დღე: ოქტომბერი 16, 2020

აჭარის მთავრობის ყოფილი თავმჯდომარის,  ენმ-სა და “გაერთიანებულმა ოპოზიცია – ძალა ერთობაშიას” ბათუმის მაჟორიტარობის კანდიდატის ლევან ვარშალომიძის მამა გურამ ვარშალომიძე კორონავირუსით გარდაიცვალა. 81 წლის გურამ ვარშალომიძე კლინიკა “მედცენტრში” მძიმე ინსულტით რამდენიმე დღის წინ მოათავსეს.სტაციონარში ყოფნისას ის კორონავირუსით დაინფიცირდა. ექიმებმა მისი გადარჩენა ვერ შეძლეს. პაციენტი, დაახლოებით, 2 საათის წინ გარდაიცვალა. პროფესორი გურამ ვარშალომიძე 1991-1993 წლებში  აჭარის ავტონომიური რესპუბლიკის მინისტრთა საბჭოს თავმჯდომარის პოსტს იკავებდა.  2006 წლიდან ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში. გურამ ვარშალომიძის დაინფიცირების შესახებ ინფორმაცია ლევან ვარშალომიძემ  რამდენიმე დღის წინ გაავრცელა.

თბილისში, ზუგდიდში, რუსთავსა და ქუთაისში კორონავირუსის დადასტურების გამო, დისტანციურ სწავლებაზე 20 სკოლა გადავიდა. ამის შესახებ ინფორმაციას საქართველოს განათლების, მეცნიერების, კულტურისა და სპორტის სამინისტრო ავრცელებს. საქართველოს განათლების, მეცნიერების, კულტურისა და სპორტის მინისტრის მოადგილის ეკა დგებუაძის განცხადებით, 1- 6 კლასების 130 000 მოსწავლიდან დისტანციური სწავლების სურვილი 10 000-მდე მოსწავლემ გამოთქვა. „განათლების, მეცნიერების, კულტურისა და სპორტის სამინისტრო კორონავირუსის პირობებში ახორციელებს სკოლების მართვას, ჯანდაცვის სამინისტროს ყველა რეკომენდაციის ზედმიწევნით დაცვით. ჩვენ არაერთხელ გვისაუბრია თუ როგორ ემზადებოდა განათლების სისტემა იმისთვის, რომ დავბრუნებულიყავით საკლასო ოთახებში და ამისთვის უზარმაზარი სამუშაო გასწია განათლების სამინისტრომ სხვა უწყებასთან ერთად. იმ სკოლებში, სადაც…

საქართველოს მორაგბეთა ჩემპიონატის “დიდი 10-ის” ორი მორაგბე ინფიცირებულია, ორივე მოთამაშე სხვადასხვა გუნდში თამაშობს, შესაბამისად ორივე კლუბი სრული შემადგენლობით თვითიზოლაციაშია. რაგბის კავშირის სამედიცინო სამსახურის ხელმძღვანელის ინფორმაციით, კარანტინი 12 დღე გაგრძელდება, პარალელურად მიმდინარეობს სხვა იმ მოთამაშეების შემოწმებაც, რომლებსაც შესაძლოა ჰქონოდათ კონტაქტი ინფიცირებულებთან. “არსებობს უსიმპტომო ფორმები და სავარაუოდ ასეთი ფორმით შემოგვეპარა ჩვენც ეს ვირუსი და ორ გუნდში დაფიქსირდა. შესაბამისად, მთელი გუნდი 12 დღით უნდა გავიდეს თვითიზოლაციაში,”- აცხადებს საქართველოს რაგბის კავშირის სამედიცინო სამსახურის ხელმძღვანელი ბესიკ ჩადუნელი.

