დღე: აპრილი 3, 2020

“ქრისტიანული დღესასწაულების ტრადიციული ფორმით ჩატარებას შესაძლოა, შემთხვევების მატება მოჰყვეს”, – ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ განაცხადა. „იქნება თუ არა ეს პიკი, ვერ გეტყვით. ეს ჩემი პერსონალური აზრია. მე ძალიან დიდ პატივს ვცემ ეკლესიას და კატეგორიულად არ მინდა, მის საქმეში ჩავერიო და რაიმე რჩევები მივცე. უკვე არის რაღაც საუბრები, რომ ეს დღესასწაულები რაღაც შეზღუდული ფორმით ჩატარდეს. ჯერ კიდევ არის საკმარისი დრო და თუ მანამდე ისეთი გადაწყვეტილება არ იქნება მიღებული, რომელიც სამედიცინო თვალსაზრისით რისკებს არ შეამცირებს, რა თქმა უნდა, რისკი არსებობს“, – განაცხადა ცერცვაძემ. საქართველოში კორონავირუსი 155 ადამიანს დაუდასტურდა, მათგან…

მეტი...

საქართველოში კორონავირუსისგან 28 ადამიანია გამოჯანმრთელებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 5526 ადამიანი, ხოლო სტაციონარში მეთვალყურეობის ქვეშ – 344 პირი. საქართველოში კორონავირუსი 155 ადამიანს დაუდასტურდა.

მეტი...

ქვემო ქართლის გუბერნატორმა, შოთა რეხვიაშვილმა განაცხადა, რომ რუსთავის გადაკეტვის საჭიროება ამ ეტაპზე არ არის. მისი თქმით, რუსთავში პროცესი აბსოლუტურად მართვადია, მიუხედავად იმისა, რომ ამ ეტაპისთვის, ექვსი დადასტურებული შემთხვევაა. „მინდა რაღაც გარკვეული პარალელები გავავლო, რადგან სოციალურ ქსელებსა და მედიაში გავრცელდა ინფორმაცია თითქოს, ერთსა და იმავე გამოწვევის ფონზე სხვადასხვა მიდგომა აქვს ხელისუფლებას რუსთავთან და დანარჩენ მუნიციპალიტეტებთან დაკავშირებით. კიდევ ერთხელ განვმარტავ, შეზღუდვები, რაც არის დაწესებული მთავრობის დადგენილებით, კომენდანტის საათი, ეს ყველაფერი ყველგან ვრცელდება და თანაბრად ვრცელდება. ერთადერთი გამონაკლისი მოხდა სოფელში, ბოლნისის მუნიციპალიტეტის ქვემო ბოლნისში, სადაც საკმაოდ მჭიდრო დასახლებაა და იქ უკვე გვაქვს ხუთი დადასტურებული ფაქტი.…

მეტი...

საქართველოში კორონავირუსის შემთხვევათა რაოდენობა 155-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებგვერდზე ცოტა ხნის წინ განახლდა. შესაბამისად, ამ დროისთვის დადასტურებულ შემთხვევებს შორის გამოჯანმრთელებულია 27 მოქალაქე. კარანტინის რეჟიმში იმყოფება 5526, ხოლო სტაციონარში მეთვალყურეობის ქვეშ – 344 პირი.

მეტი...

“კორონავირუსით ინფიცირებული სასწრაფოს ექიმის ყველა კონტაქტი იდენტიფიცირებულია და ისინი თვითიზოლაციაში იმყოფებიან”, – ამის შესახებ ინფორმაციას ჯანდაცვის სამინისტრო ავრცელებს. „საგანგებო სიტუაციების კოორდინაციისა და გადაუდებელი დახმარების ცენტრის ექიმს კორონავირუსი დაუდასტურდა. ინფიცირების წყარო ეროვნული ბანკის კლასტერს განეკუთნება. ექიმის მდგომარეობა დამაკმაყოფილებელია და ის შესაბამის სამედიცინო დაწესებულებაშია მოთავსებული. ამ დროისთვის, ყველა კონტაქტი, რომელსაც მასთან შემხებლობა ჰქონდა, იდენტიფიცირებულია და ისინი თვითიზოლაციაში იმყოფებიან“, – აცხადებენ ჯანდაცვის სამინისტროში. ცოტა ხნის წინ გახდა ცნობილი, რომ თბილისში სასწრაფო სამედიცინო დახმარების ექიმს კორონავირუსი დაუდასტურდა.

