დღე: ივლისი 11, 2020

ევროკავშირი დადებითად აფასებს საქართველოს იუსტიციის სამინისტროს მიერ განხორციელებულ რეფორმებს ევროკავშირთან უვიზო მიმოსვლის შენარჩუნების მიზნით. ამის შესახებ ევროკომისიის რიგით მესამე ანგარიშშია ნათქვამი, რომელიც გუშინ გამოქვეყნდა. დოკუმენტში შეფასებულია ევროკავშირთან უვიზო მიმოსვლის შენარჩუნების მიზნით დასავლეთ ბალკანეთისა და აღმოსავლეთ პარტნიორობის წევრი ქვეყნების, მათ შორის, საქართველოს მიერ განხორციელებული რეფორმები. ანგარიშში ხაზგასმულია, რომ საქართველო აგრძელებს ევროკავშირთან უვიზო მიმოსვლის შესანარჩუნებლად აღებული ვალდებულებების შესრულებას. დოკუმენტში დადებითადაა შეფასებული ევროკავშირთან უვიზო რეჟიმის შესაძლო დარღვევის პრევენციის მიზნით საქართველოს იუსტიციის სამინისტროს მიერ განხორციელებული საკანონმდებლო ცვლილებები, რომლებიც ეხება გვარის შეცვლის წესის ცვლილებას და იმ მსჯავრდებული პირების ქვეყნიდან გასვლის რეგულაციების გამკაცრებას, რომელთა მიმართაც გამოყენებულია…

თელავის რაიონულმა სასამართლომ ოჯახში ძალადობის ბრალდებით დაკავებულ თელავის მუნიციპალიტეტის საკრებულოს დეპუტატს, მიხეილ გრემელაშვილს აღკვეთის ღონისძიებად პატიმრობა შეუფარდა. დღევანდელ სხდომაზე მოსამართლე თამარ კაპანაძემ არ დააკმაყოფილა დაცვის მხარის შუამდგომლობა გრემელაშვილისთვის დამატებითი საპროცესო იძულებითი ღონისძიებების გამოყენებისა და ათი ათას ლარიანი გირაოს შეფარდების შესახებ. მიხელ გრემელაშვილს ბრალდების მხარე მეუღლესა და შვილების თანდასწრებით განხორციელებულ ფიზიკურ ძალადობას, ასევე არასრულწლოვანი შვილის მიმართ სიცოცხლის მოსპობის მუქარას და ცეცხლსასროლი იარაღის მართლსაწინააღმდეგო შეძენა-შენახვას ედავება. მიხეილ გრემელაშვილი წარდგენილ ბრალდებაში თავს დამნაშავედ არ ცნობს. გრემელაშვილმა გამოძიების სწორად წარმართვის მიზნით საქართველოს გენერალურ პროკურორთან შეხვედრა მოითხოვა.

მამის და პაპის განზრახ მკვლელობაში ბრალდებული, გიორგი ოკინაშვილი პატიმრობაში რჩება – გადაწყვეტილება აღკვეთის ღონისძიებაზე მცხეთის რაიონულმა სასამართლომ მიიღო. სასამართლო სხდომაზე ბრალდებულის ადვოკატმა პატიმრობის ნაცვლად, 5-ათას ლარიანი გირაო მოითხოვა, თუმცა მოსამართლემ პროკურატურის შუამდგომლობა დააკმაყოფილა. არსებული ინფორმაციით, დაკავებული წარსულში დამამძიმებელ გარემოებებში ჩადენილი განზრახ მკვლელობისთვის არის ნასამართლევი. როგორც ირკვევა, მან 7 ივლისს, ღამის საათებში კიდევ ერთი დანაშაული ჩაიდინა და სოფელ მუხრანში, წარსულში არსებული წყენის გამო, ურთიერთშელაპარაკების ნიადაგზე, მამა და პაპა მოკლა. გამოძიების ვერსიით, ბრალდებულმა ოჯახის წევრებს მრავლობითი ჭრილობები დანით მიაყენა და შემთხვევის ადგილიდან მიიმალა. მიღებული დაზიანებების შედეგად დაშავებულები ადგილზე გარდაიცვალნენ. სამართალდამცველებმა კი დამნაშავე ორი დღის…

„ამოღებული ნივთები იძლევა იმის საშუალებას, რომ მივიღოთ ინფორმაცია კავშირშია თუ არა ეს ყველაფერი ამ შემთხვევასთან,“ – ამის შესახებ „მედიაცენტრ მთავარში“ კრიმინალისტიკურმა ექსპერტმა ზაზა ალთუნაშვილმა განაცხადა. ზაზა ალთუნაშვილის თვლის, რომ კომპლექსური ექსპერტიზის შედეგად დაიდება სხვადასხვა სახის კვალიფიკაციის ექსპერტის დასკვნა. „კომპლექსური ექსპერტიზა ნიშნავს, რომ სხვადასხვა სახის კვალიფიკაციის ექსპერტები ერთ კომისიურ კომპლექსურ ექსპერტიზას ჩაატარებენ, სადაც შესაბამისობაში იქნება სხვადახვა ნივთები, საგნები, ტანსაცმელი, შემთხვევის ადგილის დათვალიერება, შემთხვევის ადგილიდან რა ნივთები იქნა ამოღებული, იყო თუ არა ესენი კონკრეტულად ამ შემთხვევასთან, კავშირში თუ გარეშე საგნები იყო. შემთხვევის ადგილიდან ამოღებული ნივთები იძლევა იმის საშუალებას, რომ მივიღოთ ინფორმაცია კავშირშია…

