დღე: დეკემბერი 15, 2020

“ნაციონალური მოძრაობიდან” გრიგოლ ვაშაძის წასვლა პარტიისთვის დამაზიანებელი იქნება. ასე ეხმაურება პარლამენტის ფრაქცია ”ქართული ოცნების” თავმჯდომარე მიმდინარე პროცესებს. მამუკა მდინარაძე ამბობს, რომ ეს გადაწყვეტილება “ნაციონალური მოძრაობის” დაშლის ერთ-ერთ წინაპირობაა.  “ბუნებრივია, “ნაციონალური მოძრაობისთვის” ეს იქნება დამაზიანებელი, როდესაც თავმჯდომარე, კონკრეტული გაცხადებული თუ დამალული მიზეზების გამო მიდის კონკრეტული პარტიიდან, ეს ნიშნავს მათი დაშლის ერთ-ერთ წინაპირობას. ანტიდასავლური პროპაგანდა, რომელსაც დაადგა ეს პარტია, როგორც ჩანს მისი ლიდერისთვის შემაწუხებელი აღმოჩნდა და მეორეა, რაზეც მან ვერ ილაპარაკა. როდესაც აღმოჩნდება პარალელურ რეჟიმში, რომ გაყალბდა პარალელური დათვლის მონაცემები. ეს არის უდიდესი სკანდალი, რაც ერთ-ერთი ფაქტორი იქნებოდა იმ ბევრ ფაქტორს შორის, რომელმაც შეიძლება გადაწყვეტილება…

საპარლამენტო უმრავლესობის ლიდერის ირაკლი კობახიძის ინფორმაციით, მინისტრთა კაბინეტი იმავე შემადგენლობით დარჩება და რაიმე ცვლილება, მათ შორის ჯანდაცვის მინისტრის პოსტზე არ განიხილება. როგორც მან ჟურნალისტებს განუცხადა, თუ ვინ ჩაიბარებს იუსტიციის მინისტრის ვაკანტურ თანამდებობას, ჯერჯერობით, ამაზე განხილვა არ ყოფილა. “ჩვენ, პირველ რიგში, ველოდებით პრემიერის პოზიციას. პრემიერთან გვექნება შეხვედრა უახლოესი რამდენიმე დღის განმავლობაში. მოვისმენთ მის შეხედულებას მთავრობის ფორმირებასთან დაკავშირებით. ამის საფუძველზე შედგება უკვე განხილვა საპარლამენტო უმრავლესობის ფორმატში და ერთად მივიღებთ გადაწყვეტილებას მინისტრთა კაბინეტის ფორმირებასთან დაკავშირებით. რაც შეეხება კანდიდატურებს, ჯერჯერობით, არ გვიმსჯელია ამასთან დაკავშირებით და ველოდებით პრემიერს. არსებითად იგივე რჩება მთავრობის შემადგენლობა, რომელიც მუშაობდა აქამდე. რაც შეეხება…

საპარლამენტო უმრავლესობის წარმომადგენლები პარტია “ქართული ოცნების” ოფისში არიან შეკრებილი. უმრავლესობის წევრების შეხვედრა, სავარაუდოდ, მთავრობის ფორმირების საკითხს ეხება. “ქართულ ოცნებაში” კი ამბობენ, რომ დეპუტატები საპარლამენტო საქმიანობასთან დაკავშირებული თემების განსახილველად შეიკრიბნენ.

“გრიგოლ ვაშაძის მიერ დასახელებული მიზეზები, თუ რატომ დატოვა პარტია, „ნაციონალური მოძრაობისთვის“ უმძიმესი დიაგნოზია,” – ამის შესახებ საქართველოს პირველ არხს საქართველოს პარლამენტის თავჯდომარე, არჩილ თალაკვაძემ განუცხადა. „გრიგოლ ვაშაძის მიერ დასახელებული მიზეზები, თუ რატომ დატოვა პარტია, „ნაციონალური მოძრაობისთვის“ უმძიმესი დიაგნოზია: ანტიდასავლური კამპანია და თავდასხმა პარტნიორებზე; ოდიოზური ფიგურების დაბრუნება; პარტიული სტრატეგიის არარსებობა“, – განაცხადა არჩილ თალაკვაძემ. ცნობისთვის, გრიგოლ ვაშაძემ პარტიის დატოვების შესახებ ინფორმაცია დღეს დილით სოციალური ქსელით გაავრცელა.

