დღე: ოქტომბერი 21, 2020

„საქართველოს ბანკზე“ თავდასხმისას აყვანილი მძევლების დიდი ნაწილი თავისუფალია. ერთ-ერთი მძევალი, რომელიც ტერორისტმა აიყვანა და მისი მოთხოვნები მედიასთან გააჟღერებინა, პოლიციის განყოფილებაში დაკითხვაზე იმყოფება. როგორც ირაკლი კვარაცხელია სოციალურ ქსელში წერს, ყველაფერი კარგად დასრულდა. „სამი კაცის გარდა ყველანი გამოგვიშვეს. პოლიციის წარმომადგენელმა ფული მოიტანა და მძარცველთან ერთად დატოვებენ შენობას რამდენიმე წუთში. უღრმესი მადლობა ყველას მხარდაჭერისთვის. ახლა დაკითხვაზე გადამიყვანენ ალბათ“, – წერს კვარაცხელია. რაც შეეხება  სამ მძევალს, თავმდასხმელმა ისინი თან წაიყვანა. ამ ეტაპისთვის უცნობია მისი გადაადგილების შესახებ ინფორმაცია. ცნობილია ის, რომ მას ინკასაციის მანქანით მოთხოვნილი 500 000 დოლარი მიუტანეს.  

საქართველოს პრეზიდენტი სალომე ზურაბიშვილი ზუგდიდში „საქართველოს ბანკში“ მძევლების აყვანის ფაქტს ეხმიანება. როგორც განცხადებაში წერია, ნებისმიერი დამატებითი დაძაბულობის ხელოვნურად შექმნა დაუშვებელია. „მივმართავ პოლიტიკურ პარტიებს, იმ დროს, როცა ადამიანების სიცოცხლე სასწორზე დევს და სამართალდამცავები, ამ ურთულესი მდგომარეობის მსხვერპლის გარეშე განმუხტვას ცდილობენ, ნებისმიერი დამატებითი დაძაბულობის ხელოვნურად შექმნა დაუშვებელია, ართულებს სამართალდამცავების ამოცანას და საფრთხეს უქმნის მძევლების მშვიდობიან გათავისუფლებას. ასევე, მოვუწოდებ მედიასაშუალებებს, გაითვალისწინონ სამართალდამცავი ორგანოების თხოვნა და ინფორმაცია საზოგადოებას მიაწოდონ ისე, რომ არ შეაფერხონ ოპერატიული მოქმედებები“- აცხადებს სალომე ზურაბიშვილი.

ზუგდიდში, „საქართველოს ბანკიდან“ კიდევ ერთი მძევალი გაათავისუფლეს. ამის შესახებ ინფორმაციას შსს-ში ადასტურებენ. ცოტა ხნის წინ, ორი მძევალი გათავისუფლდა. შსს-ში არ აკონკრეტებენ, სულ რამდენი მძევალია გათავისუფლებული და რამდენი რჩება ბანკის შენობაში. თუმცა, არსებული ინფორმაციით, შეიარაღებულ პირს ახლა 16 მძევალი ჰყავს. სამართალდამცველების დახმარებით, ბანკის ფილიალი რამდენიმე საათის წინ კიდევ დაახლოებით ხუთმა ადამიანმა დატოვა.

„ქრონიკის“ ინფორმაციით, ცოტა ხნის წინ ქვემო ქართლში, კერძოდ დმანისში, „ქართული ოცნების“ საარჩევნო შტაბში შეიარაღებული პირები შეიჭრნენ. იყო გასროლაც. არსებული ინფორმაციით, არიან დაჭრილებიც. სავარაუდოდ, თავდამსხმელები ნასვამები იყვნენ. ჯერჯერობით სხვა დეტალები უცნობია.

