დღე: იანვარი 16, 2021

ოპოზიციის ჯანსაღ ნაწილში არაერთი გამოთქვამს წუხილს იმასთან დაკავშირებით, რომ ბოიკოტი არასწორი გადაწყვეტილებაა, – ამის შესახებ საქართველოს პარლამენტის თავმჯდომარემ,  ჟურნალისტებთან საუბრისას განაცხადა, რითაც ოპოზიციასა და მმართველ გუნდს შორის დიალოგზე ისაუბრა. როგორ თალაკვაძე აღნიშნავს, მმართველი გუნდი მზად არის მოლაპარაკებების მეხუთე რაუნდისთვის, მოლაპარაკების შესაძლო შედეგები კი ოპოზიციაზეა დამოკიდებული. „რა თქმა უნდა, ჩვენ მზად ვართ მოლაპარაკებების შემდეგი ეტაპისთვის. ჩვენგან მოლაპარაკებების პროცესს უწყვეტი მხარდაჭერა აქვს. მინდა კიდევ ერთხელ გადავუხადო მადლობა ფასილიტატორ ელჩებს. რაც შეეხება მეხუთე რაუნდის შესაძლო შედეგებს. ეს მთლიანად დამოკიდებულია იმაზე, თუ როგორ აფასებს ოპოზიცია სტატუს კვოს. ჩვენ ვამბობდით, რომ სტატუს კვო შეიცვლება, ხედავთ, რომ სტატუს…

“ქართული ოცნების თავმჯდომარე დღეიდან ირაკლი კობახიძე იქნება. ის ამ თანამდებობაზე, ცოტა ხნის წინ, პარტიის ყრილობაზე ერთხმად აირჩიეს. “ქართული ოცნების” ლიდერები აცხადებენ, რომ ქვეყანაში არსებულ პრობლემებთან ბრძოლას გუნდი განახლებული ენერგიით დაიწყებს. პარლამენტის თავმჯდომარე, “ქართული ოცნება – დემოკრატიული საქართველოს” პოლიტიკური საბჭოს წევრი არჩილ თალაკვაძე აცხადებს, რომ მმართველ გუნდს სამი ძირითადი ხედვა აქვს ქვეყნის განვითარებისთვის. “ჩვენ გვაქვს ძალიან საინტერესო ხედვა მომავალი განვითარების, ეს არის სამი ძირითადი მიმართულება: დემოკრატიის გაძლიერება; უსაფრთხოების, მშვიდობის განმტკიცება და ეკონომიკური განვითარება. ამ სამი ძირითადი მიმართულებით ჩვენ შევეცდებით საზოგადოებასთან ერთად უზრუნველვყოთ პროგრესი,”-აღნიშნა არჩილ თალაკვაძემ. თავდაცვის მინისტრი, “ქართული ოცნება – დემოკრატიული…

გასული წლების განმავლობაში, ჩვენს გუნდს ჰქონდა უამრავი წარმატება, თუმცა, ბუნებრივია, იყო ხარვეზებიც და შეცდომებიც, რომელთათვისაც თვალის გასწორებას ჩვენ არასოდეს შევშინებივართ, – ამის შესახებ „ქართული ოცნება – დემოკრატიული საქართველოს“ თავმჯდომარემ ირაკლი კობახიძემ პარტიის ყრილობაზე განაცხადა. მისი თქმით, ახლა, როდესაც პარტიას აქვს სახელმწიფოს მართვის რვაწლიანი გამოცდილება, ღირსეული და გამორჩეული ლიდერები, პარტიას შეუძლია ახალი შემართებით განაგრძოს საქმიანობა. „დღეს, როდესაც „ქართულ ოცნებას“ აქვს სახელმწიფოს მართვის რვაწლიანი გამოცდილება, როდესაც ჩვენს პოლიტიკურ გუნდს ჰყავს ღირსეული და გამორჩეული ლიდერები, პროგრესული საპარლამენტო და სამთავრობო გუნდი, ღირსეული ლიდერები და წარმომადგენლები ადგილობრივ ხელისუფლებაში, პარტიას შეუძლია ახალი შემართებით განაგრძოს საქმიანობა, რათა ბოლომდე იქნას მიყვანილი…

