დღე: დეკემბერი 24, 2020

საქართველოს პრეზიდენტმა, გიორგი გახარიას პრემიერ-მინისტრად დანიშვნის შესახებ განკარგულებას ხელი მოაწერა.  განკარგულება სალომე ზურაბიშვილს ხელმოსაწერად პარლამენტიდან ცოტა ხნის წინ გადაეგზავნა. შეგახსენებთ, დღეს საქართველოს უმაღლესმა საკანონმდებლო ორგანომ გიორგი გახარიას მინისტრთა კაბინეტს ნდობა გამოუცხადა. დეპუტატებმა საქართველოს მთავრობა თითქმის უცვლელი შემადგენლობით 85 ხმით დაამტკიცა.

ჩემთვის იდეალური სურათი იქნებოდა, რომ პარლამენტში ყველა შემოვიდეს, გარდა „ნაციონალური მოძრაობის“ რადიკალური ფრთისა და „ევროპული საქართველოსი“, – ამის შესახებ საპარლამენტო უმრავლესობის ლიდერმა, ირაკლი კობახიძემ განაცხადა. მისი თქმით, მმართველი გუნდი ყველაფერს აკეთებს, რომ პარლამენტი მრავალპარტიული იყოს და ვარაუდობს, რომ თებერვალში საკანონმდებლო ორგანოში სამი-ოთხი პარტია იქნება წარმოდგენილი. „მე მგონია, რომ მინიმუმ სამი-ოთხი პარტია პარლამენტში უკვე თებერვალში იქნება წარმოდგენილი. ჩვენ ყველაფერს ვაკეთებთ, რათა პარლამენტში მრავალპარტიული სპექტრი ჩამოყალიბდეს. რა და როგორ, ამაზე ღიად ვერ ვისაუბრებთ, მაგრამ ჩვენი მხრიდან ყველაფერი კეთდება, მათ შორის, ოფიციალურ ფორმატში, მათ შორის, დახურულ ფორმატში. პროცესი მიდის. პარტიების რაოდენობას რაც შეეხება,…

პრემიერ-მინისტრი გიორგი გახარია აცხადებს, რომ მინისტრთა კაბინეტიდან თეა წულუკიანის წასვლა მთავრობისთვის დანაკლისია. ამასთან, პრემიერმა არ დააკონკრეტა, როდის და რა ფორმით დაბრუნდება წულუკიანი აღმასრულებელ ხელისუფლებაში. „როგორც პრემიერ-მინისტრი გეუბნებით, რომ თეა წულუკიანი საქართველოს მთავრობასა და კაბინეტში ნამდვილად დაგვაკლდა. რა ფორმით დაბრუნდება, ვნახოთ“, – განაცხადა გიორგი გახარიამ.

უმრავლესობის ლიდერმა ირაკლი კობახიძემ მთავრობის დამტკიცებისას სიტყვით გამოსვლის  დროს საკანონმდებლო ორგანოში ოპოზიციის დანაკლისზე ისაუბრა: “მოკლედ მინდა შევეხო პარლამენტში არსებულ სურათს. დღევანდელ სურათს დააკლდა ოპოზიცია, ძალიან დაგვაკლდა გიგა ბოკერიას და მისი 3%-იანი პარტიის ფასდაუდებელი რჩევები საპენსიო რეფორმის გაუქმებასა და კატასტროფული საბიუჯეტო დეფიციტის წარმოქმნასთან დაკავშირებით. ძალიან დაგვაკლდა სალომე სამადაშვილი, რომელსაც ღრმად წამს, რომ “ქართული ოცნება” ჭეშმარიტად პროდასავლური პარტიაა “ნაციონალური მოძრაობა” კი მიხეილ სააკაშვილისა და გუბაზ სანიკიძის ჭაობშია ჩარჩენილი, თუმცა ამ დარბაზში ის მაინც ჩვეული დამაჯერებლობით დაიწყებდა იმის მტკიცებას, რომ ხელისუფლება ქვეყანას ჩრდილოეთისკენ მიაქანებს. ძალიან დაგვაკლდა რუსეთის საერთაშორისო უსაფრთხოების სპეციალისტის ელენე ხოშტარიას მიერ…