„აფხაზეთში ვირუსთან დაკავშირებით რთული ვითარება შეიქმნა, არის დიდი ნაკლებობა ტესტების და შესაბამისად ტესტირებულთა რაოდენობა არის მცირე“, – ამის შესახებ „მედიაცენტრ მთავარში“ აფხაზეთის უმაღლესი საბჭოს თავმჯდომარემ, ჯემალ გამახარიამ განაცხადა. გამახარიას ინფორმაციით ტესტირებულთა უმრავლესობა ინფიცირებულია, მისივე განცხადებით, ათეულობით აფხაზი მკურნალობას ქართული მხარის მიერ კონტროლირებად ტერიტორიაზე გადის: დაინფიცირებულთა რაოდენობა იზრდება, ტესტირებულთა 30 % – ზე მეტი არის ინფიცირებული, 285 ტესტირებულიდან 100 დაინფიცირებულია, საერთო ჯამში დაავადებულთა რაოდენობამ მიაღწია 2579 – ს, გარდაცვლილია 29 ადამიანი. მათ აქვთ გუდაუთაში ერთადერთი ჰოსპიტალი,სადაც მცირე ადგილებია და ხალხი ბედის ანაბარაა მიტოვებული , უმეტესობა სახლში არიან, აქედან გამომდინარე ცხადია რამდენად…

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, კორონავირუსით გარდაცვლილი 11 პაციენტიდან ხუთი თბილისში გარდაიცვალა, სამი – ბათუმში, ორი  – იმერეთში, ერთი კი გორში. მისივე განცხადებით, დღევანდელი მდგომარეობით, ქვეყანაში „კოვიდ-19“-ის 7 714 აქტიური შემთხვევაა. „აქტიური შემთხვევა გახლავთ 7 714, მათ შორის კრიტიკულად მძიმე პაციენტების რაოდენობა 70-ზე მეტია“, – აღნიშნა ენდელაძემ.

შიდა ქართლში კორონავირუსის გამო სწავლების დისტანციურ რეჟიმზე კიდევ ერთი სკოლა გადავიდა. „კოვიდ-19“-ით ინფიცირების შემთხვევა გორის #9 საჯარო სკოლაში დაფიქსირდა. შიდა ქართლში ბოლო 24 საათში კორონავირუსის 12 ახალი შემთხვევა გამოვლინდა. რეგიონში 787 პირი თვითიზოლაციაშია გადაყვანილი. რეგიონში „კოვიდ-19″“-ის სულ 153 შემთხვევაა დადასტურებული.

საქართველში, ბოლო 24 საათში, კორონავირუსისგან კიდევ 11 პაციენტი გარდაიცვალა და მათი რაოდენობა 124 -მდე გაიზარდა. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული. რაც შეეხება ინფიცირებულებს, ქვეყანაში კორონავირუსის 887 ახალი შემთხვევა გამოვლინდა და ინფიცირების შემთხვევათა რაოდენობა 15327 -ს შეადგენს.

საქართველოში კორონავირუსის 887 ახალი შემთხვევა გამოვლინდა და ინფიცირების შემთხვევათა რაოდენობა 15327 -ს შეადგენს. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული. ამასთან, გარდაიცვალა კიდევ 11 პაციენტი და ამ დროისთვის მათი რაოდენობა ჯამში 124-ია.

ოკუპირებულ აფხაზეთში COVID-19-ით 4 ადამიანი გარდაიცვალა და ინფიცირების 100 ახალი შემთხვევა გამოვლინდა. ჯანდაცვის დე ფაქტო სამინისტროს ინფორმაციით, ტესტირება 285 ადამიანს ჩაუტარდა. ამ დროისთვის გუდაუთის საავადმყოფოში 129 კოვიდინფიცირებულია მოთავსებული, მათგან 18-ის ჯანმრთელობის მდგომარეობა მძიმეა. კოვიდინფიცირებულ პაციენტებს მკურნალობენ გაგრის, ოჩამჩირისა და სოხუმის ინფექციურ საავადმყოფოებშიც. საერთო ჯამში ოკუპირებულ რეგიონში ინფიცირების 2600-მდე ფაქტია დაფიქსირებული, გარდაცვლილია 27 ადამიანი.