„მოლაპარაკებების შედეგად ორი მძევალი გათავისუფლებულია, ინტენსიურად მიმდინარეობს კვლავ მოლაპარაკებები” – ამის შესახებ შინაგან საქმეთა მინისტრის მოადგილემ, ვლადიმერ ბორცვაძემ ზუგდიდში განაცხადა, სადაც სპეციალური ღონისძიება მიმდინარეობს. „მოლაპარაკებების შედეგად ორი მძევალი გათავისუფლებულია, ინტენსიურად მიმდინარეობს კვლავ მოლაპარაკებები. შსს და ყველა სამართალდამცავი უწყება აკეთებს ყველაფერს, რომ მძევლები უსაფრთხოდ დავაბრუნოთ თავიანთ ოჯახებში. მოლაპარაკებების დეტალებზე ახლა მიზანმიმართულად არ ვისაუბრებ“, – განაცხადა ბორცვაძემ. ასევე, შს მინისტრის წარმომადგენელმა მედიის წარმომადგენლებს მოუწოდა, შემთხვევის ადგილის პირდაპირ ეთერში გაშუქება არ განხორციელდეს. „მედიის წარმომადგენლებთან კი ერთი თხოვნა მაქვს, შემთხვევის ადგილის მიმდებარე ტერიტორიის პირდაპირ ეთერში გაშუქება არ მოხდეს, რადგან ეს ყველაფერი მოლაპარაკებების პროცესს ხელს…

ზუგდიდში თავდამსხმელმა, რომელიც უკვე რამდენიმე საათია, “საქართველოს ბანკის” შენობაში მძევლები ჰყავს აყვანილი, კიდევ 2 მძევალი გაათავისუფლა – ინფორმაციას შსს ადასტურებს.  შეიარაღებულ პირს ბოლოს 19 მძევალი ჰყავდა. ზუგდიდში, ზვიად გამსახურდიას გამზირზე მდებარე ბანკთან ამ დრომდე მობილიზებული არიან სამართალდამცველები და მიმდინარეობს საგამოძიებო, ოპერატიული ღონისძიებები. ზუგდიდში, „საქართველოს ბანკში“ შეიარაღებული პირის შეჭრის შესახებ ოფიციალური ინფორმაცია გაავრცელა  საქართველოს შინაგან საქმეთა სამინისტრომ.

ზუგდიდში, „საქართველოს ბანკის“ მიმდებარე ტერიტორიაზე, სადაც თავდამსხმელს მძევლები ჰყავს აყვანილი, ინციდენტი მოხდა, ადგილი ჰქონდა შეხლა-შემოხლას. „ქართული მარშის“ მაჟორიტარი დეპუტატობის კანდიდატს, გიორგი გაბედავას ფიზიკური შეურაცხყოფა მიაყენეს, როდესაც ის მედიასთან აღნიშნავდა, რომ თავდამსხმელს მძევლად მისი ბიძაშვილი ჰყავს აყვანილი. მედიასთან კომენტირებისას გაბედავამ „ევროპული საქართველოს“ ერთ-ერთი ლიდერი გიგი უგულავაც გააკრიტიკა და განაცხადა, რომ პიარის უფლებას არავის მისცემს. „მთელი დღეა აქ ვდგავარ, ჩემი ბიძაშვილია ბანკში მძევალი. არანაირი პიარის უფლებას მე აქ არავის მივცემ. ეს არ არის საპიარო. თქვენთვის ჯობია, ეს პროვოკატორი გაიყვანოთ“, – განაცხადა გიორგი გაბედავამ.

ზუგდიდში, “საქართველოს ბანკის” ერთ-ერთ ფილიალში, სადაც უკვე რამდენიმე საათია სპეცოპერაცია მიმდინარეობს, სავარაუდოდ კიდევ ერთმა მძევალმა, შუახნის ქალმა შეძლო შენობის დატოვება. ქალი სამართალდამცველებმა ტერიტორიიდან გაიყვანეს. ზუგდიდში იმყოფება შს მინისტრი ვახტანგ გომელაური.

საქართველოს შინაგან საქმეთა მინისტრი ვახტანგ გომელაური ზუგდიდის მერიაში იმყოფება. მინისტრი ხვდება ადგილობრივი ხელისუფლების წარმომადგენლებს, ზუგდიდის მერს, სამეგრელო-ზემო სვანეთის რეგიონში სახელმწიფო რწმუნებულის მოვალეობის შემსრულებელ მალხაზ თორიას, შეხვედრას ესწრება ყველა ძალოვანი უწყების წარმომადგენელი. მერიის შენობის წინ სამხედრო ტექნიკაა მობილიზებული. ასევე, სამართალდამცველები იმყოფებიან „საქართველოს ბანკის“ შენობის პერიმეტრზე და საპოლიციო ღონისძიება ტარდება. ზუგდიდში, „საქართველოს ბანკში“ შეიარაღებული პირი შეიჭრა და მძევლები აიყვანა.

