დღე: იანვარი 2, 2020

ტურისტული სეზონის პიკზე ქვეყნის მთავარ სამთო კურორტებზე წყლით მომარაგების პრობლემა შეიქმნა. ბაკურიანი, ახალი წლის პერიოდში, რამდენიმე დღის განმავლობაში წყალი შეფერხებით მიეწოდებოდათ. შექმნილ ვითარებასთან დაკავშირებით, გაერთიანებული წყალმომარაგების კომპანიაში აცხადებენ, რომ ტურისტების გაზრდილი რაოდენობის გამო, ბაკურიანში წყლის მოხმარებამ მოიმატა. აქედან გამომდინარე, რამდენიმე დღის განმავლობაში წყლის წნევა არასაკმარისი იყო, რამაც წყალმომარაგებაში შეფერხება გამოიწვია. კომპანიის ინფორმაციით, მათი ჯგუფი ორი დღის განმავლობაში 24-საათიან რეჟიმში მუშაობდა პრობლემის დროულად აღმოსაფხვრელად. პარალელურად კი ამავე პერიოდში წყალი მიეწოდებოდა წყალმზიდების საშუალებით და ივსებოდა რეზერვუარები, რათა არსებული პრობლემა დროულად მოგვარებულიყო. კომპანიის ინფორმაციით, გაწეული სამუშაოების შედეგად, დღეს დილიდან ბაკურიანს წყალი სტაბილურად მიეწოდება. რაც შეეხება გუდაურს, კომპანიის ცნობით,…

ავტოსაგზაო შემთხვევა მოხდა ავლაბარში. მეტროსადგურ „ავლაბრის“ მიმდებარე ტერიტორიაზე ყვითელი სამგზავრო ავტობუსი გზის სავალი ნაწილიდან გადავიდა და ხეს შეეჯახა. მომხდარის შედეგად, ადგილზე დაიღუპა ავტობუსის მგზავრი, შუახნის ქალი. ავტობუსის მძღოლი დაშავებულია. მომხდარზე გამოძიება სსკ-ის 276-ე მუხლის მეექვსე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია. ადგილზე იმყოფებიან სამართალდამცველები.

უწმიდესმა და უნეტარესმა, სრულიად საქართველოს კათოლიკოს-პატრიარქმა – ილია მეორემ, საზოგადოებას ახალი 2020 წლის დადგომა მიულოცა.  მილოცვაში საქართველოს პატრიარქმა, რუსეთის პრეზიდენტს მიმართა და აღნიშნა, რომ ოკუპაცია უნდა დასრულდეს. “უნდა ვისწავლოთ ერთმანეთის მოსმენა, მინდა ვისარგებლო ამ შემთხვევით და მივმართო რუსეთის პრეზიდენტს, ბატონ ვლადიმერ პუტინს, უნდა დამთავრდეს აფხაზეთისა და ცხინვალის ოკუპაცია, აუცილებელია გვახსოვდეს, რომ საქართველო ღვთისმშობლის წილხვედრი ქვეყანაა, გისურვებთ ბედნიერებას, ღმერთმა დაგლოცოთ და გაგახაროთ”, – აღნიშნა პატრიარქმა. პატრიარქმა მილოცვაში საქართველოს მოსახლეობასაც მიმართა და შეახსენა, რომ ადამიანის ბედნიერება თავად ადამიანზეა დამოკიდებული, ასევე აღნიშნა, რომ მშობლების პატივისცემა შვილებისათვის დიდი ბედნიერებაა