დღე: იანვარი 14, 2021

„ძალიან სამწუხაროა, რომ სახელმწიფო ზარალდება ზოგი ჩინოვნიკისგან და ხალხი კარგავს მთავრობის მიმართ ნდობას,“ – ამის შესახებ „მედიაცენტრ მთავარში“  „საქართველოს მეწარმეთა კავშირის თავმჯდომარემ,” გოგა ციცქიშვილმა განაცხადა. ციცქიშვილი აღნიშნავს, რომ აჭარელ ფერმერებს, გარკვეულმა კომპანიებმა, რომლებსაც ყოფილი ჩინოვნიკები მფარველობენ კუთვნილი პროდუქციის თანხა არ გადაუხადეს, მისივე ინფორმაციით, მხოლოდ ერთი მეფუტკრის მიმართ კომპანიას 50 000 ლარი აქვს გადასახდელი: „აჭარელ მეფუტკრეს და მასთან ერთად რამოდენიმე ფერმებს, ჰქონდათ ხელშეკრულება კომპანიასთან, აწვდიდნენ პროდუქციას, შემდეგ ეს კომპანია ურიცხავდა თანხებს, მოგვიანებით აღმოჩნდა, რომ აღარ აუნაზღაურეს თანხა და ეს დავალიანება ავიდა 50 000 ლარამდე. ეს „შპს“ – ეუბნება, რომ ქსელურ მარკეტებს…

მსხვერპლით დასრულდა ავტოსაგზაო შემთხვევა ასპინძაში. სოფელ ტოლოშის მიმდებარე ტერიტორიაზე მსუბუქი ავტომობილი, რომელსაც ახალგაზრდა მამაკაცი მართავდა, შუა ხნის ქალს დაეჯახა. დაშავებული ადგილზე გარდაიცვალა. “ქალი ძროხას ეძებდა, ვერ დაინახა მანქანა და როგორც ჩანს, ვერც მძღოლმა შეამჩნია დროულად. დაამუხრუჭა, მაგრამ ვერ გააჩერა. შეშინებული ბიჭი ასპინძაში ჩავიდა და პოლიციას ჩაბარდა, ქალი შემომაკვდაო”, – ამბობენ ტოლოშში.

თიანეთის სოფელ ჯიჯეთში 96 წლის კაცზე მისმა რძალმა და შვილმა იძალადა. ინფორმაციას ადვოკატიც ადასტურებს და აღნიშნავს, რომ ქალმა არამხოლოდ მისი დაცვის ქვეშ მყოფზე, არამედ მასზეც იძალადა.  ადვოკატის ინფორმაციით, დაპირისპირება სახლისა და ნივთის გაყოფის ნიადაგზე დაიწყო. 96 წლის ვარდო თათარაშვილი სათივეში ცხოვრობდა და ის ცოტა ხნის წინ ორგანიზაციამ “ერთიანობა საქართველოსთვის” თბილისში ქირით გადმოიყვანა.  “ბატონი ბოლო 6 წელია ითხოვს საცხოვრებელში გადაყვანას და ადამიანური პირობების შექმნას, რადგანაც ის შეშვებული ჰყავთ საცხოვრებლად გომურში. ჩვენ გუშინ, ჩვენს მოწინააღმდეგე მხარეს შევთავაზეთ, რომ თუკი მათ სურვილი ჰქონდათ, დარჩენილიყვნენ იმ უძრავ ქონებაში,  შეფასებულიყო ეს ქონება და ნახევრის ნებაყოფლობითი გადახდით, დამთავრებულიყო ეს დავა. ამ…

ჩოხატაურის მერიასთან მიმდინარე აქციაზე სიტუაცია დაიძაბა. მუსლიმი თემის წარმომადგენლები მერიაში შესვლას ცდილობენ, თუმცა ადგილზე მობილიზებული პოლიცია მათ ამის საშუალებას არ აძლევს. „შეგვიშვან, ან გამოვიდეს ვინმე და დაგველაპარაკოს“, – აცხადებენ აქციის მონაწილეები. მათი მტკიცებით, გუშინ გამართულ შეხვედრაზე შეთანხმება არ მომხდარა. ცოტა ხნის წინ, აქციაზე, მუსლიმი თემის წარმომადგენელმა ყურანი და ბიბლია მიიტანა. როგორც მან აღნიშნა, რელიგიებს შორის დაპირისპირება სირცხვიალია. ცნობისთვის, მუსლიმი თემის წარმომადგენლები ითხოვენ, რომ მუსლიმურ სამლოცველოში ლოცვის საშუალება ჰქონდეთ. აღნიშნულს ადგილობრივი ქრისტიანული მოსახლეობა ეწინააღმდეგება. სოფელ ბუკნარში ქრისტიანული და მუსლიმი თემის წარმომადგენლებს შორის დაპირისპირება ერთ-ერთ სახლში არსებულ სალოცავს უკავშირდება. გუშინ , ჩოხატაურის მერიაში…

