დღე: ივლისი 26, 2020

25 ივლისს ოკუპანტების მიერ დაკავებული მალხაზ ლეჟავა გაათავისუფლეს. ამის შესახებ ინფორმაციას სახელმწიფო უსაფრთხოების სამსახურში ადასტურებენ. მათი ინფორმაციით, ლეჟავა ე.წ. საზღვრის კვეთის ბრალდებით მეჯვრისხევში დააკავეს. „25 ივლისს მოხდა მოქალაქე მალხაზ ლეჟავას უკანონო დაკავება. ფაქტთან დაკავშირებით ინფორმაცია მიეწოდა ევროკავშირის სადამკვირვებლო მისიას, ამოქმედდა ცხელი ხაზი. შედეგად, გუშინვე მოხდა ლეჟავას გათავისუფლება. იგი ცენტრალური ხელისუფლების მიერ კონტროლირებად ტერიტორიაზე, კარანტინში იმყოფება“, – აცხადებს სახელმწიფო უსაფრთხოების სამსახური.

„როგორც ელია თეზბიტელი იქნება ბოლო ჟამს მქადაგებელი ჭეშმარიტი სარწმუნოებისა და დამცველი ჭეშმარიტი სარწმუნოებისა, ასევე ის ქვეყანა, რომელსაც მიენიჭა მისი სიწმინდე მოწოდებულია, რომ იყოს ჭეშმარიტი დამცველი მართლმადიდებლობისა,“ – ამის შესახებ ჭიათურისა და საჩხერის მიტროპოლიტმა, მეუფე დანიელმა სამების საკათედრო ტაძარში ქადაგებისას განაცხადა. მეუფემ  წინასწარმეტყველ ელია თეზბიტელის შესახებ ისაუბრა, რომელსაც, მისი თქმით, უფალი ბოლო ჟამს დედამიწაზე მოავლენს. „როგორც ელია თეზბიტელი იქნება ბოლო ჟამს მქადაგებელი ჭეშმარიტი სარწმუნოებისა და დამცველი ჭეშმარიტი სარწმუნოებისა, ასევე ის ქვეყანა, რომელსაც მიენიჭა მისი სიწმინდე მოწოდებულია, რომ იყოს ჭეშმარიტი დამცველი მართლმადიდებლობისა და სწორედ ამისთვის ამზადებს უფალი ამ ქვეყანას. ამიტომ დაუდგინა მფარველად ღვითისმშობელი…

სახელმწიფო უსაფრთხოების სამსახურიდან ზაზა გახელაძის ოჯახმა ინფორმაცია მიიღო. ოჯახს შეატყობინეს, რომ გახელაძე ცხინვალის საავადმყოფოდან დროებითი დაკავების იზოლატორში გადაიყვანეს და მისი ჯანმრთელობის მდგომარეობა გაუმჯობესებულია. „ვიცით, რომ ზაზა გადაიყვანეს დროებითი დაკავების იზოლატორში. დაგვირეკეს და გვითხრეს, რომ გადაიყვანეს და ჯანმრთელობის მდგომარეობა გაუმჯობესებულია. ჰყავს სახაზინო ადვოკატი. ის აღარ შეგვხმიანებია. ვიცით, რომ ორთვიანი შეუფარდეს. წითელი ჯვარი იყო, დავუწერე წერილი და იმედია, შეუტანენ. წითელი ჯვარი ვერ შედიოდა საკარანტინო პირობების გამო. იმედია, ახლა შევლენ. ჯერ წითელ ჯვარს დასტური ოსური მხრიდან არ მიუღია. ველოდებით 30 ივლისს ერგნეთის შეხვედრას, რა გადაწყდება მოლაპარაკებებით ახლა ეს მნიშვნელოვანია ჩვენთვის“,- განაცხადა დაკავებული ზაზა…

ქობულეთში, გვიან ღამით 35 წლის მამაკაცი დაჭრეს. ჭრილობა ფეხის არეში მამაკაცს ცეცხლსასროლი იარაღით მიაყენეს. მდგომარეობა ამ დროისთვის სტაბილურია და დაჭრილი კლინიკიდან უკვე გაწერეს. კონფლიქტის მიზეზებზე ოჯახის წევრები არ საუბრობენ. დაჭრილი ქობულეთის სამაშველო სამსახურის უფროსის, მამუკა ხაბაზის ძმაა. შსს-ს ინფორმაციით, მომხდარზე გამოძიება სსკ-ის 117-ე და 236-ე მუხლით მიმდინარეობს, რაც ჯანმრთელობის განზრახ მძიმე დაზიანებას და იარაღის უკანონო შეძენა-შენახვას გულისხმობს.

პოპულარული ტელეწამყვანი გიორგი სანაია 2001 წლის 26 ივლისს თბილისში, საკუთარ ბინაში გარდაცვლილი იპოვეს. დღეს ტელეკომპანია „რუსთავი 2“-ის ჟურნალისტ გიორგი სანაიას მკვლელობიდან 19 წელი შესრულდა. ოჯახის წევრები და ახლობლები დღესაც ტრადიციულად მის საფლავზე შეიკრიბებიან. გიორგი სანაიას მიჰყავდა იმ დროისათვის ყველაზე პოპულარული თოქ-შოუ „ღამის კურიერი“. 2001 წლის 26 ივლისს, ტელევიზიით მოულოდნელად გავრცელდა ცნობა გიორგის გარდაცვალების შესახებ. ის საკუთარ ბინაში, მოკლული იპოვეს. გარდაცვალების რეალური მიზეზი დღემდე უცნობია, თუმცა, ბევრის მოსაზრებით ამ მკვლელობის მიზეზი ქვეყნის იმდროინდელი პოლიტიკური ინტრიგები უნდა ყოფილიყო. მას დარჩა ცოლი და ერთი შვილი. გიორგი სანაია დღემდე ითვლება ერთ-ერთ ყველაზე პოპულარულ ქართველ ტელეწამყვანად…