„ეს ექსპერტიზა არ იყო იმ დანიშნულების, რისი მოლოდინიც ჰქონდა საზოგადობას, რომ ეს დასკვნა იქნებოდა ამ დანაშაულის გახსნის გასაღები,“ – ამის შესახებ „მედიაცენტრ მთავარში“ კრიმინალისტიკურმა ექსპერტმა ზაზა ალთუნაშვილმა განაცხადა. ალთუნაშვილი მიაჩნია, რომ ექსპერტიზამ გამოძიებას საქმესთან დაკავშირებით კვალიფიკაციის მინიჭების საშუალება მისცა. „გუშინ გავრცელდა სასამართლო სამედიცინო ექსპერტიზის დასკვნა, რამაც დაადასტურა, რომ გარდაცვალების მიზეზი იყო ასფიქსია, რაც წყალში დახრჩობით გამოიხატა და ამავე დროს, მნიშვნელოვანი იყო ისიც, რომ გარდაცვლილ გიორგი შაქარაშვილს სხეულზე მიყენებული დაზიანებები ჰქონდა სიცოცხლეშივე. ამან საშუალება მისცა საგამოძიებო ორგანოებს შემდგომი კვალიფიკაცია მიენიჭებინათ ამ საქმისთვის. მაგრამ, არსებითად ამ საქმის გასახსნელად ამ ექსპერტიზას არაფერი მიუცია,…

ქუთაისის აკაკი წერეთლის სახელობის სახელმწიფო უნივერსიტეტის ერთ-ერთი კათედრის მდივანი მ.ლ. ქრთამის აღების ფაქტზე დააკავეს. გავრცელებული ინფორმაციით ირკვევა ისიც, რომ თანამდებობა დატოვა რექტორის მოადგილემ, გიგა ღავთაძემ. უნივერსიტეტის რექტორი როლანდ კოპალიანი ღავთაძის თანამდებობიდან წასვლის ფაქტს ადასტურებს და ამბობს რომ მან პირადი განცხადების საფუძველზე დატოვა თანამდებობა, მაგრამ ამ ეტაპზე კომენტარს ვერ აკეთებს მდივნის დაკავების ფაქტთან დაკავშირებით.

საქართველოს განათლების, მეცნიერების, კულტურისა და სპორტის მინისტრის, მიხეილ ჩხენკელის ბრძანებით, 2020-2021 სასწავლო წლისთვის საჯარო სკოლებში პირველკლასელთა რეგისტრაციის IV ეტაპის ვადები შეიცვალა. განათლების სამინისტროს ინფორმაციით, შედეგად, 20 აგვისტოს ნაცვლად, პირველკლასელთა რეგისტრაციის IV ეტაპი 13 ივლისიდან დაიწყება და 31 აგვისტოს დასრულდება. ახალი კორონავირუსის პანდემიისა და ეპიდემიურად არაკეთილსაიმედო მდგომარეობის გათვალისწინებით, როგორც ცნობილია, საჯარო სკოლის პირველ კლასში მოსწავლის ჩასარიცხად ელექტრონული რეგისტრაციის და აუცილებელი დოკუმენტების წარდგენის ვადები გახანგრძლივდა. კერძოდ, პირველი, მეორე და მესამე ეტაპების დასრულების შემდეგ, სკოლებში დოკუმენტაციის წარდგენის პერიოდი 5 ივლისამდე გაგრძელდა. მეოთხე ეტაპის რეგისტრაციისა და დოკუმენტების წარდგენის ვადად კი 20 აგვისტოდან 10 სექტემბრამდე…

„მეიჯორ ლიგ სოკერის“ (MLS) განახლებულ სეზონში პირველი მატჩი ჩაატარა „სან ხოსემ“, რომელშიც საქართველო ნაკრების წევრები – გურამ კაშია და ვაკო ყაზაიშვილი თამაშობენ. ტურნირის დაწყების წინ, MLS-ის ხელმძღვანელობამ ფეხბურთელებს ნება დართო – მაისურებზე ნომრების ქვემოთ დაეტანათ სოციალურ ან პოლიტიკურ თემაზე ნებისმიერი წარწერა. გურამ კაშიამ და ვაკო ყაზაიშვილმა ისარგებლეს ამ უფლებით და ზურგზე „საბურთალოს“ ტრაგიკულად დაღუპული ფეხბურთელის, გიორგი შაქარაშვილის სახელი და გვარი დაიწერეს. „სან ხოსემ“ B ჯგუფის პირველ მატჩში 0:0 ითამაშა მოქმედ ჩემპიონ „სიეტლთან“.