლე წლების წინ კულტურის სფეროს გამორჩეული ნაწილის თავშეყრის ადგილი იყო და სასახლე ტრადიციას იბრუნებს.

მეტი...

შსს-ს ინფორმაციით, პოლიციამ გარდაბნის მუნიციპალიტეტში მომხდარი დაჭრის ფაქტი ცხელ კვალზე გახსნა, დაკავებულია ერთი პირი. „შინაგან საქმეთა სამინისტროს ქვემო ქართლის პოლიციის დეპარტამენტის გარდაბნის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1995 წელს დაბადებული მ.მ. განზრახ მკვლელობის მცდელობის ბრალდებით დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ალკოჰოლის ზემოქმედების ქვეშ მყოფმა ბრალდებულმა გარდაბნის მუნიციპალიტეტის სოფელ გამარჯვებაში, მასთან სტუმრად მყოფ ნაცნობს – 1994 წელს დაბადებულ გ.ჯ.-ს ურთიერთშელაპარაკებისას ცივი იარაღის გამოყენებით სხეულზე ჭრილობები მიაყენა და შემთხვევის ადგილიდან მიიმალა. დაჭრილი მამაკაცი სამედიცინო დაწესებულებაშია გადაყვანილი. მისი ჯანმრთელობის მდგომარეობა…

მეტი...