მეტი...

“კრიტიკული პაციენტი ქვეყნის მასშტაბით არის შვიდი. უიმედო არცერთ არაა. თუმცა სადაც არ არის გამოსავალი ორია. ხუთი პაციენტის გადარჩენის შანსი მეტია”, – ამის შესახებ თბილისის ინფექციური საავადმყოფოს დირექტორმა განაცხადა. ცერცვაძის განცხადებით, ბოლო მონაცემებით, ქვეყანაში კორონავირუსით ინფიცირებული 148 პაციენტია. „თუმცა ვითარება ყოველ წუთში იცვლება. აქედან 60 პაციენტი ჩვენთან გადიოდა მკურნალობას. 22 პაციენტი გამოჯანმრთელდა და უკვე გაეწერა. ამჟამად ჩვენთან წევს 38 პაციენტი. 35 წევს პირველ საუნივერსიტეტო კლინიკაში, 19 გორის ჰოსპიტალში. დანარჩენი პაციენტები ბათუმში, ქუთაისში, ბოლნისში და საჩხერეში. სამი პაციენტი წევს რესპუბლიკურ საავადმყოფოში, რომლიც პროვაიდერი გახდა ამ სერვისის, სადაც COVID19-ით ავადმყოფებს უმკურნალებენ“, – აღნიშნა ცერცვაძემ.

მეტი...

თბილისში სასწრაფო სამედიცინო დახმარების ექიმს კორონავირუსი დაუდასტურდა. ის ეროვნული ბანკის თანამშრომლის მეუღლეა.  “ექიმი გადაყვანიალია შესაბამის დაწესებულებაში. მისი მდგომარეობა არის დამაკმაყოფილებელი სიმპტომები დაეწყო გუშინ. მივიღეთ გადაწყვეტილება, რომ ყველა პირი გადავიდეს თვითიზოლაციაში, ვისთანაც მას ჰქონდა შეხება. აღნიშნული ექიმი აგრძელებს მკურნალობას შესაბამის დაწესებულებაში“, – განაცხადეს სასწრაფო სამედიცინო სამსახურში.

მეტი...

ინფექციური საავადმყოფოს სამედიცინო დირექტორის მარინა ეზუგბაიას განცხადებით, კლინიკაში დღეს კორონავირუსზე ტესტირება 16 პაციენტს ჩაუტარდა და ყველა პასუხი უარყოფითი იყო. მისივე თქმით, ანალიზი აღებული აქვს კიდევ 8 პაციენტს, რომლის შედეგები ხვალ გახდება ცნობილი.  მარინა ეზუგბაიას თქმით, ქვეყანაში ამ ეტაპზე კვლავ 27 გამოჯანმრთელებული პაციენტია.  “როგორც დილას მოგახსენეთ, 148 დადასტურებული შემთხვევა რჩება აქამდე. ჩვენთან 40 დადასტურებული შემთხვევაა. ჩვენთან დღეს 16 პაციენტზე ჩატარდა ტესტები და აქედან უარყოფითია ყველა. არ შეგვმატებია. როგორც მე ვიცი, ჯერჯერობით, შემატებული არ არის დადასტურებული რაოდენობა, იქიდან გამომდინარე, რომ ლუგარის ლაბორატორიაში მიმდინარეობს კვლევის პროცესი. ჩვენთან მეორე ეტაპი დაიწყო უკვე, დილის მერე კიდევ არის აღებული დაახლოებით 8 პაციენტზე ტესტირება,…

მეტი...