სამოქალაქო პლატფორმა „არა-ფობიას!” და „კოალიცია თანასწორობისთვის” წარმომადგენელი ორგანიზაციები მიიჩნევენ, რომ ბოლო თვეების განმავლობაში საქართველოში რელიგიისა და რწმენის თავისუფლების დაცვის კუთხით მდგომარეობა მკვეთრად გაუარესდა. როგორც მათ მიერ გავრცელებულ განცხადებაშია ნათქვამი, სახელმწიფო არღვევს სეკულარობისა და თანასწორუფლებიანობის პრინციპებს, ლახავს არადომინანტური რელიგიური ჯგუფების უფლებებს და ავლენს უთანასწორო დამოკიდებულებას განსხვავებული რელიგიური მრწამსის ადამიანების მიმართ. „ამ კუთხით, განსაკუთრებით საგანგაშოა ჩოხატაურის მუნიციპალიტეტის სოფელ ბუკნარში მუსლიმი მოქალაქეების მიმართ გამოვლენილი რელიგიური შეუწყნარებლობა და თანასწორუფლებიანობის დარღვევა; პანდემიის დროს ხელისუფლების დისკრიმინაციული პოლიტიკა რელიგიური გაერთიანებების მიერ დღესასწაულების აღნიშვნისას და ბოლო დროს მართლმადიდებელი ეკლესიის მაღალი იერარქების მხრიდან გამოვლენილი ანტისემიტური რიტორიკის უგულებელყოფა. ჩოხატაურის მუნიციპალიტეტის სოფელ…

საქართველოს პრეზიდენტმა სალომე ზურაბიშვილმა საქართველოს მოსახლეობას სახელმწიფო დროშის დღე ორბელიანების სასახლიდან მიულოცა, სადაც დროშის აწევის ცერემონია გაიმართა. „გილოცავთ საქართველოს სახელმწიფო დროშის დღეს. მინდა, ეს დღე მივულოცო ახალგაზრდებს, ბავშვებს, ყველას, ვინც უკვე 30 წელია, ჩვენი ქვეყნის სახელმწიფო დროშის ქვეშ ცხოვრობს; ვისაც არ ახსოვს ის დრო, როცა ამ ქვეყანაში სხვა ქვეყნის დროშა ფრიალებდა – ეს უდიდესი ბედნიერებაა. საქართველოს სახელმწიფო დროშა ჩვენი დამოუკიდებლობისა და თავისუფლების სიმბოლოა. ეს დღე მინდა, მივულოცო ჩვენს ჯარს, რომელიც სწორედ ამ დროშის ქვეშ იცავს ჩვენს ტერიტორიას, ჩვენს თავისუფლებას, დამოუკიდებლობას და საზღვარგარეთ, საერთაშორისო მისიებში ამაყად ატარებს ამ სიწმინდეს. მინდა, ეს…

ფეხბურთელ გიორგი შაქარაშვილის საქმეზე დაზარალებულის სტატუსის მქონე იაკობ ბრეგვაძის ადვოკატის, ირმა ჭკადუას განცხადებით, ბრეგვაძეს ჩვენებები არ შეუცვლია. როგორც ჭკადუა განმარტავს, მან გამოძიების ეტაპზე გარკვეული დეტალები დააზუსტა და ის დღესაც მზად არის, ყველა კითხვას პასუხი გასცეს. „ჩვენების შეცვლას ადგილი არ ჰქონია, ძალიან კარგადაა ცნობილი თოთოეული მისი ჩვენება, ის გამოძიებაში ორჯერ არის დაკითხული, მეორე დაკითხვისას უბრალოდ გარკვეული დეტალები დააზუსტა. ის უპასუხებს ყველა კითხვას, რაც დასმული იქნება, იაკობი უკვე ამ სასამართლო პროცესზე პროკურორების მიერ დაკითხულია, მხოლოდ დარჩენილია დაცვის კითხვები. მან ყველა კითხვას გასცა პასუხი და დღესაც მზად არის, გასცეს პასუხები“, – განაცხადა ჭკადუამ.

