თვე: თებერვალი 2020

დაავადებათა კონტროლის ცენტრის ხელმძღვანელი, ამირან გამყრელიძე მოსახლეობას ჰიგიენის წესების დაცვისკენ მოუწოდა. „ძალიან გთხოვთ, არ გაგეცინოთ, მაგრამ ერთი მოწოდება უნდა გაგიკეთოთ. ქართველებს გვახასიათებს, როცა ერთმანეთს ვხვდებით, ვკოცნით და ძალიან გთხოვთ, იქნებ, თავი შევიკავოთ. ეს მხოლოდ კორონავირუსს არ ეხება. ზოგადად, ჩამოვაყალიბოთ ჩვენში ეს კულტურა, რომ განსაკუთრებით ამ დროს არ არის საჭირო, როდესაც რესპირაციული ინფექციები ბობოქრობს., რომლებიც სწორედ წვეთოვანი გზით და ახლო კონტაქტით გადადიან. ასეთ დროს, ასევე არ არის რეკომენდაციებში ხელის ჩამორთმევა, ამიტომ, სჯობს ხელის აწევით მივესალმოთ ერთმანეთს“, – აღნიშნა ამირან გამყრელიძემ. საქართველოში კორონავირუსის პირველი შემთხვევა დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა,…

თბილისის ინფექციურ საავადმყოფოში კიდევ ერთი პაციენტი შეიყვანეს, რომელიც, სავარაუდოდ, აეროპორტის თანამშრომელია. ინფექციური საავადმყოფოს სამედიცინო დირექტორის, მარინა ეზუგბაიას განცხადებით, პაციენტს ტემპერატურა და სხვა სიმპტომები აღენიშნება და ის ამ დროისთვის კვლევებისთვის ემზადება.  „ცოტა ხნის წინ შემოიყვანეს პაციენტი. სავარაუდოდ აეროპორტის თანამშრომელი. ჩვენთვის ცნობილია, რომ მას აქვს ტემპერატურა, რესპირაციული სიმპტომები, სურდო, ხველა, ყელის ტკივილი. აღებულია პირველადი კვლევები, გაუკეთდება რენტგენი, ემზადება კვლევებისთვის. თუ არ ვცდები, გადმოყვანილია აეროპორტიდან“, – განაცხადა მარინა ეზუგბაიამ. როდის იქნება ბოლოს შეყვანილი პაციენტების ანალიზების პასუხები, უცნობია.

ინფექციური საავადმყოფოს სამედიცინო დირექტორის, მარინა ებუზგაიას განცხადებით, ინფექციურ საავადმყოფოში ამ ეტაპზე 21 პაციენტი იმყოფება. “დილას 10 პაციენტი იყო, დაგვემატა 11. 11-დან 5-თან უკვე გაკეთდა მყისიერი კვლევა კორონავირუსზე და მიღებულია უარყოფითი პასუხი. დანარჩენი პაციენტების კვლევა მიმდინარეობს და მოგვიანებით იქნება პასუხი, ან დღეს გვიან, ან ხვალ დილით. 6 პაციენტთან გამორიცხულია COVID-19, მათ ქონდათ გრიპით ინფიცირება და დარჩნენ ჩვენთან, დღეს მდგომარეობა დამაკმაყოფილებელია, ეს პაციენტები ფასდებიან როგორც კლინიკურად გამოჯანმრთელებულები და გადავლენ საკარანტინო სივრცეში”, – განაცხადა ეზუგბაიამ.

საქართველოს მოქალაქის მდგომარეობა, რომელსაც კორონავირუსი დაუდგინდა, დამაკმაყოფილებელია და მას გართულებები არ აღენიშნება. ამის შესახებ ინფექციური საავადმყოფოს ბოქსირებული განყოფილების უფროსმა, მარინა ენდელაძემ განაცხადა.  რაც შეეხება დანარჩენ მოქალაქეებს, რომლებიც ვირუსის ნიშნებით ინფექციურ კლინიკაში არიან შეყვანილები, მარინა ენდელაძე ამბობს, რომ მათი ანალიზის პასუხები დღეს გახდება ცნობილი. მისივე ინფორმაციით, ამ დროისთვის ბოქსირებულ განყოფილებაში 18 პაციენტია მოთავსებული. დღეს, ინფექციურ საავადმყოფოში 8 ახალი პაციენტი შეიყვანეს, მათი ნაწილი საქართველოში მილანის რეისით ჩამოფრინდა. პაციენტებს კვლევები ჩაუტარდათ, პასუხების ნაწილი დღესვე იქნება ცნობილი. 

საქართველოს პრეზიდენტის განცხადებით, დღეს ქვეყანაში კორონავირუსთან დაკავშირებით შექმნილი მდგომარეობა, როგორც მთელს მსოფლიოში სერიოზულია, მაგრამ არა საგანგაშო. ორბელიანების სასახლეში გამართულ შეხვედრაზე საქართველოს პრეზიდენტს ჯანდაცვის მინისტრმა და დაავადებათა კონტროლის ცენტრის ხელმძღვანელმა დეტალურად გააცნეს ქვეყანაში კორონავირუსთან დაკავშირებით შექმნილი ვითარება, მთავრობის მიერ განხორციელებული და დაგეგმილი პრევენციული ღონისძიებები. „დღეს მნიშვნელოვანია, რომ ყველა ზომა მიღებულია. საკოორდინაციო საბჭო სრულყოფილად მუშაობს და ჩვენი მოქალაქეები დაცულები არიან. საჭიროა, ყველამ დაიცვას ჰიგიენის რეკომენდებული ზომები, რათა ვირუსი არ გავრცელდეს. ქვეყანა დაცულია: საჰაერო მიმოსვლები შეზღუდულია იმ ქვეყნებთან, სადაც საჭიროა; ის საზღვრებია ჩაკეტილი, რომელიც საჭიროა. ჩვენ სრულ იზოლაციაში არ მოვაქცევთ ჩვენს თავს – ამის საჭიროება…