დღე: დეკემბერი 18, 2019

სახელმწიფო ინსპექტორის სამსახურში “მწვანე სკოლის” დირექტორის მოადგილის გამოკითხვა დასრულდა.  როგორც მანანა ქაჯაიამ განაცხადა, მან სამსახურს მიაწოდა ის ინფორმაცია, რაც სკოლაში მისვლის შემდეგ დახვდა. “არ ჰქონდათ კითხვები, მომაყოლეს ისტორია, რა მოხდა იმ დღეს. მივიდნენ სკოლაში ბავშვები და თანამშრომლები და დახვდათ საშინელი სურათი, რომელმაც ძალიან დამთრგუნველი შთაბეჭდილება მოახდინა და გარკვეული ტიპის შიში, იმიტომ რომ ვერ მივხვდით რაში იყო საქმე და რა მესიჯები იყო. არ ვიცოდით იმ წარწერების მერე რამე იყო თუ არა სკოლაში. სკოლის უსაფრთხოების სამსახურმა გამოუძახა პოლიციას. მე ვნახე კადრები, მაგრამ ვერ ამოვიცანი ლუკა სირაძე,” – განაცხადა ქაჯაიამ. ცნობისთვის, სახელმწიფო ინსპექტორის სამსახურში ამ წუთებში…

15 წლის მოზარდის საქმეზე დაკავებული გამომძიებლის, მარიანა ჩოლოიანის ადვოკატის არჩილ შაბაშვილის განცხადებით, სკოლამ მოიპოვა მტკიცებულებები, რომლებიც გამოძიების შემდეგ, პოლიციას გადასცეს.  ადვოკატის ინფორმაციითვე, სკოლის ადმინისტრაციამ პოლიციას დაახვედრა ამოღებული ვიდეოკამერები, ბავშვების ინფორმაცია, ვინ იყო ამ კადრებზე აღბეჭდილი და ასევე ბავშვებისგან მოპოვებული ე.წ. სქრინშოტები. „რა ინფორმაციაც მე მისგან მაინტერესებდა მიმეღო, მე ის ინფორმაცია მივიღე. ის გამორიცხავს თავის მონაწილეობას ამ ქმედებაში. მისთვის ბრალი არც წარუდგენიათ და მიაჩნია, რომ ამ საქმეში უდანაშაულოა.  მნიშვნელოვანია ამ საქმეში გაირკვეს სკოლის წვლილიც, რადგან სკოლამ მოიპოვა მტკიცებულებებ, რომელიც გამოძახების შემდეგ პოლიციის თანამშრომლებს გადასცეს. სკოლის მიერ იყო ამოღებული ვიდეოკამერები, სკოლამ გამოკითხა ბავშვები, რომლებსაც ამოაცნობინა აწ გარდაცვლილი ბავშვი.…

მასწავლებელთა პროფესიული განვითარების ცენტრის წარმომადგენელი ლუკა სირაძის გარდაცვალებას ემოციური პოსტით ეხმაურება. სალომე ჩარკვიანი მომხდარში საზოგადოებას, მასწავლებლებს, მშობლებსა და სახელმწიფოს ადანაშაულებს. “მშობლებო, გაგიკვირდათ? მე არ გამკვირვებია, იმიტომ რომ ყოველ დღე მიწევს თქვენი აგრესიისგან თქვენივე შვილების, ან მათი რთული ქცევის მქონე კლასელების დაცვა და ვერ ვიცავ, იმიტომ რომ თქვენ უმრავლესობაში ხართ. მასწავლებლებო, გაგიკვირდათ? მე არ გამკვირვებია, იმიტომ რომ ყოველ დღე მესმის, როგორ რიყავთ ჯგუფიდან თქვენი საზომით წარუმატებელ ბავშვებს, როგორ შეურაცხყოფთ მათ პატარა პიროვნებას, როგორ ლანძღავთ ამ დაუმორჩილებელ ჭინკებს. ვერ ვიცავ მათ, იმიტომ რომ თქვენ უმრავლესობაში ხართ. ტრანსპორტის მგზავრებო, შეშფოთდით, ხო? თქვენ ხართ, ამრეზით რომ…

