დღე: თებერვალი 11, 2020

ნარჩენების სეპარირებული შეგროვების თემაზე თელავში, სასტუმრო „ჰოლიდეი ინ“-ში, სიმულაციური ტრენინგი ჩატარდა. სწავლებას გურჯაანის, ყვარლის, სიღნაღისა და თელავის მუნიციპალიტეტის დასუფთავების სამსახურის წარმომადგენლები, სკოლის მოსწავლეები, სტუდენტები და უშუალოდ სასტუმროს თანამშრომლები დაესწრნენ. ტრენინგის დროს, აქცენტი გაკეთდა ისეთ საკითხებზე როგორიცაა, ნარჩენების დახარისხებული შეგროვების საჭიროება და მნიშვნელობა, დახარისხების წესები, და სხვ. შეხვედრის ბოლოს გაიმართა დახარისხების პრაქტიკული დემონსტრირება – მონაწილეებმა თავად დაახარისხეს ნარჩენები და განათავსეს ისინი შესაბამის ნარჩენების სეპარირებული შეგროვების ურნებში. ტრენინგი გაიმართა პროექტის “საყოფაცხოვრებო ნარჩენების სეპარირება – ახალი გამოწვევა და სარგებელი კახეთის რეგიონში“ ფარგლებში, რომელსაც ახორციელებს შპს “ეკოლაიფი” კახეთის 4 მუნიციპალიტეტში. აღსანიშნავია, რომ პროექტის ფარგლებში…

“კონკრეტული ჯგუფები დედაქალაქის სხვადასხვა რაიონში უნებართვო მშენებლობების განხორციელების გზით სახელმწიფო მიწების მიტაცებას ცდილობენ”,- ამის შესახებ დედაქალაქის მერმა ვიდეოდიალოგის ფორმატში ისაუბრა, როდესაც სოციალური ქსელის მომხმარებლის ანა დარასელიას შეკითხვას უპასუხა ავჭალაში მუნიციპალური ინსპექციის მიერ უკანონო მშენებლობების დემონტაჟთან დაკავშირებით. „ამ მიწების მიტაცება სრულებით მიუღებელია. ჩვენ არ დავუშვებთ, რომ ამ ჯგუფებმა ეს მოახერხონ. თუ მათ აქვთ საცხოვრებლის პრობლემა, დავეხმარებით, თუმცა უნდა აღინიშნოს, რომ რაც მოვიკვლიეთ, ყველას აქვს საცხოვრებელი. ჩვენ, რა თქმა უნდა, შესაბამის სამსახურებს გადავცემთ ამასთან დაკავშირებით ინფორმაციას, რომ დაიწყოს გამოძიება, რადგანაც, როგორც ვთქვი, ესენია სპეციალური ჯგუფები, რომლებიც ეწევიან ამ საქმიანობას. ერთ ღამეში ახორციელებენ…

თბილისის მერმა, კახა კალაძემ ახლაგორიდან დევნილი თეკლა ფერაძის დასახმარებლად მზადყოფნა გამოთქვა და მოქალაქეებს დედაქალაქის მერიისგან მაქსიმალური თანადგომა აღუთქვა. როგორც მან ვიდეოდიალოგის დროს განაცხადა, საჭიროების შემთხვევაში, მზადაა, თეკლა ფერაძეს დახმარება თავადაც გაუწიოს. „ბევრი შეტყობინება მოდის ახალგორიდან დევნილი თეკლა ფერაძის დახმარებასთან დაკავშირებით. თუ მოგვაწვდით საკონტაქტო ინფორმაციას, ყველაფერს გავაკეთებთ, რომ დავეხმაროთ, გვერდში დავუდგეთ და ჩვენი წვლილი შევიტანოთ მის გამოჯანმრთელებაში.  თუ საჭირო იქნება მეც ჩავერთვები და დახმარებას გავუწევ“, – განაცხადა კახა კალაძემ. თეკლა ფერაძეზე საკონტაქტო ინფორმაციის მოძიება და დახმარებასთან დაკავშირებული საკითხის გარკვევა თბილისის მერმა თავის მოადგილე სოფიო ხუნწარიას დაავალა. „მოქალაქეების მხრიდან მომართვიანობა ძალიან დიდია.…

“თბილისის ქუჩებში წლების განმავლობაში მიტოვებულ ავტომანქანებს, შესაბამისი კანონი დაარეგულირებს”, – ამის შესახებ თბილისის ვიცე-მერმა, ირაკლი ხმალაძემ ვიდეოდიალოგის ფარგლებში, ერთ-ერთი მოქალაქის შეკითხვის საპასუხოდ განაცხადა. როგორც მან აღნიშნა, მუშავდება საკანონმდებლო ცვლილება, რომლის მიხედვითაც, მუნიციპალიტეტი მსგავსი ავტომანქანების სპეციალურ სადგომზე გადაყვანის უფლებას მოიპოვებს. „ჩვენ ვამზადებთ სამართლებრივ ცვლილებებს იმ ავტომობილებთან დაკავშირებით, რომლებიც წლების განმავლობაში მუნიციპალურ ტერიტორიაზეა განთავსებული, იმისთვის, რომ მუნიციპალიტეტმა მოიპოვოს სამართლებრივი მექანიზმი და უფლება, რომ მსგავსი ავტომანქანების გადაადგილება და სპეციალურ სადგომზე გადაყვანა მოხდეს. ვეთანხმები კითხვის ავტორსაც და ყველას, ვინც ამ საკითხზე პრეტენზიას გამოთქვამს. რა თქმა უნდა, ამ საკითხს უახლოეს პერიოდში დავარეგულირებთ“, – აღნიშნა ირაკლი…