დღე: აპრილი 17, 2020

“ჩვენ ვისწავლით ამ დაავადებასთან თანაცხოვრებას, ოღონდ მინიმალური რისკის ფასად, ისე როგორც ხდება გრიპის ეპიდემიის დროს”, – ამის შესახებ ინფექციური საავადმყოფოს დირექტორმა, თენგიზ ცერცვაძემ განაცხადა. მისი თქმით, ექიმებს კორონავირუსის შესახებ უფრო მეტი ინფორმაცია აქვთ, ვიდრე ორი თვის წინ. „როცა ჩვენ ვამბობთ რომ უნდა ვისწავლოთ კორონავირუსთან ერთად ცხოვრება, ვგულისხმობთ, რომ ეს პიკი უნდა გადავიაროთ მშვიდობიანად, დიდი დანაკარგების გარეშე, შემდეგ იყოს ამ დაავადების ცალკეული შემთხვევები, თუნდაც რამდენიმე ათეული შემთხვევა. ჩვენ ვიქნებით უკვე გამობრძმედილი და კიდევ მეტი ინფორმაცია გვექნება ვირსუსის შესახებ ვიდრე ახლა“, – აღნიშნა ცერცვაძემ.

საქართველოს პრეზიდენტი სალომე ზურაბიშვილი მოქალაქეებს შინ დარჩენისკენ მოუწოდებს. „შინ დარჩენილებიც საერთო ლოცვას შინიდან შევუერთდებით. ამით გავაძლიერებთ ჩვენს ერთიანობასა და სოლიდარობას და უნდა ვიცოდეთ, რომ ერთიანობა და სოლიდარობა ჩვენი გადარჩენის იარაღი იქნება არა მხოლოდ დღეს, დაავადებასთან ბრძოლაში, არამედ ხვალაც, როცა დადგება ეკონომიკური და სოციალური გამოწვევების დრო. დარწმუნებული ვარ, ჩვენი ერთობლივი ძალისხმევით, კანონი იკანონებს და როგორც აქამდე, სამაგალითოდ დავძლიეთ პირველი კრიზისული ეტაპი, ხვალინდელ მძიმე დღეებსაც გავუმკლავდებით. და ბოლოს, ვიცით, რომ გველის ორი-სამი, თუ არა მეტი უმძიმესი კვირა, როცა სასიცოცხლოდ მნიშვნელოვანი იქნება თქვენი სახლში დარჩენა. დარჩით სახლში“, – განაცხადა პრეზიდენტმა.

საქართველოს მთავრობამ ქვეყანაში ახალი კორონავირუსის COVID-19-ის შესაძლო შემთხვევების გავრცელების (ეპიდემია, პანდემია, ეპიდემიური აფეთქება) პრევენციისა და საეჭვო და ან დადასტურებულ შემთხვევებზე რეაგირების მზადყოფნისთვის მობილიზებული სამედიცინო დაწესებულებების ჩამონათვალი დადგენილებით განსაზღვრა. კლინიკების ჩამონათვალი დადგენილების ორი დანართით არის განსაზღვრული და მთლიანობაში 44 სამედიცინო დაწესებულებას მოიცავს. ასევე დადგენილება განმარტავს, მომსახურებებს, რომელიც აღნიშნულმა დაწესებულებებმა უნდა უზრუნველყონ, დანართების შესაბამისად. ჯანდაცვის სამინისტროსთან კოორდინაციით, შერჩეულ დაწესებულებებში უნდა განხორციელდეს COVID-19-ის საეჭვო და დადასტურებული შემთხვევების დიაგნოსტიკისა და მართვისთვის სამედიცინო დაწესებულებების საწოლფონდის სრულად მობილიზება პირველი დანართის, მათ შორის არსებული პაციენტების გადაყვანა (დაწესებულების სრულად დაცლა) შესაბამისი მომსახურების მიმწოდებელ სამედიცინო დაწესებულებებში და ან მათ ბაზაზე არსებული საწოლფონდის (მათ შორის, რეანიმაციული) გაზრდა შესაძლებლობის ფარგლებში და, საჭიროების…

