დღე: მარტი 20, 2020

საკოორდინაციო საბჭოს გადაწყვეტილებით, საზღვარგარეთ მცხოვრები თანამემამულეებისთვის კორონავირუსთან დაკავშირებით ონლაინ კონსულტაციები იწყება. საქართველოს შესაბამისი საელჩოს ფეისბუქ გვერდზე თბილისიდან განხორციელდება ექიმ-ინფექციონისტის პირდაპირი ჩართვა, ექიმი უპასუხებს შეკითხვებს, რომელსაც მაყურებლები დაუსვამენ კორონავირუსთან დაკავშირებით. “საქართველოს პრემიერ-მინისტრის ხელმძღვანელობით კორონავირუსთან დაკავშირებით შექმნილი უწყებათაშორისი საკოორდინაციო საბჭოს გადაწყვეტილებით, საქართველოს საგარეო საქმეთა სამინისტროს, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და დაავადებათა კონტროლის და საზოგადოებრივი ჯანმრთელობის ეროვნული ცენტრის ორგანიზებით, საზღვარგარეთ მცხოვრები თანამემამულეებისთვის კორონავირუსთან დაკავშირებით ონლაინ კონსულტაციები იწყება. მსოფლიოს იმ ქვეყნებში, სადაც დიდია საქართველოს მოქალაქეთა რაოდენობა, საქართველოს შესაბამისი საელჩოს ფეისბუქ გვერდზე თბილისიდან განხორციელდება ექიმ-ინფექციონისტის პირდაპირი ჩართვა, რომელიც ჩვენი თანამემამულეების შეკითხვებს უპასუხებს. პირველი ასეთი ონლაინ-კონსულტაცია გაიმართება დღეს – 2020…

„სასიამოვნოა ის, რომ დღევანდელი პაციენტები არ იმყოფებოდნენ კონტაქტში სხვა ადამიანებთან“ – ამის შესახებ ჯანმრთელობის დაცვის მინისტრმა ეკატერინე ტიკარაძემ განაცხადა. ტიკარაძის ინფორმაციით ახალი დაინფიცირებულების მდგომარეობა სტაბილურია. „არის შემთხვევები, როდესაც 7 – 8 დღეში ხდება ვირუსის დადგენა, ახალი პაციენტების შემთხვევაში 10 დღის შემდეგ იყო გამოვლენა. აქ სასიამოვნოა ის ფაქტი, რომ მათ ხშირი კონტაქტი არ ჰქონიათ სხვებთან. დგინდება ის ჯგუფი ვინც მათთან ერთად მგზავრობდა.“ – განაცხადა ეკატერინე ტიკარაძემ. შეგახსენებთ, რომ ახალი ინფიცირებულების შესახებ დღეს დილით გახდა ცნობილი. ისინი ერთი ოჯახის წევრები არიან და ამერიკაში იმოგზაურეს. ამჟამად ისინი ბოჭორიშვილის კლინიკაში იმყოფებიან, სპეციალისტები მათ მდგომარეობას…

კახა კალაძის ინფორმაციით მიმდინარეობს მსჯელობა, სახელმწიფოს მხრიდან რა დახმარებები განხორციელდება ეკონომიკური მიმართულებით. ქალაქის მერმა დღეს გამართულ ბრიფინგზე მოსახლეობას მიმართა. „დღეს ვიმყოფებით განსაკუთრებულ მდგომარეობაში. რა თქმა უნდა, ეს ყველაფერი და ჩვენი არსებული მდგომარეობა გავლენას იქონიებს ჩვენს ეკონომიკაზე, ისევე როგორც მსოფლიო ეკონომიკაზე. ჩვენ არავის დავტოვებთ ამ პრობლემების პირისპირ, შესაბამისად, სახელმწიფოს მხრიდან ამაზე უკვე დაწყებულია მუშაობა. თქვენ იცით, რომ არსებობს საკოორდინაციო საბჭო, რომელსაც პრემიერი ხელმძღვანელობს. მიმდინარეობს ყოველდღიური მსჯელობები და თუ რა დახმარებები იქნება ეკონომიკური მიმართულებით იმისთვის, რომ ხელი შევუწყოთ ბიზნესს და ადამიანებს, ეს ყველაფერი იქნება გაჟღერებული“,- განაცხადა კალაძემ.

“მნიშვნელოვანია, მოსახლეობის მხრიდან იყოს იმგვარი დამოკიდებულება, რომ არა კანონის ძალით და იძულებით ვმოქმედებდეთ, არამედ – ჩვენი თვითშეგნებით” – ამის შესხებ პარლამენტის ვიცე-სპიკერმა გიორგი კახიანმა განაცხადა. მისი თქმით, საგანგებო მდგომარეობის გამოცხადების შემთხვევაში, ხელისუფლებას ექნება მეტი ბერკეტი, რომ მოქალაქეების მხრიდან დაფიქსირებულ დარღვევებზე რეაგირება მოახდინოს. „საგანგებო მდგომარეობის გამოცხადება ნიშნავს იმას, რომ თუ მოქალაქეების მხრიდან ადგილი ექნება გადაცდომებს, ხელისუფლებას ექნება მეტი ბერკეტი, რათა აუცილებელი ზომები მიიღოს. ამიტომ ამ თვალსაზრისით საგანგებო მგომარეობის გამოცხადებამ ბევრი საკითხი, შესაძლოა, სხვაგვარად გადაწყვიტოს. რა თქმა უნდა, ძალიან მნიშვნელოვანია, რომ მოსახლეობის მხრიდან იყოს იმგვარი დამოკიდებულება, რომ არა კანონის ძალით და იძულებით ვმოქმედებდეთ,…

სწრაფ ტესტებს საქართველო ჩინეთიდან და კორეიდან მიიღებს. ჯანდაცვის მინისტრის ინფორმაციით ტესტები საჩუქრად ჩინეთის რესპუბლიკამაც გამოყო. „ჩვენ გუშინ საღამოს გვქონდა შეხვედრა დარგის სპეციალისტებთან. გაიწერა ზუსტად ის ალგორითმი, თუ რა ეტაპზე უნდა მოხდეს სწრაფი ტესტით პაციენტების დიაგნოსტირება. ასევე მივიღეთ გადაწყვეტილება, თუ რომელი სწრაფი ტესტის სახეობა იქნება საქართველოში შემოტანილი. ჩინეთის რესპუბლიკამ გამოყო საჩუქრად 1000 ტესტი, რომელიც შემდეგი კვირის დასაწყისში იქნება საქართველოში. ჩვენი სპეციალისტების მიერ მოწოდებული ალგორითმით მოხდება სწრაფი ტესტირება იმ პირებზე, რომლებზეც გვექნება ეჭვი კორონავირუსთან მიმართებაში. ასევე წარმატებით გრძელდება მოლაპარაკებები კორეის სახელმწიფოსთან, რის შედეგადაც ჩვენ ველოდებით დამატებით 200 ათას ტესტს. შესაბამისად, შემდეგი კვირის…