აჭარის უმაღლეს საბჭოსთან სამართალდამცავებსა და აქციის მონაწილეებს შორის დაპირისპირება მოხდა. ინცინდენტის დროს აქციის ორი მონაწილე: ხათუნა ბერიძე და ნუგზარ ხოზრევანიძე დააკავეს. როგორც აქციის მონაწილეები აცხადებენ, მათი თანამოაზრეები აჭარის უმაღლესი საბჭოს შენობაზე სტიკერების -“გაყალბებული არჩევნები” გაკვრას ცდილობდნენ, რის საშუალებაც სამართალდამცავებმა არ მისცეს. დაკავებულები სამართალდამცავებმა განყოფილებაში გადაიყვანეს, რაც შეეხება აქციის მონაწილეებს ისინი აჭარის უმაღლესი საბჭოს შენობასთან რჩებიან და საყვირებით პროტესტს აგრძელებენ. ისინი “ქართული ოცნების” დეპუტატებს “მონებს” უწოდებენ. “უკანონოდ დააკვეს 2 პირი. სტიკერების გაკვრა დანაშაული არ არის “,- აცხადებენ აქციის მონაწილეები.

“ვფიქრობ, გრიგოლ ვაშაძე დიდი დანაკლისია „ნაციონალური მოძრაობისთვის“, თუმცა მესმის მისი გადაწყვეტილების და წარმატებებს ვუსურვებ მას,” – ასე გამოეხმაურა „ნაციონალური მოძრაობის” წევრი სალომე სამადაშვილი პარტიიდან გრიგოლ ვაშაძის წასვლას. როგორც ის აცხადებს, პარტიისთვის კარგი იქნება, თუ გრიგოლ ვაშაძის წასვლა სამომავლო სატრატეგიის მიმართულებით აზრიან მსჯელობას შეუწყობს ხელს. „ცხადია, ნებისმიერ პარტიას და „ნაციონალური მოძრაობა“ არ არის გამონაკლისი, არჩევნების შემდეგ უწევს მსჯელობა სამომავლო სტრატეგიაზე. თუ ბატონი გრიგოლის გადაწყვეტილება ხელს შეუწყობს ამ მიმართულებით უფრო აზრიანი მსჯელობის განვითარებას, კარგი იქნება პარტიისთვისაც და მათთვისაც, ვისაც ეს პარტია ეიმედება”,- წერს სამადაშვილი „ფეისბუქში“.

“ერთიანი ნაციონალური მოძრაობის” წევრი, ზვიად კუპრავა გრიგოლ ვაშაძის პარტიიდან წასვლის საკითხს გამოეხმაურა. ზვიად კუპრავამ გრიგოლ ვაშაძეს სუსტი და მატყუარა უწოდა.  “როცა თავმჯდომარე ხარ და შიდა ამბებზე წუწუნებ – ე.ი. სუსტი ხარ. როცა 2 კვირის წასული ხარ და წასვლის მიზეზად 2 დღის ამბავი მოგაქვს – მატყუარა. შეცდომა იყავი, თავიდან ბოლომდე,”- წერს ზვიად კუპრავა.  გრიგოლ ვაშაძემ პარტიიდან წასვლის გადაწყვეტილების შესახებ, სოციალურ ქსელში დაწერა. 