“ჩვენთან გატარებული პაციენტების რაოდენობამ გადააჭარბა 100-ს, უკვე 101 პაციენტი გვყავს, საიდანაც ნახევარზე მეტი, 50-ზე მეტი უკვე გამოჯანმრთელებულია, რაც კარგი მაჩვენებელია”, – ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა. როგორც მარინა ეზუგბაიამ აღნიშნა, ბოლო მონაცემები უცვლელია, დილის შემდეგ მონაცემები არ შეცვლილა. „როგორც დილით მოგახსენეთ, დადასტურებული შემთხვევა იყო 370. საღამოსაც იგივე ციფრი რჩება. გამოჯანმრთელებული არის – 79. იცით, რომ 24 საათის განმავლობაში 34 პაციენტი დაგვემატა, რომელთაგან დღეს, ექვსი პაციენტი ჩვენთან შემოვიდა. უკვე გვყავს 45 დადასტურებული პაციენტი. ამავდროულად მინდა გითხრათ, რომ ჩვენთან გატარებული პაციენტების რაოდენობამ გადააჭარბა 100-ს. უკვე 101 პაციენტი გვყავს. ამ 370-დან 101 პაციენტიდან ნახევარზე…

შემოსავლების სამსახურის ინფორმაციით, საგანგებო მდგომარეობის ფარგლებში მოქმედი შეზღუდვებისა და უსაფრთხოების ნორმების დარღვევის გამო 152 კომპანია დაჯარიმდა. „საქართველოს მთავრობის 2020 წლის 23 მარტის N181 დადგენილების მე-7 და მე-9 მუხლების, ასევე საქართველოს პრეზიდენტის 2020 წლის 21 მარტის N1 დეკრეტის მე-8 მუხლის შესაბამისი ნორმების აღსრულების მიზნით, შემოსავლების სამსახურის საგადასახადო მონიტორინგის დეპარტამენტში, მთელი ქვეყნის მასშტაბით, შეიქმნა მობილური ჯგუფები, რომლებიც ყოველდღიურ რეჟიმში ახორციელებენ კონტროლს აღნიშნული დადგენილების აღსრულებაზე. კონტროლში მოიაზრება იმ მეწარმე სუბიექტების გამოვლენა და კანონმდებლობით გათვალისწინებული ღონისძიების გატარება, რომელთაც საგანგებო მდგომარეობის ვადით შეჩერებული აქვთ ეკონომიკური საქმიანობის განხორციელება. ამასთან, მონიტორინგს ექვემდებარებიან ის მეწარმე სუბიექტები, რომლებსაც საგანგებო…

დამწვრობის ცენტრის ხელმძღვანელი გუგა ქაშიბაძე მოსახლეობას მოუწოდებს, გაითვალისწინონ მედიკოსების რეკომენდაციები და ისეთ შეცდომებს ნუ დაუშვებენ, რაც მათთვისაც და გარშემომყოფებისთვისაც საბედისწერო აღმოჩნდება. როგორც ექიმი აცხადებს, არაერთი შემთხვევა მოხდა, როცა ადამიანებმა, დაზიანებები მიიღეს.     „გვქონდა  შემთხვევები, როდესაც ადამიანებმა, „კორონავირუსისგან“ თავის დასაცავად  ხელები სპირტიანი ხსნარით დაიმუშავეს, შემდეგ სიგარეტის მოკიდებისას ცეცხლი გაუჩნდათ და მიიღეს დამწვრობა. ამას გარდა, არის შემთხვევები, როცა ადუღებულ წყალს სვამენ და ამ გზითაც იზიანებენ საკუთარ თავს. ნუ დალევთ ადუღებულ წყალს, შეიძლება ტუჩების ყელის და საყლაპავი მილის დამწვრობა გამოიწვიოს. რაც შეეხება ხელების სპირტით დამუშავებას, სიგარეტს მას მერე მოუკიდონ, როცა ხელები კარგად შეშრება“ –…