“ქართული ოცნება-დემოკრატიული საქართველოს” გენერალურმა მდივანმა, კახა კალაძემ პარტიის ყრილობაზე სიტყვით გამოსვლისას განაცხადა, რომ დღევანდელი დღე განსაკუთრებული ემოციებით არის დატვირთული გუნდის ყველა წევრისთვის. “მოგესალმებით მეგობრებო, მივესალმები საქართველოს პრემიერ-მინისტრს, ბატონ გიორგი გახარიას, საქართველოს პარლამენტის თავმჯდომარეს, ბატონ არჩილ თალაკვაძეს, მინისტრებს, დეპუტატებს, ადგილობრივი თვითმმართველობის წარმომადგენლებს, ჩვენს ახალ წევრებს და რაც მთავარია, განსაკუთრებით მინდა მივესალმო ჩვენს ძველ და გამოცდილ თანამებრძოლებს, ვისთან ერთადაც ჩვენი ქვეყნის უკეთესი მომავლისთვის ვიბრძოლეთ და დღესაც ვიბრძვით. მინდა ბოდიში მოვუხადო იმ ადამიანებს, ვისაც სურვილი ჰქონდა დღეს, დღევანდელ ღონისძიებას დასწრებოდა, თუმცა არსებული რეალობიდან გამომდინარე, არსებული ეპიდემიოლოგიური ვითარებიდან გამომდინარე განსხვავებულ ფორმატში გვიწევს ჩვენი ყრილობის ჩატარება.…

პარტია „ქართული ოცნება – დემოკრატიულმა საქართველომ“ პოლიტიკური საბჭოს განახლებული შემადგენლობა აირჩია. პოლიტსაბჭოს შემადგენლობა გაიზარდა და ის 20 წევრითაა წარმოდგენილი. „ქართული ოცნების“ პოლიტიკური საბჭოს შემადგენლობა ასეთია: 1.კახა კალაძე 2.ვასილ მაღლაფერიძე 3.გიორგი გახარია 4.არჩილ თალაკვაძე 5.მაია ცქიტიშვილი 5.გიორგი ვოლსკი 6.ირაკლი ღარიბაშვილი 7.თეა წულუკიანი 8.მამუკა მდინარაძე 9.კახაბერ კუჭავა 10.ვახტანგ გომელაური 11.ეკატერინე ტიკარაძე 12.ივანე მაჭავარიანი 13.მაკა ბოჭორიშვილი 14.შალვა პაპუაშვილი 15.მარიამ ქვრივიშვილი 16.ნიკოლოზ სამხარაძე 17.სოზარ სუბარი 18.დიმიტრი სამხარაძე 19.თორნიკე რიჟვაძე

პარტია „ქართული ოცნება – დემოკრატიული საქართველოს“ თავმჯდომარედ ირაკლი კობახიძე აირჩიეს. ყრილობას პარტიის 400-მდე დელეგატი ესწრება. ირაკლი კობახიძის კანდიდატურას მათ ერთხმად დაუჭირეს მხარი. ირაკლი კობახიძემ თანაგუნდელებს ნდობისთვის მადლობა გადაუხადა. „პირობას გაძლევთ, მთლიანად დავიხარჯები, რათა თქვენი ნდობა გავამართლო“, – განაცხადა კობახიძემ.

„ექსპო ჯორჯიასთან“, სადაც პარტია „ქართული ოცნების“ ყრილობა უნდა გაიმართოს, სამოქალაქო აქტივისტების აქცია იმართება. აქციის მონაწილეებმა რამდენჯერმე სცადეს სამტრედიის ქუჩის გადაკეტვა, თუმცა მათ ამის საშუალება პოლიციამ არ მისცა. „არ შეგარჩენთ მოპარულ არჩევნებს“, „სისტემა კლავს!“ – ამ წუთებში ამ ტიპის შეძახილები ისმის აქციაზე. აქციის მონაწილეები ასევე ამბობენ, რომ სამართალდამცავებმა მათ ბანერების გაშლის უფლება არ მისცეს.

პოლიტიკური გაერთიანება „ქართული ოცნება – დემოკრატიული საქართველო“ დღეს ყრილობას გამართავს. ყრილობაზე პარტიის ახალი თავმჯდომარისა და პოლიტიკური საბჭოს განახლებულ შემადგენლობის არჩევა იგეგმება. „ქართული ოცნების“ პოლიტიკური საბჭოს გადაწყვეტილებით, პარტიის თავმჯდომარის პოსტზე წარდგენილი იქნება ირაკლი კობახიძის კანდიდატურა. პოლიტიკურმა საბჭომ ასევე დაამტკიცა განახლებული პოლიტიკური საბჭოს წევრობის კანდიდატების 21-კაციანი სია. ასევე, ყრილობა აირჩევს პარტიის აღმასრულებელ და გენერალურ მდივნებს. პარტიაში აღნიშნავენ, რომ გენერალური მდივანი კვლავ კახა კალაძე იქნება, ხოლო აღმასრულებელი მდივნის თანამდებობაზე ირაკლი კობახიძის შემცვლელის ვინაობა ჯერჯერობით არ დასახელებულა. პარტიის ახალი თავმჯდომარის არჩევა მას შემდეგ გახდა საჭირო, რაც „ქართული ოცნების“ დამფუძნებელმა, ბიძინა ივანიშვილმა 11 იანვარს პოლიტიკიდან…