დღე: მარტი 12, 2020

თბილისის ინფექციური საავადმყოფოს დირექტორის, თენგიზ ცერცვაძის განცხადებით, მსოფლიოში არსებული ეპიდვითარების გათვალისწინებით, საქართველოში კორონავირუსის შემთხვევების მატება მოსალოდნელია. „თუ გავითვალისწინებთ მსოფლიოში ტენდენციას, რომ ევროპაში კატასტროფული სისწრაფით იზრდება, იტალია გადაცილდა ათი ათასს, საფრანგეთი, გერმანია, ესპანეთი – ორი ათასს, აშშ – ათასს, ჯანდაცვის მსოფლიო ორგანიზაციამ გამოაცხადა პანდემიად ის, რაც დე ფაქტოდ ჩვენ ისედაც ვიცოდით, დე იურე გამოაცხადა. ამ პირობებში, რა თქმა უნდა, ველოდებით მომატებას. აი, მაშინ გამოჩნდება, რამდენად ადეკვატური იქნება ჩვენი საპასუხო ღონისძიებები, გვექნება რამდენმე ათეული, რაღაც პერიოდის შემდეგ ერთი-ორი ასეული შემთხვევა, თუ გვექნება ათასები, როგორც არის ევროპაში, ყველაზე წამყვან, ცივილიზებულ, ძლიერ ქვეყნებში“,- აღნიშნა…

„გეუბნებით, რომ ბოლო შემთხვევა უკავშირდება იტალიას, დანარჩენზე პასუხის გაცემის უფლება არ მაქვს“ – ამის შესახებ დაავადებათა კონტროლის ცენტრის ხელმძღვანელმა ამირან გამყრელიძემ სპეციალურად გამართულ ბრიფინგზე განაცხადა. მან მოსახლეობას სოლიდარობისკენ და კორექტულობის დაცვისკენ მოუწოდა. „ადამიანი ვიდრე თვითონ არ იტყვის, რომ ინფიცირებულია მე არ მაქვს უფლება ვთქვა , ეს არის პერსონალური ინფორმაცია. ვამბობ, რომ ბოლო ინფიციერებული უკავშირდება იტალიას. სურათების გამოკიდვა, რომ ეს ინფიცირებულია, ის ინფიცირებულია არაა წესი მე ვარ თანაავტორი პაციენტის უფლებების კანონის, მე თუ არ დავიცავი ეს კანონი სხვა სულ არ დაიცავს” – განაცხადა ამირან გამყრელიძემ. ამირან გამყრელიძემ აქვე კიდევ ერთხელ განმარტა,…

“ჩინეთის გარეთ სიტუაცია, უფრო და უფრო უარესდება. ჩინეთს გარეთ, 125 ქვეყანაში დაფიქსირებულია 130 00-მდე ლაბორატორიულად დადასტურებული შემთხვევა. ანუ, ჩინეთის ნახევარზე უფრო მეტი”, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძ​ემ სპეციალურ ბრიფინგზე განაცხადა. გამყრელიძემ კიდევ ერთხელ განმარტა პანდემიის მნიშვნელობა. “მოგეხსენებათ, რომ ჯანმრთელობის მსოფლიო ორგანიზაციამ, გუშინ დღევანდელი გლობალური სიტუაცია კორონავირუსულ ინფექციასთან დაკავშირებით, პანდემიად გამოაცხადა. პანდემია, ესაა გლობალური ეპიდემია, როდესაც თითქმის ყველა ქვეყანასა და კონტინენტზეა.  ეს არის ყველაზე მაღალი რეგისტრის განგაში, რომელიც სახიფათოა მოსახლეობისთვის და ამიტომ ჯანმო საერთაშორისო წესების მიხედვით, მას აცხადებს საკმაოდ იშვიათად. გუშინ გამოცხადდა პანდემია, რათა უფრო…

