დღე: ივლისი 6, 2020

შეფასებისა და გამოცდების ეროვნული ცენტრის ხელმძღვანელის, სოფო გორგოძის განცხადებით, ტელეფონის აღმოჩენის გამო, ერთი აბიტურიენტი გამოცდიდან მოიხსნა. ამის შესახებ გორგოძემ ეროვნული გამოცდების პირველი დღის შეჯამებისას განაცხადა. „გამოცდის ბოლოსკენ დაფიქსირდა ერთი შემთხვევა, როდესაც სამწუხაროდ, ტელეფონის აღმოჩენის შემთხვევის გამო, ერთი აბიტურიენტი გამოცდიდან მოიხსნა. მინდა, მივმართო აბიტურიენტებს, რომ გაფრთხილდნენ. შემოწმების მიუხედავად, მათ ელექტრონული მოწყობილობა თუ შეყვათ და ეს აღმოვაჩინეთ გამოცდის პროცესში, ისინი ავტომატურად ყოველგვარი გაფრთხილების გარეშე იხსნებიან. ამიტომ, ვთხოვ მათ, რომ ეს გაითვალისწინონ“,- აღნიშნა სოფო გორგოძემ.

გამოცდების ეროვნული ცენტრის ხელმძღვანელის განცხადებით, დღევანდელმა დღემ მშვიდად ჩაიარა. ამის შესახებ სოფო გორგოძემ განაცხადა. გორგოძის ინფორმაციით, დღეს გამოცდებზე განსაკუთრებული ხარვეზი არ გამოკვეთილა. „დღევანდელმა დღემ მშვიდად ჩაიარა. სამწუხაროა, რომ 2 აბიტურიენტი დაგვიანების და ასევე 2, ტემპერატურის გამო გამოცდაზე არ დაიშვა. გვქონდა სამი სახის სექტორი, საგამოცდო, სპეცსაჭიროების სტუდენტისთვის და ერთი სარეზერვო, სადაც განვათავსებდით იმ აბიტურიენტებს, რომლებსაც ტემპერატურა დაუფიქსირდებოდათ, თუმცა რეკომენდაციიდან გამომდინარე ექიმის შემოწმების შემდეგ მათი დაშვება სექტორებში შეგვეძლო. სარეზერვო სექტორში, სადაც სიცხიანი აბიტურიენტები დაიშვა, განთავსდა მხოლოდ 4 აბიტურიენტი. მინდა აღვნიშნო, რომ მიუხედავად რეკომენდაციებისა, გულშემატკივრები საგამოცდო ტერიტორიის გარე პერიმეტრზე მაინც გროვდებიან, ამ შემთხვევაში პატრული და მანდატურის სამსახური გვეხმარება,…

საქართველოს პრემიერ-მინისტრი გიორგი გახარია აბიტურიენტებს ერთიან ეროვნულ გამოცდებზე წარმატებებს უსურვებს. „დღეს ერთიანი ეროვნული გამოცდები დაიწყო. წარმატებას გისურვებთ ახალგაზრდებო! თქვენს ცხოვრებაში ეს არის ის ერთ-ერთი მნიშვნელოვანი და ახალი ეტაპი, როდესაც საკუთარ მომავალს განსაზღვრავთ. დარწმუნებული ვარ, ამ გამოწვევას წარმატებით გაართმევთ თავს და შეძენილ ცოდნას საუკეთესოდ გამოამჟღავნებთ. თქვენ ხართ ჩვენი მომავალი და თქვენი განათლება საქართველოს წინსვლის გარანტიაა”, – წერს გიორგი გახარია სოციალურ ქსელ „ფეისბუქის“ ოფიციალურ გვერდზე. ერთიანი ეროვნული გამოცდები დღეს დაიწყო. საქართველოს მასშტაბით გახსნილ 24 საგამოცდო ცენტრში აბიტურიენტები დღეს ქართული ენისა და ლიტერატურის გამოცდას აბარებენ. საგამოცდო ცენტრებში რეგისტრაცია 08:00 საათზე, ხოლო გამოცდა 09:00 საათზე დაიწყო.…

