დღე: მარტი 18, 2020

“კორონავირუსის წინააღმდეგ ვაქცინის პირველი ტესტირება დაიწყო”, – ამის შესახებ ჯანმოს გენერალურმა დირექტორმა ტედროს ადანომ გებრეისუსმა დღეს გამართულ ბრიფინგზე განაცხადა. „ვაქცინის პირველი ტესტირება დაიწყო სულ რაღაც 60 დღეში მას შემდეგ, რაც ვირუსის გენეტიკური თანმიმდევრობა ჩინეთმა გაგვიზიარა. ეს წარმოუდგენელი მიღწევაა. გვსურს შევაქოთ მკვლევარები მსოფლიოს მასშტაბით იმისთვის, რომ სისტემატიურად ახორციელებდნენ ექსპერიმენტალური მედიკამენტების შეფასებას“, – განაცხადა ჯანმოს გენერალურმა დირექტორმა. 16 მარტს აშშ-ში მეცნიერებმა მოხალისეზე კორონავირუსის ვაქცინა დატესტეს​.

კორონავირუსი მხოლოდ წვეთოვანი გზით არ გადადის. ბოლო კვლევებით დგინდება, რომ ინფექცია ადამიანის ბიოლოგიურ მასალასთან შეხებითაც ვრცელდება. ჯანდაცვის მსოფლიო ორგანიზაციის ინფორმაციის, COVID 19-ის გადადების რისკი 60%-ია, თუმცა არსებობს ფაქტები, რომლებიც რისკს ამცირებს. ინფექციონისტების განმარტებით, კვლევების თანახმად, ვირუსის ბაქტერია ნივთზე, დაახლოებით, 48 საათი ჩერდება, რის გამოც, ჩვენი სამუშაო, ან საცხოვრებელი მუდმივ დეზინფექციას მოითხოვს. თუ აქამდე გავრცელების მთავარ რისკად წვეთოვანი გზა სახელდებოდა, ბოლო მონაცემებით, კორონავირუსის ბაქტერია კუჭნაწლავშიც ფიქსირდება.  სპეციალისტების მთავარი რეკომენდაცია ისევ რჩება ჰიგიენის მაქსიმალური დაცვა. ხელების დაბანვისკენ მოწოდება მსოფლიოში უკვე ვირუსულ ხასიათს იღებს. ყოველდღიურად ასობით ნივთს და შემდეგ სახეს ვეხებით. ქცევითი ფსიქოლოგია ადასტურებს, რომ ადამიანის სხეულს…

The Guardian-ის ცნობით, ჩინეთის მთავრობამ კორონავირუსის სამკურნალო ეფექტიანი პრეპარატი დაასახელა. ჩინეთის მეცნიერებისა და ტექნოლოგიის სამინისტროს წარმომადგენლის განცხადებით, პრეპარატი „ფავიპირავირი“, რომელსაც იაპონური კომპანია აწარმოებს, კორონავირუსის მკურნალობისთვის ეფექტიანი აღმოჩნდა. გამოცემის ცნობით, უჰანსა და შენჟენში წამლის 340 პაციენტზე ჩატარებულმა კლინიკურმა ტესტირებამ იმედისმომცემი შედეგები აჩვენა. კერძოდ, დაავადებულთა ანალიზებმა აჩვენა, რომ, მათ, ვინც „ფავიპირავირს“ იღებდნენ, კორონავირუსზე ტესტის პასუხი უარყოფითი 4 დღეში ჰქონდათ. ის პაციენტები კი, რომლებსაც ეს პრეპარატი არ მიუღიათ, საშუალოდ 11 დღეში გამოჯანმრთელდნენ. სპეციალისტების მტკიცებით, მედიკამენტს უსაფრთხოების მაღალი ხარისხი აქვს და ფილტვების მდგომარეობას დაახლოებით 91%-ით აუმჯობესებს.

გორის საკარანტინო სივრცეში გუშინ გვიან ღამით 35 ადამიანი  მოათავსეს. ისინი საქართველოს თავდაცვის სამინისტროს სამხედრო ჰოსპიტალში  აეროპორტიდან შეიყვანეს. როგორც ჰოსპიტალიდან „მედიაცენტრ მთავარს „ აცნობეს“ მოთავსებულებს შორის არიან სამხედრო პირებიც და უცხო ქვეყნის მოქალაქეებიც. ტესტის პასუხებს დღის მანძილზე ელოდებიან. ჰოსპიტალის წარმომადგენლების ინფორმაციით დღემდე სამხედრო ჰოსპიტალიდან ლუგარის ლაბორატორიაში გაგზავნილი ყველა ტესტის პასუხი უარყოფითი იყო. „შემოყვანილია გუშინდელი დღიდან 35 პირი, აქედან 4 უცხო ქვეყნის მოქალაქეა, არიან ასევე სამხედრო პირები და რიგითი მოქალაქეები. 6 შემთხვევა შეიძლება საეჭვოდ ჩავთვალოთ, მათი დაბალი ტემპერატურა აღენიშნებათ. დღის ბოლომდე ველოდებით პასუხებს ლაბორატორიიდან. დღემდე სამხედრო ჰოსპიტალიდან გაგზავნილ არცერთ შემთხვევაზე დადებითი პასუხი არ…

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილე პაატა იმნაძე მოსახლეობას სახლში დარჩენისკენ მოუწოდებს. კითხვაზე, ხედავს თუ არა ის მუნიციპალურ ტრანსპორტში საფრთხეს, ვინაიდან დღეიდან მასზე მოთხოვნა გაიზარდა, იმნაძე პასუხობს – „დარჩით სახლში“. „ამაზე შემიძლია ერთი პასუხი გავცე – ჩვენი რეკომენდაციაა, რომელიც რამდენადაც ვიცი, სოციალურ ქსელებშიც ყოფილა ატაცებული – „დარჩით სახლში“, – განაცხადა იმნაძემ.

„ტესტირების შემთხვევაში სწორედ ის პაციენტები, ვისაც ექნება მსუბუქად გამოვლენილი ფორმები იმკურნალებენ სახლში ექიმის რეკომენდაციით“ – ამის შესახებ ჯანდაცვის მინისტრმა ეკატერინე ტიკარაძემ საგანგებოდ გამართულ ბრიფინგზე განაცხადა. ტიკარაძე სამხრეთ კორეის მაგალითზე საუბრობს და აღნიშნავს, რომ „აგრესიულმა ტესტირებამ“ ეფექტურად იმუშავა რამოდენიმე ქვეყანაში. „აგრესიული ტესტირება გულისხმობს ყველა იმ კლასტერის ზუსტ ცოდნას, რომელ ჯგუფშიცაა გავრცელებული.. მსგავსი ტესტირება სამხრეთ კორეამ გამოიყენა და საკმაოდ ეფექტური გამოდგა. მათ დროულად გამოავლინეს დაავადება. ამ კუთხით გვაქვს მოლაპარაკებები როგორც სამხრეთ კორეასთან ისე სხვა ქვეყნებთან და დადებითად გადაწყვეტის შემთხვევაში ჩვენი საელჩოები უზრუნველყოფენ ტვირთს ჩამოტანას, რის შემდეგაც საჭიროების შემთხვევაში შევძლებთ მასიურ ტესტირებას“ –…