ჟენევაში დიპლომატებთან შეხვედრაზე, ჯანდაცვის მსოფლიო ორგანიზაციის ხელმძღვანელმა, ტედროს ღებრეიესუსმა ქვეყნებს მოუწოდა, კორონავირუსის პანდემიასთან ბრძოლა გააორმაგონ. მისი თქმით, ვირუსის პანდემიად გამოცხადება ქვეყნების მხრიდან დანებებას არ ნიშნავს და შეკავების ღინისძიებების შემსუბუქება არასწორი და სახიფათოა. ღებრეიესუსის განმარტებით, შეკავების სტრატეგიის დროს, ყველა ქვეყანამ უნდა უზრუნველყოს ბალანსი ჯანმრთელობის დაცვას, ეკონომიკურ-სოციალური პრობლემების პრევენციასა და ადამიანის უფლებების პატივისცემას შორის. ცნობისთვის, გუშინ ჯანმრთელობის მსოფლიო ორგანიზაციამ კორონავირუსის გამო, პანდემია გამოაცხადა.

“ამ დროისთვის რამდენიმე ვაქცინაა შექმნილი. შექმნა არ არის რთული, ამის გამოცდას დიდი დრო მიაქვს, რომ უსაფრთხო იყოს ადამიანისთვის. ჯერ მთელი ეტაპებია ცხოველებზე გამოცდისთვის და შემდეგ უკვე ადამიანებზე ცდიან. არის სამი ფაზა, მანამდე ვაქცინა მწვანე შუქს ვერ ნახავს. ამიტომ, ჩვენი გათვლებით, წელიწად-ნახევარი დასჭირდება. 1,2,3 თვეში, ამის მოლოდინი ნუ გვექნება” – ამის შესახებ დაავადებათა კონტროლის ეროვნული ცენტრის ხელმძღვანელი, ამირან გამყრელიძემ ცოტა ხნის წინ განაცხადა. გამყრელიძე ვარაუდობს, რომ მოკლდე დროში შეიქმნება ის პრეპარატი, რომელიც უშუალოდ კორონავიეუსზე იმოქმედებს. „ჩემი ვარაუდით, უფრო მალე იქნება ე.წ ეტიოტროპული პრეპარატები, ანუ ისეთი პრეპარატები, რომლებიც უშუალოდ ამ ვირუსზე და ამ შტამზე მოქმედებენ. მსოფლიოში რამდენიმე წამყვან ლაბორატორიაში…

საქართველოს მთავრობის კორონავირუსთან დაკავშირებით შექმნილ ვითარებაზე განცხადებას ავრცელებს. „ჯანმრთელობის მსოფლიო ორგანიზაციამ გამოაცხადა კორონავირუსის პანდემია. საქართველოს პრემიერ-მინისტრის ხელმძღვანელობით, მთავრობის უწყებათაშორისი საკოორდინაციო საბჭო ქვეყანაში არსებული ვითარების და გლობალური სიტუაციის გათვალისწინებით ინტენსიურად მუშაობს და, ჯანმრთელობის მსოფლიო ორგანიზაციის მიერ რამდენიმე დღის წინ გამოცხადებული პანდემიისთვის მზაობის შესაბამისად, ახორციელებს საკუთარ სამოქმედო გეგმას. მსოფლიოს მასშტაბით არსებული სტატისტიკის გათვალისწინებით, კოორდინირებული და დროულად მიღებული ზომებით, საქართველოში ვითარება ამ ეტაპზე სტაბილურია. თუმცა, გამოწვევა ძალიან დიდია და თითოეულმა მოქალაქემ უნდა გამოიჩინოს მაღალი სამოქალაქო პასუხისმგებლობა, როგორც საკუთარი თავის, ასევე – საზოგადოების წინაშე. საქართველოს მთავრობა, განსაკუთრებით ჯანდაცვის, შინაგან საქმეთა, იუსტიციის, საგარეო, ეკონომიკის, განათლების,…