ტერორისტმა, რომელიც შეჭრილია „საქართველოს ბანკში“,  კიდევ ერთ მძევალს მისცა საშუალება პირდაპირ ეთერში დაერეკა და მისი მოთხოვნები გაეჟღერებინა.    „ბევრი დრო არ გვრჩება, მთავრობამ ცოტა ხალხისკენ გამოიხედოს და შეასრულონ თავისი მოვალეობა. გთხოვთ, ძალიან ამას, ყველა ამას ითხოვს. თავის დროს ელოდება, კაცს ელოდება მოიტანონ თავისი თანხა და შეასრულონ ის ყველაფერი, როგორც ამბობს. გთხოვთ ძალიან. ყველა აქ შოკში ვართ, მოთხოვნა არის ფული! რამე ღონისძიებას არ მიმართონ. როგორც ამბობ ეს პიროვნება ისე ჩაატარონ ყველაფერი, თორემ ყველა საფრთხის წინაშე ვდგავართ. ყუმბარა უჭირავს ხელში ხელს გაუშვებს და დავიხოცებით ყველა მიმართეთ იმ ზომებს, რაც საჭიროა“ – განაცხადა…

ზუგდიდში ბანკის ფილიალში შეიარაღებული პირის შეჭრის ფაქტთან დაკავშირებით „საქართველოს ბანკი“ განცხადებას ავრცელებს. როგორც განცხადებაშია აღნიშნული, ბანკი სრულ კოორდინაციაში საქართველოს შინაგან საქმეთა სამინისტროსთან. „ჩვენ სრულ კოორდინაციაში ვართ შინაგან საქმეთა სამინისტროსთან. ვმოქმედებთ მათი მითითებების შესაბამისად. ჩვენი შესაძლებლობების ფარგლებში გავაკეთებთ ყველაფერს, რომ პროცესი მშვიდობიანად დასრულდეს“, – აღნიშნულია ბანკის განცხადებაში.

“ზუგდიდში მიმდინარეობს სპეციალური ღონისძიება, დარწმუნებული ვარ, რომ ის ეფექტურად და მშვიდობიანად ჩატარდება”, – ამის შესახებ საქართველოს პრემიერ-მინისტრმა, გიორგი გახარიამ ზუგდიდში მიმდინარე სპეციალურ ღონისძიებაზე საუბრისას განაცხადა. მისივე თქმით, როცა მიმდინარეობს ცოცხალი, სპეციალური ღონისძიება, ამაზე პირდაპირ ეთერში საუბარი და არც ამ ღონისძიების პირდაპირ ეთერში ჩვენება სწორი არ არის. „ზოგადად, როცა მიმდინარეობს ცოცხალი, სპეციალური ღონისძიება, ამაზე პირდაპირ ეთერში საუბარი და არც ამ ღონისძიების პირდაპირ ეთერში ჩვენება სწორი არ არის, თუმცა თუ კითხვას მისვამთ, გიპასუხებთ, რომ ამ წუთში რა ინფორმაციაც მაქვს, ეს არის ერთი ადამიანი, ერთი დამნაშავე, რომელიც სავარაუდოდ, შეიჭრა ერთ-ერთი ბანკის ფილიალში, დარწმუნებული ვარ,…

ზუგდიდის ცენტრში, გამსახურდიას ქუჩაზე მდებარე „საქართველოს ბანკში“ შეიარაღებულმა პირმა მძევლები აიყვანა. არსებული ინფორმაციით, ბოროტმოქმედი შეიარაღებულია ავტომატით, ხელყუმბარით და მძევლებად ჰყავს აყვანილი როგორც ბანკის თანამშრომლები, ისე მომხმარებლები. ამ დროისთვის უცნობია, თუ რას ითხოვს ის. ადგილზე მობილიზებულია ზუგდიდის პოლიცია, სპეცრაზმი.