ზუგდიდში, გასული წლის 21 ოქტომბერს, საქართველოს ბანკზე შეიარაღებულ თავდასხმაში ბრალდებულ ბადრი ესებუას სისხლის სამართლის საქმეს, მისი ძმის, ბიძინა ესებუას საქმე გამოეყო. შესაბამისად, აღნიშნული საქმეები ცალკე წარმოებად განიხილება. აღნიშული შუამდგომლობა დაცვის მხარემ დააყენა. ადვოკატ სოსო ჯანაშიას თქმით, დაცვის მხარისთვის ერთი თვე საკმარისი არ იყო მტკიცებულებების მოსაპოვებლად. როგორც სოსო ჯანაშიამ განაცხადა, სასამართლო პროცესზე აღკვეთი ღონისძიებაც გადაისინჯა, თუმცა მოსამართლემ ბიძინა ესებუა პატიმრობაში დატოვა. შეგახსენებთ, 2020 წლის 21 ოქტომბერს მომხდარ ფაქტზე ბადრი ესებუა ამ დრომდე იძებნება. საქართველოს ბანკზე თავდასხმასთან დაკავშირებით გამოძიება 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული…

შალვა ნათელაშვილი სოციალურ ქსელში პოსტს აქვეყნებს და აცხადებს, რომ საკუთარ თავს ძველით ახალ წელს საჩუქარი გაუკეთა. მარსმავალის ეკრანზე, რომელიც პლანეტაზე 17-18 თებერვალს დაჯდება შალვა ნათელაშვილის სახელი იქნება აღბეჭდილი. “ძველით ახალ წელს ჩემს თავს გავუკეთე საჩუქარი და ამერიკული მარსმავალის ეკრანზე, რომელიც 17-18 თებერვალს დაჯდება ამ პლანეტაზე აღბეჭდილი იქნება ჩემი გვარი და სახელიც. ამ გზით მაინც მოვხვდები სამყაროში, სადაც მოგზაურობის ფიქრებში ცხოვრება გავიდა ლამის”, – წერს შალვა ნათელაშვილი.

შემოქმედელი მიტროპოლიტი იოსები სოფელ ბუკნარში მუსლიმან თემსა და ქრისტიან მოსახლეობას შორის რელიგიურ ნიადაგზე მომხდარ დაპირისპირებასთან დაკავშირებით განცხადებას ავრცელებს. როგორც მიტროპოლიტი იოსები აღნიშნავს, მას შემდეგ, რაც მათ მიიღეს ინფორმაცია, რომ 13 იანვარს სოფელ ბუკნარში სპეციალურად შემზადებული ადამიანები ჩასვლას აპირებდნენ, ადგილზე ვითარების განსამუხტად სამღვდელოება გაგზავნეს. „სამწუხაროდ, სოფელ ბუკნარში რელიგიურ ნიადაგზე მოხდა დაპირისპირება მუსლიმან თემსა და ქრისტიან მოსახლეობას შორის, რის შესახებაც ჩვენ, სამღვდელოებამ, გავიგეთ 12 იანვარს, 21:00 საათზე. რა თქმა უნდა, ეს ჩვენთვის შემაშფოთებელი იყო. ასევე, ჩვენთვის ცნობილი გახდა, რომ აჭარიდან – ზოტიდან და სხვა სოფლებიდან – 13 იანვარს აპირებდნენ ჩამოსვლას სოფელ ბუკნარში სპეციალურად…

შრომის ინსპექციის მიერ იმ ფიზიკური პირის იდენტიფიცირება მოხდა, რომელიც თბილისში ე.წ. ღამის კლუბის საქმიანობას ახორციელებდა. ამის შესახებ ინფორმაციას ჯანდაცვის სამინისტრო ავრცელებს.  “მიმდინარე წლის 13 იანვარს, შრომის ინსპექციის მიერ გეგმური მონიტორინგისას განხორციელდა ფიზიკური პირის იდენტიფიცირება, რომელიც ქ.თბილისში ორგანიზებას უწევდა სოციალურ ღონისძიებას და ახორციელებდა ე.წ ღამის კლუბის საქმიანობას.  COVID რეგულაციების გათვალისწინებით, ვინაიდან მსგავსი ტიპის ღონისძიება მიჩნეულია მაღალი რისკის შემცველ აქტივობად, რომელიც მასობრივად უქმნის საფრთხეს ადამიანთა სოცოცხლესა და ჯანმრთელობას შრომის ინსპექციის, საპატრულო და კრიმინალური პოლიციის მიერ ჯანმრთელობის დაცვის შესახებ საქართველოს კანონისა და საქართველოს მთავრობის 322 დადგენილების შესაბამისად განხორციელდა ღონისძიების ორგანიზატორის 2000 ლარით დაჯარიმება და საქმიანობის შეჩერება.  შექმნილი ეპიდემიოლოგიური…