თუ ოპოზიცია პარლამენტში შემოვა, რა თქმა უნდა, ეს იქნება ქვეყნის განვითარებისთვის, სახელმწიფოს გაძლიერებისთვის და ქვეყნის შემდგომი დემოკრატიზაციისთვის გადადგმული პასუხისმგებლიანი ნაბიჯი, – ამის შესახებ საქართველოს პრემიერ-მინისტრმა გიორგი გახარიამ, ჟურნალისტის კითხვის საპასუხოდ, ოპოზიციის პარლამეტში შესვლასთან დაკავშირებით განაცხადა. მთავრობის მეთაურის თქმით, თუ ოპოზიცია პარლამენტში არ შევა, მმართველი გუნდი ამ სცენარისთვისაც მოემზადება. „იმედი მაქვს, რომ შემოვა. თუ შემოვა, რა თქმა უნდა, ეს იქნება ქვეყნის განვითარებისთვის, სახელმწიფოს გაძლიერებისთვის და ქვეყნის შემდგომი დემოკრატიზაციისთვის გადადგმული პასუხისმგებლიანი ნაბიჯი. თუ არ შემოვა, ამ სცენარისთვისაც მოვემზადებით“, – განაცხადა გიორგი გახარიამ.

საქართველოს პარლამენტმა რიგგარეშე სესიის პლენარულ სხდომაზე მთავრობის ახალ შემადგენლობას და სამთავრობო პროგრამას ნდობა 85 ხმით გამოუცხადა. მინისტრთა კაბინეტში მხოლოდ ერთი ახალი მინისტრია – იუსტიციის მინისტრის თანამდებობა გოჩა ლორთქიფანიძემ დაიკავა. დანარჩენი უწყებების ხელმძღვანელები საკანონმდებლო ორგანომ უცვლელად დაამტკიცა. კერძოდ: რეგიონული განვითარებისა და ინფრასტრუქტურის მინისტრი – მაია ცქიტიშვილი; შინაგან საქმეთა მინისტრი – ვახტანგ გომელაური; ეკონომიკისა და მდგრადი განვითარების მინისტრი – ნათია თურნავა; საგარეო საქმეთა მინისტრი – დავით ზალკალიანი; ფინანსთა მინისტრი – ივანე მაჭავარიანი; განათლების, მეცნიერების, კულტურისა და სპორტის მინისტრ – მიხეილ ჩხენკელი; ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი – ეკატერინე ტიკარაძე;…

„გახარიას მხრიდან ოპოზიციაზე ლაპარაკი არის იმის მცდელობა, რომ ყურადღება სხვა რამეზე გადაიტანოს,“ – ამის შესახებ „გირჩის“ ერთ – ერთმა ლიდერმა ზურაბ ჯაფარიძემ განაცხადა. ჯაფარიძე ხელისუფლების 8 წლიან მმართველობას აკრიტიკებს და ამბობს, რომ ქვეყანაში ღრმა პოლიტიკური კრიზისია. “მას თუ მართლა ადარდებს ქვეყნის ბედი უნდა ხედავდეს რამხელა ღრმაა პოლიტიკური კრიზისი, მათი მიმართულების მიზანია, რომ ვიღაცას დაანახონ, რომ აქვს მრავალპარტიული პარლამენტი და ცდილობს ვიღაც შეიტყუოს პარლამენტში. გახარიას ამ კომენტარით არ ვიცი, რა უნდა, წაქეზება თუ ნამუსზე აგდება.“ – განაცხადა ზურაბ ჯაფარიძემ.

