დღე: სექტემბერი 21, 2020

შინაგან საქმეთა სამინისტროს 13 თანამშრომელს კორონავირუსი დაუდასტურდა. მათგან 10 შემთხვევა აჭარაში დაფიქსირდა. უწყების ცნობით, ბოლო 24 საათში შსს-ში გამოვლენილი Covid-19-ის ლაბორატორიულად დადასტურებული 13 შემთხვევიდან 2 შემთხვევა დაფიქსირებულია დაცვის პოლიციის დეპარტამენტში, 3 შემთხვევა კი – საპატრულო პოლიციის დეპარტამენტის ბათუმის სახაზო სამსახურში. კორონავირუსის 1 ფაქტი დადასტურდა ბათუმის საგანგებო სიტუაციების მართვის სამსახურშიც, 1 შემთხვევა გამოვლიდა აჭარის პოლიციის დეპარტამენტში, 1 შემთხვევა დაფიქსირდა შინაგან საქმეთა სამინისტროს საპატრულო პოლიციის დეპარტამენტის საზღვრის მართვისა და კოორდინირების მთავარი სამმართველოს დასავლეთ საქართველოს სამსახურში, 2 შემთხვევა დადასტურდა განსაკუთრებულ დავალებათა დეპარტამენტის აჭარის სამმართველოში. ასევე, კორონავირუსის 1 შემთხვევა გამოვლინდა შინაგან საქმეთა სამინისტროს თბილისის საგანგებო სიტუაციების მართვის სამსახურში, 1 შემთხვევა დაფიქსირდა თბილისში – დაცვის პოლიციის…

თბილისის ინფექციური საავადმყოფოს კლინიკური დირექტორის, მარინა ეზუგბაიას ინფორმაციით, კორონავირუსის გავრცელების თვალსაზრისით საქართველო ისევ მწვანე ზონაში რჩება. მისი განცხადებით, ქვეყანაში ცხელი წერტილია აჭარა, სადაც ტენდენცია კლებისკენ მიდის.  “საქართველო, ჯერჯერობით, მწვანე ზონაში რჩება. პაციენტების რაოდენობით, გარდაცვალების ციფრით და არსებული სიტუაციით მწვანე ზონაში ვრჩებით და ვნახოთ, დინამიკა როგორ იქნება. ცხელი წერტილები კვლავ დასავლეთი და აჭარაა, სადაც გადასროლილია ძალიან დიდი ძალები და მიდის გააქტიურებული მუშაობა. რაღაც შედეგი თითქოს სახეზეა, აჭარაში გარკვეულწილად კლებისკენ მიდის ტენდენცია. კიდევ ერთხელ მინდა მოსახლეობა გავაფრთხილო -და ვთხოვო, რომ დავიცვათ რეგულაციები: პირბადის ტარება, დისტანცირება და ხელების ჰიგიენა,”-განაცხადა მარინა ეზუგბაიამ.  შეგახსენებთ, რომ საქართველოში კორონავირუსის 193 ახალი შემთხვევა დაფიქსირდა.  სულ ამ…

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, საქართველოში კორონავირუსის 193 ახალი შემთხვევიდან 92 აჭარას, 53 იმერეთს, 31 კი თბილისს უკავშირდება. „დაგვემატა 193 შემთხვევა და გახდა 3695. 193 შემთხვევა ასე ნაწილდება: აჭარა – 92, იმერეთი -53,  თბილისი -31, სამეგრელო-ზემო სვანეთი – რვა, გურია – შვიდი, რაჭა ლეჩხუმი – ერთი, მცხეთა მთიანეთი – ერთი“, – განაცხადა ეზუგბაიამ. მისივე განმარტებით, 40-ით გაიზარდა გამოჯანმრთელებულების რაოდენობა და ინფიცირებულთა 42 პროცენტი შეადგინა. მარინა ეზუგბაიას ინფორმაციით, კოვიდ-ცენტრებსა და სასტუმრო ჰოსპიტლებში ამ ეტაპზე 2 133 პაციენტი გადის მკურნალობა-მეთვალყურეობას.

დაავადებათა კონტროლის იმერეთის სამმართველოს უფროსის გოჩა გიორგიძის ინფორმაციით, კორონავირუსით გარდაცვლილი მეოცე პაციენტი ქუთაისში, კლინიკა “ბომონდში” გადიოდა მკურნალობას. გიორგიძის თქმით, პაციენტი აფხაზეთიდან იყო გადმოყვანილი და მისი მდგომარეობა თავიდანვე მძიმედ ფასდებოდა. “გარდაცვალების შემთხვევა დაფიქსირდა კლინიკა “ბომონდში”. ეს პაციენტი იყო გადმოყვანილი აფხაზეთის რეგიონიდან. პაციენტი, როდესაც გადმოიყვანეს საქართველოში უკვე იყო ძალიან მძიმედ. საჭიროებდა მართვით სუნთქვას. როგორც გვაქვს ინფორმაცია უკვე იყო დადასტურებული კოვიდი იქ, აფხაზეთის ტერიტორიაზე. მაქსიმალური რაც შეიძლებოდა გაკეთებულიყო პაციენტის სიმძიმიდან გამომდინარე, გაკეთდა, თუმცა, სამწუხაროდ, მისი გადარჩენა ვერ შეძლეს,” – განაცხადა გოჩა გიორგიძემ.

საქართველოში კორონავირუსით კიდევ ერთი ადამიანი გარდაიცვალა. ამის შესახებ ინფორმაცია მთავრობის მიერ შექმნილ სპეციალურ ვებგვერდ stopcov.ge-ზე ცოტა ხნის წინ განახლდა.​ ვებგვერდის მონაცემებით, ამ დროისთვის საქართველოში 20 ადამიანია გარდაცვლილი. ამ დროისთვის საქართველოში კორონავირუსის 3 695 შემთხვევაა დადასტურებული, გამოჯანმრთელებულთა რაოდენობა კი 1 534-ს შეადგენს. უცხოეთიდან სამკურნალოდ გადმოყვანილია საქართველოს 41 მოქალაქე. კარანტინის რეჟიმში 4 988 მოქალაქე იმყოფება, ხოლო სტაციონარში მეთვალყურეობის ქვეშ – 836.

საქართველოში კორონავირუსის 193 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ამ დროისთვის საქართველოში კორონავირუსის 3 695 შემთხვევაა დადასტურებული. განკურნებულთა რაოდენობა კი 40-ით გაიზარდა და 1 534-ს შეადგენს.​ კორონავირუსის შედეგად ქვეყანაში კიდევ ერთი, მე-20 პაციენტი გარდაიცვალა. კარანტინის რეჟიმში იმყოფება 4988 მოქალაქე, ხოლო სტაციონარში მეთვალყურეობას გადის 836 ადამიანი. ამასთან, უცხოეთიდან სამკურნალოდ გადმოყვანილია საქართველოს 41 მოქალაქე. შეგახსენებთ, გუშინ, 20 სექტემბერს საქართველოში კორონავირუსით ინფიცირების 196 შემთხვევა დაფიქსირდა.