კორონავირუსის დაფიქსირების დღიდან, ქართველი ექიმები ამ ვერაგ ვირუსს თავდაუზოგავად ებრძვიან. ქართველი მედიკოსების ძალისხმევა და ბრძოლა უხილავ მტერთან, მსოფლიოში სამაგალითოდ იქცა.  პირველი საუნივერსიტეტო კლინიკის გენერალური დირექტორი, ლევან რატიანი ერთ-ერთია იმ ექიმებს შორის, ვინც ყოველდღიურ რეჟიმში მართლაც რომ გმირულად ცდილობს ადამიანებს ჯანმრთელობა და სიცოცხლე შეუნარჩუნოს. “არასდროს არ ვაკლებ პაციენტს არაფერს. გულწრფელად შემიძლია გითხრათ, რომ რაც შემიძლია, შეძლებისდაგვარად, ყველაფერს ვუკეთებ და შეუძლებელსაც კი. დგება მომენტი, როდესაც ბიოლოგიური მოვლენა – სიცოცხლე მთავრდება სიკვდილით. აქედან გამომდინარე, ცუდი მომენტია, როდესაც პაციენტი გეღუპება, გეკარგება, მაგრამ, სამწუხაროდ, მის წინააღმდეგ ვერ წახვალ. დამარცხება ძალიან ცუდი მომენტია. ჩათვალეთ, რომ იმ…

მეტი...

თბილისის საკრებულოს უმრავლესობა პარტია „ქართული ოცნების“ ინიციატივას შეუერთდა, რომლის ფარგლებშიც, საკრებულოს უმრავლესობის წევრები, მომდევნო სამი თვის განმავლობაში, კორონავირუსთან ბრძოლის ფონდში საკუთარი ხელფასების 1/3-ს გადარიცხავენ. ფრაქცია „ქართული ოცნება – დემოკრატიული საქართველოს“ თავმჯდომარის, ბექა დავითულიანის განცხადებით, ქვეყანაში შექმნილი ვითარებიდან გამომდინარე, მნიშვნელოვანია იმ ადამიანების დახმარება, რომლებიც ამას ყველაზე მეტად საჭიროებენ. მისივე თქმით, საკრებულომ დაიწყო კამპანია, რომლის ფარგლებშიც, თბილისში მცხოვრებ სოციალურად დაუცველ, მრავალშვილიან ოჯახებს (ოთხი და მეტი შვილი) ეხმარება. ამ ინიციატივის შედეგად, უმრავლესობის დეპუტატები მოსახლეობის დასახმარებლად ფინანსებსაც გაიღებენ. „თბილისის საკრებულოს უმრავლესობის წევრები მხარს ვუჭერთ და ვუერთდებით მმართველი პარტიის მიერ მიღებულ გადაწყვეტილებას, რომ ხელფასების ერთ…

მეტი...

“4 აპრილიდან ლოცვები შუადღის 16:00 საათზე დაიწყება, ხოლო ტაძრები დაიკეტება არაუგვიანეს, 20:00 საათისა” – ამის შესახებ პატრიარქის პრეს-მდივანმა დეკანოზმა ანდრია ჯაღმაიძემ სპეციალურ ბრიფინგზე ისაუბრა. როგორც დეკანოზმა აღნიშნა, საქართველოს მართლმადიდებელმა ეკლესიამ ხსენებული ზომები კომენდანტის საათის შეზღუდვების შესრულების ფარგლებში მიიღო. მისი თქმით, შეტყობინება ახალი რეგულაციების შესახებ სასულიერო პირებს უკვე გაეგზავნათ. დეკანოზმა ასევე  იმ აუცილებლად შესასრულებელ ზომებზე ისაუბრა, რაც ტაძარსა და მის გარეთ აუცილებელი დისტანციის დაცვას გულისხმობს. „გეძლევათ სამი რეკომენდაცია: პატრიარქის კურთხევაა, რომ კომენდანტის საათის გათვალისწინებით, ხვალიდან ლოცვები დაიწყოს 16:00 საათზე, ხოლო ყოველდღე ეკლესია დაიკეტოს საღამოს 20:00 საათისთვის. შეგახსენებთ, რომ აუცილებელია ტაძრის ეზოში 1,5 მ-ის დაშორებით დროულად გაკეთდეს ნიშნულები. ამისათვის…

მეტი...