დღე: იანვარი 9, 2021

დღეს დილიდან საპატრიარქოში ეპიდემიოლოგები იმყოფებიან, ინფორმაციას ამირან გამყრელიძეც ადასტურებს. როგორც დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორი აცხადებს, არსებობს პროტოკოლი, რომლის მიხედვითაც გადაწყდება სჭირდება თუ არა ტესტი პატრიარქს.  “საპატრიარქოში დღეს მივიდნენ ჩვენი თანამშრომლები, რომლებიც მუშაობენ, ვგულისხმობ ეპიდკვლევასა და ბიოლოგიური ნიმუშების აღებას. კვლევის შემდეგ გამოიკვეთება, რამდენ ადამიანს დასჭირდება ტესტირება. რამდენად ახლო ან შორი კონტაქტები ჰქონდათ მათ ინფიცირებულთან. არსებობს პროტოკოლი და ამის მიხედვით იქნება გადაწყვეტილება მიღებული, რა თქმა უნდა შეთანხმებული უწმინდესთან,” – აცხადებს დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე. საპატრიარქოში კორონავირუსის გავრცელების მაღალი რისკია. ადგილზე ეპიდემიოლოგებმა მასობრივი ტესტირება უკვე დაიწყეს. პირველ ეტაპზე,…

ახალციხეში, ბუნებრივი აირით ხუთი ადამიანი მოიწამლა. შემთხვევა დღეს, 9 იანვარს რუსთაველის ქუჩაზე მოხდა. ერთი ოჯახის ხუთივე წევრი სასწრაფო სამედიცინო ბრიგადამ ახალციხის რეფერალურ საავადმყოფოში გადაიყვანა. საავადმყოფოს მენეჯერის რევაზ კუჭუხიძის თქმით, პაციენტების ჯანმრთელობის მდგომარეობა, სამედიცინო მომსახურების გაწევის შემდეგ, მკურნალობას დაექვემდებარა. “ხუთივე მათგანმა ისადილა და მოგვიანებით ერთმა თავი შეუძლოდ იგრძნო, მოწამლულები საავადმყოფოში სასწრაფო დახმარების სამმა ბრიგადამ გადაიყვანა. თავს კარგად ოჯახის ყველაზე მცირეწლოვანი წევრი, ხუთი თვის ბავშვი გრძნობს, დანარჩენების ჯანმრთელობის მდგომარეობა სტაბილურია” – განაცხადა რევაზ კუჭუხიძემ. “ზოგი იწვა სავარძელში, ზოგი დივანზე, ზოგიც იატაკზე. ყველა მათგანი იყო უგონოდ. გამოვიძახე დამხმარე ბრიგადები, მათ მოსვლამდე გავუწიეთ პირველადი…

გორში კორონავირუსით გამოწვეული გართულების შედეგად ექიმი გარდაიცვალა​. 65 წლის უროლოგი მირიან არსაკიძე წლების განმავლობაში ქალაქის პოლიკლინიკაში მუშაობდა. კოვიდ 19-ის დადასტურებიდან რამდენიმე დღეში, ინფიცირებულმა ექიმმა კოვიდსტაციონარს თავადვე მიმართა. ფილტვის უკიდურესად მძიმე დაზიანებით, მირიან არსაკიძე “გორმედის” რეანიმაციულ განყოფილებაში მოათავსეს. “კლინიკაში შემოსვლისას ჩვენი კოლეგის ჯანმრთელობის მდგომარეობა იყო საკმაოდ მძიმე. კოვიდის დადასტურებული დიაგნოზით, ფილტვის უკიდურესად მძიმე დაზიანებით, პაციენტი მაშინვე მოთავსდა რეანიმაციულ განყოფილებაში. ინტენსიური მკურნალობის მიუხედავად, განვითარდა მარჯვენა ფილტვის პნევმოთორაქსი, გატარდა ყველა საჭირო ღონისძიება, თუმცა, ფილტვის დაზიანება კვლავ მაქსიმუმით – 24 ქულით ფასდებოდა. პაციენტი გადაყვანილი იყო მართვით სუნთქვაზე. კოვიდვირუსულ პნევმონიას თან დაერთო ფილტვის ბაქტერიული ინფიცირებაც, განვითარდა…