ჩვენი სახელმწიფოებრიობის ერთ-ერთი უმთავრესი სიმბოლო, საქართველოს დროშა, თითოეულ ჩვენგანში პატრიოტულ სულისკვეთებას და უდიდეს სიამაყეს აღძრავს, – ამის შესახებ საქართველოს პრემიერ-მინისტრი გიორგი გახარია, საქართველოს სახელმწიფო დროშის დღესთან დაკავშირებით აღნიშნავს. პრემიერ-მინისტრი დარწმუნებულია, რომ შორს აღარ არის ის დრო, როცა ქართული სახელმწიფოებრიობის ეს სიმბოლო ევროპული ოჯახის წევრ სახელმწიფოთა დროშების გვერდით აღიმართება. „ჩვენი სახელმწიფოებრიობის ერთ-ერთი უმთავრესი სიმბოლო, საქართველოს დროშა, თითოეულ ჩვენგანში პატრიოტულ სულისკვეთებას და უდიდეს სიამაყეს აღძრავს. მასში ჩატეულია ჩვენი ქვეყნისა და ხალხის ისტორია, ის ღირებულებები და მისწრაფებები, რომლებსაც ყოველთვის დავიცავთ. დარწმუნებული ვარ, შორს აღარ არის ის დრო, როცა ქართული სახელმწიფოებრიობის ეს სიმბოლო ევროპული…

კონტრაბანდული თამბაქო ქართულ ბაზარზე – აქციზური მარკის გარეშე შენახვა-გადაზიდვის 6 ფაქტი გამოავლინეს. ფინანსთა სამინისტროს საგამოძიებო სამსახურის ცნობით, დანაშაულის ჩადენაში მხილებულია 6 პირი, რომელთა შორის 2 დაკავებულია. უწყების ცნობით, საგამოძიებო მოქმედებების შედეგად, დანაშაულში მხილებული პირებისგან ამოღებულია სარეალიზაციოდ განკუთვნილი, სხვადასხვა დასახელების ჯამში 8 400 კოლოფი უაქციზო სიგარეტი, რომლის საბაზრო ღირებულება 34 000 ლარს აღემატება და სატრანსპორტო საშუალებები, რომლითაც ხდებოდა უაქციზო საქონლის გადაზიდვა. გამოძიება მიმდინარეობს საქართველოს სისხლის სამართლის კოდექსის მე-200 მუხლის პირველი, მე-2 და მე-3 ნაწილებით, რაც სასჯელის სახით ითვალისწინებს თავისუფლების აღკვეთას 6-დან 8 წლამდე ვადით.

საქართველოს შინაგან საქმეთა სამინისტროს კახეთის პოლიციის დეპარტამენტის თანამშრომლებმა, ჩატარებული საგამოძიებო, ოპერატიული და სამძებრო ღონისძიებების შედეგად, ჯანმრთელობის განზრახ მძიმე დაზიანების ბრალდებით ძებნილი პირი – 1988 წელს დაბადებული გ.ი. დააკავეს. „გამოძიებით დადგინდა, რომ ბრალდებული 2020 წლის ნოემბერში, წარსულში არსებული უთანხმოების ნიადაგზე, შურისძიების მოტივით, თელავის მუნიციპალიტეტის სოფელ ვარდისუბანში, საავტომობილო გზაზე, 1976 წელს დაბადებულ ლ.კ.-ს ავტომობილით განზრახ შეეჯახა, 1984 წელს დაბადებულ გ.ბ.-ს კი ცივი იარაღით სხეულზე დაზიანება მიაყენა, რის შემდეგაც დანაშაულის ადგილიდან მიიმალა. სამართალდამცველებმა მიმალვაში მყოფი ძებნილი გ.ი., რამდენიმეთვიანი ინტენსიური საგამოძიებო, ოპერატიული და სამძებრო ღონისძიებების შედეგად, კახეთის რეგიონში, ყვარლის მუნიციპალიტეტის ერთ-ერთ სოფელში ბრალდებულის სახით…