დღე: აპრილი 11, 2020

ფოთისა და ხობის მიტროპოლიტმა, მეუფე გრიგოლმა აღნიშნა, რომ კომენდანტის საათის შემთხვევაში, მრევლი ვერ შეძლებს ეკლესიაში მისვლას, რის გამოც მათ მრევლის გარეშე  მოუწევთ წირვის ჩატარება.  “კომენდანტის საათის შემთხვევაში, მრევლი ვერ შეძლებს მოსვლას და ჩვენ ალბათ, მოგვიწევს წირვის ჩატარება მრევლის გარეშე. არავის არ ვურჩევ დაარღვიოს კანონი, რადგან მძიმე ჯარიმების გადახდა უწევთ და შეიძლება მერე, კიდევ მეტი სირთულეები დაუდგეთ წინ,” – აცხადებს მეუფე გრიგოლი.

მეტი...

ოკუპირებულ აფხაზეთში კორონავირუსის მესამე შემთხვევა დადასტურდა. ინფორმაციას ამის შესახებ კორონავირუსთან დაკავშირებით შექმნილ ე.წ. ოპერატიულ შტაბზე დაყრდნობით ადგილობრივი მედია ავრცელებს. ახალი შემთხვევა გაგრაში დაფიქსირებულ წინა 2 შემთხვევასთანაა კავშირში. ინფიცირებული მამაკაცი 1925 წელსაა დაბადებული და მისი მდგომარეობა საშუალო სიმძიმის დონეზე ფასდება. მამაკაცი ამ მომენტისთვის თვითიზოლაციაში იმყოფება სპეციალისტების დაკვირვების ქვეშ.

მეტი...

“მთავარია, სულიერად შევხვდეთ ბზობის დღესასწაულს და არა ფორმალურად”,  – ამის შესახებ ზუგდიდისა და ცაიშის მიტროპოლიტმა, გერასიმე შარაშენიძემ განაცხადა. მისი თქმით, მიუხედავად იმისა, რომ ტაძრებში ბზა არ გაიყიდება, სახლებიდან მიტანილ ბზას ყველა ტაძარში აკურთხებენ. მეუფე მრევლს მოუწოდებს, რომ ბზები არ მოჭრან, რადგან სიმბოლურად თითო ტოტიც საკმარისი იქნება, იმ შემთხვევაში კი, თუ ესეც ვერ მოხერხდება, ეს პრობლემას არ წარმოადგენს.

მეტი...

ხვალ ბზობაა. მართლმადიდებელი სამყარო მაცხოვრის იერუსალიმში დიდებით შესვლას აღნიშნავს, თუმცა წელს ეს და სხვა საეკლესიო დღესასწაულები, უმეტეს შემთხვევაში, განსხვავებულად ჩაივლის. მსოფლიო მართლმადიდებელი ეკლესიების თითქმის აბსოლუტური უმრავლესობა შეთანხმდა, რომ გაიზიარებს მედიკოსებისა და ხელისუფლების რეკომენდაციებს. სასულიერო პირები ღვთისმსახურებას ცარიელ ტაძრებში აღავლენენ, რაც ტელევიზიით გადაიცემა, სხვადასხვა ქვეყნის პატრიარქები მრევლს მოუწოდებენ დარჩნენ სახლში და ტრანსლაციას ადევნონ თვალი.  “ეკლესიაში არ მოსვლა ცოდვაში არ ჩაეთვლება იმას, ვისაც რაიმე მიზეზი აქვს ამის. ან შეუძლოდ გრძნობს თავს ან კიდევ შინაგანად თუ განიცდის. ჯანმრთელ ადამიანს რომ უთხრა, არ მოხვიდე, ან რაღაც არ ქნაო, თუ ის მოაზროვნეა, უნდა აუხსნა რატომ არ უნდა გააკეთოს…

მეტი...

რესპუბლიკურ საავადმყოფოში კორონავირუსი ერთ ახალ პაციენტს დაუდასტურდა, რომელიც მანამდე გამოვლენილი ინფიცირებულის შვილია.  კლინიკის დირექტორის თქმით, რესპუბლიკურ საავადმყოფოში ამჟამად 47 პაციენტია. კორონავირუსი მათგან ოთხს აქვს დადასტურებული. „სამი გვყავდა გუშინ, კიდევ ერთს დაუდასტურდა და ეს გახლავთ მეოთხე პაციენტი. მისი მდგომარეობა დამაკმაყოფილებელია. ჯერ რენტგენოლოგიურად პნევმონია არ ვლინდება, თუმცა ინფექცია არის და მოთავსებულია ინტენსიური თერაპიის პალატაში. დანარჩენ პაციენტებთან ერთად, მისი მკურნალობა მიმდინარეობს. ეს ჩვენი ერთ-ერთი პაციენტის შვილია, დედა-შვილს აქვს დადასტურებული. ინფიცირებული სრულწლოვანია და ცნობილ კლასტერს მიეკუთვნება. ეროვნული ბანკის კლასტერს არ მიეკუთვნება. ყველა ინფიცირებული პაციენტის ანამნეზი ცნობილია. ეს ორი, დედა-შვილი შიდა გავრცელებაა. თუმცა, საიდან, ისიც ცნობილია. ტიპური მეოთხეული გადაცემა ჩვენთან ამჯერად არ არის“, – განაცხადა…

მეტი...

