დღე: თებერვალი 4, 2020

„ნაციონალური მოძრაობა“  ცდილობს, მათ მიერ ინტერპრეტირებული წარმოდგენა რეალობად შემოგვასაღოს. ხელისუფლებამ, ამ ყველაფერს  პრაგმატული პოლიტიკა უნდა დაუპირისპიროს, რომელიც კონკრეტულ შედეგებზე იქნება ორიენტირებული“ – აღნიშნული განცხადება სოფიო ხორგუანმა „მედიაცენტრ მთავარში“ ოპოზიციის სტრატეგიასა და  ქვეყანაში დესტაბილიზაციის შექმნის მცდელობაზე საუბრისას გააკეთა. როგორც პოლიტიკოსი აღნიშნავს, ხელისუფლების მთავარი მოვალეობაა ხალხზე, საკუთარ მოქალაქეებზე ზრუნვა. „მიუხედავად უამრავი პროვოკაციისა, რომელიც სავარაუდოდ, გველოდება, ხელისუფლებამ ამ ყველაფერს უნდა შეხედოს პრაგმატულად, მშვიდად და შეეცადოს, კანონის დაცვით იმოქმედოს. ეს არის ის, რაც შეიძლება ვურჩიოთ ხელისუფლებას. რაც უფრო აგრესიული იქნება მოქმედება და განცხადებები „ნაციონალური მოძრაობის“  მხრიდან, მით უფრო მშვიდი და კორექტული უნდა იყოს ხელისუფლების…

სოფიო ხორგუანი ოპოზიციის იმ ლიდერებს მიმართავს, რომლებსაც პასუხისმგებლობა შერჩენილი აქვთ და ურჩევს, არ აჰყვნენ იმ სტრატეგიასა და დღის წესრიგს, რომელსაც „ნაციონალური მოძრაობა“ სთავაზობთ. როგორც პოლიტიკოსმა „მედიაცენტრ მთავარში“ გამართულ პრესკონფერენციაზე განაცხადა, „ნაციონალური მოძრაობის“ მთავარი სტრატეგია მიმართულია ქვეყნის წინააღმდეგ და ისინი საზოგადოებას მდარე ხარისხის თეატრალურ წარმოდგენას სთავაზობენ. „აგრესიული, უპასუხისმგებლო პოლიტიკური ლიდერების ჯგუფს მოედანზე დაკავებული აქვს ავანს-სცენა და მდარე ხარისხის თეატრალურ წარმოდგენებს გვთავაზობს. მათი საუბრები კანონის უზენაესობაზე თუ დემოკრატიზაციის პროცესის გაგრძელებაზე არის მხოლოდ ამ მდარე ხარისხის თეატრალური წარმოდგენის რეკვიზიტი და ბუტაფორია. მათი ქმედებები მიმართულია იქით, რომ დაიბრუნონ ის პრივილეგიები, რომლითაც ისინი სარგებლობდნენ ხელისუფლებაში…