დღე: მარტი 26, 2020

ფოთის ჰოსპიტალში სენაკიდან მაღალი ცხელებით 84 წლის ქალი შეიყვანეს. პაციენტი 13 მარტს რუსეთიდან დაბრუნდა. სამი დღის წინ კი, მაღალი ტემპერატურა დაუფიქსირდა. როგორც საზოგადოებრივი ჯანდაცვის ცენტრში განმარტავენ, მას COVID-19- ის მკვეთრად გამოხატული სიმპტომები არ აქვს, თუმცა შესაბამისი ანალიზები საბოლოო პასუხისათვის ლუგარის ლაბორატორიაშია გადაგზავნილი. “პაციენტი დაახლოებით 40 წუთის წინ შემოვიდა საგანგებო სიტუაციების მართვის სამსახურის სენაკის ბრიგადიდან, სენაკიდან, ფოთის ჰოსპიტალში. გამომდინარე მისი კლინიკური სიმპტომებიდან, ეს პიროვნება არის ასაკოვანი, 84 წლის, ჩამოიყვანეს მოსკოვიდან და დააბინავეს სენაკში. ეს იყო 13-ში, სამი დღის წინ მას დაეწყო სიმპტომები ცხელების სახით 38 გრადუსი და მეტი, დანარჩენი COVID-19​-სთვის დამახასიათებელი სიმპტომები…

ბოლნისის მუნიციპალიტეტის ინფორმაციით, კერძო პირებისგან მიღებული შემოწირულობებით ნაყიდი სურსათი სოციალურად დაუცველ ოჯახებს, შეზღუდული შესაძლებლობის მქონე პირებს და მარტოხელა პენსიონერებს დაურიგდებათ. ბოლნისის მუნიციპალიტეტში დაგეგმილია ასევე პირბადეების დარიგება, რომელიც მუნიციპალიტეტს ჯანდაცვის სამინისტრომ გადასცა. თავდაპირველად ეს პირბადეები გადაეცემათ კერძო ობიექტებში დასაქმებულ მომსახურე პერსონალს, ასევე მუნიციპალიტეტის იმ სამსახურების წარმომადგენლებს, რომელთაც უშუალო კონტაქტი აქვთ მოქალაქეებთან.

წითელ ზონაში მოქალაქეების თერმოსკრინინგი გრძელდება. ეპიდემიოლოგებმა დაახლოებით 150 ათასი ადამიანის ტემპერატურა უნდა შეამოწმონ. მარნეულის შესასვლელში მავთულხლართებს და ბეტონის კონსტრუქციებს დღეს კიდეც ერთი, სიჩქარის შემზღუდავი დაბრკოლება დაემატა. წითელ ზონაში მუნიციპალიტეტის მაცხოვრებლები შედიან, მათ იციან, რომ ტერიტორიას საკარანტინო რეჟიმის გაუქმებამდე ვეღარ დატოვებენ. მარნეულის შესასვლელთან მოწყობილი გამშვები პუნქტის გავლით, ტერიტორიაზე, ამ დროისთვის, ძირითადად, სატვირთო ავტომობილები შედიან. მათი უმეტესობა მუნიციპალიტეტების ტერიტორიას გადაადგილებისთვის გამოიყენებენ და ტერიტორიის გავლით უკვე სომხეთში გადავლენ. შინაგან საქმეთა სამინისტროში განმარტავენ, რომ როგორც ცენტრალურ, ასევე მეორეხარისხოვან გზებზე აქტიურად მიმდინარეობს პატრულირება და უსაფრთხოების ზომები დაცულია.  ორივე მუნიციპალიტეტში, როგორც მარნეულში, ასევე ბოლნისში, სადეზინფექციო სამუშაოები ტარდება. მათ…

ზუგდიდის ინფექციურ კლინიკაში ვირუსის სიმპტომებით ოთხი ადამიანი შეიყვანეს. მათ ცხელება და ხველა აღენიშნებათ. ოთხივე მოქალაქე ერთი ოჯახიდან არის, მათ თურქეთში მოგზაურობის ისტორია აქვთ. ერთ-ერთი კი მცირეწლოვანია. კლინიკაში  აცხადებენ, რომ პაციენტების ჯანმრთელობის მდგომარეობა სტაბილურია. ახალ კორონავურსზე კვლევის მიზნით, მათი სინჯები ლუგარის ლაბორატორიაში სავარაუდოდ, უახლოეს საათებში გაიგზავნება.