“როდესაც საჯარო და კერძო სექტორის თანამშრომლობის შედეგად, ყველაფერი კეთდება პირბადეებთან დაკავშირებული დეფიციტის დასაძლევად, ცალკეული პოლიტიკური ჯგუფების და მათთან აფილირებული მედიასაშუალებების მიერ ვრცელდება არაერთი ცრუ ინფორმაცია”, – ამის შესახებ ეკონომიკის სამინისტროს განცხადებაშია აღნიშნული. სამინისტროს შეფასებით, ასეთი ინფორმაციის გავრცელების მიზანი საქართველოს მოსახლეობის შეცდომაში შეყვანაა. “ახალი კორონავირუსის გავრცელების პრევენციის მიზნით შექმნილი სამთავრობო უწყებათაშორისი საბჭოს გადაწყვეტილებით, დღეიდან, 17 აპრილიდან პირბადეების ტარება დახურულ საჯარო სივრცეში სავალდებულო ხდება. ეკონომიკისა და მდგრადი განვითარების სამინისტრომ, რომელმაც სხვა საჯარო უწყებებთან კოორდინაციითა და კერძო სექტორთან თანამშრომლობით, რეკორდულად მოკლე დროში განახორციელა საყოფაცხოვრებო დანიშნულების 12-შრიანი პირბადეების ადგილზე დამზადების ორგანიზება, ქვეყნის 4 მსხვილ…

პირ­ვე­ლი სა­უ­ნი­ვერ­სი­ტე­ტო კლი­ნი­კის ექი­მი მა­რი­ამ გრი­გო­რაშ­ვი­ლი ინტერნეტში 5 კვირის უნახავი შვილის ფოტოს აქვეყნებს და საზოგადოებას სახლში დარჩენისკენ მოუწოდებს. „19 მარტი იყო, როდესაც ბოლოს ვნახე ჩემი შვილი. უფრო სწორად, დაძინებულს ვაკოცე და რამდენიმე კვირით (მისთვის) დავიკარგე. წავედი კლინიკაში საცხოვრებლად და სამუშაოდ. სიღრმეებს არ ჩავყვები, კლინიკაში რამდენი ძალიან მაგარი რამ ვნახე, რამდენი ზრუნვის, პატივისცემის და სიყვარულის მაგალითი, ამაზე სხვა დროს. მშრალ ინფორმაციას მოგაწვდით: 3 კვირა ვიმუშავე – 2 კვირა ბოქსირებულ პალატებში, 1 კვირა რეანიმაციაში. ახლა თვითიზოლაციის ორკვირიან პერიოდს გავდივარ, და ეს ყველაფერი იმისთვის, რომ 1-ელ მაისს ჩემი შვილის დაბადების დღეს მის გვერდით ყოფნა…

ეპიდემიის გავრცელების პრევენციის მიზნით, საგანგებო მდგომარეობის გამკაცრებული შეზღუდვებიდან გამომდინარე, თავდაცვის ძალებმა შსს-ს ძალებთან ერთად, გადაადგილების კონტროლი კიდევ უფრო გაამკაცრა. საავტომობილო გზებზე მხოლოდ სატვირთო ავტომანქანები გადაადგილდება, შესაბამისად სადეზინფექციო სამუშაოები მხოლოდ სატვირთო და სასურსათო ავტომანქანებს, მათ მძღოლებს კი, თერმოსკრინინგი უტარდებათ. სამართალდამცავებთან კოორდინაციით, სხვადასხვა რეგიონში დამატებითი გამშვები პუნქტები შეიქმნა. ახალი საგუშაგო შეიქმნა ბათუმის შესასვლელშიც. სამხედროები და სამართალდამცავები მხოლოდ ლოჯისტიკური, სამედიცინო, სასურსათო და საბანკო დანიშნულების ავტომანქანებს აძლევენ ბათუმში შესვლისა და გასვლის უფლებას. მუდმივ რეჟიმში ხდება საგუშაგოებზე გასული მანქანების აღრიცხვა. გამკაცრებული შეზღუდვებიდან გამომდინარე ბათუმში ამჟამად გადაადგილების შეზღუდვის 7 პუნქტი ფუნქციონირებს. ქალაქში შესასვლელ და გამოსასვლელ 4…