“15 წლის ლუკა სირაძისთვის წესის აგებაზე არ იქნება დაბრკოლება. პატრიარქმა მისცა კურთხევა”, – ამის შესახებ საპატრიარქოს პრესცენტრის ხელმძღვანელმა, დეკანოზმა ანდრია ჯაღმაიძემ განაცხადა. საეკლესიო წესების მიხედვით, თვითმკვლელობის შემთხვევაში გარდაცვლილს წესს არ უგებენ. თუმცა. როგორც საპატრიარქოს პრესცენტრის ხელმძღვანელი ამბობს, ამ შემთხვევაში გარდაცვლილ მოზარდს წესს აუგებენ.  შეგახსენებთ, რომ 15 წლის მოზარდი, რომელმაც რამდენიმე დღის წინ თვითმკვლელობა სცადა, გუშინ საღამოს საავადმყოფოში გარდაიცვალა. მისი მდგომარეობა უკიდურესად მძიმე იყო, მოზარდს ტვინის შეშუპება დაეწყო. ჩატარებული ოპერაციის მიუხედავად, მისი გადარჩენა ექიმებმა ვერ შეძლეს.

ხორავას ქუჩაზე მოკლული დავით სარალიძის მამა ზაზა სარალიძე სოციალურ ქსელში 15 წლის გარდაცვლილი ლუკა სირაძის ძველ სტატუსს აზიარებს და გარდაცვლილი დავით სარალიძეს და ლევან დადუნაშვილს მიმართავს, იმქვეყნად, ღირსეულად დახვდნენ მას. “ბიჭებო, თქვენთან მოდის კაცი და აბა თქვენ იცით, როგორ დახვდებით!”, – წერს ზაზა სარალიძე. შეგახსენებთ, 15 წლის მოზარდი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. “მწვანე სკოლის” ყოფილმა მოსწავლემ თვითმკვლელობა 12 დეკემბერს, მას შემდეგ სცადა, რაც “მწვანე სკოლაში” მომხდარ ინციდენტთან დაკავშირებით პოლიციის განყოფილებაში მოწმის სახით დაიკითხა.

“სახეზეა ნიშნები, რომ დარღვეული იყო არასრულწლოვანთა მართლმსაჯულების კანონმდებლობა, ადგილი ჰონდა არასრულწლოვნებზე ზეწოლას და ჩვენების მიცემის იძულებას,” – ეს განცხადება სახალხო დამცველმა, სახელმწიფო ინსპექტორთან შეხვედრის დასრულების შემდეგ გააკეთა. როგორც ლომჯარიამ აღნიშნა, გამოკითხვა სავარაუდოდ, ღამის საათებში ჩატარდა, რაც ასევე არღვევს კანონმდებლობას. “საეჭვოა დრო და გამოკითხვის ხანგრძლივობაც. გამოკითხვა სავარაუდოდ ღამის საათებში ჩატარდა, რაც არღვევს კანონმდებლობას. არ მინდა დეტალებში შევიდე, მაგრამ მთელი რიგი გარემოებები იკვეთება, რაც მიანიშნებს, რომ არ იყო ძალადობისაგან თუ ფსიქოლოგიური იძულებისგან თავისუფალი გარემო. პოლიციაში გამოკითხვის დროს არასრულწლოვანთა დაპირისპირებაც მოხდა, რაც დამატებით სტრესი იყო”, – აცხადებს სახალხო დამცველი. ამასთან, სახალხო დამცველის თქმით,…

შავი ზღვის საერთაშორისო უნივერსიტეტისა და ილიაუნის ლექტორი და მასწავლებელი მარიამ მერკვილაძე 15 წლის ლუკა სირაძის გარდაცვალებას ეხმაურება და ემოციურ პოსტს აქვეყნებს. როგორც პოსტში წერს, ლუკა მისი პირველი მოსწავლე იყო. “ყველასთვის შემაძრწუნებელია ის, რაც მოხდა. მათ, ვინც ცოტა ხნით, ცხოვრების რომელიმე ეტაპზე შეხვედრია ლუკას ეს ამბავი კიდევ უფრო მძიმეა. ეს იყო წლების წინ. მაშინ ლუკა მხოლოდ 6 წლის იყო. ახლაც თვალწინ მიდგას მისი დაკოფსილი ცხვირი, მისი დიდი ლურჯი ბრიალა თვალები, სავსე სიხარულით, აღტაცებით, სიცოცხლის წყურვილით. ახლაც შენახული მაქვს მისი წერილები, ნახატები და ხშირად მათში გახვეული შოკოლადები, რომლებსაც ხან გაკვეთილის დაწყებამდე მახვედრებდა და მორცხვად…

დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელის, პაატა იმნაძის ინფორმაციით, ამ დროისათვის, სახელმწიფო პროგრამით, უკვე 90 ათასი ადამიანის აცრილი, 10 ათასამდე ვაქცინა კი რეზერვშია. აღნიშნულის შესახებ პაატა იმნაძემ „მედიაცენტრ მთავარში“ გამართულ პრესკონფერენციაზე ისაუბრა. მისი განმარტებით, სახელმწიფო უფასო აცრებს რისკის და გარკვეული პროფესიული კატეგორიის ადამიანებს სთავაზობს:   „90 ათასი ადამიანი უკვე აცრილია სახელმწიფო პროგრამით, ანუ უფასოდ ვისაც ეკუთვნოდა აცრა, ესენი არიან მაღალი რისკის ჯგუფის მქონე ადამიანები და გარკვეული პროფესიული ჯგუფები. მაგალითად, სამადიცინო პერსონალი და საბავშვო ბაღის აღმზრდელები და ჩემი ინფორმაციით, დაახლოებით 40 ათასი ადამიანია აცრილი კერძო სექტორში“, – აცხადებს პაატა…

“რომ მცოდნოდა ასე დამთავრდებოდა ეს ამბავი, სულ დაეწვათ ეს სკოლა, არ გამოვიძახებდი პატრულს,” – ამის შესახებ ჟურნალისტებთან თბილისის “მწვანე სკოლის” დირექტორმა კახა დავითულმა განაცხადა. მისი თქმით, როცა უცხო ადამიანი შევა სკოლის ტერიტორიაზე და აზიანებს მას, სკოლას აქვს ვალდებულება, პატრული გამოიძახოს: “თუ იმას გულისხმობთ, რომ 112-ში დავრეკეთ, როდესაც ჩვენ ვნახეთ დაზიანებული სკოლა და უცხო ადამიანი სკოლის ტერიტორიაზე შემოსული, ვალდებულება გვქონდა პატრულისთვის დაგვერეკა. მე რომ მცოდნოდა ასე დამთავრდებოდა ეს ამბავი, სულ დაეწვათ ეს სკოლა, არ გამოვიძახებდი პატრულს, მაგრამ მე არ მინდა დემონიზება იმის, რომ რაღაც ინციდენტის შედეგად ჩვენ არ გამოვუძახოთ 112-ს,”- განაცხადა…

რატომ დატოვა „მწვანე სკოლა“ 15 წლის მოზარდმა ლუკა სირაძემ, რომელიც ამავე სკოლაში მომხდარი ინციდენტის გამო დაიღუპა, ამ დროისათვის უცნობია. სავარაუდო ინფორმაციას, რომ თითქოს ის სკოლიდან თანხის გადაუხდელობის გამო გაუშვეს, „მწვანე სკოლის“ მოსწავლეთა მშობლები „მედიაცენტრ მთავართან“ არ ადასტურებენ და აცხადებენ, რომ ამ მხრივ, სკოლის ადმინისტრაცია მოსწავლეებს პრობლემას არ უქმნის: „ხშირად გვქონია თანხის გადაუხდელობის და ვადაგადაცილების შემთხვევები, მაგრამ დავალიანების გამო, ბავშვები სკოლიდან არასდროს გაურიცხავთ. პრობლემა, სწავლის საფასურის გადაუხდელობის გამო, სკოლის ადმინისტრაციას ბავშვებისთვის არასდროს შეუქმნია,“- აცხადებს „მედიაცენტ მთავარის“ მიერ გამოკითხული „მწვანე სკოლის“ არაერთი მოსწავლის მშობელი. მათივე ვერსიით, არასრულწლოვანმა სკოლა მშობლის განცხადების საფუძველზე დატოვა.

„მეორე კვირაა, ზამთრის ვირუსების მატების ფაზაში ვართ, თუმცა გრიპით ავადობა გაცილებით ნაკლებია, ვიდრე იყო გასულ წლებში“, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელმა პაატა იმნაძემ „მედიაცენტრ მთავარში“ გამართულ პრესკონფერენციაზე ისაუბრა. მისი ინფორმაციით, დაავადებათა შემთხვევები ნაკლებია და გრიპი ჯერჯერობით კიდევ არ არის წამყვანი ვირუსი, თუმცა მატების პერიოდი სავარაუდოდ, დეკემბრის ბოლომდე გაგრძელდება: „ზამთრის დადგომასთან ერთად, მოდის ზამთრის ვირუსები. მატება დაწყებულია, უკვე ორი კვირაა, თუმცა ავადობის მაჩვენებელი ჯერჯერობით, გაცილებით ნაკლებია, ვიდრე იყო შარშან და შარშანწინ. ჰოსპიტალიზაცია გაცილებით ნაკლებია, ვიდრე გასულ წლებში. გრიპი ჯერ არ არის წამყვანი ვირუსი, თუმცა უკვე…