„გრიგოლ ვაშაძემ დღევანდელი განცხადებით დაადასტურა ის, რასაც ჩვენ დიდი ხანია “ნაციონალურ მოძრაობაზე” ვსაუბრობთ. მათ, არათუ სტრატეგია არ გააჩნიათ, რეალურად ერთ-ერთ ყველაზე დიდ ანტიდასავლურ ძალად ყალიბდებიან, – ასე აფასებს “ქართული ოცნების” წევრი კახა კუჭავა “ნაციონალური მოძრაობიდან” გრიგოლ ვაშაძის წასვლის საკითხს. როგორც კახა კუჭავამ ჟურნალისტებს განუცხადა, გრიგოლ ვაშაძის კომენტარი, რომ ის ვერ ეგუება საქართველოს სტრატეგიული პარტნიორების მიმართ გამოთქმულ შეტევებს და ლანძღვა-გინებას, მისაღები უნდა იყოს ყველა იმ ქართველისთვის ვინც თვლის, რომ ამ ქვეყანას არ აქვს სხვა გზა, თუ არა დასავლეთისკენ სწრაფვა. “მან ეს ვერ დაინახა იმ პარტიაში, რომელსაც თავი ყოველთვის მოჰქონდა პროდასავლურ და პროევროპულ ძალად. ამ ბოლო პერიოდში რეალურად ძალიან კარგად მოხდა…

თამარ ჟვანიას საჯაროდ ვურჩევდი, ხანდაზმულობის ვადებში, რასაც აწესებს კანონი, ყველა იმ ადამიანს უჩივლოს, ვინც ის კრიმინალად და ციხეში ჩასასმელად გამოაცხადა, – ამის შესახებ პარლამენტის განათლების, მეცნიერებისა და კულტურის კომიტეტის თავმჯდომარემ, თეა წულუკიანმა განაცხადა. მისი თქმით, თამარ ჟვანიას არანაირი დანაშაული არ ჩაუდენია. „თუ ოპოზიციის წარმომადგენლები პარლამენტში იქნებიან, ისინი ჩვენს იდეას დროებითი საგამოძიებო კომისიის შექმნის შესახებ დიდი სიამოვნებით აიტაცებენ, კომისიას დააკომპლექტებენ და გამოიძიებენ კიდეც, ელენე ნიჟარაძემ რატომ არ იცის, არითმეტიკა და რატომ ჰყავს ცუდი ე.წ. აიტიშნიკი. ეს არის შეცდომა, თუ განზრახ ჩადენილი მავნებლობა. ბოდიში მოსახდელია და ეს არის პროგრამა მინიმუმი „სამართლიანი არჩევნებისთვის“.…

“იუსტიციის მინისტრის პოსტს ახალი სახე დაიკავებს” – ამის შესახებ ჟურნალისტებს თეა წულუკიანმა პარლამენტი ცოტა ხნის წინ განუცხადა. თეა წულუკიანი თავს იკავებს კონკრეტული სახელისა და გვარის დასახელებისგან, თუ კონკრეტულად ვინ იქნება მისი შემცვლელი იუსტიციის მინისტრის პოსტზე. 31 ოქტომბერს ჩატარებული არჩევნების შემდეგ, თეა წულუკიანი ახალი მოწვევის პარლამენტში განათლების, მეცნიერებისა და კულტურის კომიტეტის თავმჯდომარის პოსტს იკავებს.

გრიგოლ ვაშაძემ პარტიიდან წასვლის გადაწყვეტილების შესახებ, სოციალურ ქსელში დაწერა. სხვა საკითხებთან ერთად, მან ის ოდიოზური ფიგურები ახსენა, რომლებიც მისივე თქმით, კარგა ხანია წარსულს ჩაბარდნენ.  “ვერ შევეგუები იმას, რომ პარტიის გარშემო და მის შიგნითაც გამოჩნდენ ისეთი ოდიოზური ფიგურები, რომლებიც ჩვენ კარგა ხანია თითქოს და ჩავაბარეთ წარსულს, და რომლებთან ერთად ვერასდროს, ვიმეორებ, ვერასდროს ვერ მოვიპოვებთ ამომრჩევლის ნდობას,”- წერს გრიგოლ ვაშაძე.