საქართველოში კორონავირუსით ინფიცირებული კიდევ 2 პაციენტი გამოჯანმრთელდა. ინფორმაცია მთავრობის მიერ შექმნილ ვებ-გვერდზე -Stopcov.ge-ზე გამოქვეყნდა.  ამ დროის მონაცემებით გამოჯანმრთელებულთა რაოდენობა ჯამში 56-ია. კორონავირუსის დადასტურებული შემთხვევა – 233-ს შეადგენს. გარდაცვლილი კი კვლავ 3 რჩება.  რაც შეეხება სხვა მონაცემებს, კარანტინის რეჟიმში 4856, სტაციონარში მეთვალყურეობის ქვეშ კი 370 ადამიანია. 

მეტი...

ვახტანგ ბოჭორიშვილის სახელობის კლინიკაში COVID-19-ით ინფიცირებული 17 პაციენტიდან 2 უკვე განიკურნა, მათ შორის არის 2 წლის ბავშვიც. ამის შესახებ დღეს განცხადება კლინიკის სამეთვალყურეო საბჭოს თავმჯდომარე მაკა სოლოღაშავილმა გააკეთა. “დადასტურებული COVID-19-ის დიაგნოზი აქვს 17 პაციენტს, აქედან 2 არის გამოჯანმრთელებული და ძალიან კარგი ამბავია ეს, იმიტომ რომ გამოჯანმრთელებულია 2 წლის ბავშვი. ერთი ბავშვი დაემატა მაგრამ ეს ჩვენთან არ დადასტურებულა, გადმოყვანილია და ეს არის სვანეთის კლასტერი. დანარჩენი პაციენტებიდან ერთი რჩება საყურადღებო, 8 პაციენტი ელოდება კვლევაში ჩართვას, თუმცა შეიძლება ეს რაოდენობა გაიზარდოს,” – განაცხადა მაკა სოლოღაშვილმა.

მეტი...

მსოფლიოში კორომავირუსის ცხოველიდან ადამიანზე გადადების ფაქტი ჯერ არ დაფიქსირებულა, მაგრამ ადამიანიდან ცხოველზე – კი. ამ მხრივ, მსოფლიოში რამდენიმე შემთხვევაა ცნობილი.  თბილისის მერიის ცხოველთა მონიტორინგის სააგენტოს უფროსის ვახტანგ ლომჯარიას ინფორმაციით, მსოფლიოში ადამიანიდან ცხოველზე გადადების მხოლოდ სამი შემთხვევაა ცნობილი. “ერთი ჰონგ-კონგში მოხდა, მეორე კი ნიუ-იორკში, როდესაც ვეფხვს გადაედო ვირუსი და ბელგიაში კატაზე გადადების ფაქტი. ამ ეტაპზე, რამე საფრთხე რომ არსებობდეს, ჯანდაცვის მსოფლიო ორგანიზაცია და დაავადებათა კონტროლი შესაბამისად უპასუხებდნენ. ზოგადად, კორონავირუსი გავრცელებულია ცხოველებშიც, მაგრამ კოვიდ-19-თან დაკავშირებით ცხოველები საფრთხეს არ წარმოადგენს ადამიანებისთვის და რამე დამატებითი ზომების მიღება არ არის საჭირო”, – განაცხადა ვახტანგ ლომჯარიამ “მედიაცენტრ მთავარში”. „მედიაცენტრი მთავარის“…

მეტი...

იმერეთში ინფიცირებულთა რაოდენობა ერთით გაიზარდა. ქუთაისის ცხელების ცენტრიდან ლაბორატორიაში 9 პაციენტის ბიოლოგიური ნიმუში იყო გადაგზავნილი და ერთი დადებითი პასუხი მიიღეს. კლინიკის ხელმძღვანელის არჩილ მუკბანიანის ინფორმაციით, COVID 19 ახალგაზრდა მამაკაცს დაუდასტურდა. პაციენტი ქუთაისის ინფექციურ საავადმყოფოშია გადაყვანილი. ინფიცირების წყარო ჯერჯერობით უცნობია. საქართველოში კორონავირუსი 234 ადამიანს დაუდასტურდა, აქედან 54 ადამიანი უკვე გამოჯანმრთელდა, 3 კი გარდაიცვალა.

მეტი...