სვანეთში, ტყის მასივში გაჩენილი ხანძარი კონტროლს ექვემდებარება. მესტიის მუნიციპალიტეტის სოფელ ხაიშთან, ტყის მასივში გაჩენილ ხანძარს 20 მეხანძრე-მაშველი და შინაგან საქმეთა სამინისტროს სასაზღვრო პოლიციის 2 ვერტმფრენი აქრობს. ამ დროისთვის სიტუაცია კონტროლს ექვემდებარება, თუმცა სამუშაოებს ქარი, ძლიერი სიცხე და რელიეფი ართულებს. შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში ინფორმაცია 5 ივლისს დღის მეორე ნახევარში შევიდა. თვითმხილველის განცხადებით, ტყის მასივში ძლიერი დაკვამლიანება შეინიშნებოდა​. საგანგებო სიტუაციების მართვის სამსახურმა რეაგირება უმოკლეს დროში მოახდინა. ადგილზე გამოცხადდა ცოცხალი ძალა ჯვრის, წალენჯიხის და მესტიის განყოფილებებიდან, 20 მეხანძრე-მაშველის შემადგენლობით. სიტუაციის შეფასების შემდეგ, ხანძრის ქრობის პროცესში შინაგან საქმეთა სამინისტროს სასაზღვრო პოლიციის ვერტმფრენის ჩართვა გადაწყდა.

სურამში, ცოლის მკვლელობაში ბრალდებული მამაკაცი დაკავებულია. შინაგან საქმეთა სამინისტრომ 1986 წელს დაბადებული ი.ქ. ოჯახის წევრის დამამძიმებელ გარემოებაში განზრახ მკვლელობის ბრალდებით დააკავა. დანაშაული 13-დან 17 წლამდე ვადით თავისუფლების აღკვეთას ითვალისწინებს. “გამოძიებით დადგინდა, რომ ბრალდებულმა მამაკაცმა, სავარაუდოდ, ცეცხლსასროლი იარაღიდან გასროლით სასიკვდილო ჭრილობა მიაყენა მეუღლეს – 1989 წელს დაბადებულ თ.რ.-ს, რომელიც შემთხვევის ადგილზე გარდაიცვალა. სამართალდამცველებმა დანაშაულის ჩადენის იარაღი ნივთმტკიცების სახით ამოიღეს. ბრალდებული აღიარებს ჩადენილ დანაშაულს. მომხდარ ფაქტამდე, შინაგან საქმეთა სამინისტროში მეუღლეებს – თ.რ.-სა და ი.ქ.-ს შორის შესაძლო კონფლიქტის თაობაზე განცხადება ან შეტყობინება არ ფიქსირდება. შესაბამისად, მათ შორის შემაკავებელი ორდერი გამოცემული არ ყოფილა. გამოძიება…

„ჩანთის დადებასაც კვალის დაფარვას ვუკავშირებ, რაც იყო საკმაოდ უნიჭოდ გაკეთებული, თუ ასე მოხდა,“ – ამის შესახებ „მედიაცენტრ მთავარში“ გარდაცვლილი ფეხბურთელის საქმეზე დაკავებული გიგა ტატიშვილის ადვოკატმა, გიორგი ყიფშიძემ განაცხადა. ადვოკატი თვლის, რომ საქმეში არსებობენ პირები, ვინც დანაშაულის კვალი დაფარეს. „ჩვენ შეგვიძლია რაღაც მონახაზი ამ საქმესთან დაკავშირებით გავაკეთოთ. თავშივე ჩემი ეჭვი მყარი იყო, ცალსახად მიმაჩნია, რომ რეალურად იქ მივიდა მესამე მანქანა და შეეცადა კვალის დაფარვას, აქ რაღაც განსაკუთრებული სპეციალური ჯგუფის არსებობას გამოვრიცხავ. აქ არიან ადამიანები, ვინც დაეხმარნენ დანაშაულში მონაწილეებს, რომ რაღაც კვალი დაეფარათ. ამ კვალის დაფარვას ვუკავშირებ ჩანთის დადებასაც, მაგრამ არ ვგულისხმობ,…

„როცა 112 – ში ვრეკავ და მერე ვაუქმებ გამოძახებას რა ტაქსია?“ – ამის შესახებ მედიაცენტრ მთავარში გიორგი შაქარაშვილი საქმეზე დაკავებული არასრულწლოვანის ადვოკატმა გიორგი გელხაურმა განაცხადა. ადვოკატი თვლის, რომ მოწმეები რაღაცას მალავენ და იტყუებიან. „გოგოები იტყუებიან, რომ შაქარაშვილი იყო სახლში და გარეთ არ გასულა, თითქოს, გიორგი შაქარაშვილი კონფლიქტში არ მონაწილეობდა. ის მონაწილეობდა, მართალია აშველებდა, მაგრამ ფაქტია იქ იყო. ფოტოგრაფს, რომ ყველაფერი მოეყოლა, შესაძლოა სხვა სურათი გვქონოდა. ბრეგვაძე ჩვენებაში წერს რომ მან დარეკა 112 ში, როცა 112 – ში ვრეკავ და ვაუქმებ გამოძიებას რა ტაქსია? ამას გამოეხმაურა  ნინო გიორგობიანიც, რატომ არ ვსაუბრობთ…