აჭარის ჯანდაცვის მინისტრის მოადგილემ, ნინო ნიჟარაძემ განაცხადა, რომ ე.წ. ქობულეთის კლასტერთან დაკავშირებული კონტაქტების რიცხვი 470-მდე გაიზარდა, მათგან უკვე გამოკვლეულია 230. აჭარის ჯანდაცვის სამინისტროს ცნობით, ქობულეთის ოთხ სოფელში, სადაც მკაცრი საკარანტინო რეჟიმი მოქმედებს, მასობრივი თერმოსკრინინგის პროცესი დასასრულს უახლოვდება, თუმცა გამოკვლევის არეალი უკვე გაიზარდა. მასობრივი თერმოსკრინინგი მიმდინარეობს უშუალოდ ქალაქ ქობულეთსა და სოფელ ოჩხამურში. პროცესში ჩაერთნენ ოჯახის ექიმებიც. ნინო ნიჟარაძის განცხადებით, ქობულეთში ჩატარებული კვლევების შემდეგ, სიტუაცია კონტროლს ექვემდებარება.

ბოლნისის სიონის ტაძარში, სადაც ერთ-ერთ სასულიერო პირს კორონავირუსი დაუდასტურდა, სადეზინფექციო სამუშაოები ჩატარდა. სასულიერო პირები იზოლირებულები არიან. ბოლნისის სიონის წინამძღვრის, დეკანოზ ბესარიონ სულხანიშვილის ინფორმაციით, ტაძარში ორ კვირაზე მეტია, ღვთისმსახურება მრევლის გარეშე ტარდება. „ჩვენ ისედაც კარანტინში ვართ და ლოცვებს მრევლის გარეშე ვატარებთ. ეკლესიაში მხოლოდ მღვდელმსახურები მოვდივართ. მრევლი ვერ ესწრება, რადგან ბოლნისი ორ კვირაზე მეტია, დაკეტილია. რაც შეეხება კითხვას, ინფიცირებულ სასულიერო პირს ჰქონდა თუ არა შეხება მრევლთან, ეს არ ვიცი. სხვა ეკლესიაშიც ჩაატარა წირვა ლოცვა, სხვაგანაც ილოცა. მეც დღეს გავიგე ეს სამწუხარო ამბავი. ღმერთმა ყველას ტკბილად გაუთენოს აღდგომა. შევწუხდით ეს ამბავი რომ გავიგეთ, მაგრამ რა ვქნათ. იზოლირებულები ვართ, შიგნით ვართ ტაძარში, ვლოცულობთ, ვადიდებთ…

ბათუმში კორონავირუსი კიდევ ერთ არასრულწლოვანს დაუდასტურდა. აჭარის ჯანდაცვის სამინისტროს ინფორმაციით, შემთხვევა ე.წ. ქობულეთის კლასტერს უკავშირდება. მოზარდი თბილისის კლინიკაში გადაიყვანეს. ე.წ. ქობულეთის კლასტერთან დაკავშირებით ინფიცირების უკვე 32 შემთხვევაა დადასტურებული. ოფიციალური ინფორმაციით, ამ დროისათვის, საქართველოში კორონავირუსის სულ 370 შემთხვევა ფიქსირდება.