ინფექციური საავადმყოფოს ბოქსირებული განყოფილების უფროსის, მარინა ენდელაძის განცხადებით, 17 პაციენტზე ჩატარებული ტესტის პასუხები უარყოფითია. მისი ცნობით, მათგან 7 საქართველოში რომი-თბილისის რეისითაა ჩამოსული, რომლებსაც მაღალი ტემპერატურა აღენიშნებოდათ. ამასთან, როგორც ენდელაძემ ჟურნალისტებს განუცხადა, კორონავირუსით ინფიცირებული არც ერთი პაციენტის ჯანმრთელობის მდგომარეობა არ გაუარესებულა. „გუშინ გაგზავნილი ტესტის ყველა პასუხი მიღებულია და არც ერთს არ დადასტურებია კორონავირუსით ინფიცირება. ამჟამად გრძელდება ინფექციურში მყოფ, დადასტურებულ 21 პაციენტზე მკურნალობა. მდგომარეობა არავის არ გაუარესებია. არიან მსუბუქი, საშუალო და მათგან ერთი შედარებით მძიმე პაციენტი, თუმცა მდგომარება არ არის გაუარესებული, სუნთქვის უკმარისობა არ არის და ვაწარმოებთ დაკვირვებას”, – განაცხადა ენდელაძემ.

„დედა თუ დაინფიცირებულია ბავშვს ძუძუ უნდა აწოვოს ისე, რომ პირბადე აიფაროს, თუ დედის მდგომარეობა არაა სახარბიელო გამოწველილი რძე უნდა მიაწოდოს ჩვილს“ – ამის შესახებ „მედიაცენტრ მთავრის“ პრესკლუბში გამართულ პრესკონფერენციაზე გაეროს ბავშვთა ფონდის ჯანდაცვის პროგრამების ხელმძღვანელმა თამარ უგულავამ განცხადა. თამარ უგულავა აქცენტს ისევ უსაფრთხოების წესების დაცვაზე აკეთებს და აღნიშნავს რომ მიუხედავად სიმპტომატიკისა დედამ ბავშვის ძუძუთი კვება არ უნდა შეაჩეროს. „დედის დაინფიცირების შემთხვევაში დედას დამატებითი თავის დაცვის საშუალებები უნდა გააჩნდეს, ბავშვის ხელში აყვანის დროს წინასწარ უნდა იყოს დამუშავებული, ეს იმ შემთხვევაში თუ საშიშროებას ველოდებით, თუ დედის მდგომარეობაა არაა სახარბიელო დედამ უნდა გამოიწველოს რძე…

“ყველაზე მეტად ვიცით, რომ ავადდაებიან ქრონიკული დაავადებების მატარებელი ადამიანები, თუმცა ორსულებს განსაკუთებული სიფრთხილე მართებთ“ – ამის შესახებ „მედიაცენტრ მთავარის“ პრესკლუბში გამართულ პრესკონფერენციაზე გაეროს ბავშვთა ფონდის ჯანდაცვის პროგრამების ხელმძღვანელმა თამარ უგულავამ განაცხადა. უგულავა მთავარ რეკომედაციად ჰიგიენის ნორმების დაცვას თვლის და ორსულებს იმ წესების შესრულებისკენ მოუწოდებს, რაც მსოფლიოს ჯანდაცვის ორგანიზაციის მერ გაიცა. სპეციალისტი იმ მაჩვენებელზეც საუბრობს, რაც დღეს მსოფლიოში კორონავირუსთან დაკავშირებით სტატისტიკით ფიქსირდება: „სტატისტიკურად ვიცით, რომ ყველაზე მეტად მოწყვლადი ხდებიან ქრონიკული დაავადებების მატარებელი ადამიანები. ორსულობა მოწყვლადობის კრიტერიუმს არ წარმოადგენს, თუმცა უნდა გაფრთხილდნენ. ორსულებისთვის ეს დაავადება ისეთივე რისკის შემცველია როგორც ნებისმიერი სხვა ადამიანისთვის,…