დღე: დეკემბერი 6, 2019

საპარლამენტო უმრავლესობის ლიდერი მამუკა მდინარაძე გაერთიანებული ოპოზიციის ერთ-ერთი წევრის, ნინო ბურჯანაძის მოსკოვში ვიზიტს ეხმაურება. „მაშინ, როდესაც შედგა დიდი ოპოზიციური ერთობა „ნაციონალური მოძრაობის“ ირგვლივ, ამ ერთობის ერთ-ერთი წარმომადგენელი და ლიდერი აღმოჩნდა მოსკოვში. რას უნდა ნიშნავდეს? მოდით, ფაქტის აღნიშვნის იქით ნუ წავალთ. ჩვენ ჩვენი შეფასებები გვაქვს, რომელიც ვიღაცას შეიძლება სუბიექტურად მოეჩვენოს, მაგრამ ფაქტი არის ის, რომ ამ დიდი ოპოზიციური გაერთიანების შემდეგ, სულ რამდენიმე დღეში, მათი საერთო გეგმების დასახვის პარალელურად, ქალბატონი ნინო მოსკოვში აღმოჩნდა. ეს იმას ნიშნავს, რომ არ არის გამორიცხული, რუსული გეგმებიც იყოს“, – განაცხადა მამუკა მდინარაძემ. მისივე თქმით, საქართველოში სახელმწიფო დგას…

საქართველოში ევროკავშირის წარმომადგენლობის ხელმძღვანელის კარლ ჰარცელის განცხადებით, ოპოზიციასა და მმართველ გუნდს შორის, მოკლე დროში კომპრომისის მიღწევა  არარეალისტურია. კარლ ჰარცელის თქმით,  ევროკავშირი პროცესებზე დაკვირვებას აგრძელებს. “შევაფასებთ ყველა ინიციატივას, რომელიც წარმოდგენილი იქნება. რადგან აბსოლუტურად დარწმუნებული ვარ, რომ საუკეთესო გზა ყველასთვის ხიდების შენებაა და აუცილებელი კომპრომისის პოვნაა. ყველაფერი დიალოგზეა დამოკიდებული. დიალოგი პროცესია. პირველი შეხვედრის შემდეგ რაც ვთქვი, იყო ის, რომ დიალოგი პატივსაცემი და სასარგებლო იყო. ამ შეხვედრის შემდეგ მქონდა განცდა, რომ გვქონდა პლატფორმა და სურვილი ორივე მხარის მხრიდან ამ პროცესში ჩართვის თაობაზე. ის, რომ კომპრომისის პოვნა და საკითხის მოგვარება დაუყოვნებლივ მოხდება, არარეალისტურია. მოვლენებზე…

უმრავლესობის წევრის, დეპუტატი შოთა ხაბარელის განცხადებით, დეპუტატთა ნაწილის ინიციატივა სრულად მაჟორიტარული სისტემის ამოქმედების თაობაზე საინტერესო წინადადებაა, თუმცა საკითხს სიღრმისეული გაცნობა სჭირდება. „მსჯელობა იქნება და დისკუსიაში შევალ. მყარი არგუმენტები მინდა, რომ ინიციატივას მხარი დავუჭირო“, – განაცხადა ხაბარელმა. შეგახსენებთ, რომ 11 მაჟორიტარი, რომლებმაც პროპორციულ საარჩევნო სისტემაზე გადასვლას მხარი არ დაუჭირეს, ახლა შერეული სისტემის გაუქმებასა და 2020 წლის შემდეგ სრულად მაჟორიტარული სისტემის ამოქმედებას ითხოვს.

დეპუტატი ბექა ნაცვლიშვილის განცხადებით, ქართულ პოლიტიკაში ბოლო დროს განვითარებული მოვლენები სიმულაციური პროცესის გაგრძელებაა. ნაცვლიშვილის თქმით, ოპოზიციის მიერ დარეგისტრირებული ე.წ. გერმანული მოდელის კანონპროექტი და ახლა უკვე მაჟორიტარ ჯგუფთა ახალი ინიციატივა, ორი პოლიტიკური ძალის „უაზრო, თითქოს და ბრძოლის სიმულაციაა“. ნაცვლიშვილი ამბობს, რომ პოლიტიკური ძალების მხრიდან საკუთარი საკონსტიტუციო ინიციატივების განხილვაზე საუბრით, ყურადღების მიღმა რჩება რეალური პრობლემები, რომლებიც მოსახლეობას აწუხებს. „ჩვენს პოლიტიკაში რაც ხდება, ეს არის სიმულაციის გაგრძელება. იცით, რომ „ევროპულმა საქართველომაც“ დაარეგისტრირა საკანონმდებლო ცვლილება, რომელსაც ასევე სჭირდება საკონსტიტუციო უმრავლესობა და „ქართული ოცნებაც“ არეგისტრირებს. აი, ეს არის ორი პოლიტიკური ძალის ამ უაზრო, თითქოს ბრძოლის…