პირველი საუნივერსიტეტო კლინიკის კლინიკური დირექტორის განცხადებით, ორსული ქალის მდგომარეობა, რომელსაც COVID 19 დაუდასტურდა, სტაბილურია. როგორც ექიმი ამბობს, ნაყოფს საფრთხე არ ემუქრება.  “დღეს შემოყვანილი იქნა ბოლნისიდან ორსული ქალბატონი, 25 წლის. არის 22 კვირის ორსული. 15 მარტს გადმოკვეთა აზერბაიჯანის საზღვარი და არის ბოლნისში მაცხოვრებელი. შემდეგ ჰქონდა ტემპერატურული რეაქცია და არსებული სწრაფი ტესტით დადგინდა კორონავირუსი. გადმოყვანილი იქნა ჩვენთან, ამჟამად ქალის მდგომარეობა არ არის მძიმე. ტემპერატურა ამ წუთში არ აქვს. შემოყვანის დროს ჰქონდა 37.1. ფილტვებში მოსმენით ქვედა წილებში შესუსტებულია სუნთქვა და ამიტომაც ჩაითვალა საჭიროდ კომპიუტერული კვლევის გაკეთება. ნაყოფი ცოცხალია, გულის ცემა კარგად ისმის,“ –…

მთავრობის შედგენილ ჩამონათვალში მითითებული ცხრა დასახელების პროდუქტების სამი თვის მარაგი არსებობს. ამის შესახებ აჭარის სოფლის მეურნეობის მინისტრმა, ტიტე აროშიძემ განაცხადა. მინისტრის თქმით, რეგიონში აქტიურად ხორციელდება შეზღუდვების მონიტორინგი, ასევე კონტროლდება კომერციული თუ სახელმწიფო ობიექტები ჰიგიენისა და დეზინფექციის კუთხით. დღეს საღამოს კი, სოფლის მეურნეობის სამინისტრო ბათუმის მერიასთან ერთად ქალაქის ქუჩების დეზინფექციას დაიწყებს. „იმ ცხრა პროდუქტთან დაკავშირებით, რომელიც მითითებულია მთავრობის მიერ შედგენილ ჩამონათვალში, გვაქვს მინიმუმ სამი თვის მარაგი, რომელიც ყოველდღიურად ივსება როგორც პორტის, ასევე სარფის საბაჟოდან შემომავალი ტვირთებით. ასე რომ, როგორც ბათუმში, ასევე მუნიციპალიტეტებში მარაგების კუთხით არის კარგი მდგომარეობა“, – განაცხადა პირველ არხთან ტიტე აროშიძემ.

როგორც ტიკარაძემ მთავრობის ადმინისტრაციაში გამართულ ბრიფინგზე განაცხადა, 62 წლის ქალის ახლო კონტაქტების მოკვლევა მარნეულში კვლავ გრძელდება. რაც შეეხება ორსულ ქალს, ის თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკაში მკურნალობას გადის. „დღეს ჩვენ გვყავს 79 პაციენტი, ერთი პაციენტი არის საყურადღებო, ორსული ქალბატონი, რომელიც არის ჩვენი მარნეულელი პაციენტის ახლო ნათესავი. იქედან გამომდინარე, რომ ჩვენ სწორედ მიზნობრივ ჯგუფებს ვიკვლევთ მარნეულში, გამოკვლევა მიმართულია ამ ქალის ახლო კონტაქტებისა და ნათესავების მიმართ. შესაბამისად, ამ კლასტერის გამოკვლევისას ჩვენმა სპეციალისტებმა დაადგინეს კოვიდის ინფექცია და ის გადმოყვანილია პირველ საუნივერსიტეტო კლინიკაში და ექიმები ზრუნავენ მის ჯანმრთელობაზე“, – განაცხადა ტიკარაძემ.