დღე: ოქტომბერი 12, 2020

“მთავრობის ინიციატივითა და ჯანდაცვის სამინისტროს უშუალო მონაწილეობით, 25-30 ოქტომბრიდან საქართველო „რემდესივირს“ მიიღებს”, – ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ ჯანდაცვის სამინისტროს წარმომადგენლებთან შეხვედრის დასრულების შემდეგ განაცხადა. მისი თქმით, საქართველომ გამონახა გზები, რომ „რემდესივირი“ ქვეყანაში სწრაფად შემოსულიყო. „მთავრობის ინიციატივითა და ჯანდაცვის სამინისტროს უშუალო მონაწილეობით განხორციელდა ახალი და დღეისთვის ყველაზე იმედისმომცემი მედიკამენტის, „რემდესივირის“ სწრაფი შემოტანა. ეს მედიკამენტი ფუფუნებაა, რადგან ჯერ მხოლოდ ამერიკას აქვს საშუალება, ჰქონდეს ეს მედიკამენტი. კიდევ რამდენიმე ქვეყანა არის შეძენის პროცესში. როგორც ჯანდაცვის მინისტრმა ბრძანა, შემუშავებულია უკვე მექანიზმი, რომელიც იოლი არ იყო, რადგან ბევრი ქვეყანა დგას მედიკამენტის რიგში,…

ინფექციური საავადმყოფოს დირექტორმა თენგიზ ცერცვაძემ ჯანდაცვის სამინისტროს წარმომადგენლებთან შეხვედრის დასრულების შემდეგ, მედიასთან ქვეყანაში შექმნილ ეპიდსიტუაციასა და COVID19-ით სიკვდილობის მაჩვენებელზე განმარტება გააკეთა. „ბოლო ორი კვირაა შეინიშნება COVID19-ის შემთხვევების მატება, თუმცა არის გარკვეული სტაბილიზაცია, მაგრამ არის სიკვდილის ერთეული შემთხვევებიც. აქ მინდა განმარტება გავაკეთო, რომ არაფერი განსაკუთრებული ამაში არაა და შემთხვევების ზრდა იყო მოსალოდნელი და გარდაუვალი. მოიხსნა შეზღუდვები და იყო დასვენების საზაფხულო სეზონი“, – აღნიშნა ცერცვაძემ. მისი თქმით, რაც შეეხება სიკვდილის სტატისტიკის ზრდას, აქ არასწორი ინტერპრეტაცია კეთდება. „აქა-იქ ისმის, რომ კატასტროფიულად გაიზარდა covid19-ით სიკვდილის მაჩვენებელი, ეს არის აბსოლუტურად რეალობას აცდენილი. მაქსიმუმი რაც საქართველოში დაფიქსირდა ეს იყო სიკვდილობის 7 შემთხვევა.…

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის, ამირან გამყრელიძის ინფორმაციით, ოქტომბრის ბოლოდან და ნოემბრის დასაწყისში სხვა რესპირატორული ინფექციებიც გააქტიურდება და კორონავირუსისა და ამ ინფექციების დამთხვევაში, შესაძლოა,  გაამწვავოს ვითარება. „მოგეხსენებათ, რომ ნოემბრიდან სხვა რესპირაციული ინფექციები აქტიურდება ქვეყანაში. მათ შორის, ალბათ, ნოემბერში გამოჩნდება გრიპის ვირუსიც და კიდევ სხვა ვირუსები იწყებენ ცირკულაციას. იქნება გარკვეულწილად ზედდება. ამაზე ორი მოსაზრებაა, რომ ამ ზედდებამ შეიძლება შეამსუბუქოს გრიპის მიმდინარეობა და სამხრეთ ნახევარსფეროს გამოცდილება ამას გვიჩვენებს და მეორე მხრივ, ამ ზედდებამ შეიძლება, პირიქით, სინერგიის ეფექტით, გააძლიეროს, ამიტომ მზადყოფნა უნდა იყოს,“ – განაცხადა გამყრელიძემ საკოორდინაციო საბჭოს დასრულების შემდეგ…

“დედაქალაქის მიმართულებით გარკვეულ დაკვირვებებს ვაწარმოებთ, რათა მივიღოთ გადაწყვეტილება, თუ რა ზომებს მივიღებთ ინფექციის გავრცელების პრევენციისთვის”, – ამის შესახებ საქართველოს ჯანდაცვის მინისტრმა, ეკატერინე ტიკარაძემ უწყებათაშორისი საკოორდინაციო საბჭოს სხდომის შემდეგ განაცხადა. როგორც ჯანდაცვის მინისტრმა აღნიშნა, დიდ მნიშვნელობას იძენს ნიღბების ინტენსიური გამოყენება და ასევე სოციალური დისტანცირება, რადგან დედაქალაქში საგრძნობლად მომატებული რიცხვია, რაც მისი თქმით, საყურადღებოა. „დედაქალაქის მიმართულებით ჩვენ გარკვეულ დაკვირვებებს ვაწარმოებთ, რათა მივიღოთ გადაწყვეტილება, თუ რა ზომებს მივიღებთ ინფექციის გავრცელების პრევენციისთვის. პირველი და მნიშვნელოვანი ღონისძიება, რომელიც კვლავ რჩება, არის პირბადეების გამოყენება. ამ მიმართულებით ვთვლით, რომ გავამკაცრებთ ღონისძიებებს. რაც შეეხება ამ ეტაპისთვის ტრანსპორტის შეზღუდვას ან სხვა ნებისმიერი მობილობის…

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, საქართველოში გამოვლენილი კორონავირუსის 478 ახალი შემთხვევიდან 196 აჭარას, 178 თბილისს, 65 კი იმერეთს უკავშირდება. დანარჩენი შემთხვევები სხვა რეგიონებზე ნაწილდება. „გასული დღე-ღამის განმავლობაში ქვეყანაში დადასტურდა 478 ახალი შემთხვევა, ცოტა შემცირდა. შესაბამისად, ამჟამად, ქვეყანაში სულ დაფიქსირებულია 12 272 შემთხვევა. გამოჯანმრთელებულების რაოდენობა 50 პროცენტზე მეტია, დღე-ღამეში გამოჯანმრთელდა 211 პაციენტი. ყველაზე მეტი ახალი შემთხვევა გახლავთ აჭარაში -196 შემთხვევა, თბილისში – 178, იმერეთში – 65, სამეგრელო-ზემო სვანეთში -13, ქვემო ქართლში -15, შიდა ქართლში – ექვსი, გურიაში – ერთი, მცხეთა მთიანეთში – ოთხი“, – განაცხადა ენდელაძემ. მარინა…