საბედნიეროდ, კორონავირუსის პიკმა გადაიარა, – ამის შესახებ ინფექციური პათოლოგიისა და შიდსის ცენტრის გენერალურმა დირექტორმა, თენგიზ ცერცვაძემ განაცხადა. ცერცვაძის თქმით, როგორც ჩანს, ახალი წლის წინა პერიოდში მოსახლეობა უფრო მობილიზებული იყო და მეტად იცავდა რეგულაციებს. „აქტიური ინფექციის 30 000 შემთხვევა იყო ყოველდღე. ჯანდაცვის სექტორმა სერიოზულ ზეგადატვირთვას გაუძლო. მართალია, იყო გარკვეული შეფერხებები, პრობლემები, საბედნიეროდ, პიკმა გადაიარა. ჩვენთან ახალი შემთხვევების რაოდენობა 3-ჯერ, 4-ჯერ შემცირდა. თუ იყო 5 000-მდე დღეში, ახლა სადღაც 1 000-დან 2 000-მდეა. იყო იმის მოლოდინი და შიში, წინასაახალწლოდ შეზღუდვების ერთკვირიანი მოხსნა ხომ არ გამოიწვევდა ისევ შემობრუნებას უკან, ე.წ. მესამე ტალღის დასაწყისს.…

კორონავირუსის ახალი შემთხვევებიდან 808 თბილისში, 363 იმერეთში, 183 კი სამეგრელო-ზემო სვანეთში გამოვლინდა, – ამის შესახებ ინფორმაციას საქართველოს პრემიერ-მინისტრის პრესსამსახური ავრცელებს. მათივე ინფორმაციით, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 18 149 კვლევა ტესტით, მათ შორის 11 095 კვლევა ანტიგენის ტესტით და 7 054 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 2 058 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 238 086-ს. ბოლო 24 საათში ვირუსისგან გამოჯანმრთელდა 529 პირი, ხოლო ჯამში გამოჯანმრთელებულთა რაოდენობა გაიზარდა 224 718-მდე. ბოლო 24…

საქართველოში ბოლო 24 საათში კორონავირუსით 22 პაციენტი გარდაიცვალა. ამის შესახებ ინფორმაციას მთავრობის ადმინისტრაციის პრესსამსახური ავრცელებს. პანდემიის გავრცელებიდან დღემდე, ვირუსს ჯამში 2 750 პირი ემსხვერპლა. დღეს საქართველოში კორონავირუსით ინფიცირების 2 058 ახალი შემთხვევა  გამოვლინდა, გამოჯანმრთელდა 529 პაციენტი.

საქართველოში კორონავირუსის 2 058 ახალი შემთხვევა გამოვლინდა. ამის შესახებ ინფორმაციას მთავრობის პრესსამსახური ავრცელებს. ქვეყანაში ბოლო 24 საათში კორონავირუსისგან 529 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 22 პაციენტი. ბოლო 24 საათში ქვეყანაში ჩატარდა 18 149 ტესტი, მათ შორის ანტიგენის სწრაფი ტესტით – 11 095, „პისიარ“ ტესტით – 7 054. საქართველოში კორონავირუსით ინფიცირების სულ 238 086 შემთხვევაა გამოვლენილი, მათგან 224 718 გამოჯანმრთელდა, 2 750 კი, გარდაიცვალა. კარანტინის რეჟიმშია 512 პირი, სტაციონარში მეთვალყურეობის ქვეშ – 3 867, კლინიკურ სასტუმროში – 754. ამასთან, 8 იანვრის, მდგომარეობით საქართველოში კორონავირუსის 537 ახალი შემთხვევა გამოვლინდა, გამოჯანმრთელდა 494 პაციენტი.