„ევროპული საქართველოს” ერთ-ერთი ლიდერის სერგი კაპანაძის განცხადებით, გიორგი გახარია როდესაც ვიწროპარტიულობაზე საუბრობს, „იქვე შეუძლია ბატონ ივანიშვილს შეხედოს და რა არის ვიწროპარტიულობა ზუსტად დაინახავს“. კაპანაძემ გახარიას ასევე ურჩია, რომ ვიწროპარტიულობაზე საუბრისას საკუთარ მთავრობის კაბინეტს გადახედოს, „რომელიც არა გამოცდილებისა და პროფესიონალიზმის ნიშნითაა შერჩეული, არამედ ერთ კაცთან სიახლოვის მიხედვით“. „ამბიციურობას და ვიწოპარტიულობას რაც შეეხება, შეხედონ ბატონ ივანიშვილს, განსახიერებაა არათუ უბრალოდ ვიწროპარტიულობის, ერთი ადამიანის და ერთი კაცის ინტერესების და ადამიანი, რომელიც ყველაფერს აკეთებს იმისთვის, რომ მხოლოდ თავისი ინტერესები და თავისი ძალაუფლბა შეინარჩუნოს, მათ შორის წავიდა არჩევნების გაყალბებაზეც კი. ამრიგად, როდესაც ვიწროპარტიულობაზე საუბრობს, იქვე შეუძლია შეხედოს ბატონ ივანიშვილს და…

“თუ არ გვეხმარებით ქვეყნისათვის ძალზე მწვავე დროს, ხელს მაინც ნუ შეგვიშლით! – არავინ კრიტიკის წინააღმდეგი არ არის და არავის, არავის კრიტიკის არ ეშინია!” – ამ სიტყვებით ოპოზიციურ პარტიებს პარლამენტის ტრიბუნიდან პრემიერ-მინისტრობის კანდიდატმა გიორგი გახარიამ მიმართა. როგორც გახარიამ მათი მისამართით განაცხადა, დესტრუქციული ქმედებები მიმართულია არა კონკრეტული პოლიტიკური ძალის, არამედ სახელმწიფოს წინააღმდეგ. მისივე შეფასებით, აშკარად ჩანს ნაბიჯები, რომელიც ემსახურება არა მხოლოდ სახელმწიფო ინსტიტუტების, არამედ სახელმწიფოს დელეგიტიმაციას, რაც რისკის წინაშე ქვეყნის მომავალს აყენებს. „სამწუხაროა, რომ პარლამენტში ოპოზიცია არ არის წამოდგენილი. ჯანსაღ დისკუსიაში და დავაში ყოველთვის უფრო ადვილად იბადება სიმართლე და სწორი გზა. იმის მიუხედავად, რომ ზოგს…

„ნატო-ს ძალებთან თავსებადი, მობილური, ეფექტიანი შეიარაღებული ძალები – ეს არის ჩვენი მიზანი, რომელზეც ეფექტურად მუშაობს თავდაცვის სამინისტრო,“ – ამის შესახებ პრემიერ-მინისტრობის კანდიდატმა გიორგი გახარიამ პარლამენტის პლენარულ სხდომაზე სიტყვით გამოსვლისას განაცხადა, რომელზეც დღეს კენჭს უყრიან. როგორც გიორგი გახარიამ აღნიშნა, ბოლო 2 წელი იყო ყველაზე დატვირთული და ინტენსიური წვრთნების წლები და მისივე თქმით, საქართველოს ჯარი გააგრძელებს სამშვიდობო მისიებში მონაწილეობას. „ყველას კარგად უნდა გვესმოდეს, რომ ნატო-ს ძალებთან თავსებადი, მობილური, ეფექტიანი შეიარაღებული ძალები – ეს არის ჩვენი მიზანი, რომელზეც ეფექტურად მუშაობს თავდაცვის სამინისტრო. მოგეხსენებათ, ბოლო 2 წლის განმავლობაში იყო ყველაზე დატვირთული და ინტენსიური წვრთნების…