“ხელისუფლება რეალობის განცდას კარგავს და მიიჩნევს, რომ თუ მეორე მხრიდან რადიკალურად შეუტევს თავისუფალი და სამართლიანი არჩევნების იდეას, ამით იმ დიდ უბედურებას გადააგორებს, რაშიც მან ქვეყანა გახვია პროპორციულ არჩევნებთან დაკავშირებით”, – ამის შესახებ „შენების მოძრაობის“ ლიდერმა, დავით უსუფაშვილმა განაცხადა. როგორც დავით უსუფაშვილმა აღნიშნა, პროპორციული არჩევნები იყო ქვეყნის დამშვიდების, ეროვნული კონსოლიდაციის ინსტრუმენტი. „ახლა თავგზააბნეული ხალხი ცდილობს, უკვე სხვა მიმართულებით დიდი შეცდომები დაუშვას. ამის საშუალება ჩვენ არ უნდა მივცეთ პრინციპულობით, კონსტიტუციურ ჩარჩოებში პროტესტის გამოხატვით, საერთაშორისო თანამეგობრობასთან მჭიდრო ურთიერთობითაც და არჩევნებისთვის მზადებითაც. ჩვენ ყველანი ამით ვართ დაკავებულნი“, – განაცხადა დავით უსუფაშვილმა.

უმრავლესობის წევრის, მცხეთის მაჟორიტარი დეპუტატის, დიმიტრი ხუნდაძის განცხადებით, “ქართული ოცნების” უმრავლესობის სხდომაზე, დეპუტატების ნაწილის მიერ მომზადებულ კანონპროექტზე შეჯერება ვერ მოხდა. დეპუტატის თქმით, საჭიროა უმრავლესობის მორიგი შეხვედრა ჩაინიშნოს. დიმიტრი ხუნდაძის განმარტებით, კანონპროექტის ავტორები, პროცესის სრული დაცვით, ხელმოწერების შეგროვებას იწყებენ. “ეს შეხვედრა არ იყო საკმარისი, უნდა შედგეს კიდევ ერთი შეხვედრა, თუმცა,  დადებითი პასუხი ვერ მივიღე. ვერ მივიღე დადებითი პასუხი კითხვებთან დაკავშირებითაც, რომელიც გვაქვს. ამიტომ, გავაგრძელებთ პროცესს, გავალთ ხალხში, გავაცნობთ კანონპროექტს, დავიცავთ ყველა პროცედურულ საკითხს. ვარ უმრავლესობის წევრი, დამფუძნებელი და კანონმდებელი, მაქვს უფლება, მით უმეტეს პროცედურების დაცვით გავიდე ხალხში, შევაგროვო 200 ათასი ხელმოწერა…

“ქართული ოცნების” ოფისში უმრავლესობის სხდომა დასრულდა. როგორც საპარლამენტო უმრავლესობის ლიდერმა მამუკა მდინარაძემ შეხვედრის შემდეგ განაცხადა, სრულად მაჟორიტარულ სისტემაზე გადასვლასთან დაკავშირებით კანონპროექტი ამ პარლამენტში  მხარდაჭერას ვერ მოიპოვებს და 2024 წელს ქვეყანა პროპორციულ სისტემაზე გადავა დეპუტატის თქმით, უმრავლესობის დაშლის საფრთხე, მიუხედავთ განსხვაბული მოსაზრებებისა არ არსებობს. “არ დაგიდასტურებთ დაპირისპირებას. ესაა ჯანსაღი კამათი. მიხეილ ყაველაშვილს დაჩი ბერაიას, დიმიტრი ხუნდაძე, გოგა გულორდავას აქვთ უფლება, რომ ილაპარაკონ ნებისმიერ თემაზე, მეორე საკითხია ჩვენ ამას დავეთანხმებით თუ არა. პროპორციული სისტემა ამ ქვეყნისთვის არის კარგი, საპირისპირო სისტემაზე ვფიქრობ არც კი უნდა ვისაუბროთ. საქართველოს პარლამენტში კონსტიტუციური ცვლილებების რესურსი არ არსებობს,…